寫左十年Blog，一直都想寫呢篇文，回顧一下寫Blog的初心同埋一路上的人，感覺都係一個幾有趣的回顧。講番初心，還記得當天開始寫Blog之前，一個我認識真身的Blogger，見佢成日係Blog亂咁寫比股票Tips，但現實中卻係另一回事，到最後因緣際會下的一個飯局， 萬千主題當中竟然有另一位朋友竟然睇過佢個Blog，亦跟過佢的股票Tips，最後輸左20萬，當時的隊長唔知哪來的一股傻勁，覺得如果咁都寫到，點解我唔得? 果陣時憑著一股傻勁日日係咁寫，慢慢就開始進入左呢個世界，亦開始睇下人地的Blog係講乜。在十年前，Blog算係興起左三幾年的東西吧，所以網絡上寫作的人唔係好多，就算多都又唔係好多好勤力好豐富的Blog，始終免費寫作去分享真係一件好傻的事，要Keep住做真係好偉大，但當時我就接觸到應該算係第一代的財自猛人............... *********************   解鎖  ********************   請加入 Patreon 解鎖   ***********************************************  睇完啦喎，幫幫手請係我 facebook  度 Comment / Like / Share 啦！ https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。 所以請大家 subscribe 我的 Patreon ，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。 仲等咩，拿拿臨去 subscribe 我 Patreon 啦。 ***********************************************     

   今日要同大家分享的係我朋友E的人生故事，唔知大家信唔信命，但係由細識到大的E先生對於隊長來講，真心會覺得原來一個人幸福幸運起上來，要開開心心咁生活真係無難度。 先介紹一下，E先生今年大約40歲，本身屋企係有錢的，但係要細分的話佢應該係屬於初級富豪的家族。呢個分級的話，其實都係佢分享佢所認識的世界俾我知，先至大約可以同大家分享到。草草咁樣介紹一下，例如佢有個Uncle， 70幾歲，同佢老竇講，有隻好似天能入面嘅遊艇泊左係南法，有成隊crew長期Standby為佢服務，每個月計番就400萬港紙左右，即係一年4800幻，十年就4.8億，呢個uncle話佢七十幾歲，呢家疫情下近年都無用過隻艇，但係就算keep多十年，都叫做可以負擔到，可惜的係唔可以成日去玩咁。 冇錯，與我諗睇我個blog的人黎講應該成副身家有4.8億的都可能萬中無一，不過偏偏就係會人會計緊「負擔到」去keep一隻唔撚用的遊艇，吹咩？ 當然佢屋企能夠同呢個uncle結交都有番咁上下啦，佢老豆以前游水黎香港，而家差唔多七十歲半退休狀態，當然之後就係一雙手成就左一個小傳奇咁，而家有間公司有幾十個物業咁，基本上錢就唔係咩大問題。曾經我問朋友E我話你屋企最值錢的野係咩呢？佢話你估下？當然估得就係tricky，但老友最後答係放得入夾萬的野，可能市值幾十億計算，有錢人的世界我不懂。 *********************   彩蛋  ******************** 本文章都有彩蛋，請加入 Patreon 解鎖 ***********************************************  睇完啦喎，幫幫手請係我 facebook  度 Comment / Like / Share 啦！ https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。 所以請大家 subscribe 我的 Patreon ，睇埋隊長的買樓秘笈，當請我...

  最近朋友A同我講左一段好情深的話說，一直爛漫不羈的佢，突然係呢段時間有所感觸，唔知係咪成個市況都比較負面的時間，有時靜下來佢會諗，自己都成40歲人，好似一事無成咁，連樓都無一層，成個廢青咁，仲會有人要嗎? （ps. 佢一直有拍拖，但complicated)。 首先我一句車埋去啦，我話當然我明你感覺，大家都係一齊長大，40歲出頭，感覺其實仲係20的心境，不過都要認清事實，廢青真係無L你份架啦，唔叫廢老已經係好HI比面你，收皮啦好無。的確，隊長自己亦明白到，其實十年時間真係好快過，自己一點都唔覺得自己長大多少的時間，儘管ID Card上印證住鉄一般事實的年紀，但心境真係仲係十八廿二。 回歸正題，40歲沒有樓有無人要呢單野，有兩個重點。一就係其實40歲係咪一條死線，定係隨機代入30歲又得，35歲又得，48歲都得，年齡係因為我地係80後先會被主觀帶住，不過要討論就姑且用40吧。另一個重點係，有無樓又係唔係緊要呢？亦即係無係咪有樓就有女，無樓就無女咁呢？ 呢個時候一定有道德L跳出黎去品評話做乜咁現實啊？有樓巴L閉D啊？一層樓算得乜啊？愛情可以用錢衡量嗎? 係，我完全完全認同以上所有反方的論述的，可以了嗎，但煩請如果只係要求隊長答呢個世界有真愛的人，可以睇到呢度就好了，係的，有真愛的，唔係乜都用錢黎衡量的，全對，OK? [清走大量道德Ｌ先] 戴完頭盔，如果能夠開放少少咁試下去係現實中分析一下，一個40歲的男士，當佢有讀大學，23歲畢業，工作正常的話都17年左右，咁佢的經濟狀況如何工作如何呢？再次放開道德的枷鎖去探索，一年平均儲到10萬，17年都應該有170萬。如果一年儲到20萬，就應該有340萬了對吧。數字就係咁計，但要儲10萬的話可能平均月入3萬左右？如果要儲20萬的話，平均月入6萬左右？如果一個40歲的人，月入3萬同6萬大家又點睇呢？（唔該如果仲係想講要真愛啊理L得人搵幾錢的聲音先行L開，我寫文的時候都總係幻想到有呢D 濕鳩comment留言而唔係討論的正義撚）。 問題又出番黎啦，就係係唔係個個40歲都有呢百幾萬-300萬左右的錢呢？如果有的話，點解唔買樓呢？如果無的話，點解又無呢?係洗左，蝕左，定係無賺過呢個水平的錢呢? 40歲如果無樓的話，大概可以第一步分析的係有下列可能：  1. 收入較低的人: 去到40歲都係20-30K水平，咪買唔到無諗過買樓...

