呢段時間真係可謂空中飛人，寫呢篇文的時候，我人其實係晌北京的酒店裡，完成左今日的工作才得閒寫下野．   Anyway ，呢幾日有一件事其實係令我有點感覺的．話說琴日上機的時間，有條十八歲左右的大學生坐係我隔黎，佢上機的時候係同兩個疑似同學的人一齊，經過我隔黎就坐入去中間的． 呢個十八歲的小朋友，個子不高，頭髮無咩造型，著衫唔太講究，加上佢同佢果兩個朋友都係同一個 style ，簡單黎講佢應該叫做電車男吧． 坐係我側邊的佢一直都無乜異样，長期都係好專心咁睇緊佢自己的一本簡体字小說．其實佢一直無開口，我都唔知佢會唔會其實係強國學生．不過反正佢係乜，其實對我都無乜關係，所以我都唔係太為意． 對於時下咁富庶，物質要求的香港年青人，出外旅遊坐飛機，應該並非什麼特別事，所以之後簡單一段對話，就讓我感到有點驚訝．   事緣到派餐的時候，空姐到我這一排，一般都會先由最靠窗的果位乘客問先．由於最入面個乘客個样係超級強國，所以空姐就用普通話問： ” 仙生，禾門友炒支旦和支肉 Joe” ．入面個強國人就話要支肉 Joe ，跟住個空姐再問： ” 你要什麼型片果支呢？ ” 　個強國人就答要咖啡． 重點終於到了，我相信個空姐同我都有共同的 expectation ，認為中間個電車男都係香港人同埋出個下阜，所以個空姐好慳時間就用廣東話問： ” 先生你呢 ?” 突如其來的一下令到中間個電車男打左個突，果一下你感覺到佢好懷疑點解個空姐唔用廣東話重覆個選擇一次，而只係問佢要乜．一時轉不過佢的電車男勉強係個口中唧出兩個字 – “ 隨便 ” ． ” 隨便 ” 呢兩個字對於我呢個 frequent traveler 一聽就知呢條靚仔咩料子－ 應該係飛機處男（除非之前屋企人幫佢叫餐或之前飛機太短無上餐另計） 普通話唔掂（個空姐咪又係香港人廣東話，唔難聽囉） 經驗不足（唔識咪問下人你有咩比我揀囉，隨便即係咩姐？）   可能你會話我以片蓋全，但追開我個 Blog 的人都知我成日都係以片蓋全，所以我唔覺有咩問題．不過，其實個空姐有幫我 double confirm 呢個電車男是否真的如我所想，因為空姐係上完個餐比佢之後問 : “ 你要 d 咩果汁飲品呢 ?” ，根住條靚仔好開心好快咁答佢，可能係因為今次同上次唔同，有得二揀一嘛， Multiple Choice ，是但揀一個實無死，於是佢答

曾經係我細個的時候，我個朋友仔個老豆係車入面對佢講過以下一番說話： 呢個世界有三種人， 第一種人，係個天未落雨，就會諗定口渴時點解決問題，所以佢地會一早挖定個井。 第二種人，係平時唔理野，但殺到埋身就焗住解決問題，臨渴先黎挖井。 第三種人，係我朋友果時個種，咩事都好都係唔會理，渴死都唔會挖井。 最近呢番說話對我又有一番體會，由於公司有一些變化，幾個月之後可能會影響我地各sales的收入，大家都人心惶惶，有人更擔心可能會無左份工作。當然，我都會擔心之後會係一個咩情況。 對於我黎講，我份工就係我的主要收入來源，但我由第一日出黎做野就知道打工有太多不可預期的因素，而呢一日好大機會會來臨，所以與期係坐係度等人湯，倒不如一早要諗定後路，等跌落黎的時候都有個cushion。我相信，我應該係第一種人。 回想過去，我都好慶幸自己係2009年開窺，如果唔係呢家就真係大穫。畢竟，2008年前我都係一條傻仔，如果我keep住那時果種狀態到今日，可能我呢家都係無樓又無錢，像我其他同事咁一样咁徬徨。 可能有人會challenge我說如果無左份工，咁你要供樓咪仆街囉。呢個當然會有影響，雖則我租金收入未到最好的狀態，但係有幾層樓係手的彈性就唔同好多，中間可以賣樓減持，或者大變細套現，總之我諗如果一個正常人供樓，你能夠手持一百幾十萬（或大約兩三年的供款），加上貸款比率係50-60%，都應該叫做安全的。 人生的兩份工（幫人打工同幫自己打工），如果有一份大打折扣，又或無左，如果對你有好大影響的，一定要盡早令另一份工穏定下來。