文章

顯示從 二月, 2015 起發佈的文章

又再加辣

今日陳總又再以收緊按揭成數來加辣,詳情如下: 樓市加辣新招: 1. 七百萬或以下樓 按揭降至六成 2. 第二次置業供款入息比率上限 由五成降至四成 3. 非自用住宅和工商物業供款入息比率 由五成降至四成 而同時香港按揭證券有限公司(按揭證券公司)今日(星期五)宣布,按揭保險計劃(按保計劃)將作出以下修訂。修訂後,合資格住宅物業可敘造的最高按揭成數將由9成下調至8成, 有固定收入及還款能力較強的首次置業人士除外 。 換句話說,其實今次出招都幾輕微,唯獨係供款入息比率上限收緊左係一個比較對收租客辣手的一招,所以呢一次出招,好大機會個市場都會凍一凍,起碼有兩三個星期相信會比較低成交。 不過以之前的經驗黎講,收緊買家的購買力,一方面係會將marginal的買家推去買唔到,不過我相信呢一批人比較少,因為好大機會呢批人只會係由第一類變成第二類,亦即係將中碼budget的買家,又再次推向細價樓。 首先強調一點,就係由頭到尾對於首次上車的人無乜大影響,因為9成係仲有的,亦即係話你如果係細價樓業主,呢一批上車客依然存在。不過如果你本身係諗住買多層收租的,咁就要一般都可能預左攞一百幾十萬黎上會,咁呢一批人就可能唔夠能買600-700萬的樓,而家一撳落黎唔係話買500-600,因為攞走你多一成資金同埋壓低10%收入供款,好大機會就會由600-700萬隊落去300-450萬呢一類別的樓。 換言之,政府又再重蹈覆轍,將所有資金推向超級細的上車盤,預期300-450萬呢堆樓將會極度受惠。加上,而家你係業主,好明顯你賣一間就買唔番咁劑,理論上大家識計條數的好大機會會死楂晒手頭上的樓。之前講過貨源歸邊,你再出呢D招只係會加強業主楂貨的決心,睇黎之前隊長所講的貧富分界線400萬,好大機會出現。 有勇氣的人,應該趁呢幾日大家未摸清個市場反應,搏下懞去搵下細價盤挫價上車。當d人企定后,可能會有一陣超快的細價樓跳升期。400萬上車盤起步,睇黎指日可待。

細價樓的合理不合理

成個新年細價樓呢個話題仍然係最熱門的樓市問題,網上的交戰繼續發炮,雙方都拋出數據同理據去支持自已的立論,因此據說新年的銷情都有所放慢,好多人亦懷疑細價樓持續暢旺的可能性。 如隊長之前所講,我由去年尾開始已經唔會主動叫人去買細價樓,因為風險同回報開始唔合理,及至年初之時我都開始認為細價樓或者見頂,但后來歐洲又黎整個龐大的QE,美國的減息行動又睇黎只係出口術行動,加上20121026的原因,隊長認為細價樓的升勢或者可以持續,不過當然可能就會有減速的勢頭,但如果要以三成五成咁爆破式下跌的話,時機睇黎未成熟。 兩三年前,隊長我曾經問100萬到底係乜野,兩三年前的100萬是很多。但今時今日的100萬係乜野,唔到你唔信,今時今日有100萬的人真係好L多,多到你唔鳩信。你可能會話再多,都唔夠窮人多啦?或者係的,不過我諗如果你做銀行的,係咁易睇下結餘有100萬的戶口,可能隨時有十萬個或以上,唔理呢班人上左車未,但好肯定的係市場的購買力係好強勁,亦即係市底好強,如果樓市有合理的水位,一定有足夠的人入市。 可能你會話,個市係好唔合理,價錢完全痴線,呢個我都認同。不過身處係一個changing enviornment入面,價格變化太大的野,好多人感官上的接受都係比較慢,因此就會覺得唔合理。可惜,事實可能反而係樓價係合理反映左QE的水份,只是反映得太快太急,去到你我都覺得難接受,不過慢慢就會由經歷憤怒,不安,繼而就會接受同適應,呢個係一個時間的過程,亦係一個投資的機遇,如果你眼光獨到,睇到人地睇唔到的水份,係人地仲係憤怒,不安之際,你先出手,先食頭啖湯,最后你就會得到回報。當然,睇錯的話亦可以受罰。 最近政府又吹風話會留意細價樓的升勢,又會留意財仔承造三四五六七八按的情況,其實如果再出辣招,之前講過話要經立法會,呢件事應該係今日黎講好難再過到。所以如果要搞,就只會再收緊按揭成數。老實講,貨源歸邊,再出招根本已經郁唔到上晒手的貨主,形響的只係果D上車的買家而已,講真未上車的真係比個政府玩死,信你的人全部呢家真係半天吊,買又唔係,唔買又唔係,仲日日租緊比人閹,政府好應該搞少D個樓市就當幫忙,但係搞下財仔呢D令個市場健康的野就要做,如果唔係就會增加部份市場的風險。 去到今時今日,價錢合唔合理真係好難講,講真你用一個人的單位去計,要買層幾百萬的樓就一定唔合理,不過問