  「我地離婚啦！」係一層租值5皮的Grand Yoho四房戶入面，阿芬聲嘶力竭咁向住阿明大嗌，可能因為只有佢兩個人住無觀眾唔夠dramatic，大嗌彷彿係要全元朗都知道佢地的關係走到終點。 回想結婚之前，甜蜜的阿明同阿芬一直計劃結婚後的住屋問題，阿明係一個big4的auditor，30出頭的佢月入8萬，不過由於正值上位期，對佢來講星期一至六都只可能係間屋每日幾粒鐘的時間下，佢對住屋無太大要求，只係需要近中環就好了。阿芬就係一個保險經紀，月入5万左右，屋企有少少錢住跑馬地，所以結婚佢就希望阿明買層樓係番跑馬地咁話。 當時仲未有林鄭未有新按揭計劃，睇左十幾間屋，阿芬心儀的樓，全部都係2千幻以上，對於阿明黎講，深信佢心入面會話「咪玩鳩我啦」。「平價果D好細啊，呢幾間住得下人的先至二千零萬，又近媽咪！」阿芬講出佢心水樓的諗法。「一係咁啦，我地一人出d錢啦，你有二三百萬架嘛，不過要寫我名架喎」阿芬一路捱住阿明小鳥依人咁嗲佢落撘。 「你同我加埋都買唔起啊真係，要買我屋企人真係賣樓都唔掂」阿明小心翼翼咁講，以免阿芬突然發難，腦裡面回想起之前佢生日無送到個hermes比佢係條街發癲的情況。「唔住得好d我d朋友會笑我架」阿芬繼續出招希望可以說服阿明，話之個現實係老爺奶奶訓街都唔關佢事。 「呢家我奮鬥期啊，一係我租個靚單位比你啦，搵個新樓有會所啦，好過你跑馬地呢頭d舊樓都無會所」阿明釋出折衷方案，之後就相約阿芬下星期去睇下樓啦。 約左代理去睇樓，當時適逢Grand Yoho交樓，又有西鉄，就去睇下。「你地幾多人住啊，新婚？」個agent問如膠似漆的阿明同阿芬，睇佢地咁sweet應該都係新婚。「恭喜晒啊，不如我地你地睇下唔同戶型先啦，攞個感覺，反正新交樓大把匙盤」代理攞左一堆匙就出發。 「啦呢間中層一房就岩晒你新婚架啦，四正實用，企企理理咁，又夠平喎.」代理係度hardsell-ing。「你睇小我啊？」代理冷不防突然一把不滿的女聲殺過來，無錯，就係阿芬一臉不悦望住四面牆咁衝口而出，按奈不住果種火滖的心情。望住呢個腿長長身材突出成個邦女郎咁樣的靚女，代理諗到無諗過一野就爆埋黎，就係佢仲Hang機之際，「不如我地睇大間小小啦，起碼都多間房先啦」阿明嘗試打完場，「okok」代理亦即時順勢下台，正所謂醒小小就唔駛比人屌。 阿明同阿芬係跑馬地睇樓時都係兩三房起，其實搵8皮野的佢，如果租樓...

  相信好多人都聽過價值投資法，始祖當然就係巴菲特，意思即係你用合理的價錢買入一隻有價值的股票或投資產品咁，聽落好似好易又好有道理，好多人而家就會用性價比來聽代簡稱左呢個方法，但係到底有幾多人真係活用緊價值投資呢？ 狹義去睇，其實價值投資係講緊你投入的成本低於你產出的價值就係一個價值投資，而活用係呢個世界其實幾乎可以用黎解釋呢個世界的運行。舉例你肚餓去食個譚仔，你投入50蚊食完出番黎飽左，你所投入的理論上應該係低於你的產出先去做，即係話你果一下刻咁食好過你坐車番屋企再係附近買餸再上樓煮，前前後後的車費同買食才以及時間成本，係應該就咁食就快好多，所以已經可以叫做一個投資係個價值上面，但係回報係呢個比喻上就比較主觀，即係比如你覺得好好食又飽肚，咁你就覺得有正回報；如果你覺得好L難食，仲食到痾，咁你就可能覺得負回報。前設係，你去做呢個決定之時，應該見到係有價值先會咁做，但回報就有主觀感覺同客觀的混合因素而定。

近呢一星期環球股市匯市全部都係痴晒線，美股連續三次溶斷，係一星期消化左一年的升幅，而港股就反而跌跌下好似搵到支持，所以想搵食的朋友真係買中就大賺，買錯就隨時輸到仆街。然而股市係超短線的反應有好多時都係情緖主導，因此係全球各國救市救信心期間，一如所料都係離唔開減息同埋QE，而今次就因為疫情下，幾乎你無聽到任何經濟學家同銀行家反對印錢，所以大家好快好快就可以實施呢D措拖，以下係各國的節錄： - 美國聯儲局兩度減息共1.5厘，並推出7,000億美元的新量化寬鬆（QE）措施 - 澳洲央行宣布減息0.25厘，指標利率降至0.25厘，首次採取量化寬鬆，融資規模至少900億澳元。 - 歐洲中央銀行決定擴大量化寬鬆政策，新設置7500億歐元的額度，將在2020年底之前買入國債和公司債等。 - 日本央行擴大量化寬鬆措施，增加每年購入交易所買賣基金（ETF）目標一倍至12萬億日圓，但仍維持利率不變。 - 英國央行 (Bank of England) 意外宣布降息，將利率下調 15 個基點至 0.1% 的歷史低點，並擴大量化寬鬆 (QE) 計劃，將政府債券和英鎊非金融投資級公司債持有量提升 2000 億英鎊，至 6450 億英鎊。 - 中國人民銀行決實施普惠金融定向降準，定向降準0.5至1個百分點。對符合條件的股份製商業銀行再額外定向降準1個百分點，以上定向降準共釋放長期資金5500億元人民幣。 好啦，睇完上面的論述，你應該會有一個反應就係，其實都睇到全球主要央行都係度印錢減息，盡量救經濟，不過個力度係咪可以對準，以及又係咪真係救到呢，就當然係唔知啦。然而，個規模同用藥力度救唔救，岩唔岩岩好，隊長就唔知，亦無諗住去探究，因為所謂的預測都係9UP之餘仲要一定唔會準。 不過用番普通人的common sense，如果你係做飲食，而家條街都無乜客，日日你做一兩千生意就完，銀行平息你會唔會借？99%幾平你都唔L借啦吓嘩，盤生意日日痾血啊大佬，撐得住以前搵落就話撐多兩野，但而家如果已經係死路，仲做乜走去借多條債去孭啊做善堂出糧啊？實行好多要死的企業，係一定救唔番的，所以基本上中小企好多都唔會受太大惠。 咁中大型企業呢，就唔同講法。好多公司其實睇住盤數個生意，可能係疫情完結時變番正常係可以運轉的，不過最慘係呢家疫情下真...