我雖則未到財務自由，有機會呢家可能令我的計劃比打斷，但至少現狀黎計，我仲可以靠財技，大幅增持現金並保持同一的租金收入，呢個防守的過渡期我相信係9個月，9個月下來我相信到時我的財務狀態會更健康。 所以，我重申我好慶幸今天我有樓市作為我的backup，呢件事更令我意識到如果只靠租樓的人係幾咁錯。如果你身邊有人要買自住樓的，我還是建議係承擔能力可以頂得住下，買間細樓上車，始終做第二種人，哪怕臨渴先黎挖井，辛苦就辛苦Ｄ，但都叫唔會渴死。 不過最怕就係無論租樓定買樓都唔關佢事果種第三種人，呢種人你同佢講咩都無用，死左都唔知咩事，唉。 請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9

今日阿張炳良話會面記者，係記會會幾個鐘頭前，條豬西蔡涯棉又出黎話要重推首次置業貸款，我聽到之後真係嚇一跳，然後得啖笑。呢個世界上竟然有條友仔仲夠膽係呢Ｄ高樓價度話推首置，真係令人摸不著頭腦。 好彩，張炳良丙成左政府官員的優良傳統－－耍官餉。其實都唔知個記者會搞黎做乜，出到黎就話乜都無決定，但又乜都傾過下咁，睇黎張生都係未得CY同意，所以乜鬼野傾完都係pending，要等CY拍板先得，不過如果係咁的話，佢又與記者會面做乜鬼姐？莫名其妙。 但點都好，有記者問張炳良會唔會重推首置，佢都識答呢件事係好複雜，如果一推就好容易會將樓價推上去。 不過let’s 幻想一下如果真係重推首置會係咩情況。首先我前日先寫完上車全攻略，亦提及其實呢家上車夢已經開始碎。今時今日你想搵200萬樓下的樓，一係就細過300呎，一係就去元朗同屯門的二線位搵先會有，簡單D講200萬樓下的樓已絕跡。不過200萬至300萬其實仲有好多ge，但買唔買得落手就真係見仁見智，始終真係唔係人人肯比250萬買個金獅荃中呢D二線屋苑黎上車，特別對於某D人黎講，咁就可能一世或半世。 首置的目的，就係要幫一D未及條件上車的初次買樓者以十成mortgage上車，即係你供得起就得。但我地又不防研究一下個供款先。如果買一層200萬的樓，30年供款，2.15%，分30% / 10% / 0%的供款計，睇下有咩分別: 30%首期每月供款：5280元    stress test @4.15% = 6805元 (即人工要有最少13610元) 10%首期每月供款：6789元    stress test @4.15% = 8750元 (即人工要有最少17500元)    0%首期每月供款：7543元　stress test @4.15% = 9722元 (即人工要有最少19444元) 大家睇到係首置十成按下，其實買層200萬的樓的人，要有19444元先可以上到車，即大約2萬蚊人工就可以買100倍左右的樓啦，呢一班人的數目我唔知有幾多，都幾可肯定的係政府會突然制造左一堆新的需求出黎，而呢班人會非常集中買細價樓。 今日的業主異常的醒目，我深信大家都識計呢條數，所以好可能得幾多個人會買到200萬左右的上車盤。但呢一股異常興奮的購買力好大機會就會開始追價，因為有機會上車之餘，買得比人慢就肯定會買得比人貴，故此200萬的樓變300萬，300萬的樓

好多時你會發現身邊有D人係轉數好快，好鬼醒目，特別生長係香港呢個地方，醒目仔真係週街都係，而一般黎講你會發現香港大同Ｄ竹昇仔竹昇妹係有明顯的分別，不過香港一般都係只係醒目仔居多，但成功的醒目仔同用錯地方的醒目仔，係有好大的分野，轉數快並唔代表一定成功，一個成功的醒目仔一般都有唔同的原素。 如果你有睇過Prison Break的話，其實係第一集介紹Michael Scotfield出場的時候，係有講到主角有一種病叫做 Low latent inhibition (低潜在抑制症)，或許好多人一睇就閃過左呢一下，但係對我黎講就真係意義重大，因為我好懷疑自己也同時患有呢一種病症。 不過你地唔駛驚，呢種病症唔撚係代表我係痴鳩線，不過為左釋除疑慮，等我先定義一下呢個係乜野的病。相對於一般的正常人黎講，好多時一般正常人，都可以好集中去處理面前的訊息，例如你要過馬路，你會留意紅綠燈，而你的潛意識會壓低其他同時發生緊的野去影響你的大腦。