專注

經常有人會分享佢地的投資或搵錢大計,相信每個人身邊一定有唔同的賺錢方法,亦更加會有人去說服你加入佢地的行列,一齊賺大錢,對於呢一個命題,隊長我一向都係比較小心。 當然,咁多呢D鴻圖大計入面,我地可以大致分開為兩種主要的項目,第一種叫賺錢的,第二種叫蝕錢的,而換個角度你亦可以理解為成功同失敗的賺錢項目。所以如果有人同隊長講佢的賺錢方法時,第一個隊長會思考的係你堅係咪會賺到錢先,定係可能蝕錢的機會仲大。舉個靚例,大家都知我唔係太支持全職股神呢回事,所以當有股神同我講佢買乜乜乜又賺左幾多錢的時間,可能係大圍的情況下會有D傻仔照單全收,但問題係佢又有無講比你知佢輸果part先? 就好似某財演咁,講就好似真的一样,打開成績表就輸到阿媽都唔認得,不過一样呃到好多C9,呢D咪就係要有獨立思考先掂。 而另一方面當然就會有人話,係啊,我果個大計一定賺錢Ga!!!不過思考一下,其實當中亦有好多奧妙的野令我有無興趣去加入的。 先退后一部諗,大家可以望下條街,基本上好多你眼見到的野都係一盤生意,無論係巴士的士茶歺廳同看更,都係理論上賺錢的野,但有兩個問題就係,你想唔想做一個看更去搵果舊錢,又或者你有無咁L多時間做晒巴士司機的士司機再經營茶歺廳以及又做埋看更之后又炒股又炒樓咁L把炮先? 呢個世界有賺錢的野先會有商業行為,有商業行為先有現代的社會,所以样样野理論上都可以搵到錢,咁老實講一個人得24小時,你邊有得做晒所有野Ga?就算你盡做,賺埋都唔夠你買補品補番個身体又值唔值得先? 所以隊長傾向首先就係果样野有幾攞我的時間同回報,以及我有無興趣去做為主。又舉個例,你開間茶歺廳日日早六晚十一咁,一間D伙記又射波唔番工你又要落黎頂,成盤生意一腳踼年中無休先搵得十萬八萬,但如果你份工又唔係太差都搵五六七萬,咁老實講你係咪有好大動力要搏盡條命去做個茶歺呢?我個人黎講就認為機會成本太低,唔化算了。之但係如果你係個看更搵最低工資多少少,咁呢家有個十萬八萬機會,咁又未必係同一講法。所以一個項目吸唔吸引又好睇你本身做緊D乜,可否兼顧。有時你諗下簡簡單單打份工,你夠薑part time個的士黎做,可能一個月都執多幾千,咁就可以魚與熊掌都食埋。 不過上面個part time的士例子其實又衍生一個問題,就係你會發現原來一個人可以同時做的項目係唔會太多,假設你投資的野係時間,咁你就最多得

3個月細價樓可爆煲嗎?