經靂過社會運動，疫情，以及今次唔知完左未的股災，相信大家都知呢家經濟有幾咁嚴峻。當然，上文已經講過似乎今日的香港比起2003年沙士之時抗跌力同底子都好似好左，之不過如果近日有去下銅鑼灣旺角的話，都見到其實有唔少吉鋪出現左，而係呢個時間，我地都唔可以肯定話上述三個因素都完全散去，因此其實每一日拖拉，其實都會更深咁毒殺經濟，亦會有更多的中小企倒下，而且更加無人知當所有負面因素過去之后，經濟係咪Ｖ型大反彈，定係要低谷徘徊先番上上升軌，因此種種因素下其實睇黎今年的香港經濟都應該會好差。 一講到經濟差，好多人就會諗樓市咪跌到仆街？咁我咪有機會上車或入多間？更甚者咪有好多業主同炒家好似2003年咁燒炭? 如果你有睇上一篇文章的話，應該知道隊長認為樓市其實多重打擊下都硬淨就知未必會出現大冧市，但係當時執筆之時股市係未有反應，美股當刻仲痴左線咁創新高，而去到今日，已經閃電無左三四千點，而且無水晶球的情況下唔知仲有幾差，所以要加埋股市大冧的因素去睇，或許有人會話，加埋個股災樓市就實仆晒大街啦，呢個亦未必無可能，但係隊長就認為要諗多步。 係經濟學上黎講，有一個term叫做stagflation滯漲，故名思義，即係話經濟停滯不前但係有通貨彭漲咁。通常係滯漲期間，失業率係會高企，而但係物價又會上升咁。講到呢度，我諗讀者們應該諗到，失業率上升，似乎係有機會發生吧，至於物價上升呢，唔計最近炒貴晒而你又感到肯定係貴左的口罩之外，或者你未係好感覺到有重大變化，亦一般黎講唔係一件好容易就感到發生緊的事，所以會唔會有stagflation同埋會有乜影響，通脹會唔會出現就係一個關鍵的主要原因。 睇番今日環球經濟發生緊咩事呢？首先美國就股市大冧，特朗普就要大選連任，如果經濟突然冧佢就幾乎收硬工唔駛連任架啦。歐洲呢？意大利就已經疫情困擾要封城啦，法國就社運連連，其實整個歐洲本身都底子弱，再玩落去尤其是疫情再搞多三幾個月，引出左一兩個國家出事再火燒連環船又有乜出奇？亞洲方面睇，南韓日本呢家水深火熱，日本仲要搞奧運，又係唔衰得。睇埋阿爺，最開初的肺炎爆發都係中國開始，幾乎中國停左兩個月咁濟去控制疫情，無左兩個月的數字今年個經濟增速肯肯定大受影響，仲未計幾時先恢復，而且好多好多工廠都斷晒資金鏈，以及好多重要產品比如iphone咁都唔知仲出唔出得切附運，咁有幾多工廠同實体經濟的公司受影響而執笠真...

隨著政府宣佈送中條例「暫緩」同埋「壽終正寢」，青年人同一派民主派人仕仍然堅持上街在各區推動分區的遊行同連儂牆，政府仍堅持唔回應市民訴求，而置市民，尤其青年人在前線不停磨擦，基本上其實林鄭就算唔下台，只要行出黎話肯撤回，都已經可以大幅減低民怨，但而家係選擇龜縮政策，期望市民自己消耗意志，又或者大量的警民衝突擦槍走火後民意逆轉，其實真心作為特首實在係難辭其究，簡單的兩個字可滅火都唔願意，實在不智。 然而，點解青年人咁上心咁積極咁去上街呢？有好多老一輩的人總係話佢地扭計乜乜柒柒，隊長見到有時都真心覺得離地得要緊，問心真係叫你個個星期大熱天時遊行後再出黎長久戰仲要比人打，係個個星期，真係咁中意打？唔係話無呢D人，但斷估香港都無咁多武將掛，但先唔好講政治野，只談民生經濟同青年人的將來，也許可以明白點解今次收唔到科。 係我地香港人的思路下黎講，其實一個人生的路大約都係讀書，入大學，畢業搵份好工，再結婚買樓生仔，然後安居樂業等死，基本上都係離唔開呢條路。不過而家的問題係，係 溝淡 的呢個大勢下，基本上香港的年青人的出路係越來越窄同埋越來越難競爭。舉個例，就咁講近呢五年你行入任何一間大學，你聽到的普通話的機率係已經多左好多好多，而對比以前只係響銅鑼灣旺角海港城先聽到超過一半的普通話，今時今日係學校區都已經有好普遍的普通話出現左，而呢個現象並非一個新的現象，反而係其實當你開始才意識到真正全方位360度溝淡時,才再看一看好多中資企業, 西方企業, 都早就已經係開始傾向請國內的學生在港工作。而要解釋呢個原因，亦除左因為中資影響力已經好大的時間，更因為好多企業都已經係之前五至十年都請左國內的同學，佢地部份都做到中層或中高層，開始有影響力，慢慢再發現過去香港學生因為有廣東話語言的優勢下較易搵工的情形開始倒轉，而家反而係有國內背景和操流利普通話成為一種優勢，甚至趨勢，即係話不得不承認連入場的工作都感覺被搶走了，而呢個政府仲日日夜夜都係招待北面的同胞而無任何惠及本地人的政策，從政府的大方向當然無問題因為何能GDP都仍然一样, 但係本地青年人就不停擠進狹窄的通道, 呢個亦係一個事實。 好多離地的老一輩人就會話其實佢地年代都係點點點，又或者講話香港係外向型經濟而青年人更應該自己裝備自己去應對挑戰，然而一個好大的問題係而家單純教育根本唔足以可以令整體的青年人有更多機會，換個角度即係...