但係患左呢個低潜在抑制症的人，佢會係同一個畫面時不自主地接收晒目前成個畫面的野，如紅綠燈的顏色，車黎緊的方向，對面條阿毛撩緊nose屎，著咩衫，地下有幾隻貓狗係度追逐，隔黎Ｄ人講緊乜….etc，所有的野係個腦入面都會係差唔多重要，因此個大腦真係會好易痴線，因為每日會進入你個腦而又源源不絕的訊息將會係咁塞入去，因此一個正常的人係好容易因為無法處理咁多資訊而患有A.D.D (Attention Deficit Disorder)，即注意力不足過動症，亦即係無法集中做任何野，通常呢Ｄ人讀書會好差，亦無法工作。 但係Prison Break的主角就唔同，因為當一個智力較高的人得到呢個病，反而可能成為一種天賦，因為當一個智力高的人接收咁多訊息的時候，佢個大腦仲會有效咁去處理入黎的訊息，所以好多時候佢睇的野就會闊左好多，諗到的野就會多左好多，因此輸出的野個層次一般都比別人深同強，呢Ｄ人一般都係天材。 當然去到呢一下，可能你又會話我係度曲線讚緊自己，不過我並唔係話自己係天才，因為係低能同天材中間，仲有千千萬萬個可能性，我相信我只係一個較為醒目的人，但全世界最撚醒果個一定又唔係我。不過自從我知有呢個病症後，其實我都幾深信我自己係多多少少有呢種病，亦可以解釋點解好多人都話我醒目仔，哈哈。 我做人的思維係盡量係個腦度會先排好最有效率的方法去做事，亦會預期每件事將會發生咩情

奇妙地呢幾日同時有幾個人問我關於上車的意見，係呢件事當中我發現好多人對於計算的方式都有一定的疑問。因此我特別出呢一篇係幫大家上車的人去好快咁睇下點样可以上車。 簡單黎講上車的計數方式離唔開幾样野，當中包括首期，供款能力，利息同埋年期。而其中我個人認為供款能力係比起其他最為重要。可能你會唔認同我，因為你會話儲首期好很點样點样。但講真呢個世界大家各施各法，有人就靠老豆老母，有人中六合彩，有人玩財技套P-Loan，首期你要老老實實靠自己儲係難，所以好多時都要靠其他的工具，包括九成mortgage去幫你用細Ｄ的槓桿去上會。 首期，好多唔同方法去搞。但供款比例，無論你可以做幾多假數，但實際收入係幾多都還是很重要，特別對於上車客可能唔知咁多”龍撩”野，所以我就建立左下面呢兩個表，以你相對大約的最大供款去推論出你可負擔的樓價。 Table A:  Salary 50% Maximum Affordable house price 10% Down Payment Stamp Duty Agent Fee Total Down Payment 20 Years Instalment @2.15% 30 Years Instalment @2.15% 30 Years Instalment @4.15% Reserve 20,000 10,000 2,160,000 216,000 16,100 21,600 253,700 9,973 7,332 9,450 32,016 30,000 15,000 3,240,000 324,000 69,000 32,400 425,400 14,960 10,998 14,175 48,024 40,000 20,000 4,330,000 433,000 123,000 43,300 599,300 19,992 14,698 18,943 63,624 50,000 25,000 5,400,000 540,000 162,000 54,000 756,000 24,933 18,330 23,625 80,040 Table B: Salary 50% Maximum Affordable house price 30% Down Payment Stamp Duty Agent Fee Total D

