同朋友食飯，當然離唔開會談及樓市，由於朋友結左婚一年仲係租樓，所以我都勸說要上車買400萬樓下的上車盤，不過當然故事的結局又係一样，論據總係話而家樓價貴，要等樓價跌先入市。 朋友認為樓市呢家充斥兩大淡的原因，一就係息魔已經殺到埋黎，好快美國加息后，好多人會發現供款的利息上升，因此租金將會由正現金流入，變成負現金流。而且，未來亦不見人工上升太多的空間，即業主到時就會因負擔上升，無論自住定收租都會因沉重負擔而拋售，到時樓市就會崩盤，亦係買樓之時。 老實說上面的原因我即時已經指出我並不同意，首先第一個反應是，我問佢乜佢公司無人工加咩？呢家普遍黎講香港加人工幅度都幾好，3-5%其實都幾普遍，買得樓都起碼20-30K人工，加個3-5%都差唔多成千蚊係咁易，你加息要加幾多先令一個人加人工果部份無晒之后再要崩盤呢？ 再者，點解美國可以加息的時候，業主就唔可以加租呢？佢的答案係亦唔係業主話加就可以加，佢作為租客就會選擇走或唔租。Well又係一個我唔太同意的答案，當然以一個個別的Case黎講，業主加租你唔租，是okay的。但用市場黎睇，其實加租係一件幾普遍的事，如果加租就唔租係成立的話，呢幾年就應該無人再租樓，但事實係呢家大把人租樓，加租都接受了，只係幅度有商榷的餘地，因此如果業主成本高了，一定會有部份轉向租客是走不甩的。不過最經典的答案是，如果租金太高的話，佢就會買樓無謂益業主，咁.............我話原來加租會令租客買樓，咁樓價點跌呢？我糊塗了。 不過與其去話加息就會樓價，倒不如睇下加息對供款的負擔吧。以而家細價樓都係300-400萬黎計，唔理你用幾多成，假設借的总額為300萬，以2.15厘計算，即呢家30年每月供款要11314元。而如果要借到呢筆錢的話，壓測@5.15% = 16380元，即借款果位仁兄的收入最少要有27300的收入先借到。 好啦，我地再睇下每0.5%為區間，睇下供款的變化: 2.15% = 11314 2.65% = 12088 3.15% = 12892 3.65% = 13723 4.15% = 14583 4.65% = 15469 5.15% = 16380 由2.15%加息0.5%，大約供款要多700幾元，相對一個月入27300元的人黎計，每月多700幾元就會掟貨嗎？唔好講話+0.5%，

當然以上都係一般人講的盤源收窄了，但究竟大約發生左咩事，令盤源真係收窄呢？ 以目前黎講，盤源收窄的原因有下列幾個： 1.　SSD：因為最近的成交都會鎖住SSD。 2.　自住的：用家會長期住無論咩價都唔放。 3.　長期投資：用來收租，理論上都唔易放，除非你比個超高價。 先睇SSD相關的，如果翻查數據，我們來做一些比較大的上車屋苑最近一年的成交,如下面： 沙田中心 - 81宗 / 1480伙 = 5.4% 嘉湖山莊 - 714宗  / 15927伙 = 4.4% 得寶花園 - 147宗  / 2016 伙 = 7.3% 荃灣中心 - 225 宗 / 4516 伙 = 5.0% 大埔中心 - 184宗  / 4080 伙 = 4.5% 數據主要的目的，係睇下有幾多樓好Likely都唔會賣，用1年的數據做原因，係因為1年要輸20%都大機會無人會走，但10%左右的有人有機會會放，所以用1年數據會係嚴謹D。以上表黎睇，平均其實每個屋苑都有5%左右的貨係已經被SSD鎖死左，如果你再諗埋有D 1年+的SSD盤都係唔走的話，相信可能有約8%的樓係唔會係市場再出售。 好啦，睇番個大畫面，香港有700萬人，120萬個私人單位，你估會唔會120萬單位都會而無人住先？好明顯唔會，所以其實我地如果要自己估一個數係自然流通量的話，也許其實每個時段都係5-10%的樓會郁，即另外90-95%的樓係有人點都會楂住唔放，until去到下一個可能更吸引的高價先會有marginal的人再放貨出黎。