估唔到呢一個成人節系列咁多人有共嗚，所以隊長又繼續手痕寫多篇，因為上篇係講，究竟係香港而家想做中產有層樓仔的疑似幸福的人的條件，不過生存的人很多，但生活的人，其實要求卻是更高。 當你細心觀察一下，有好多車在大街上走著，好多小朋友由工人帶著人來人往，小小年紀說出流利英文，進進出出的是私校的鬼婆幼兒園，然後鏡頭又一跳，一些衣香濱影的人在五星級酒店喝著英式紅茶，然後走到酒店的代客泊車處，隨便給了100元小費，一家人就輕輕鬆鬆上車回自己的所謂中產的家，這些人，又到底是什麼模樣的人，要搵幾錢先可以生活係另一個層次的境界？ 是這样的，如之前分享過一篇文章，超級有錢人，是擁有著金字塔，所以如果你係有錢佬的話，生活是美好的。然而，有錢佬係香港點都係少數，然後剩下來的，只係金字塔內的人，有些是塔尖的，有些卻只是中間，但積極往上爬。在街上，無人翻開底牌，你我也不知道究竟誰比誰更靠近塔尖，不過就隊長所觀察，當好大部份人過了可能金字塔的一半，就會好有衝動想做金字塔頂的人，然而現實係你搵幾多賺幾多並不是因為你去充而能改變的，特別在香港這個M型社會下，越去充，越易令自己加大負擔，但野心同生活品質以設至很高，收入就算增加卻都不能追上慾望，有些感情就會在40-50歲的時間更被磨至体無完膚。 先回帶至上一篇，其實一對普通的情侶，如果係諗住自己可以做更優秀的人的話，係香港，至少你首先搞得掂果200萬的結婚同首期，清袋後還能應付所謂的成人自住責任開支，以沒有太多家底的人黎講，估計起碼兩公婆十萬只是入門。有好多人認為，兩公婆加埋十萬其實唔錯啦，如果你認為係咁的話，隊長只能話小朋友你的層次實在還是太年輕。不是說隊長搵多少的問題，只係當你經歷過，你就會發現你又想有將來，又想住大D，又想有工人有車，然後又懶係中產咁，十萬，美其名只係可以充中產，但並不足以令你完全成為一個中產。當然時間累積一定的財富可以改變，但呢個又係一個時機問題，即係比如隊長一直說十一月入市係良機，如果你買左層樓，可能已經無啦啦執50至100萬，如果用時間量化，可能就等於三兩年時間的錢，但這只適用於你係有投資眼光同獨立思考的人，而如果你無呢一種能力，十一月的你同而家的你，最多都係儲多十萬八萬，甚至無，想突破又如何難？ 做一個比一般人不平凡的中產，本來駛費就會高，因為係眾多選擇中係唔駛太去選擇，即係乜都OK LA，負擔到...

今日二月十四，首先祝大家情人節快樂。 古語有云，有情人終成眷屬，兩個心愛的人係埋一齊當然係美好不過的一件美事，不過生活係香港，撇除一刻的溫馨之後，隊長今日想探討的議題係，係香港的情人，特別係年青情人，其實面對緊一個乜野的社會狀況呢？ 呢個討論如果從經濟黎睇，係一個好尖銳而又好敏感的議題，因為有正義L都可以衝出黎話，乜野都係計錢計錢計錢，真愛並唔係咁架! 認真，我真係好認同真愛唔係咁，而且任何事都有例外，之不過隊長整體而言係認同貧賤夫妻百事哀，同埋唔太相信有情飲水飽呢兩回事。 首先講一些身邊的例子，有波友本身做快餐店經理，搵萬六，33歲。女友做文員，搵萬零蚊。當然，今時今日今刻今年今月今日，都可以好開心快樂咁生活。又講另一個朋友，男的做IT Support搵18000，女的教書搵35000左右，35歲左右好開心咁生活，不過家住太子唐5樓月租10000。又有朋友男的搵60000，一個養全家四口，住村屋，無車。又有個朋友，女的做文員，15000，男的做冷氣維修，搵20000，有兩個仔女，住公屋，不過爛賭，男的借貴利欠下百萬連利是錢都偷埋去用，都唔知點翻身。又有個朋友，女人40，兩個女，一個人做會計文員搵20000，住劏房養兩個，舊老公就係因為錢而離異。老一輩的人更多故事，有的老公靠老綜過活仲大大聲扮識野，開歺飯兩公婆都噪交，又係錢。有的爛賭直情消失左，連頭家都唔要，兄弟姐妹都搵唔到佢，要個老婆由主婦出黎洗碗養大兩件。香港地乜故事都有，你可以話佢地開心，或曾經開心，但係好多人其實係結婚一刻都未知其實乜野叫做責任，亦根本無計劃過自己的人生，有些人結婚後先開始明白，有些人連結婚擺酒都已經要分手，先莫論愛有幾深，但當你要面對現實係咁要你攞幾十萬結婚，甚至話攞幾萬做禮，再甚至只係十萬八萬買隻戒子仔，呢度十萬果度十萬，好多人都會清袋甚至諗唔掂，之後就會要選擇，要選擇就要放棄一D野，之後就會容易有矛盾，所有野不得不回到最原始的問題 - 錢。 當然每個人的人生都唔同，要求乜做Ｄ乜，搵幾多同洗幾多都係整定，之但係有一样野係隊長成長過程中係一步一步咁明白，如果你唔係好早就有計劃同獨立， 你係永永遠遠唔會明自己原來一直無長大過，年過三十並唔代表你係成人，特別係香港呢個晚婚社會，隊長認為35都未必可稱為成人。 就以好多情侶為例，同屋企人住，大學工作出黎做野開始比下...

過去的三個月，可以用絕對黑暗黎形容，尤其對於投資者黎講，可以話係一個惡夢，不過同時亦係一個時機，因為當三個月後的今日睇番，似乎最惡劣的一刻，可能對於部份人已經過去，而如果你有撈底的話，更加可能成就一個絕佳的入市機會。 係投資路上，timing往往都係絕對重要，如果有人同你講咩平均買入番，貴的時候買少D，平的時候買多D，然後就算你反駁都會落盡咀頭咁哄你買保險基金，其實都係講唔過你係靚位入市坐得輕鬆。有時，係岩的timing遇到對的機會，係接近垂手可得，就像是如果你IPO買入騰訊10000股，對比而家十幾年後每月月供10000蚊騰訊，明顯的只要係岩的timing做岩的決定，投資的嬴面就會大很多。 不過timing對了機會來了，又係咪做對決定，那才是高下立見。比如在03年08年冧市，而家回想起黎，其實肯肯定要買入，但偏偏有人卻係對的時候做錯誤的決定，失諸交臂的同時更加失敗收場，人生有時就係只得那麼三兩個機會，在對的時候做對的事情，可以讓你有更美滿的人生，相反，可能令人生充滿遺憾。 投資黎講，捉timing目前隊長都還算可以，沒有絕對的低位，但係較低位下計岩數做對的事情，目前都叫尚算可以。不過人生道路錯綜複雜，好多金錢以外的事唔係單憑數字就可以駕馭，舉個例係職場上，一個新的管理層就可以令你危轉直下，而人生入面更多的決定，亦可能往往令你同目標越走越遠，隊長當然也只是一個普通人，係靜默下來回想過去，的確有好多野往往可能係擦身而過，也許遺憾就是人生的一部份。 Timing的確係一件好神奇的事，就如呢幾日可以用大起大跌黎形容，比如一直要出貨的東西，好事多磨下終於出貨了，要入貨的也入到了，和公司討論關於離職的賠償也走到了看到公司態度分歧的尾聲，賭馬也竟然經歷人生入面最大的一次勝利，但同時係另一項目被迫cut loss，種種的高高低低真係幾日內出現，每件事回想都係timing同選擇而走到結果，不過那怕結果係未盡人意，生活都係一样要走下去。 2018年設定的目標，都做到了。得到的資金，令原本預期在2019年設下的目標可以得以進行，不過有部份可能已經意義和時間已經跑調了，但方向還是會堅持，因為隊長唔想好似軒仔首歌咁，做野只有一半。 ---------------------------------------------------- 一世即將過半 ...