首先同各位觀眾”沙個靚冧”先，因為上星期我出左trip無帶自己電腦，一般打字我又唔中意用公司電腦打野，再加上丹居勞頓，我訓教的時間都係猛猛緊，故此差唔多成個星期後先再寫野，希望大家無覺得呢個星期好失落。 不過講開出左呢個trip，我都不忘去同唔同國家的人了解下佢地口中唔同的情況。 係英國的時候，我估計情況都唔係太差。我見到一個450呎左右的單位，要150K英鎊，而一個4 bed rooms的house，係600K英鎊，呢個係Zone 1近Victoria的價錢，唔算太平但亦唔太貴，不過我唔太知道英國邊個location好D，只見都叫係D ok的區域，呢個價錢我覺得可以接受。 而係芬蘭同瑞典，我就同過兩個同事傾關於而家整體的歐洲形勢。基本上佢地話最近某兩大公司先岩岩上星期又話要炒人，而好多公司都已經head count freeze左好耐，而佢地的朋友話見到好多時個sales forecast都比較weak，簡單D講，呢段時間先係惡夢的開始，過去幾年只可以算係”薀样”期，如果係咁估計，呢個歐洲想變番好真係有排，因為始終北歐其實係傳統上都比較係財務穏健，但佢地都見到個大勢黎緊搵佢地的時候，肯定未來3年都唔會變番好。 係德國方面，我同其中一個廠家傾過，而家的工廠形勢都叫穏定。不過可能呢件事同佢地的行業有關，所以唔可以100%作準，但係佢話整體德國的經濟都唔錯，佢唔感覺到有咩大事黎緊。 而東歐方面，我相信生產係放緩左。我地個sales都話d客的訂單量係難左同埋細左，所以整體個氣氛雖然唔係好差，而且東歐都叫做發展中，所以都叫頂得住。 耐何係報紙都仲係見到西班牙同希臘呢D國家的野，我相信簡單黎講成個歐洲有排都進入風眼，看來應該ECB會繼續印銀紙要去救市。香港樓市睇黎睇樓量呢個星期亦回升，相信市場消化晒D BSD後應該會重拾正軌。無他的，全球量寬，唔係樓升了，只係錢的價值跌了。 請去like我的facebook:http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431

我其實唔係好想將人分為上中下等人，但今日成日都係見到唔同的人，令到我對人的質素又產生左好多唔同的領會，亦不得不令我信服呢個世界，人係無形中有份等級的。 首先，我並非要寫一篇野出黎攻擊任何人，亦因為我呢個Blog的主題的原故，所以我特別要指出上中下等人同經濟能力，以及有無樓係手係毫無關係。所謂人貴自知，一個有錢人都可以係下等人，一個窮人都可以係上等人，問題係佢地抱住乜野的心態去對待呢個人生。 話說又回來，今朝一早其實我要番大陸去面試一個銷售工程司的空缺。番得大陸多的人都其實好明白，係大陸的商業大廈，無論幾高級都好，你入到電梯都有一陣味，特別係我公司都係係D二線頭的大廈，呢陣味總係揮之不去。而更衰的係，大陸人特別多呢件事總係係你撘電梯的時候出現，每一次入電梯，後面都會有一大堆人前推後撞咁跟住入黎，而其中會包括林林總總的。 係我入左電梯後，後面跟入黎有一個順風快遞的工作人員推住架車，孭住個背包，大汗Dup細汗咁衝入黎，老實講，架電梯陣味本來已經好難頂，但加埋佢身上果陣徐，我真係想死。不過，大家唔好誤會我歧視佢，其實我係架電梯度望住佢，幻想佢每日推住呢架車，孭住個同一個垃圾桶一样咁大的背包，每間公司去到都要簽單搵單，一日又唔係搵得多的時候，老實講，我佩服佢對人生的態度，特別係係咁的情況下，佢面上係仲可以帶住個笑容，對於人生，我係短短的一程電梯都感到佢係充滿住希望。 面試的時候，其中一個面試銷售工程師的人令我都有幾深的印象。佢個子唔高，样貎都幾係果D二線公司的样（大家自己幻想），係面試過程中，不停un腳都算，D對答真係可以用九唔撘八黎形容。一個大學畢業生，有銷售相關的經驗，我問佢有咩強項同弱項，佢答我佢強項係好有毅力，會堅持，唔會放棄。弱項就係佢覺得自己唔識同人溝通，轉數唔夠快，屌，老實講，你係咪玩野啊。都算啦，我同事再問佢你呢家的工作離職了係因為公司的原因，定係個人的原因呢？佢就話係個人的原因。咁我就追問，係咩原因呢？佢就答話佢覺得自己唔夠努力。我本來想問佢你知唔知廣東話”吹狗漲”點解，無奈我忍住度氣盡量快完成個interview，所以我直接跳到去最後一個問題，就係待遇佢要幾多。點知呢個時候先賴野，佢係度牛頭唔答馬咀又亂問野，一時又話佢自己唔理解我地公司，一時又問我地點样sell野，一時又問我地點出糧，一時又問我地sell野係內銷定外銷，一時又問我地一般點搵新客。啤<

