對於香港人黎講，2046有一個好深層意義就係我地的50年不變將會到期，而距離呢50年不變底下，雖則香港已經有好多變，但香港人最關心的兩個重要議題，係政制發展(民主自由)及樓價，而呢個30年後及將來的世界，就讓隊長試下預測一下會變成點。 先講政制發展，相信好多人都希望民主自由，而如果係自由度上黎講，也許2046會比今天收窄左，但相信2046的香港人權又會比今日的國內自由，主因係國內的人權情況就算再緩慢發發展，也會有較開明DD的路線。然而，中國都會係一個一黨專政的國家，這是不會改變的事實，不過你話一黨專政有無咩好同唔好就一定有排討論，但係係30年後的世界，一黨專政是有極大的優勢，這是隊長第一次意識到中國在未來世界的意義（突然染到好紅）。 30年後的世界，當民主派的老鬼都退下來，楊岳橋都60幾歲時，其實可以講到時你的政治取向係乜野已經唔太緊要，因為未來的世界會突然多左一個好大塊的政治光譜或潛在危機，就係機械人發展到相當成熟，甚至變成一個威脅，所以果時的政制已經不太重要，因為人類將會面對共同的危機。三十年後的世界，科技由於AI同機械人的高度融合而且AI的超級學習速度，呢個世界每半年都變得好唔同。從日常生活中，車已經可以無私機駕駛，老麥可以接近零人手去操作時，基層的工種已經可以差唔多全被取代。估計地球上去到2046，有一半今時今日的工種將會唔見左。 人類的價值就更加變得好細小，試諗下你讀十九幾二十年書先可以叫做講到下英文知道自己做緊乜，到左公司仲要不停吸收經驗先進步，但機械人係唔駛的，佢地唔駛幾十年學習，唔駛訓練自已已經可以講晒全世界的language，亦可以24小時不眠不休咁工作，又可以唔駛食野而且理論上長生不老，估此推到100年後的全世界級，智能叛變式的terminator 或matrix之類的世界一定會出現，因為人類實在去到某一個點就會輸比機械人同AI，到時我地就會淪為豬牛羊的生物，所以討論政制係因為人在同人競爭，但當機械人可以取代我們時，政制自由已經不太重要，即你有無見過豬同牛會坐埋一齊講自由講理想？ 不過係未去到終點之前，呢個世界會出現一些現象，比如可能係2046的世界下: - 馬雲馬化騰Sundar Pichai (Google) Jeff Bezos (Amazon) Bill Gate (Microsoft)....等科技巨頭.

呢個世界有好多唔同的可悲蟲，而其中有一款隊長我覺得最可悲的，就是那種全程投入工作下，上左位的一些所謂高層甚至老細。當然聽起上黎咁样唔算太可憐，因為全程投入工作聽落都似係岩啊，但問題係當呢D老細做左老細後，就會認為佢番工就等於你番工，佢OT就等於你OT，佢放假做野就即係你放假做野，然後又無時無刻諗D新野無止境咁追蹤你，跟住呢D人，除左你辛苦，其實背後呢條友都係好可憐。 是的，隊長公司就有一個咁样的大老闆（比起之前的那老闆再大），而隊長相信套你公司，你都會諗到一個類似一样的人，即佢諗住出份糧比你就基本係大撚晒，要屌你又好，要你OT又好，要你跟足佢方法做D On9野又好，總之係令你打份工之上設立無上限的工作量同限制。而最慘的係，佢又未係個苯苯的老闆，佢又唔知點解真係可以成日到某d check point或某d鬼鼠位就會蒲出黎搞九你。 隊長公司的大老闆，真心講，隊長認為佢堅勁，轉數快，有腦，懂產品得黎又有數口底，基本上係總部睇落黎，呢個人又真係完美地去管理。而對於總部黎講，更完美的係佢真係又唔駛訓，又唔會有任何家庭問題，佢一年只會番屋企見家人一兩次，而其餘時間都係大陸周圍走，而由於佢真係無乜活動的關係，佢連週六日都會番公司，感覺公司的員工就像家人一样，所以呢種人訓醒又係公司，訓教又係公司，生又係公司死都可能係公司。 呢位大老闆除左佢唔需要理似有還無的家庭外，當然性格上能做到一人之下萬人之上亦不會是省油的燈。成日笑笑口的佢其實就係一頭笑面虎，對住你笑笑笑其實內心部電腦已經一路run緊點盤算著你，而如果你成為佢要搞的目標對象，咁你就唔好彩了，因為佢真係好得閒可以成日去搞你，而且佢個人又係固執地要做自己想做的野，呢個似乎都係一D高層的通病。 然而講左咁耐，其實最可悲的是究竟一個人應該有的人生係點，我估佢無。可能佢屋企家庭唔完美，但公司卻能呼風喚雨，所以搞唔掂屋企就番黎搞公司的員工。而員工嘛，基本上係佢眼中都唔駛理你有無私生活，日又煩你夜又煩你放假都會煩你，有D咁的人其實係現實的世界是很有競爭力，但在於人類社會的社交同生活黎講，佢就係一個強大的破壞者，無論係佢實際煩你，定係佢比到心理的壓力你，佢24小時都可能做緊野的情況下，你做15/16個小時都無用，始終會係慢過佢，比佢lead住，然后就被受佢的折磨。 呢個社會好多呢種人，唔知點解唔理屋企無朋友，中