其實好多時睇報紙或網媒，成日都有好多關於財經的專題報導，又或者唔同達人的專訪，好多時其實隊長睇完都覺得得啖笑，尤其是當做人物專訪時，達人又好普通人又好，隊長認為有好多記者其實真係好幼嫰，一來成日都文不附題，二來受訪者的水平以及訪問者的水平一样低，唔到point時又吹到大一大，好似做訪問的就係中學生交功課咁求其訪問過就算，不管質量，而受訪者其實級數唔夠時又疑似被報章加冕成達人專家，講真識野的睇完真係無所謂，笑一笑就算，最怕真係唔識的睇完當左秘笈，咁就真係累人累事了。 可能你會話，車，隊長你係咪無人訪問你所以係度眼紅人地啊？講真其實隊長呢幾年推過的報章訪問起碼有5次，主要原因係本身隊長又唔駛sell班sell野，真心唔駛出名做宣傳，做個訪問無乜意思，而另一方面呢本身隊長認為我自己都真係唔算有料，所以自我審查都認為何必獻醜呢。但吹你唔L漲的係太多太多的專訪所謂的達人真心只係一個普通到唔普通的人，難聽D講句差唔多買到一層樓上到車，都會間唔中有人訪問下做專題，然後總是補充兩句話心得就真買層樓之餘又買下心水愛股如科技內銀股等等，老實講如果個訪問係以上車為題咁我OK，但真心真心唔明點解成日都會被吹棒到成仙成佛咁，喂係咁勁的就唔駛撈啦仲係度學隊長一样捱騾仔咩。所以隊長的鄙視係黎自於其實採訪果個又唔識野，受訪果個又唔識野，兩個傻豬走埋一齊又變左神人，真係好鬼搞笑。 隊長認為，受訪者唔識野係可以明白，但採訪的能力同判斷真心差先係得人驚。簡單講，做財經版日日都係對住D財金鉅子啦，我明白有時有D財演就算無料扮四條如大師都會有棒場客，咁棒左個有noise的財演去訪問谷收視係一門生意同學問。但係如果你訪問一些名不經典的人然而又要神化為達人，而原因只係採訪果位師兄師姐真係唔識而且層次太低，以為只要有層樓或炒隻騰訊就係神，咁不如你落街求其搵條友訪問下問佢港股大時代執幾錢算啦，但真係唔好神化你的受訪者，因為呢件事我真心覺得只反映採訪人的層次可能同一個中學生大學生一样無分別，求其有條MK仔走埋黎同你講佢炒股執十皮八皮已經係嬴左個香港，實在我可以話你聽係隊長身邊的唔係所謂專家，不過人地有小小錢，楂住一千幾百萬，係股市最近半年執幾百萬唔係咩神奇事，不過你可能買幾十萬股時，佢地買幾百萬之嘛，無乜野值得分享，因為人地舊本大過你之嘛，俗D講句，係你未見過大蛇痾尿姐。 然而記者又唔一定係講財經...

呢個世界有好多唔同的可悲蟲，而其中有一款隊長我覺得最可悲的，就是那種全程投入工作下，上左位的一些所謂高層甚至老細。當然聽起上黎咁样唔算太可憐，因為全程投入工作聽落都似係岩啊，但問題係當呢D老細做左老細後，就會認為佢番工就等於你番工，佢OT就等於你OT，佢放假做野就即係你放假做野，然後又無時無刻諗D新野無止境咁追蹤你，跟住呢D人，除左你辛苦，其實背後呢條友都係好可憐。 是的，隊長公司就有一個咁样的大老闆（比起之前的那老闆再大），而隊長相信套你公司，你都會諗到一個類似一样的人，即佢諗住出份糧比你就基本係大撚晒，要屌你又好，要你OT又好，要你跟足佢方法做D On9野又好，總之係令你打份工之上設立無上限的工作量同限制。而最慘的係，佢又未係個苯苯的老闆，佢又唔知點解真係可以成日到某d check point或某d鬼鼠位就會蒲出黎搞九你。 隊長公司的大老闆，真心講，隊長認為佢堅勁，轉數快，有腦，懂產品得黎又有數口底，基本上係總部睇落黎，呢個人又真係完美地去管理。而對於總部黎講，更完美的係佢真係又唔駛訓，又唔會有任何家庭問題，佢一年只會番屋企見家人一兩次，而其餘時間都係大陸周圍走，而由於佢真係無乜活動的關係，佢連週六日都會番公司，感覺公司的員工就像家人一样，所以呢種人訓醒又係公司，訓教又係公司，生又係公司死都可能係公司。 呢位大老闆除左佢唔需要理似有還無的家庭外，當然性格上能做到一人之下萬人之上亦不會是省油的燈。成日笑笑口的佢其實就係一頭笑面虎，對住你笑笑笑其實內心部電腦已經一路run緊點盤算著你，而如果你成為佢要搞的目標對象，咁你就唔好彩了，因為佢真係好得閒可以成日去搞你，而且佢個人又係固執地要做自己想做的野，呢個似乎都係一D高層的通病。 然而講左咁耐，其實最可悲的是究竟一個人應該有的人生係點，我估佢無。可能佢屋企家庭唔完美，但公司卻能呼風喚雨，所以搞唔掂屋企就番黎搞公司的員工。而員工嘛，基本上係佢眼中都唔駛理你有無私生活，日又煩你夜又煩你放假都會煩你，有D咁的人其實係現實的世界是很有競爭力，但在於人類社會的社交同生活黎講，佢就係一個強大的破壞者，無論係佢實際煩你，定係佢比到心理的壓力你，佢24小時都可能做緊野的情況下，你做15/16個小時都無用，始終會係慢過佢，比佢lead住，然后就被受佢的折磨。 呢個社會好多呢種人，唔知點解唔理屋企無朋友，中...