不過好衰唔衰呢家自然流通果D樓已經有好大部份比SSD鎖死左，咁剩番下來的係咩貨呢？顯而易見，就係要更高價所吸引出黎的marginal的樓。 既然要買呢D marginal的樓係要付出更高的樓價，即係話要成交就要比一個可能係破頂的高價。如上文所述，一個破頂成交，就會令市場的市價移高，而要鞏固個破頂價，其實配合多一兩個接近的成交，就可以令一個屋苑的價錢再提升。換個話說，你要沙田中心樓價升至500萬入場，你係唔需要用500萬買晒1480個單位的，簡單D講你如果有1500萬，先買第一個500萬，呢個成交係破頂，D人可能會懷疑係咪堅，定係呢個單位有乜咩超靚裝修咩連天台咁。好啦黎多個500萬成交，呢個500萬已經差唔多可以令銀行估沙田中心至接近500萬。你再用500萬買多

細價樓係今年小陽春以來不停上升，有人認為只係虛火，可能三兩個月就會完結。但係呢家大約過左半年，細價樓似乎越戰越勇，雖然成交量無年初咁多，但係呢期似乎一係就唔成交，一成交就破頂，以呢種勢頭下去我恐怕2015年10月前，上車線就會移至400萬元了。（即比現價上車起步大約升多20-25%)。 也許你會諗點解唔跌，仲要點解升得咁快，又或者好嬲點解D人咁賤要買晒D細價樓咁陰險咁仆街，要剝奪人地住屋的資源？不過呢D個人的諗法其實永遠都係無法解釋一個市場的宏觀運作，畢竟就算隊長我無參與，又或者無左呢個blog的人參與，價錢其實都大機會都係要去到呢個價位，原因係呢個世界有一样野叫QE，而QE產生出黎的錢流入左市場，市場就要反映呢個流入的狀態，價錢就會變更，呢個就係price normalization的一個過程，係你我都唔能夠改變的。 當然，政府出招係扭曲左成個price normalization的發生時間同成本，但係隨時間的過去，市場的人多左錢，購買力增加，就自不然會入市／上車。你可能會話咁你買少一個咪需求少D，價錢咪無升得咁急囉？呢個，係一個門外漢的意見，但實際的樓市升幅，同我地呢D所謂的投資者無直接關係的。 有玩開樓的投資者都知，買樓呢家得兩類人，一係就投資者，一係就係用家（呢家無炒家）。投資者同用家的買樓方式的思維係完全唔同，投資者目標係搵錢賺錢收租，所以理論上呢D人唔一定買最優質的單位，但佢地一定買最有價值的單位，亦即係最低成本的單位。而呢D最低成本的單位，質素而言好多時都係爛裝，或者中層園景，未必一定係屋苑最平的樓，也許可能只係市價，但幾可肯定好少情況係破頂成交。老實講，破頂買樓即係你要捱價，買層樓黎捱價咁傻的野，唔會係一個投資者做的行為，真係好話唔好聽同錢有仇咩？ 但市場呢家日復日都出現破頂成交，咁係咩人買的呢？好明顯，剩下來的就只有用家先會肯比破頂價去買樓。原因可以好多，也許係呢一刻一定要買黎結婚，也許中意個景觀，也許風水師話好，也許屋企人迫，也許最簡單的三個字＂我中意＂，千千萬萬個理由都可以，而但係買得破頂樓的，好大機會層樓都係所謂的靚裝靚景的野，亦好多時未必係投資者會比錢的野，所以破頂呢D野就自自然然因為唔同理由發生係用家身上。 分開左兩批人的時候，其實你就可以幻想一下一個屋苑樓價升的機制係，如果十個投資者買樓，好大機會十層樓都

近日我聽到有人話買樓放租等於剥奪他人成果，所以以一個有學識的大好青年黎講，佢係唔會做呢D咁傷人咁低裝的野。當然如果你係一個葡萄友，你可能會話咁呢個人肯定係無樓無錢係度葡萄緊有錢買樓的人啦？不過事實又唔係喎，講呢句野的人其實係以股票形式做到半財務自由了，所以佢認為根本無必要買樓收租。 隊長我思考左好一段時間，其實客觀D講我都唔否認財務自由係咪一定要等於買樓外就別無選擇。