係坊間成日都會聽到唔同關於理財的信息，但對於好多人黎講，其實乜野係理財的概念係十分之模糊，比如話買份投資基金的保險就係理財，買份理財產品就係理財，炒下股票就係理財，基本上好廣義咁講，你只要用你舊錢去嘗試搵錢，就係理財。 當然無人有絕對可以為理財定義，因為對於每個人都可能有唔一样的投資以及唔一样的理解，即你可以話做定期都係理財都得。之不過話說隊長前排係上水天橋見到有個阿叔，打正某間本地金融公司旗號，一個人著住西裝係行人天橋度派傳單，然后背景個易拉架係講MPF同退休，呢下隊長就真係有感而發。當然隊長無走埋去同佢傾，所以係極度主觀咁睇呢件事，然而隊長認為如果呢位阿叔好有料的，佢又點會企係條天橋仲要一個人黎派傳單講MPF理財的退休產品呢? 即係如果佢咁有料，一係就佢個年紀都退左休，又或者有班兄弟黎幫手啦，單打獨鬥，我只可以諗係中年無野做入行然後係天橋自己拉客而已，雖則勇氣可嘉，但隊長不得不問，你識唔識架？ 唔理阿西裝阿叔係點，其實放遠番黎睇，好多保險公司金融公司，其實根本無一套完整的理財概念陪訓比班sales，話就話日日可能有咩新聞分享，簡唔中又有零散的training內容可能講selling skill講產品甚至講養生的野，之但係真真正正一整套乜野叫理財呢？在隊長而言好多sales認為幫襯佢呢就係理財，而更搞笑的係幫襯個sales的客，又以為自己真係理財喎。當然，隊長又會比番個credit係其實保險界入面係有個別的產品係可以做到單一而又完整的理財目的，包括係做遺產或走資之類等等，然而對於隊長黎講，我認為99%的保險從業員都係無一套完整理念，即係只要著住套西裝就變成理財顧問甚至理財專家，呢件事其實係幾危險，不過無人會理。 其實一個完整的理財概念，係由你無錢可以變到有錢，有錢就變到唔駛點駛做，然後仲會繼續賺，然後中間又有D保障去保住你成個人生的計劃，然後到你臨老時又會幫你退休以及遺產安排，成件事係陪伴你成長的一個auto-pilot之餘仲會幫到你利用錢賺錢咁輕鬆同無憂咁規劃人生。而當中係涉及基本上大部份流行的產品，包括樓/股/債/基金/保險/MPF等等，而一咁講可想而知係呢度涉及多個範疇，而你係條街見到的所謂理財顧問，可能只係專業係一样野兩样野入面，但成套計劃點样一個駁一個咁交接令你真係全面理財呢，可以話無。 你可能話唔同意喎，我個保險理財顧問佢都有

一睇題目，你可能即刻諗，喂隊長你做乜咁灰燼啊？或者咁講，事情係有兩邊睇的，其實香港的80后同00后又唔係咁慘的，只是隊長側認為90后係一個最悲慘的十年年代而已。 首先，呢個世界從來都係長江後浪退前浪，70后推60后，80后推70后，呢個係一個正常的社會現象，90后能唔能夠推80后呢?也許係得，隊長睇的係，係90后未推倒80后之前，可能就會比00后同10后推倒。換句話說，80后尚有機會上一陣位，但90后可能連上位的機會都無，就面對新的社會新的經濟巨浪威脅。 係過往的經濟，其實某程度上大家都係鬥緊差唔多的野，即30年前的銀行，同10年前的銀行,都係做緊同样的野，就算換了包裝，裡面的內容都大同小異。因此，新人入一間公司，公司與公司之間的競爭，都係可預視的，所以大家裝備自己的學業技能同路程，全部都係一個倒模做出黎，大家跟住行跟住學跟住做就差唔多，呢一條formula一直應用自我果代都有用，相信細我幾年的到目前的社會狀態都慢慢上軌道了，而上軌道亦即係搵到小小錢，咁岩80后出黎仲有過樓市的低谷期(2004-2007)以及(2009-2016)，呢段時間你有收入有能力，要累積資產食埋呢個經濟型下的老本係絕對可行的。 