係坊間成日都會聽到唔同關於理財的信息，但對於好多人黎講，其實乜野係理財的概念係十分之模糊，比如話買份投資基金的保險就係理財，買份理財產品就係理財，炒下股票就係理財，基本上好廣義咁講，你只要用你舊錢去嘗試搵錢，就係理財。 當然無人有絕對可以為理財定義，因為對於每個人都可能有唔一样的投資以及唔一样的理解，即你可以話做定期都係理財都得。之不過話說隊長前排係上水天橋見到有個阿叔，打正某間本地金融公司旗號，一個人著住西裝係行人天橋度派傳單，然后背景個易拉架係講MPF同退休，呢下隊長就真係有感而發。當然隊長無走埋去同佢傾，所以係極度主觀咁睇呢件事，然而隊長認為如果呢位阿叔好有料的，佢又點會企係條天橋仲要一個人黎派傳單講MPF理財的退休產品呢? 即係如果佢咁有料，一係就佢個年紀都退左休，又或者有班兄弟黎幫手啦，單打獨鬥，我只可以諗係中年無野做入行然後係天橋自己拉客而已，雖則勇氣可嘉，但隊長不得不問，你識唔識架？ 唔理阿西裝阿叔係點，其實放遠番黎睇，好多保險公司金融公司，其實根本無一套完整的理財概念陪訓比班sales，話就話日日可能有咩新聞分享，簡唔中又有零散的training內容可能講selling skill講產品甚至講養生的野，之但係真真正正一整套乜野叫理財呢？在隊長而言好多sales認為幫襯佢呢就係理財，而更搞笑的係幫襯個sales的客，又以為自己真係理財喎。當然，隊長又會比番個credit係其實保險界入面係有個別的產品係可以做到單一而又完整的理財目的，包括係做遺產或走資之類等等，然而對於隊長黎講，我認為99%的保險從業員都係無一套完整理念，即係只要著住套西裝就變成理財顧問甚至理財專家，呢件事其實係幾危險，不過無人會理。 其實一個完整的理財概念，係由你無錢可以變到有錢，有錢就變到唔駛點駛做，然後仲會繼續賺，然後中間又有D保障去保住你成個人生的計劃，然後到你臨老時又會幫你退休以及遺產安排，成件事係陪伴你成長的一個auto-pilot之餘仲會幫到你利用錢賺錢咁輕鬆同無憂咁規劃人生。而當中係涉及基本上大部份流行的產品，包括樓/股/債/基金/保險/MPF等等，而一咁講可想而知係呢度涉及多個範疇，而你係條街見到的所謂理財顧問，可能只係專業係一样野兩样野入面，但成套計劃點样一個駁一個咁交接令你真係全面理財呢，可以話無。 你可能話唔同意喎，我個保險理財顧問佢都有...

有留意開最近上市的股票，不難發現越來越多科網股上市，其中包括全城癲搶的閱文，以致電競股雷蛇，都可以睇到係新世代下科技將會是被受關注的一環，所以全世界的科網公司如Amazon / Apple / Alibaba / Tencent / Google / facebook....，全都成為當下的超級巨企。 與2000年當時的科網年代唔同的係，當然的所謂科網完全只是一個概念，老實講2000年的時候好多人連上網係乜都未知，但差唔多果時你話整個網頁比自己公司攞個Dot Com的Domain name就已經會比人炒到上天，再者果時完全係無盈利模式可言，大家都係係度9up就炒。時至今日，facebook玩收廣告，Amazon當係網上百貨，Alibaba有淘寶，都已經有自己的收費模式，而其中支付寶以及微信支付更加係令科技時代打通晒任督二脈，有左支付的渠道，好多網購同遊戲的服務如雨後春荀咁遍地開花，尤其是係大陸市場，成個文化係對於使用網上服務要支付已經非常習慣，而且電子支付亦已經超級的浸入實體層面，所以係新世代下，網上服務呢個無形資產基本上將會獨領風騷。 而要數IT呢個行業黎講，全球的龍頭仍然會係以美國和中國為主，美國就有矽谷有天使同風投基金，中國就有一個唔知點解勁中意玩APP同又肯比錢的文化去支持，所以如果呢兩個地區非常吃香，產品的爆炸性亦相當之快，要紅要賺錢，真係一年半載只要食正條水就得，呢样野對於地球內的其他國家地區係好難追到，所以身處香港的我們，老實講你只會見得一D你可能從來無見過甚至用過的APP公司突然來招股，然后唔知點解就突然一大班人狂吹至有幾勁有幾勁，之後當上市後佢就會成為香港金魚缸來其中一隻股票，繼續比股民炒炒炒。 炒的當然唔係問題，但隊長想指出的係，其實係新世代入面，其實最開初的一間科網公司的價值，可能係非常之低。攞一個例子黎講係如BITCOIN，岩岩出黎果時其實不值一文，但到今時今日以接近USD6500黎計，對比岩岩出呢個東西時係升左幾百萬倍的價值。同样，任何一個未爆的公司可能價值只係一百幾十萬，但佢爆左個勁APP出黎之後，就可以變成十億百億的生意，這是一個前所未有的投資回報，亦係一個對於老一輩的人更加覺得匪夷所思的事情。 當然好多人會認為，車，個世界轉快左，人地賺錢人地的事，我不嬲都係IT百痴，最多咪玩少個app，有乜所謂？但問題係黎緊...