呢幾日最火的一篇文章,係由湯博士寫話由於有樓係三按四按,好多財仔無被規管,亦因為可能財仔要收水,斷左一D能力有限的借款人的水喉,所以可能有12000間銀主盤,市場就會爆煲大冧,令好多網上的朋友都巧京京,大家人心惶惶。 對於呢會唔會爆呢個命題,呢家好明顯分開左兩派,一就係話會,二就係當然話唔會。不過湯博士今日都再重申話係三至六個月,可能佢都認為三個月有小小太急,所以改一改個時間。而隊長我亦黎湊下熱鬧,睇下會唔會真係爆先? 首先呢家湯生講的12000間銀主盤,我係有保留的,因為一方面有無12000個盤係借左2,3,4按已經係一個問號,而中間仲要肯定12000間全部都係有問題的話,就一定有水份。其實退后一步睇,好多人借住按揭,之后正常番工然后要再借多個P-Loan去洗錢,好正常。當然你話好人好姐點會去問財仔借,係靚record的就唔會借啦,不過話說回來,呢家金管搞到真係嚴左好L多,就算有靚工作收入如隊長的,想再轉按借盡套現都難到飛天,如果係咁的話銀行唔借錢去財仔借,真係有需要都無法,但如果本身我係借5成mortgage,再借一兩成財仔,當然息口高,但銀行唔借要洗錢就無計,但加上去都未必一定話係頂唔住。再者,湯生都話可能係父母借錢比個仔買樓,咁果個還款力就唔應該用阿仔一個人的能力去計會爆煲。一家人借,就用一家人能力去計還款力,所以有部份借款人本身個一家人還款力都係強壯,所以12000個銀主盤入面,可能真係還唔起有問題的,只係一小部份如2000-3000個。當然,你話全部call loan,咁你唔好講財仔,只要有mortgage的都要還清,咁香港就乜柒都諗啦。 所以如果減除水份之后,本身你可能得2000-3000甚至再多D,那怕係12000個單位都有問題,係唔係就係一件足以隊冧市場的事呢,我又好有保留?先諗下居屋推2000-3000個單位,即刻有十鳩幾萬人出黎話要買,你聽完都覺得恐怖。再舉例呢家一個東環1407個單位,唧下牙膏咁幾百幾百下下一晚清晒,你呢家就算12000個單位,全部細位,以市場呢家咁渴盤,就算全部推出都係多一年左右的供應量,短期可能會受壓,但係用到冧市爆煲黎形容,未免太杯水車薪了。 最近湯Sir個女先入左6間紅山半島,我假設佢唔會送個女去死黎計,咁最多能理解為係大市唔諗但細價樓冧啦。但如果大市唔一齊冧,咁中大價樓唔冧的話,即係當某一個

貧富懸殊

係一個資本主義的社會,貧富懸殊係一件無可避免的事情,因為資源落入係唔同層次的人手上,資金就會有而按先后咁分配左比能產出更多商業價值的人,因此自自然然就會有人搵得比較多,有人搵得比較少,貧富懸殊就開始成形。 所以本身貧富懸殊係一種現象,不過當差距越拉越遠的時候,慢慢就會令兩極化更加明顯,中間的人亦會被擠去兩邊,亦即係成人講的貧者越貧,富者越富,主因亦係因為有錢人已經拥有承接錢的能力,但窮人就只有一雙手,無得鬥。所以貧富懸殊亦係一個社會不穏定的因素,因為當人去到屎都無得食的窮,就會咩都做得出,歷史上大部份革命都係因為窮人太多無飯開而起。 當然係香港的貧富懸殊其實都係一件較為富裕的貧富懸殊,我並唔係話香港無窮人,但普遍的所謂基層,都係有份工有收入,但生活得差,可叫叫做相對貧窮,但如果對比好似india啊非洲咁連屎都無啖好食的,果d叫絕對貧窮,咁就又係另一個問題。 今日的香港,其實貧富懸殊只會越演越烈,因為隨住馬拉松式的QE,有錢的人有更優先的能力去接收海量的金錢,相對一般打工仔只係年年等加人工,果個速度一個係用以日計,一個用年計,老實講絕對無可能追到。衰就衰在個死人QE真係唔停,而且仲好似不停想加碼去增速,情形就好似你身邊的朋友佢日日中六合彩三獎咁,你靠份人工點追到佢? 本來,其實如果你幻想貧同富中間係有條線,要跳過佢的話,就係你要由得一對手,去拥有一些受惠的東西,例如資產咁。而講黎講去資產最受歡迎的又永遠都係樓。有樓係手就等如有部機去幫你接收各國印錢的資金,不過亦因為2009年開始QE到呢家,加上政府超神奇的政策,呢部機的入門版已經擁近400萬元。 400萬,亦係因為仲有9成按揭而所設定的,因為呢個仲係最低入門資金要求的一個金額,所以如果你想誇越貧窮線,就要有400萬的樓比你上車。可惜隨住唔同的因素,400萬的樓已經好少,而且要9成買到400萬的樓,閣下最少要有55萬同33300的月入水平,呢個要求,我相信都唔係一個普通做左3-5年野的人可滿足,而如果你係岩岩出黎做野的話,相信到你能夠滿足以上條件的時間,400萬上車已經唔適用,而到時係500 / 600 定700就無人知了。 所以今日隊長睇到的係一個幾可悲又仆街的事實,就係QE的副作用慢慢就會令貧富懸殊越推越遠,甚至推到無可能再超越呢一條400萬貧富分界線,而到左呢一日來臨的話,政