然而，目前的90后，接近90年代果批出黎幾年，上車已經接近無望，未出來工作果批呢，就更加係學左一大堆前上定下來的技能同能力準備加入社會作戰，但未來隊長認為佢地面對的困境會比想像中更大，因為一方面已經係樓市飛昇買唔到樓，二來係工作方面更加係進入左一個超級科技時代去屠宰老企業的年代，未來將會有好多巨人會突然無厘頭倒下，主因係一些新的APP一些新的服務產品出現，而呢D產品同服務將可以有效地係三個月半年下突然將一些老企業推倒隊冧，不過係香港呢個APP沙漠下(唔係無，不過唔夠人多同快），入浸經濟的好大機會係國內的企業或外資，當然你可能話一雞死一雞嗚，佢地始終要請人做野，是的，但問題係請唔請你以及你係咪能夠係新的科技企業下生存又係另一回事。 老實講隊長不止一次強調，呢家國內的IT / APP發展係快L到飛天同快L到你唔信，而且佢地盈利模式好高，只要一爆紅，全國的人都唔知點解會好樂意去用，不論年紀。呢样野全世界都做唔到，即舉例你叫你阿媽download個APP叫佢用佢都話唔識時，國內的農村大媽反而會用到得心應手而且又有支付寶肯比錢消費，吹咩？而如果你呢一刻

老實說要自主人生，對於好多人黎講係一件好難的事。如果我地用結果倒算的話，假使間你65歲係一間公司退休，而你又無法重拾雄風做番你本行的野又有番果個榮譽同地位的話，咁我可以講呢個人生已經係無乜意思。當然更有一些工種係連榮譽同地位同錢財都無的，咁就更加係一個失敗的策略。 然而並非所有打工仔都係失敗的，假使間你做某某公司的CEO，唔知點解可以比你做到80歲，講真我又覺得係新的潮代下，80歲退下來，唔理係乜原因，也真的夠年齡了。拉遠一點講，點解要講80歲的原因係今時今日的60歲或65歲，其實同我地呢一代80後小時候所認知的65歲係完全兩回事。如果你能回想下20-30年前，你的親戚長輩的60-65歲果D樣，真係老得好誇張，所以當時定60-65歲退休係合理的。而呢家21世紀，其實好多人，包括我老闆，65歲真係唔顯老，問心如果身體健康正常的話，我估做到75都一定無問題，而呢個係人類社會進步，食物營養提高以及醫學昌明下的結果，所以真心認為唔計法律，80歲退休真係無乜問題,當然當時人意願就係另一個問題。 拉暈一生人黎講，當今時今日可以活到90歲，又以做自已喜歡的工作至80歲計，其實中間位即係40-45歲，呢條數隊長認為係好有意義。隊長認為人生的上半場(0-40/45歲)，係一個正常人無法有太多選擇的時期，你只可以跟住個社會走，讀書搵野做係基本規劃。但好多人最慘的係完全沒有計劃沒有財商，一下子就閃到40歲45歲，前面的方向只係望住自己10年20年前稍工的糧，低著頭咁向前行。有些人會感到不安，然後好多時話搵D野搞搵D野投資，但欠缺大方向大規劃大目標，賺到錢又好蝕錢又好，都只係揼石仔賺多兩個錢，對於成個人生沒甚幫助時，人就慢慢步向50/60，然後事情便差不多定局。 要自主人生，除非你有什麼奇幻偶遇或有超級父幹，但以一個正常香港人計，可謂分秒必爭，越早能明白財自係乜野，提昇財商，你先有機會發圍改變下半場。如果要細分的話，其實0-26歲隊長認為係一個BB時期，基本上做人係發生緊咩事，未來係點行都唔知，而就算你覺得你知都好，95%的人都係無法改變任何野，因為無論以收入同社會地位以及影響力都好低，所以上半場的上半段，基本上係無乜野可以做去自主人生。踏入27-40(45)歲，呢段時間係人生最關鍵的時間，一共有約13-18年，而呢段時間關鍵的原因係一個人究竟有無學習同埋解以及定立一個