中國的十九大會議，習大大描繪出未來中國幾十年的心願景，之前隊長都寫過唔少篇幅，中國的崛起已經係勢不可擋，而同日係德國，華為推出mate同mate pro手機，市場反應相當理想，睇番而家手機界的大哥大，以萍果同三星仲係領先，但之後就係國產的華為 / OPPO同埋小米，呢兩個事情，令隊長亦對中國崛起有新的感觸。 係十年廿年前，你可以視中國崛起為一個過程，而係過程當中，我地不期然都會攞外國的經驗同做法去閱讀中國，舉個例我地會話中國手機點點點，但應該要學萍果等等。而背後如果你唔係行業的內行人，你可能未必睇到個變化，而隊長作為睇住成個產業鏈變遷的人，我可以話你聽我覺得好恐怖，因為中國式的商業營運操作，係無良地有效咁將良性的競爭擠出去，而呢样野而家係隨住中國崛起而不停變強大，老實講我地呢Ｄ老香港的中坑，其實已經我認為已經係走到接近邊緣或盡頭，未來好難再係中國的教條下立足。 其實以前個世界，係以西方國家領導，而香港人有西方背景，中國內地就比較落後，所以香港人有優勢。但隨著呢個時代巨輪的轉變，中國企業做得好大好大，而歷史話比我地聽中國的漢唐宋潮的盛世係會有二三百年的國運，而如果呢個立論係合理的話，咁中國盛世應該係我地有生之年都會繼續壯大，所以從之前中國人要走出去的年代，隊長認為今日的十九大話比我聽，中國有機會大到可以令你要走入去，意思即係西方果套已經唔合時，你要做中國人生意，就要用中國人果套手法，而呢套手法我唔知會否如習大大咁講話會變文明，但如果做唔到的話，我相信個世界會變得好奇怪，你要立足就不能獨善其身。 係中國的商業圈入面，隊長認為香港人的定位真係好難，舉個例有工廠的PM係幾乎住係生產線入面，朝七晚十一，一個星期有6日都係咁，有家都真係歸不得，為的就係要用盡最快的效能接到客戶的訂單，所以成條生產線成個BU都會係瘋狂咁做，而呢個PM可能月薪只係得12000左右，不過年底有花紅約10萬，我眼見的呢D PM，講真我深信香港的年青人做唔來，唔係睇小香港人，但一來我認為好多香港人唔捱得，二來我認為就算你捱得，你都融入唔到中國好local好本地的文化商圈，打個電話講句野的感覺你唔係果種人就唔係果種人，做唔到就係做唔到。 而如果你認為做供應果個慘，做客果個應該就舒服了吧？我可以話少年你也太年輕了，實在做客果個就日日周圍飛，朝七晚可能都有五六點收得工番酒店，但又如何，...

全民退休保障呢單野都講左好耐，以福利行頭的香港，以至好多老人家，當然都好希望呢個全民退休保障可以落實，特別係今時今日的香港如果靠MPF推休就真係可謂食屎，好多人退休時MPF都唔夠三幾年洗就乾晒，所以有好多民間意見希望政府可以推出。 當然係今日政局下的香港，大白象工程一個接一個咁去派餅，下下一千幾百億都係咁係立法會硬闖，多一個全民推保益下街坊又有Ｄ乜野問題呢？當然有政府的意見就係話果D大白象係一次性開支，但全民推保呢就係經常性開支，開左個頭就好難番轉頭了，因此政府唔駛為呢個人口老化的香港推出全民退休，以免係將來日益老化的香港帶來龐大而又增長的經濟壓力。 對於隊長黎講，由於呢個係敏感議題，以免比人段章取義，所以隊長要明確表明支持"退保" ，而並非"全民退保"。兩者的分別，係在於是否全民？ 用邏輯去諗，你覺李嘉誠有無需要退保？大劉有無需要退保？隠形富豪有無需要退保？無的話，咁你都唔應該支持全民推保，你應該支持的係有需要的人先要有退保。當然呢一點係有所謂的十萬元資產限額過濾左，但個原理係你明白，一個有錢到幾世都洗唔晒D錢的人，佢唔需要更多的錢。但相反一個成世人都可能搵唔夠來退休的人，才需要錢去活得有尊嚴。所以，要幫有需要的人先係關鍵。 但換個角度再思考，又係唔係政府要去為某一部份唔為自己打算的人包底呢？舉個例，有人搵月入十萬搵左二三十年，但到退休果日都係差唔多月月清，臨尾就一個MPF可能袋100萬落袋，先發現自己原來得番十個月人工去洗成世，洗完就大穫了，因此佢極支持全民退保，但佢唔係後悔自己無計劃，相反佢只係希望政府保障佢未來的生活為佢埋單，咁又係咪一件公平的事呢？ 講到公平，又要講埋錢從何來？最直接當然係由政府身上拿來，而政府的錢又係邊度黎呢？咪就係納稅人。納稅人其實係一個好空泛的概念，我傾向加以闡釋為納稅法人，即係話納稅的可以係一個人，又或者係一個法人（公司）。當然呢家其實香港交得比較多稅的其實係公司的利得稅，不過如果當第日政府開支大左要平番條數，係咪會少左機會派糖，甚至加息呢？無人知，但要搵錢就自然要有人嘔D錢出黎，即你同我都好大機會要幫手埋單。 當然有人又會話唔可以咁自私咁諗今日我幫人埋單，但將來我都會受惠嘛。好啦，問題又來自於，我受惠，但我未必有咁的需要，因為我今日已經計劃緊退休，但有好...

踏入猴年當然要同大家拜個年，祝大家今年財運亨通，身體健康，萬事如意，男的發到暈，女的靚到暈啦。 今日年初四開爐，講番成個開年真係唔係開得咁好，先講早一兩星期時隊長述職係公司開年會，老實講我地個行業都可以話係陰晴表，而明顯呢家個環球經濟都真係唔係幾掂，成個forecast已經少左20%，第一個月唔到數就肯肯定，呢個勢頭真係唔係咁樂觀，感覺有D似2008-2009的感覺。而香港方面，初一流流黎個魚蛋革命，雖然隊長一直都認為社會應該有一套公義的道德理念，但係睇番新聞片有多少畫面都係未必完全認同，但初一流流走去掃魚蛋檔，搞到咁大穫社會唔和諧又係肯肯定的，呢個開年又係開得衰。 年初二就又係鄉議局去求簽之日，今年最令人期待的葉劉對奇Ｌ怪一Ｄ睇頭都無，而劉皇發個仔就幫香港求到支上簽，唔知係咪有人幫手抽走晒D下簽，但記憶中其實咁多年個簽其實都幾準，抽到下下簽果年印象中香港真係仆晒街，希望今年如支上簽一样可以逢凶化吉。而到今日初四，除左打工仔要番工之外，另一個令人沮喪的事當然就係恆指開市的指數，又係一下大插。就隊長而家下筆之時個市已經係插緊750點以上，同上一次新年番黎一样，一番黎大家有股票的又再損手，香港係咪真係無運行呢，希望唔好啦。 今年本來有幾個item上左wishlist但有部份野都係唔係好敢講敢做，但即管打出黎令自己都可以年底前Review一下啦: 1. 工作上希望可以交到心中的功課，目前二三四月係重要時刻。 2. 投資上本來諗住入多一間屋，目前情況係見到已經經過左上一兩個月的低點，係呢個位就唔會再入，除非又再開始插，而如果彈番上去的話其實都無問題，一样開心。 3. 租金回報希望可平穏發展，今年只希望租客會平穏咁租就OK。 4. 換車時候又到，但個市咁殘呢样野又係要等人唔掂先放車的時間接手會開心點。 5. 公司個情況唔係咁好但如果有B仔都係一件賞心樂事。 6. 如果有邊間樓賣到好價的話都會考慮，套到現的都會啡晒去賤殘價的股票收息。 以上就係隊長今年的目標，大前題都係叫做盡量防守，希望下半年個市會反彈咁就好啦，點都好祝大家都賺到盤滿砵滿啦。

