文章

顯示從 六月, 2016 起發佈的文章

飯靚蘇凭零

上集講到個financial planner波友的故事,指出其實好多所謂的planner都跟本唔知乜野叫planning。係隊長的小小經驗記憶中,大部份的保險公司所謂的training,都係叫你睇下報紙,得閒比個talk你講下呢家金融市場講緊乜,但更重要的係同你玩role play,著重selling process technique過於一切,係保險公司的層面黎講,係絕對岩,但由於一層壓一層的保險人其實都係無乜所謂財務自由的概念,又或者呢件事根本唔賺錢,所以呢個concept係保險的產品上除左年金係有d似外,但present出黎的野,尤其是賣基金,都係得個供,完。 其實正確的飯靚蘇凭零一點都唔難亦唔複雜,對於隊長黎講,講到尾只不過係財務自由,如果太複雜的話,或者可以話係錢搵錢得黎再駛人地的錢,而任何計劃做到呢件事都係值得研究,當然有d計畫同產品係慢d,亦有d係急進d冒險d,但整体而言如果方向岩隊長都認為係ok,不過對於保險業黎講,一來可能唔識,二來可能唔賺錢,三來可能就算識都未必諗到個product去賣,因此就繼續係度sell基金儲錢算。 其實基金儲錢係一件好古怪的事,當然前設係話要投資,儲一舊錢,呢件事政治永遠都係正確,好過你洗左去嘛。不過問題係隊長認為呢度只係做左第一part野,咁第二part又點呢?舉個例,假設你sell一個30年基金同我講係退休的,然後又同我講projected return有幾錢幾錢,其實呢件事係有D無用,換句話說係咪即係同我講之後呢舊錢慢慢洗呢?係今時今日講呢D,幾乎係無用,因為有可能真係到時唔夠洗(其實好大機會都係唔夠啦),所以一個令我覺得聽起黎爽D的講法,反正都係30年後的事,如果你話到時供滿左之後每個月會派番0.5%比我,即一年6%,而供滿有guarantee回報每年2%咁,即到時套本4%咁講,每月有幾錢幾錢,咁又唔同講法。 又或者,如果呢家一個計劃係你幫我去manage財務自由的,如你有基金經理去幫我leverage左上去再賺一年十幾二十%,你保險公司咁多錢可以做隻fund玩leverage,專做高杆桿但穩定回報的投資產品,初時係一個lump sum再月供咁,而去到某一個位就會係派番錢轉頭,當然減左一定的回報成本後會派少過你自己玩,但對於唔識操作的人都會比較吸引。 點都好我唔係一個保險人所以好難去吹水話

馬沙拉蒂的故事

係名車滿地的香港,乜野Benz/BMW其實都普通到唔普通,對比起如果你係美國加拿大的地方,你會發現楂Benz/B<W真係有D把閉,但係香港呢個地方,難聽D講句呢家幾皮野都有部爛鬼Benz,所以要想突出身份的話,香港人就越來越中意楂下D特別的車,而近年最受歡迎的自不然就係Tesla同Masarati,呢兩部車各有原因同優點,但如果今日真係想講型,就真係Masarati,始終Tesla都衰D講句,可能會比人誤會你楂UBER。 而呢個故事的主人翁,隊長我唔記得自己有無提過,但佢係我的一個波友,呢位波友大約30歲左右,早年係果D外國回流的人仕,聽到呢度你可能會覺得勁,不過如果細心閱讀,原來佢係外國大學畢唔到業而番來香港的人,初時佢成日同人講番來係入左HKU,諗住咁都唔錯啦,點知原來只係求其係HKUSpace讀左個課程,去到呢度大家應該開始有小小明白呢個人的行為。 進入社會後,佢就入左一間保險公司工作做財務策劃,即大家應該熟悉的financial planner,第一二年的時候其實都無乜特別,你當佢都係搵三兩皮一個月吧,但去到第三年佢就有好多轉變,一方面佢就同女朋友結左婚,仲係因為女朋友有左BB而結婚,而佢的收入唔知點解突然係果年就好好,傳聞應該有大約岩岩一百萬左右,而佢的人生就當然越來越好,據說仲買左部全新的Benz約40-50萬咁,當然我相信如果佢唔靠屋企的話,應該都係要供先掂。而住屋方面因為有左,佢就嫌樓價太貴所以叫佢老婆同埋BB一齊住娘家咁样。 比較有趣的,是當佢擺酒的時間,諗住呢位百萬年薪的人仕又買車又醒,都應該係豪擺啦,而同估計的係無錯,佢真係係某九龍的五星級酒掂擺Lunch Buffet,咁都初時其實都無乜野Ge,但點知怪事就開始發生,去到擺酒當日,我真係無諗過完來佢真係好認真咁擺Lunch Buffet,我所指的係真係食Lunch果d buffet,係除左佢之外仲有好多街客的lunch buffet,只不過係話佢book左差唔多半個場,我當堂打個突,而佢的衣著竟然係就咁T-shirt牛仔褲果隻,認真呢個安排真係吹漲地型,但如果有人問佢係邊度擺酒,佢一样可以撻果個酒店的朵,只不過勢估唔到的係lunch buffet而已。 對於呢個人的行為我開始摸唔透,一個百萬年薪的人,自己買部新車,但係又屈係個老豆老母度住(唔係大,得實用600呎