舉個例，你如果屋企有十億中銀香港，老實講你唔駛買樓以致你中意租樓乜春都好都無所謂，反正中銀香港一年派5厘息計，你都有五千幻息，買唔買樓收唔收租呢D野，講真又真係無必要參與就可以財務自由的，但問題係有幾多人一起手就有十億，甚至唔好講十億，就當你一千幻，又有幾多人係解決左自住樓后有一千幻的閒錢呢？好話唔好聽一百幻都難。 正所謂條條大路通羅馬，其實大家各施各法本無問題，你叻買股咪買股，叻做債劵咪債劵，叻買樓咪買樓囉，最緊要你係自己叻果样做果样，到最后就算有先后之分，但達到目的其實大家都可happy收場。不過係買樓上面加一個道德線，話買樓放租係剥奪他人成果，係一件不道德的事，咁我又會覺得有點奇怪。 首先先諗下調番轉頭，係唔係全香港人無人買樓收租，咁先係一件道德的事，咁先係對得住其他人呢？Well....當然你話無咁多人買樓，自不然樓價會下滑，咁好多人就會負擔到，人人就係安居樂業了，Right?不過聽落就好似係，但人人能安居樂業的人人又係咪真係人人呢？如果一個人唔好彩佢儲親錢都屋企人有事要上繳，再平都好永世都買唔到樓，但又無人放租，佢係咪成世就唔駛搬出黎住呢？外國人黎香港工作一年兩年，無人放租，佢係咪又要買親樓先叫公平公義呢？而當人人都買得起后，就當一個成年人都可以買到一層，但香港有700萬人口，得百幾萬個私樓，成年人都未必可以一人一間之時，咁岩岩準備成年果D又買唔到，咁又點算呢？又公唔公義，又道唔道德呢？ 所以如果本身係要有一個租的市場去供應比一D只會租而唔會買的需求時，咁即係本身投資者的出現其實都係有一定的社會責任，如果唔係的話無人放租就會有唔好彩的人一世屈同屋企人住，外國人黎香港一係就住兩年酒店，一係就一黎就買層樓咁，無理由，Right?咁如果係有呢個社會責任的時候，點解又會被冠以不道德的名字呢？比較接近的原因就係話加租加得勁吧？ 好啦，問題又黎啦，咁加租加得貴就係剥奪他人的

政府出左雙辣招以黎，樓市多多少少都靜左一兩年, 就算受影響最輕微的細價樓, 都差唔多凍左大約一年多一點。其實係呢段凍的時間真係上車的好時光，隊長亦不停咁叫人買細價樓，如果有跟的今日一定好開心。 可能你會問點解DSD對細價樓影響最細，當然一方面就係如果你乜樓都無的話你就連DSD都唔駛比，但與此同時其實本身的從價印花稅都係以累進的方式去增加，因此DSD就仲更加將呢個越大價越貴的差幅增大，亦即越平價樓就越平，亦即係話買平價樓就仲抵，當DSD正常化后，大家接受高稅率之時，就會發現細價樓有幾著數。 下面的表係我以200萬起步，每25萬的interval去計個要比的稅，留意的係差額果一度，好明顯你睇到由225萬對比200萬已經比多左37500元，去到300萬果時其實都係有限數。不過你一跳過300萬，個DSD即時跳多5皮野，然后都係萬幾萬幾咁，去到425萬又跳多50000，之后450萬or above就整多四皮野你。 其實cheap cheap地諗，去到400萬之后個DSD開始都幾惡啃，下下都廿幾萬，買樓投資黎講去到呢D位我覺得都真係唔係好合理，DSD連雜費可能要左你30-40萬，自住就無法，但投資講回報黎計實在唔係咁值得咁比呢廿幾萬。 樓價 稅率 Extra DSD+稅 差額 2000000 1.50% 　 30000 　 2250000 3% 　 67500 37500 2500000 3% 　 75000 7500 2750000 3% 　 82500 7500 3000000 3% 　 90000 7500 3250000 0 140000 140000 50000 3500000 4.50% 　 157500 17500 3750000 4.50% 　 168750 11250