下午四點半，享受完一隻炸雞比半份西多，走出一間村屋的茶歺廳，今日天氣陽光普照，係繁忙的人生能夠享受呢一種時光，實在難得。 對比起隊長的工作和生活環境，呢度可謂鄉下，只是一個小型屋苑，一個隊長投資的屋苑，附近有間家族經營的茶記同數間小本經營的生活小店，要不是有投資價值同同時做裝修，也許隊長根本唔會係度出現。 沒有了豪華會所，沒有了豪華裝束，簡簡單單的生活，一個三十蚊的茶廳，一個悠閒的下午，刻下隊長腦裡面浮起其實人生都不是太複雜，撇開了對生活同物質的要求，要財務自由其實真係好簡單，每天任你茶歺廳放題，其實真係要生存，成本一點都唔貴，相信隊長亦其實可以馬上財務自由。 回到現實，其實好多時生活都係度追趕住人，人亦在追趕生活，老實說如果可以自已揀的話，隊長我而家真係可以好輕鬆咁就財務自由。但係人係咪又停留係一個較低的空間，係有能力下又唔作出貢獻，以及係咪需要好天搵埋落雨柴，趁后生搵得再多Ｄ而繼續拼搏呢，呢個諗法的背后會帶來更多的收入，但又正正係更多的收入驅使隊長去期望更好的生活和更高的享受，膠下膠下咁又走番入老鼠競賽 (Rat Race)。 係一個低層次的財務自由狀態，加上隊長的年紀，目前仍然係會繼續工作，但老實講，以預期的收入來講，要40歲左右財務自由退休，應該不難。但要是生活再需提升上去，即要整間九千幾萬呎的屋，咁就又會係另一個十年。係香港，不得不承認有樓奴呢件事，問題只係一個取捨，即你希望一個人獨佔2000呎大屋，定係你住500呎出租1500呎，然后每月收取50000回報？用樓黎行財務自由，其實就只係計一條自住同出租的數而已，Cheap起上黎你自已住200呎出租1800呎都仲得，睇你點揀。 人生其實真係好怪，要生存的基本真係唔多，一張床（或一個家庭幾張床），一個幾十蚊的晚餐，人已經可以生存。突然有時諗，一個fine dining的晚歺，人均兩三千，其實真係可以換黎做百幾隻雞肶隊死你都仲得，基本食一歺就已經對於你可以食幾個月茶歺了。不過人生在世，有好野當然又要試下，呢個就係隊長仲係Rat Race的原因。 一切都係取捨，要財務自由其實真係唔太難。

由於隊長的身份係親戚中相對隱密，故此好多時都可以好隠閉咁收風，聽下親戚的八卦野。而最近係聽番一個遠房親戚據說手持七個物業，具体係乜野的一籃子樓盤就不知，但相信今日黎講七層樓亦係一個唔小的數目。 可能你會話七層樓或以上好多人都有啦，又有咩特別呢？問題係如果你個腦計黎計去都計唔到諗唔到呢個人點樣可以買到七層樓的話，呢下先係一個值得研究的地方。 首先，生活係今日的香港，如果你想有樓，甚至好多層樓，最容易諗的就係成功靠父幹。不過，呢位年近六十歲的親戚，父母都係公屋出生，而且近20-30年都已經無做野，基本上係無可能收收埋埋有一大舊，就算有，佢果度五六個兄弟姐妹，點解要幫你一個買七層呢？講唔通的。而計家庭的話，呢位親戚就正正係上有高堂，下有仔女，仲有個老婆咁，一家七八口同住一個居屋單位，所以點計都唔似係有父幹母幹的幫忙。 其實呢七個物業按我估計已經係早響2007年前就買入，當然當時的按揭要求以及仲未有正面信貸資料庫，理論上好似係易Ｄ。不過易還易，理論上你都要比首期掛，就當你十零廿萬一間先啦，係唔係咁易係果個年代可以接二連三咁攞到咁多次十幾廿萬或更多出黎買呢？如果你收入強勁就當然無問題啦，不過還記得佢地只係住居屋，其實呢位親戚亦早於十年前左右已經無做野，再推算多早十至十五年，佢都只係做普通搵萬零蚊的工作，其餘主要收入都係靠太太果兩三萬的收入去支持成家人的洗費，老實講又老人家又小朋友番學，再慳我都諗唔到咁多舊首期點样可以攞到出黎？ 當然你可能會話，會唔會係層樓升左再加按再買咁呢？呢個未嘗唔係一個可能性，但只不過收入黎講都係靠佢太太一份主要收入，我知當時係可以入唔同銀行狂借而避免計唔到條數，但我更大的問號係佢地都唔似太進取又唔似太識財技的上一輩人仕，係咪真係識得玩之餘仲要有膽量係咁狂借黎買樓收租，呢個又係一大問號？畢竟要記住佢地係養好多人，而且老公的搵錢能力係越黎越低而接近無的情況下，要一個老婆養成家的前題下仲大膽搏殺，我真係唔係好諗得通。又或者，可能係佢地已經搏殺完老公先唔做野，唔知，但以我記憶中應該唔係發左先唔做野，應該係健康問題先局住唔做，好似係。 所以大前題係咁多個首期，相對咁多人口要養，同咁少人搵食的情況下，可以生出咁多層樓，呢個謎真係好難明。而且，難明的唔單止係我一個諗唔明，據說佢地遠房親戚的近親，都唔知佢的發跡係如何練成，彷似好似係突然...