自主人生的重要性

岳飛的的《滿江紅》有云「三十功名塵與土，八千里路雲和月」，本來呢堆古詩的野，只係中學時曾經被迫背誦的詩詞，但最近由於老闆係公司終於要面對退休的時間，不期然令隊長對呢兩句詩詞突然有無限的感觸。


首先先講下我老闆係一個點样的人吧，佢係一個典型的上一代香港人，勤力忠厚，愛民如子，深受同事愛戴。而佢係90年代受美國總部創立公司之今，並不是股東的佢，花左一生的精力去成就公司輝煌的成績，係公事上可以話成就左一個又一個的高峰。然而係私生活卻是比較苦燥，老闆佢無乜嗜號，無乜中意的事，基本上所有野都放晒係公司入面，但面對退休的前景，我感受良多，因為退休後公司再如何如何，其實也已經沒有關係了。


所以當岳飛寫出滿江紅時，白了少年頭，空悲切，可以指出一個人其實一下子就會變老了，老闆也不知不覺間花盡所有青春，就算呢幾十年有多少功名，去過多少過地方見過多少個客做過幾多單大刁，到最後要你放手就係要放手，呢堆功名亦只會好似塵與土咁被遺忘，最多也只有在某年的公司週年年報當歷史咁回味一下，也許再過多十年八年，其實就無人會再記起發生過咩事。所以，有時見到好多人係度營營役役咁搏命番工OT為公司賣左自己的人生，有時仲有D所謂的無厘頭領導講到大義凜然咁去叫你做野，每次隊長見到咁的情況不禁想問一句，值得嗎？


值不值得，可能連作戰數十年的老闆都未必識答，當然錢銀上佢應該都賺夠唔會話有咩問題，但個問題係不得不套落每一個人，包括隊長自己，要自己為某一間公司服務一輩子，然後呢間公司讓你退休時就不帶走一絲雲彩，幾十年的青春一下子除左戶口多左幾多個零之後就什麼都沒有了，感覺確實不良好。當然走到極端咁講，真係要離開人世時乜都帶唔走，這是另一回事，但如果你本身其實真係好中意你自己果行做緊果样野，但卻因要在某一時間限定你退場，真係有多少唔甘心。


試諗下，李嘉誠建立自己的王國，佢中意做到90歲又得，100歲又得，無人可以過問，因為間公司係佢的。但我老闆唔可以咁揀，因為間公司唔係佢的。所以，隊長不得不又再思考究竟財務自由後的人生該怎麼走，因為隊長唔想比人操控命運，所以先會進入財務自由的大道，亦希望財務自由之路可以令我自主人生，呢样野係一個life long的project，亦係少數人先可以自己揀自己做的事可以做到幾多歲同埋幾時。



也許呢一刻的你，可能乜計劃都無，又或者連生活都係孟孟緊咁過，有份工有個收入，勉強叫養住上有高堂下有妻房，根本諗唔通諗唔到，當然我亦無可能諗你諗到咩計去突破。但隊長只想講的係，當你突然跳到65歲時，經濟條件好了，工作的原因可能已經不是為錢，反而只是為那一份工作上的滿足，受人追棒的虛榮，以及汗馬功榮所累累的光環同榮譽，而錢唔錢可能不成問題時卻要你退下來，那是一份遺憾的衝擊，亦可以話富有得只有錢，所以為了自己的終身將來，為了自己可以盡可能的證明自己的存在價值，自主人生是必需的。


公司換來一個空降的新老闆陳总，據說陳总好牛B，佢係上海點样點样強勢，但對於隊長黎講其實真的豪不關心，一來我的財務自由大計應該40歲前可以完成，而另一方面玄一點黎講，這公司不是我的，將來成為行業巨人又好，或者點样都好，無論是陳总，老闆，定係隊長，其實都只是一個一個過客，放開公司裡面的身份，大家也只是個普通人而已，而唯一唔同的係，隊長應該是少數人會嘗試自己去定立計劃讓自己係某一時間點可以重新掌控自己人生，而其他的在公司裡的過客，永遠也只是過客，要走時便要走。



十年人事幾番新，同一間公司同一個街頭，十年後可能已經人面全非，香港如此，人生如此。大家真要想清楚是否可以財務自由，並且掌控自己的人生。