最近半年香港樓價不斷飛昇，相信上左車的人一定好Happy，但未上車的人就一定會繼續嫌貴，樓市難以再以現價支撐太久，相信好快樓市就會有一日大跌到仆街，到時屍橫遍野就冷手執個熱煎堆，以勝利者姿態搬入理想的屋入面。 不過唔理係幻想定FF好，大跌之日似乎仲係未黎，升市亦似乎會繼續，如果係咀巴說不但身體很誠實咁想買樓上車，未來呢段已經真正開始拋甩人工收入的樓市，上車的方案又應該點呢？ 眼利的你應該馬上會問如果樓市拋甩人工收入的話，即好多所謂的專家所睇的入息中位數同樓價已經唔知超出幾多倍的時間，去到一個真係完全單靠人工係買唔到樓的情況，理應係無晒支持而要跌，又或者樓係完全賣唔出先岩。不過其實今時今日純以入息中位數黎睇都已經叫貴，特别係呢半年又升多左10-20%黎講，理應開始接近爆的邊緣，但奈何購買力仲係不停咁湧入樓市，點解呢？ 其實本身樓市的購買力就唔係單靠一個現金流方式的人工收入去justify，而另一個重要的原素就係財富，亦即由人工或收入累積而黎的一個積蓄，蕳稱首期。而首期呢样野係會令你供款變少，因而會將你本來負擔唔到的樓變成可負擔。舉個例你搵兩皮野叫你供一千萬的樓，你一定唔掂，供幾多年都無用。不過原來你有首期900萬係手，咁你實際要供100萬而已，咁你搵兩皮供100萬，又唔同講法喎。 當然好多人話，要儲一百幾十萬好難，但同時儲一百幾十萬出黎原來又真係好多人儲到，所以有人係靠自己上到車。不過活係今時今日的香港，我諗如果你問十個后生仔上車的話，我個人估計，相信有起碼一半的上車人係多多少少有屋企人去以各種方式support，當中無論係以一筆過咁資助，定係話借住先，定係話唔駛比家用咁，都係會突然間提升左一個上車客的購買力。 有人可能會好型咁話，挑，我唔靠屋企人。Well，如果你係早於2010年或之前買樓的話，你應該係型得起，因為當時樓價低，又有95%按，那時真係堅唔駛靠屋企人。而如果你話身邊只係有一兩個人靠屋企，個衰仔連老豆副老本都用埋黎買樓，你唔想同呢D人一样，那當然亦係閣下的選擇，亦要睇你自己的命運同能力。不過你唔想，唔代表人地唔想，當呢件父母資助的事變成一個不明文規定的時候，樓市早就唔係像九十年代咁上車係靠自己，而係計兩代人的能力了。 你可能會話有無搞錯，咁唔Ｌ公平都有，點解會有人咁做，係咪屋企有錢大晒？樓價應該要跌，一定會跌....等

當人係職場上越打滖得越耐，就會發現呢家世界其實並唔完美。無日無之的矛盾，唔合理的事情天天都會係你工作環境發生，好多時根本就無對與錯，所以如果你唔係間公司的老細的話，老實講唯一生存的技能就係識走位。 老實講隊長岩岩出黎工作的時候，同大部份畢業生一样都係諗住大幹一番事業，那時的我充滿熱誠同埋能量，對工作有堅持，實實在在可以話係一個務實的大好青年，所以亦係公司成長的時間能夠與時並進，共渡左好一段青蔥歲月。 不過呢個世界無野係永恆的，商業社會所出現的併購同政治鬥爭，係我公司同我客戶公司，係呢段時間都出現過好L多次。講真有幾多人認為自己係事業的高峰之際，一個併購殺過來你就三幾個月乜野都可以無晒，客又好自己友又好，越坐得高就死得越快，真係有所謂高處不勝寒。 能夠生存左咁多個變遷，老實講隊長都可以話係誤打誤撞入到個好位，所以回顧番都覺得自己幸運。但歸納番生存之道黎講，最重要的就係做左中層之后要好識走位，左閃右避，盡量低調作風，但又久唔久自己蒲頭等人知你存在，但劃個orgchart果時，最高果堆人入面又無你，最低果D chart入面你又排得高高在上，之后你就可以達致一個景界就係，大事就唔到你理，小事就唔駛你理，你個位基本上似是重要卻又不怎麼重要，咁炒人果時可能又唔會揀到你，叫人做野果時又唔會諗起你，每個月底就又準時出糧，呢個就視為打工最爽的狀態。 不過你可以話係時勢造英雄，等同於今天香港的政局一样，隊長慢慢都開始喜歡見到亂到仆街的政治鬥爭同場面，因為亂呢個字，係需要時間去撥亂反正，之但係政治層面上咩叫正又係因人而異，所以一個企業併購后搞你一年半載的亂局，搞完后都唔代表係搞好的情況，對於我地呢D打工仔就最過癮，因為反正你地忙完一輪后，我都唔係好知你地想搞乜，反正樹大好遮蔭，你地搞乜慢慢搞，最緊要係你搞幾耐都好，我都係準時出糧咁得意就very good了。 