文章

顯示從 3月, 2022 起發佈的文章

兄弟拍住上!

   係英國畢業的表弟回到香港,問及隊長發展的前景,就在今日移民潮的大方向下,表弟幾乎肯定咁講話經過幾年係英國,肯肯定唔會留英發展,而面對回來香港的安排,佢只係諗緊有個一齊英國讀書的有錢富二代室友的大灣區計劃,或者自己搵份工行自已條路,看看隊長的意見咁話。 今時今日個個都走的時間,表弟的睇法係英國就算讀書再好,都難以同當地的鬼仔鬼妹比拼,同樣的工種同樣的工作,係香港的發展機會以及收入都會比起英國要好,所以如果要用一世發展的話,香港始終食住大陸條水,點都會係多好多機會咁話。當然好多人講呢一部份都就好多好多野好講同比較,相信只會係無止境的debate,但表弟決定回來係一件主觀的事,所以都係睇番番黎可以發展的機會吧。 表弟目前有兩個方向,一就係佢個富二代室友有條水係大灣區的創科基地搞Start Up,而呢件事已經line up埋佢另外兩個朋友做前期的研究工作同埋酙茶灌水,當中因為富二的關係,仲Line Up埋某香港大習團的富二代女條水喉啡落去。講到咁大,但又要睇番一個事實就係富二代屋企可能有百億身家,佢老豆有成盤生意第時點都要交比佢,所以呢個Start Up搞成點,無人知亦無人會太Care。另外阿太子女比錢,都係可能玩300-500萬左右的預算,作為一個大灣區的Start Up可以話夠晒起步,但玩落去呢個燒錢遊戲係點就無人知。 隊長嘗試去了解個所謂的生意Idea,同大部份Start Up一樣都係無短期盈利,所以會搞成點真係無人知,所以簡單講隊長問表弟你係咪一個現實的人,定係追夢的人。事實上,係呢個Start Up入面你個Role只係一個follower,無乜大的價值係由你投資入去,即你又唔係某方面專家,亦唔係掟錢入去,純粹預埋你的原因可能係信得過同埋友誼,兄弟拍住上咁解。然而,呢個兄弟拍住上又值唔值人地塞錢比你賺呢?我唔知,因為我判斷唔到你地的友誼有幾深厚。 Worst case係,隊長話其實Start Up搞到一穫屎有幾出奇,你個friend有錢係一件事,可能玩耐D,但同時佢老豆又成盤生意比佢,可能出現兩個情況就係一係你地搞得OK,佢番去主公司,留呢度比你打庄。又或者,你地搞到一穫粥,佢老豆關水喉,你個Friend番去打庄,你就仲有兩個可能性,一係就跟埋走睇下佢會唔會帶你,一係就你自己搵你條路,但睇黎佢in the end都係要番去接管生意就唔駛諗。 換句話說,你如果跟

隊長Patreon 3月結 (001)

  開左Patreon剛好一個月,目前有63個Patron,首先感謝每一位支持隊長的朋友,隊長亦親自訊息左你地每一位講多謝,因為每一份支持對隊長黎講都係一個好大的鼓勵。 作為一個Blogger, 堅持寫作實在唔容易 ,無論係要諗一個主題,再到花一兩小時寫出黎,要日復日咁去做呢個事情,無論生活有幾忙碌都要放低呢一兩粒鐘起跳的事,實在不容易。而且,可能讀者係從讀者的心態出發,但隊長寫出黎係希望有人睇有人回應,最怕就係寫完無人睇,咁就會浪費左一番心機,所以係Facebook同Blogger欠缺左一個反饋的機制,但Patron就填補左一種有人真係細心閱讀的欣賞。 事實上隊長都收到唔少PM的支持,每一份支持都係隊長堅持寫作的動力,所以如果你係仲未加入隊長的Patron,真心希望睇完呢一篇文時,會明白「創作需時,文字有價」。錢事少,有人欣賞事大,隊長我好珍惜你地每一人的支持。再者,有時一兩個點子,可能已經為你省下一千幾百,甚至賺多一萬幾千或更多,何樂而不為呢? 再次多謝每一份的支持,並期待仲未加入的你可以Subsribe隊長的Patreon。 傳送門:  https://www.patreon.com/CaptainHK80

疫情下的新經濟

    最近市面一片死寂,當大家如果仲行出銅鑼灣旺角,相信唔難感受到果一份清閒,條街靜L過鬼,人湮稀少,吉鋪連連,無著燈的鋪頭更加顯得孤寂。疫情當下,相信大家身邊亦有好多人受到唔同程度的影響,WFH的WFH,放假的放假,失業的失業,而且時間不經不覺都持續左好耐好耐,慢慢在唔習慣的情況下都被迫習慣,香港好似一個病重的城市(雖然有不少人已經覺得香港死左好耐)。 咁多行業,飲食同零售一定係最直接的影響。最近一連串的酒樓都話停業(唔係結業),好彩的係話有部份老闆之前已經將好多員工轉晒做臨時工,而臨時工就出現一停業就老闆唔駛出糧的情況,當然呢D情況又會有人有唔少批評,之但係疫情之下又真係無人唔係無辜,業主商戶同埋員工都有份瀨野,睇下邊個瀨大D咁話,都無辦法。但係,呢一個新Business model都尚叫下以幫商戶續命,呢個都叫做係抗疫下的一個關鍵,始終如果執左就係執左,一齊仆街都只係lose lose,所以重點唔好講邊個著數邊個唔著數,能夠改變去生存,就係一個新的轉型。 不過,隊長認為一些大的酒樓財團能夠玩咁耐又真係個底好厚,厚到令我有少少覺得驚人。大家做商界的都明白,一年就只有十二個月,十二個月一般都會set一個target,而如果本身比你做足十二個月但係生意得平時五六成,都應該好大穫,而呢家係直情好似搞到有兩三個月係唔駛做咁話,理論上真係.......... ***********************************************    請加入 Patreon 解鎖   ***********************************************  睇完啦喎,幫幫手請係我 facebook 度 Comment / Like / Share 啦! https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ,求其比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,唔好慳果少少錢就賺唔多大錢啊。 所以請大家 subscribe 我的 Patreon ,睇埋隊長的買樓秘笈,當請我飲杯咖啡,又幫下你自己,令你可