租客教條

前個星期,突然有個租客打黎話,屋企經濟突然有問題,所以接落黎就唔能夠完成餘下的合約,要提早收皮,仲想用按金繳付之後的租金住埋果兩個月,對於呢個租客的要求,我一口就答應左。 但先講番個個案,其實佢係同我簽左兩年死約,而家踏入左第16個月左右,理論上佢仲要賠多8個月比我先岩。但呢個租客呢,就已經係第二張約,即係佢由3年4個月前開始,一共交左40個月租比我,可以話都算係一個好客,無乜野煩,唯獨是租金就我唔係太滿意,但佢由岩岩結婚,到生左個BB再同我續約,到呢家佢話佢經濟出問題要突然退租,成件事,我都無考慮太多,那怕我可以玩租約迫賠錢,但我都無考慮咁做,比著其他人可能未必肯。 話說回頭其實我一路有諗過賣左佢住呢層樓,始終個租金回報強差人意,但升幅已有好好的累積,之但係我就係正正唔想無啦啦踼佢走,特別係佢續約之時,岩岩生完個BB坐完月,而個租客就係果D比較小家庭唔多事的人,我地呢D心腸軟的人,好爽快就同佢續鬼左租,一租就錯過左最好賣樓的時光,你問我後唔後悔我都有小小,但係係果一刻,其實又會諗隨遇而安,有人租咪續住先,而且個租客又要湊BB,無謂搞到人地麻麻煩煩搵層搬啦咁,無諗過竟然呢家係佢斷我租,真係吹漲。 可能你會即刻諗,其實個租客都係吹鳩水姐,或者人地買左樓或者人地搵左地方搬呢?對於隊長黎講其實真正的原因係點根本唔重要,有時打開度方便之門都無乜所謂啦,佢真係唔想租你迫佢都無用,到時佢租霸你,或者佢同你玩野隊冧你D渠啊,咪仲得不嘗失?再者,如果佢真係講到如果經濟有問題,睇佢仔細老婆嫰,唉,何必迫人埋牆角呢,係要唔租,大家好黎好去就算,我關心的只有一样野,我同佢講總之你同我整番乾乾淨淨整整齊齊就大家好黎好去,佢都好開心。 其實租客突然唔租都唔係第一次,試過有另一個租客突然同我講第二日要退租(生約中),漏夜想同我交收,但呢個係一個果D古古惑惑的客,雖然連一個月通知都無,但係我都照賠佢癲,比番錢佢就走,當然我知入面間屋唔係死左人呢D爆新聞野啦,但更加令我擔心同都想做的係我唔知佢咩料,但難得佢咁急走都咁有交帶比番間屋我,話之佢咩原因,我老閪睇完間屋無乜事都即刻收番黎算。一個月通知其實好少事,都係果句,間屋有D咩問題,或者佢唔還番比你又唔退租又唔搞,其實反而得個煩。 而到最後,我其實有一日撞番呢個古惑租客,係傾計過程中我知道其實佢只係果時租左第二度即時起