呢幾日我不停係度諗自己的portfolio仲有無方法可以提升個yield，而其中一個方法就仲係將中價變細價樓，所以就又開始上網搵下200萬左右仲有D咩。唔搵由自可，一搵就真係唔係講笑，之前講的近200萬的最後屋苑，今時今日都唔見晒了。 還記得我係8月28日的一篇 如果SSD延長的話? 提出以下的論述： 持續落去，樓市的確會有爆的一日，但可能係當一D今日的200萬樓都變晒400-500萬的時候就會插,但插的幅度可能唔會太深。但我預期由200->300萬的時候，我相信SSD都會係一個好好的保護網，始終，成交減少的確令風險減少左，能夠買到樓上車的，都係有番咁上下實力，而要承擔高樓價下買樓的人都係全香港的好少部份人。往後的價錢會被夾到上幾高，我無可估計，但細價樓一定會升到爆廠，大家有錢的不防買多間細樓看下門口。 之後有條友叫H的問候我發完夢未，但我再係9月1日的時候的 樓市新力軍 呢篇重申: 成篇野的目的唔係爆我老友買樓，而係我睇到細價樓的需求可能仲未充份反映，亦證明我講細價樓要買多件旁身的說法。簡單D講，我敢係今日講，2014年底前，上車盤一定唔會再係200萬，亦唔會係250萬。300萬上車，沙田中心／好運中心同沙一已經反映晒，但升勢的持續，將會令一Ｄ二三線的屋苑上車盤都推到300萬起。 後來我再係9月16同9月17日的 機場無人駕駛的啓示(下) 同 嚴重塞車 分別再講： 我一直強調要買細價樓，而到左金管出招呢一刻，我會再極度建議大家focus係200萬左近的樓，因為200萬左右的樓好快將會絕跡香港。你可能唔會信，但我自己就見證由我極速成交果層樓計，買左唔夠一個月，市價已經係升左10%，個市升得快到我都估佢唔到。 呢個局面我深信好難打破，因為新樓的建築成本已經好容易去到6000-7000蚊，加上利潤，乜鬼都要8000-9000蚊，當你開個350呎，都要280萬入場，呢個價係新樓，可能已經係好抵，仲要係studio無房。新樓無可能更平，就唯有係二手落手，大家都見到呢個trend，未來呢幾個月，我期待著我228萬的單位，應該年底前可見250萬。 記住我講，有錢記得買多間細價樓旁身!! 直到今日，嚇然發現200萬樓下的樓，包括當時仲有的金獅同荃灣中心，今日已經完全沒有了。大部份的屋苑係兩三個月後的今日已經係做緊240萬以上，即係話差唔多短短三個月已經跳左起碼15%的樓價，

我地從商的會有個vision statement，又或有我地會set左個objective，然後先會制定相對的策略。呢件事好難調轉話我地先制定策略，然後睇下呢堆策略會帶出一個咩objective，如果從商的人係咁做就通常都無乜好結果。不過，我地天才的政府就好似正正做緊呢一件事。 假設你而家買左部新電視，叫人黎安裝，係安裝期間，個工人唔小心鑽洞鑽爆左你條電線。為左維修，你就搵人黎係面牆度開個大Ｄ的洞，諗住補番條線後再線灰油油。好衰唔衰，開大個洞時，電線著火，成面牆變到黑晒。於是，你就諗如果係咁，不如成面牆從頭搞過，由頭再線灰同油油。但係呢個時候，你諗諗下橫掂都係，不如成面牆隊冧佢，然後偷番五吋位做個衣櫃，對廳果面睇電視，對房果面就用黎裝衫。搞完一輪，慢慢已經唔記得左，究竟原來個目標係要做乜？ 今日我地的政府同以上講的都差唔多，呢家究竟係要壓樓價，定係減風險，定係幫人上車，定係打擊炒樓，定係要排外，我諗政府已經唔係好記得，所以佢出招成件事都係感覺係亂，無他的，因為官員的口供都唔一致，欠缺主題，所以做的野就完全係不知所謂。 - 如果政府的目標係打擊炒家的話，SSD已經將短炒的人打死晒，我唔明白點解要提高至SSD 3年，目標係咩？打擊唔存在的人？ - 如果政府的目標係要風險感低，咁收緊樓按至更低成數咪得囉，呢家其實投資的去到5成，嫌風險高咪再cut囉？ - 如果政府的目標係要幫人上車，咁呢家樓價又唔係跌，佢又無幫到人上到車，搞乜？ - 如果政府的目標係要拒絕外來人仕的，ok，你唔駛打稅的，直接講外來人仕唔比買樓就得。 點講都好，之前已經講過，呢家成件事已經係唔知政府上點，呢個政策出台之後成個市場係無嬴定，問你死未。 本來我諗住林奮強入政苦後會令政苦係樓市政策會更有效，點知佢自己就比人擺左上台收埋皮，呢家個政府就比幾條蛋散係度也文也武，我還是覺得大家應該自求多福。自住樓，呢家有水位都要買。 請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431