男人愛股票,女人愛買樓

一睇呢個標題,相信好多人都即刻可能會話,我係男人但我都愛買樓,又或者我係女人,但我都愛股票,所以先旨聲明呢個題目唔係話男人就一定唔愛買樓,女人就一定唔愛股票,亦不apply係個別人仕身上,但講的只係一個普遍現象而已。 而要講呢样野,主要係因為近排我都係身邊唔同的人以及網上的題材,都見到類似的情形。不過我必需排除左有一班專業的投資者係以買股或買樓搵食的人,咁呢班人本身已經好熱愛自已的投資,所以同性別無乜關係。剩下落黎的,就係一班有份工無份工好,係度諗緊將來或生存緊的人,男性的都總是偏向股票,而女性都係中意樓多點,尤以果批唔太投資的人為甚。 顯而易見,其中一個主因有呢個分別就係現實同幻想的問題。對於大部份人黎講,買樓呢样野係一個好大的決定,分分鐘去到30-40歲黎講係人生中最大的一個決定,因為一講就幾十年,所以係承擔責任方面,一般男性都會覺得責任係自已度,那怕其實可能一人一半,不過心理上都會覺得幾十年的責任都係偏向自已,如果頭家有咩事都係男人去孭,所以份外覺得有壓力。而女性方面,又那怕都係會幫手供樓,亦可能諗住男方有咩事都會幫手供多D也好,不過心理上又有一批女仕會諗如果有咩野,屋企仲有個老公頂住,所以心理負擔係小D的。 所以財政上可能係50:50的比例,但其實心理上一來一回下,可能係遍向70:30甚至更多,因此男性亦偏向要深思熟慮睇下頂唔頂得住之餘,女性就覺得買樓計得掂就可以做係心理上是有不同的負擔程度,亦因此拉遠左兩性之間的買樓距離。 而基於男性會覺得買樓要較為輕鬆先可能敢孭個幾十年的供樓負任,一個又比較回歸兩性的因素就係現實同幻想。對於男性黎講你叫佢買樓,佢會計數先,睇下自已搵幾多,有幾多係手,然后計下即係借幾多成錢,供幾多十年,每個月還幾錢,自已頂不頂得住。而大部份人對於7,8,9成的借款都比較抗拒,因為一來計出黎的數字係每個月供得好金,所以想儲多點首期先買,而但係儲多點首期的時間,又會發現一講就又三年五年,呢D咁遠的野,講真真係死左都可能買唔到樓,不過手頭上又有幾十個,與期放係度,不如攞去買下股票睇下幫唔幫到手,呢個係一個現實的考慮,亦因此大部份男性都會先接觸股票,然后愛上股票,不過亦有好多要交好多學費,加上樓價又越來越升,離買樓越來越遠的男孩,就更加買不到樓,更加想從股票度賺番,如此這般咁輪迴。 相反女性講買樓,好一個因素就係年