岳飛的的《滿江紅》有云「三十功名塵與土，八千里路雲和月」，本來呢堆古詩的野，只係中學時曾經被迫背誦的詩詞，但最近由於老闆係公司終於要面對退休的時間，不期然令隊長對呢兩句詩詞突然有無限的感觸。 首先先講下我老闆係一個點样的人吧，佢係一個典型的上一代香港人，勤力忠厚，愛民如子，深受同事愛戴。而佢係90年代受美國總部創立公司之今，並不是股東的佢，花左一生的精力去成就公司輝煌的成績，係公事上可以話成就左一個又一個的高峰。然而係私生活卻是比較苦燥，老闆佢無乜嗜號，無乜中意的事，基本上所有野都放晒係公司入面，但面對退休的前景，我感受良多，因為退休後公司再如何如何，其實也已經沒有關係了。 所以當岳飛寫出滿江紅時，白了少年頭，空悲切，可以指出一個人其實一下子就會變老了，老闆也不知不覺間花盡所有青春，就算呢幾十年有多少功名，去過多少過地方見過多少個客做過幾多單大刁，到最後要你放手就係要放手，呢堆功名亦只會好似塵與土咁被遺忘，最多也只有在某年的公司週年年報當歷史咁回味一下，也許再過多十年八年，其實就無人會再記起發生過咩事。所以，有時見到好多人係度 營 營役役咁搏命番工OT為公司賣左自己的人生，有時仲有D所謂的無厘頭領導講到 大義凜然咁去叫你做野，每次隊長見到咁的情況不禁想問一句，值得嗎？ 值不值得，可能連作戰數十年的老闆都未必識答，當然錢銀上佢應該都賺夠唔會話有咩問題，但個問題係不得不套落每一個人，包括隊長自己，要自己為某一間公司服務一輩子，然後呢間公司讓你退休時就不帶走一絲雲彩，幾十年的青春一下子除左戶口多左幾多個零之後就什麼都沒有了，感覺確實不良好。當然走到極端咁講，真係要離開人世時乜都帶唔走，這是另一回事，但如果你本身其實真係好中意你自己果行做緊果样野，但卻因要在某一時間限定你退場，真係有多少唔甘心。 試諗下，李嘉誠建立自己的王國，佢中意做到90歲又得，100歲又得，無人可以過問，因為間公司係佢的。但我老闆唔可以咁揀，因為間公司唔係佢的。所以，隊長不得不又再思考究竟財務自由後的人生該怎麼走，因為隊長唔想比人操控命運，所以先會進入財務自由的大道，亦希望財務自由之路可以令我自主人生，呢样野係一個life long的project，亦係少數人先可以自己揀自己做的事可以做到幾多歲同埋幾時。 也許呢一刻的你，可能乜計劃都無，又或者連生活都係孟孟緊咁過，有份工有

有留意開最近上市的股票，不難發現越來越多科網股上市，其中包括全城癲搶的閱文，以致電競股雷蛇，都可以睇到係新世代下科技將會是被受關注的一環，所以全世界的科網公司如Amazon / Apple / Alibaba / Tencent / Google / facebook....，全都成為當下的超級巨企。 與2000年當時的科網年代唔同的係，當然的所謂科網完全只是一個概念，老實講2000年的時候好多人連上網係乜都未知，但差唔多果時你話整個網頁比自己公司攞個Dot Com的Domain name就已經會比人炒到上天，再者果時完全係無盈利模式可言，大家都係係度9up就炒。時至今日，facebook玩收廣告，Amazon當係網上百貨，Alibaba有淘寶，都已經有自己的收費模式，而其中支付寶以及微信支付更加係令科技時代打通晒任督二脈，有左支付的渠道，好多網購同遊戲的服務如雨後春荀咁遍地開花，尤其是係大陸市場，成個文化係對於使用網上服務要支付已經非常習慣，而且電子支付亦已經超級的浸入實體層面，所以係新世代下，網上服務呢個無形資產基本上將會獨領風騷。 而要數IT呢個行業黎講，全球的龍頭仍然會係以美國和中國為主，美國就有矽谷有天使同風投基金，中國就有一個唔知點解勁中意玩APP同又肯比錢的文化去支持，所以如果呢兩個地區非常吃香，產品的爆炸性亦相當之快，要紅要賺錢，真係一年半載只要食正條水就得，呢样野對於地球內的其他國家地區係好難追到，所以身處香港的我們，老實講你只會見得一D你可能從來無見過甚至用過的APP公司突然來招股，然后唔知點解就突然一大班人狂吹至有幾勁有幾勁，之後當上市後佢就會成為香港金魚缸來其中一隻股票，繼續比股民炒炒炒。 炒的當然唔係問題，但隊長想指出的係，其實係新世代入面，其實最開初的一間科網公司的價值，可能係非常之低。攞一個例子黎講係如BITCOIN，岩岩出黎果時其實不值一文，但到今時今日以接近USD6500黎計，對比岩岩出呢個東西時係升左幾百萬倍的價值。同样，任何一個未爆的公司可能價值只係一百幾十萬，但佢爆左個勁APP出黎之後，就可以變成十億百億的生意，這是一個前所未有的投資回報，亦係一個對於老一輩的人更加覺得匪夷所思的事情。 當然好多人會認為，車，個世界轉快左，人地賺錢人地的事，我不嬲都係IT百痴，最多咪玩少個app，有乜所謂？但問題係黎緊