琴晚同我一個美國同事係Email討論大賽形勢，我同佢講作為業主的我一定會支持黑色果隻馬，雖然賽前個聲勢都同對手差唔多，但今日下午我支持的呢匹馬終於跑出，呢隻馬個馬名我諗無人唔識，佢就係－”奧巴馬”。 奧巴馬的連任對於成個全球的經濟環境都有好大的影響，始終佢係支持伯南克，亦即係話以印銀紙制造低息環境至2015，又或更長，對比起羅姆尼係提出加息加稅減福利，以及係好大機會隊冧伯南克然後改晒成個經濟環境，我坐住咁多貨，真係比起阿CY班子出招有更大的風險。 故此，各大的討論區的業主都係度拉晒頭馬慶祝奧巴馬連任，因為風險因素已去，馬照跑舞照跳，齊齊沐浴係資產泡沫的熱河入面。 其實我認為，超級通漲好大機會係未來呢一界美國政府臨收皮前或後，就會開始黎料，低息環境有機會可以去到2016 ，樓市亦好大機會繼續向上，但去到咩位左右呢？2016年距離呢家有4年，今時今日CCL有114點，曾經我記得早兩年前有人講過話CCL會見200點先跌，我唔知2016會唔會有200點，有就最好，但無的話，我深信150-160點呢D位一定會破。 作為業主，呢個數字代表D乜？呢個數字代表樓價係奧巴馬連任下仲有30-40%升幅，每年10%都唔係好過份姐？但係，呢個數字背後代表好多人如果你手持多過一間物業，以致多於兩三間物業，你到時只要賣走一至兩間，加上呢幾年的租金，以及你自己的供款，你可能已經超額完成自己成世人的供款，無需要再去供樓的鳥。不過，有投資智慧的人都知唔應該還晒D錢比銀行，但減磅都仍然係有好大的水位比你去食，呢個亦係奧巴馬政府送比咁多業主的禮物。 未來幾年，CY的政府如果仲有得做的話，我肯定佢地會成日繼續諗點出招對抗奧巴馬政府的印錢計劃。不過，老實講你想對抗呢個資金洪潮，以今日的香港官員的智慧，加埋香港的size，我諗都係做多錯多。 請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431

星期日去完一個中學同學的飲宴，席後同一位中學老師一齊離場，中間大家亦交換時下年輕人的情況。而其中一點，我提出係好多年輕人連本份都未做好就係度搞呢搞路，亦得到老師的認同，呢一點亦帶起我呢篇野的啟發。 大家有追開我個blog的都知我係好勝心強的人，我的人生大部份都建基於一句說話: “點解人地得，我唔得?”。呢句說話差唔多就造成左今日的我。 - 還記得，細個個時我的第一個ex話我唔識普通話，佢係我面前係咁屌你老母攞本普通話書出黎讀讀讀演野，但經過咁多年努力，今日我都叫做講得一口流利普通話，我諗應該好過佢。 - 還記得，細個個時我要選學生會會長，果個ex又話我唔得，我就偏偏要去選比你睇，但中間因某D原因輸幾十票，成王敗尅，柒左就係柒左，但我總算叫試過。 - 還記得，我輸股票輸到一敗途地，我係我老豆老母面前誓言要係樓市大展拳腳，今日都總算叫有D成績。 以上的野只係一D小小的經驗，但當中大部份野我都係本住自己諗掂佢的心態去操作。咁多年黎，我未曾上過街示威，未曾怨過政府點样無幫過我。當然，你話咁多年黎，無人幫過我就係同你講笑，有D人一生遇好多貴人，但有D人一生都唔會遇到咩好人，際遇的野無得講，亦無法控制。不過，至少係我控制到的範圍，which is係我自己，我係交足功課的。 呢個世界其實好簡單，改變人地好撚難，改變自己相對較易，問題只係你自己肯唔肯去改。換個角度，人地想改變你都好撚難，因為同一時間可能你老豆想你多D去工作上進，你老母就想你唔好周圍飛多D番屋企，但你女人就想你多D陪佢之餘又上進又孝順。