有時唔單止係內部亂對你有著數，初時我以為D客比人食左都唔係一件好事，點知又好難講，拖下拖下個客D人乜Q都唔做，佢地自已都知命不久矣，亦懶得煩你，係一個混沌的狀態下，你又有番一D舊單繼續跑呃到下人之時，D客講乜你又唔係好駛聽，因為可能過幾個月佢地都係比人炒，大家都係敷衍了事，對內你又解釋番呢個情況，上面又唔會咁短視因為個客一年半載咁的情況就搞你，所以久唔久報下情況其實又當交左功課，老實講大企業就真係存在

之前同副隊長傾開財務自由的狀態，隊長嘗試以唔同的Stage去講解一下我所認知的唔同Stage，所以今集就特別寫左呢一個以樓為譜的財務自由攻略比大家參照一下，唔知你地呢一刻係響邊個Stage呢? Stage Zero - 覺醒  其實顯而以見，Stage Zero係一個覺醒的過程，由你開始發現人生死做難做都係仲係死做難做無乜意思的時候，人就會產生問號。而當你有問號的時間，好多人只會諗下搵D野搞，但財務自由呢四個字，係未必一定會遇到，亦未必一定認同，更加唔一定明白箇中真蒂。不過當你真係做下功課認識左呢個概念后，亦要睇下你本身有無儲好子彈並計劃將來。呢個Stage往住最蝦人，因為你單靠有錢無腦又唔得，你無錢有腦又係唔得，而你要儲錢又要耐性，要醒覺由無變有，都可以係一個好長的時間。 Stage One- 平倉 平倉的意思主要係因為作為一個香港人，你無樓的話其實好容易就向下流，不管你係咪要租樓，無法同大市掛勾的話，你就好容易比個市拋甩，所以係某一個時間一定要平左個淡倉先。之但係，由於香港呢家有唔同的按揭限制，買第一層雖然仲有九成，但都已經限制左你買400萬樓下的樓，再買大D就只可以越借越少，所以平倉都有分大細注，你如果平倉注錢太大，就會令你第二層樓的來臨時間拉長左，變左你又無法可以產生Passive income。 其實好多無財商的人都會自自然然係某一個位買到第一層樓而平左倉，不過問題只係策略上有無諗過成件事點样從大畫面去番劃，令自己可以更有效及更快咁去到下一個Stage。最敝的就係無財商的人係買完一層上車樓后，到某一年齡感到有條件時，又或有需要時，就賣左層細樓換大樓，再更有需要時，就再換大D咁。舉個例你買300萬樓借200萬咁講先，當層樓升到500萬時，因為條件好左，就又賣左層樓，將自己可能又十年的100萬積儲又冧落去買層800萬的樓，到時又再爭銀行至300-400萬咁。 無止境用死力滖大自己個債務，呢D就係真正的樓奴，亦係好常見無計劃無財商的人會做的行為，而佢地好多時都會係50-60歲左右因為真係做左幾十年條件非常好的情況下，先會再進入下一個Stage買樓收租，但可惜就會係慢左人十幾年了。 Stage Two- 收租公 當你平左倉后再買落去，因而可以出租有租金收入的話，你就真真正正咁展開左財務自由的事

之前講到也許佔中最坏的情況係令香港民心崩潰而走資，但係呢家戴生又話要星期六日先佔，又話佔中都無意思等等，市場反應非常快，由25000點跌左幾日落番24600左右后，消息一出就急彈500幾點報復式上升，好明顯資金睇后市應該幾進取，如果唔係無理由單日整500幾點你嘆下但係只望26000 點的頂咁保守？ 點都好，呢家佔中的形式同規模將會無咁壞的時間，隊長睇的樓市係接下來將會係一個幾亮麗的表現。首先，由呢段時間至滬港通出道的一段時間，睇黎股市會繼續上揚。我唔係股市專家，亦唔會睇圖，不過純以邏輯計之前講過全世界個股市都差唔多破晒07年頂，係香港同大陸仲係有九條街先破，只係如果你買中呢次個升勢可以破番頂住32000樓上，呢家現價仲有3成的上望空間，應該到時又會造就一班人發達。 