不過，你自己想點一般都係主要的想法，人地想改變你，其實好撚難，你要改變自己，永遠係易D。 抱住呢個態度，其實就可以明白點解你等政府打救你係同叫政府打鳩你無分別。如之前提過，東北收地起樓，原居民就起勢咁反對，保育人仕綠色和平又話破壞環境，之但係無樓的人又話無樓，而保育人仕當中未上車果D又話樓價貴，政府同時要接收幾廿種唔同方向的聲音，如何平衡都已經係一個大問題，平衡左之後搞得黎如果仲要係講幫到你上車的，屌，都可能十年八年，學柴狗哥話頭，人生有幾個十年？ 換個方向，如果你唔好咁撚得閒日日去上街，如果你只係做好自己本份，搵份工，努力工作，比多D心機，十年八年，總會有多少成績。當然，有人做得好D，有人做得柒D，唔緊要，但你肯去堅持，或者跳去一個更好的環境再出發，我深信總會有點進步。十年八年的努力

係好多唔同的報紙同新聞，大家都會見到話乜鳩野MPF係強迫金，乜撚野收費好貴，然後就得出一個結果係要反對MPF。其中我深信有一D指控如收費太貴係成立的，而積金局是咪退休政府樂園就唔係我要探討的問題。相反，我係想從其他的角度睇下MPF的好處。 眾所週知，香港的人口老化係無可避免，所以如果我地係無任何的退休保障的話，我深信會有好多人退休不久就會跌落綜緩網，特別係當年老多病的時候，錢會變得好緊要又好洗費好大，之前睇鏗鏘集都有講有人計錯數，一個大病打亂晒成個退休計劃，所以MPF的出現，某情度上都係幫社會分擔左一部份的壓力，防止到時一個後生仔要養幾個老人的負擔。 還記得我做保險公司的果段黑暗時間，有一句野我當時個阿頭講得好岩。佢話，或者你可以覺得MPF或基金呢D野點衰點衰，如果舊錢係你自己去炒賣，可能會回報勁好多，但不過你行出街去問下人，有幾多人你叫佢攞幾皮野出黎你睇佢攞唔攞到，可能你會突然發現有好一部份人真係攞唔到，所以MPF其實真係有佢的功能。 畢竟，或者睇緊呢篇文的你可能好有計劃，但係你的另一半，或身邊的朋友，可能好多人突然間叫佢攞十皮八皮，有一大部份人係攞唔到出黎的。MPF的出現，真係強迫金，強性迫你去儲錢，呢一part，我都係幾同意的。就以我自己為例，我咁多樓都好，但我儲錢真係好唔掂，我有錢就會唔知點解fing左去，所以我認為MPF雖然貴又好咩都好，但佢真係幫到我儲左一筆錢。 其實儲到已經好偉大，可以防止一D亂鳩洗錢的人到老時好快咁跌入綜緩網。不過，呢家個社會好在意儲左呢筆錢然後又點？有報紙話個阿更阿叔有三份MPF，一份賺12蚊，一份賠80蚊，另一份蝕360蚊，然後就話總括MPF都幫唔到佢。再重申，可能呢個阿伯無mpf ，佢退休時可能十皮野都無。不過算啦，第二個問題呢家報紙佬就話回報低，收費貴，好多人都蝕錢。 表演一下，小弟的MPF到今日為止有15%的正回報，唔係有咩咁威，但總叫做有錢賺先。不過我認為MPF的操盤方式可能係好多人無認真諗過，所以先會出黎係咁屌個政府。 其實簡單D講，由你開始做野到退休，你唔可以cash out，MPF係差唔多迫你做Warren Buffet，人人都要buy and hold。亦因為咁，好多人就其實無理佢，佑個錢係個基金戶口度滖錢，畢竟平均成本法係話，高的時候買少D，低的時候買多D，Right? 之但係呢样野又係保險果時個阿頭教落，錢的野

生活係今日的年代，我認為普邏大眾都已經比氾濫成災條文同政策綁死，所以我的房策就好簡單，一字寄之曰”簡”。以武學黎講，有時有Ｄ人中意化零為整，有Ｄ人化整為零，亦有劍宗同氣宗，有招勝無招，各形各色，各有好處 。打個比喻，就好似幾年前你買電話一样，又Nokia 又motorola又samsung又Sony Ericsson，幾萬個款幾萬個variaties，有時越多野反而越煩，然後突然Apple出部 iphone，簡簡單單的外型 + 一粒制，幾年下來掃低幾個手機巨頭。 所以，我認為社會無需要討論再搞乜置安心咩復建居屋，我地呢家要做的就只需要一個簡單的市場，呢個市場就係只有兩種樓: 公屋 同 私人樓 。 公屋的部份，我認為政府唔應該再賣出任何公屋，因為話明係公屋，就係屬於公家的，亦即政府的。公屋的入息線，可以向上移，以讓更多的基層市民受惠。由於只係紙上談兵，所以我建議大約條線有由兩個大學畢業生的人工加埋的合理水平以下為公屋的線，亦即假設如果今日大學畢業生係12000元的話，兩個人加埋就24000，所有家庭收入24000以下的均符合入息要求，可申請公屋。主要的理據係，我唔認為受香港咁多年資助的香港大學生，仲需要係房屋政策上受到公屋的照顧。 那麼24000元以上的該如何呢？我認為政府要清楚解釋，政府的責任係make sure 無人訓街，而香港今時今日係的確無乜人訓街，24000元入息以上的，你可以選擇租樓，或可以選擇住遠D，24000元以9成上會，你肯儲錢200,000，兩三年一定會儲到，再買個元朗屯門大埔粉領上水的屋，係你的決定，政苦無乜要特別又唔知攞撻地番黎起塊居屋夾硬消耗資源去益你幾百個居屋戶。 可能講到呢度你會覺得有小小涼薄，但其實後面的操作先會真正平衡到個市場。首先，以前攞到塊住宅地，就要考慮起公屋／居屋／置安心／私人樓。呢家就簡單，戰場就只有兩個，一個叫公屋，一個叫私人樓，即假如如果之前十塊地有10000個單位，平均分配就得3333個單位，但呢家每個市場都可以分到5000個單位，或者起3333公屋，其餘6667個就係私人樓，供應量就會多左。 而新的機制下，我地要仲要做多兩样野:  公屋方面：嚴禁濫用公屋基制，比如大學生就讀期間不可申請公屋，而亦設一條富戶容忍線，即如果你係入住後家族收入超越上限50%內，只需要交富戶市值租金就可以無需搬走，呢個亦係一個特別的政策，任何

講番樓市，上星期五出左招之後，樓市都出現左好多反應，呢個星期新聞好，討論區好，雜誌好，食飯好，通街都係講個樓市。一方面好多人就講呢個星期的成交如何如何，另一方面好多人都係度諗點样破政府呢兩招，今日我都試下總括一下我所見所聞。 呢個星期的成交，新盤尚城慢晒係一個事實，但破頂的仍然破頂，封盤的封盤，減價的減價，撻訂的亦撻訂。感覺上，又一次汰弱留強的過程又再次出現，所以呢一刻有點混亂。不過見到撻訂的過案好似聽落都係偏細銀碼，大約係樓價400萬樓下左右，如嘉湖山莊呢Ｄ上車盤，所以應該有Ｄ實力唔夠的買家細膽上唔到車。不過減價的就好似係中上價樓如太古城呢Ｄ，唔知係咪D agent制造假象上做小小水位引人入市而至。但我偏向相信仲有人肯破頂成交的，應該仲係好有需求先會出現。而且據聞沙田第一城放盤量急跌六成，可能對樓價都有相當大的支持。 破解的招數亦有很多，發展商有預先將單位注入公司再以公司股份轉讓，但有政府管員出黎都話咁都唔得，不過實際操作上估價mortgage呢part因為無成交而可能會有不足的地方，可能只有實力的買家先得。而一般小市民就話點解大陸人借香港人身份代買果D，不過咁样又會有風險。而我之前亦話過發展商可能會減慢甚至唔起樓住，以對抗政府呢Ｄ招數。地產商會仲未出聲，但呢招仍然可以係work。 但綜合咁多唔同的消息同方法，其實我週中的時候都有個idea，而琴日長實同今日湯文亮都有個類似的見解。簡單Ｄ講，我認為另一個可行的招數就係所有一手樓mark高15%，發展商係賣樓後可以一視同仁回贈15%。但今日長實就只係mark高左唔好似30%+賣尚城的尾貨，但就包BSD的款項，亦即羊毛出自羊身上。但係如果你係香港人，其實就有小小唔公平，似終發展商係mark高左15%，但係如果你唔需要比BSD就佢食埋，呢下變相就係BSD對港人，非中國人了。 提出相似論據的仲有湯文亮，佢都認為發展商應提高15%售價，但只回贈比大陸人。但我認為你個盤細，咁做可能OK，但如果個盤太大，如尚悅咁，你mark高左幫大陸人，但香港人識計數都知你鳩屎食我15%，咁始終對港人果part的銷售會好有影響，至少我就唔會同你爭一手樓囉，無理由白比15%姐。 不過我認為發展商呢家只係等個市場absorb左個消息，睇下點先再決定。但如果佢地有咩不滿，往後的安排還是有可能按我之前的推論發展。大家悉目以待啦。 請去like我的fac