先唔好理升幾多，但有北水經直通車落黎就係肯定的，有水入就有水出，cash out股市的人，我估都應該賺錢，或者賺好多錢，走唔甩又有一部份會係流入樓市。當然如果再細分黎睇，機構投資者未必會直接買樓，所以大碼野又未必太受惠，但相反一D散戶可能買開幾十萬股票，一個浪好叻叻執多一倍兩倍，你估佢cash out會買咩？咪好大機會又有一大部份人係買樓。咁今時今日一百幾廿萬買D咩樓？咪又係細價樓囉。 間接黎講，股市成交暢旺一定會帶動好多金融相關服務收入，即唔理你係ibank定bank定係經紀行，都好有機會過一下肥年。當2007年每日都貼近成千億成交時，D經紀搵幾L多錢我諗大家身邊有朋友都知。故此，你未必需要自己炒，但係只要你係同金融服務業有關，你的人工加幅或花紅，都可能會好金，一片好境下大家對前境有信心時，未置業的咪又係會想置業囉。 所以未來半年至一年個市應該係股市帶動下會有番好多動力，而更正的係一方面長遠黎講CY政府搞政改搞到七國咁亂，樓市的調控應該唔會再搞咁多野，亦無時間搞。再者，供應量我之前已講過，除左缺地仲缺人，講就話14 / 15年后會大增，其實落成量咪又係果一萬幾千伙，邊有供應大增呢？再加上最夢幻的就係20121026呢個SSD兩年期的大限，未來由10月打后，並唔係供應大增，反而係鎖死供應的時間，踏入2015年我恐怕樓市先係開始形成呢個股樓暢旺 + 供應大減的完美風暴。 如果你仲係唔知呢家個市有幾癲的時間，隊長再比多D信息你，副隊長今年初買的一個細價樓單位，240萬入，呢家銀

今日同人講起隊長的短期部署，隊長話呢家的時間係署於N和N+1之間，而呢家N+1實在太遙遠，所以好大機會隊長係選擇持盈保泰，享受下人生先算。 你一定即刻會問咩係N同N+1，N就係你有的物業數目，N+1就即係你的下一層樓。隨住政府出招縮樓按的時候，加上樓價飛昇，N+1就算因人而異，但大致上對於一個普通打工仔黎講，都係一個好長年期的時間。 當然如果你係一個上車客，打工仔，頭一兩層樓，其實都受惠係仲有9成按揭，同埋可做7成按揭之下，並唔係一個超長同遙不可及的年期。假使間你能夠一個月儲2萬黎計，我地以細價樓300萬為目標，第一個物業你用9成的話，當40萬埋單，你只需要係20個月時間。而假設你第二個物業係用70%按，咁你即係要借90萬+雜費+DSD，當你大約100萬先算，即你要多50個月，即大約四年。所以如果你要由零，去到你有兩層樓，又當你唔駛供仲keep住可以每月儲20K，咁你係一共要70個月，即5年零10個月，呢個年期其實都算唔過份。 記住以上係已經當你唔駛供款，實際上你攞住兩層樓黎供，要儲錢的時間已經難左，而且自住隨時要用你一筆錢裝修，老實講呢個咁完美的case又有幾可出現? 不過為計數而計數，當你有2層或以上的時候，你的N+1就好唔同了，因為好大機會你就要以50%黎買，即300萬的樓要150萬首期，加埋DSD同佣金，當你165萬埋單，要儲165萬，以2萬元計就係82.5個月，即係要大約7年，仲係只係講緊一層細價樓，對比起之前5年10個月可買兩層樓計，已經超出一倍。 7年其實真係咩都可以唔同，好話唔好聽跌就話唔駛7年可以買多層，但如果呢7年係咁易升多100幻，咁即係又要儲多50幻，即係又去多2年，呢D就真係真真正正追唔切，所以係今時今日的市況加埋按揭條任下，用樓黎做財務自由真係難左好多，甚至可以話係唔可能，因為如果7年先買多一層，老老實實一個30-40年的工作人生，你想買得幾多層？仲未計呢條formula，係未計你理論上會買大D的自住樓呢？ 當然隊長之前買落，靠樓市升值同時機，係地位已經建立好個基礎，呢家升一升就已經輕鬆好多。可能你會話再升可以一路加按落去再買，呢條橋聽落又好似岩，但其實當你有幾層樓的時候，另一個bottleneck -->壓力測試就又黎阻住你，所以你可能都係過到初一，都過唔到十五，所以就算升左都未必咁易借到足夠