讀者來信: 賣樓101

========================================================== 請問隊長, 我同老婆各有一層樓,而家政治環境氣氛唔太好,upside又唔係咁高,所以想賣左一層收租樓,而家五月19日死約完,收緊13500租536尺實用。咁渣打、hsbc、恆生、花旗估價509萬(實尺9531)但中銀估579萬(實尺10822)。 我2021年一月轉按渣打,現在欠渣打六成按揭337萬冇簽出租同意書同埋轉按未夠兩年。請問隊長我應該開咩野定價同埋有咩策略? ========================================================== 喂HELLO.....首先如果以賣樓黎講,隊長必需講,如果我能夠講到包生仔你聽日就賣到樓的,咁我就係神,但很可惜我唔係,所以以下的答案都只係盡量幫你去放大你的賣樓機會小貼士,而賣樓係講求天時地利人和,我地最多可以控制地利同人和,但無得控制天時。 即係咁,而家時勢黎講,成交唔算太多,搵樓的人有但唔係活躍期,所以隊長或任何人點吹都唔會吹到一千幾百個人係買你間屋。然而,目標係要係而家市況下仲有的買家之中,吸引佢地黎睇你層樓買你層樓,係有少少野可以做的。 首先好老實,你放盤賣樓,第一样野就唔好懶,一定要放晒比所有代理行,總之你見到你間屋附近的,唔理大大細細全部放晒,每一間鋪都係機會。千奇唔好比D代理水左話咩獨家,所謂獨家其實真係無乜意義,即係話除非你間野獨家係荀價賣,否則你只係減低你自已對客的曝光率,沒有任何其他好處,所以地利就係利用晒成個地區的代理幫你做野,等佢地知你係賣樓,放盤時可以大大聲聲係間鋪度嗌「Firm賣」,但D 代理知你有幾咁肯定,而唔係落黎鳩fing fing放住先果D,畢竟代理取易不取難,同你傾完價肯定賣,好過同一個傾完又話唔賣的屎忽痕寶寶傾會有多少著數。 放盤Firm賣得黎,仲有一個決定性的關鍵因素,就係價錢。老實講價錢係絕對關鍵,即係你諗下點解D Agent Sell你間屋而唔係Sell其他果一百幾十間先?要突出,就係價錢,即係你夠平就易諗。一講到呢度,就會係鬼唔知阿媽係男人的定律,所以如果你唔夠平,就要等撞客的情況。不過平同貴,我見你寫左估價,但我唔係好肯定你點睇你估價,但對隊長黎講我從來唔睇估價,因為估價真係靠估,亦有好多屋苑長期成交低過估價,所以造就

2022隊長居屋政策

   近期最熱門嘅樓市消息,當然就係講緊大家好踴躍咁申請居屋,據新聞報道最後截止嘅時間係超額認購26倍,喺樓價越來越高嘅日子入邊,大家對居屋都非常之熱情,但係喺買之前,唔知道有幾多人明白買呢層樓之後可能面對嘅情況呢? 隊長成日話,唔好買居屋,背後個原因又係點呢?而而家政策又有冇變到值得買呢? 首先講返居屋係乜嘢一回事呢?就係政府起咗然之後地價的部份保留成為政府的業權,然後將部份的業權定價出售比香港市民,因此嗰個負擔嘅能力亦都相對減輕,作為上車來講的確係一個好事。而喺申請者入邊來講,由私人市場去買居屋就叫做白表,以後就係申請資格: 白表居屋申請資格 以下類別人士合資格用白表申請居屋: 私營房屋的住戶 房委會公屋、房協轄下出租屋邨或任何資助房屋計劃單位住戶的家庭成員 透過房委會「租者置其屋計劃」,與房委會簽訂轉讓契據日期起計10年內的租置計劃單位業主及其認可家庭成員(必須以家庭整體形式申請) 白表申請入息及資產限額 白表居屋申請人,還需要符合一定的資產及入息限額: 一人申請者:每月入息上限是33,000港元、資產上限為85萬港元 二人或以上的家庭申請者:每月66,000港元、資產上限為170萬港元 咁睇返啦,白表嘅申請者理論上係....................... ***********************************************    請加入 Patreon 解鎖 ***********************************************  睇完啦喎,幫幫手請係我 facebook  度 Comment / Like / Share 啦! https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ,求其比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,唔好慳果少少錢就賺唔多大錢啊。 所以請大家 subscribe 我的 Patreon ,睇埋隊長的買樓秘笈,當請我飲杯咖啡,又幫下你自己,令你可以縱橫樓市,以一個「百萬租金」投資者的心態去睇市,其實相當超值。 仲等咩,拿拿臨去 subscribe 我 Patreon

香港租樓故事:月租5萬的港女吸水大苯象 (2)

香港租樓故事:月租5萬的港女吸水大苯象 (1) 現實總係事與願違,呢位女子當你滿足左佢一樣野,自然就會有更多的需求,就好像經濟學101咁講,wants are unlimted,而結婚後就會有更多的想法,亦會造成落差。經過唔到一年的時間,甜蜜的關愛已經不復在,對於每時每刻都係計較同control freak的關係,M底的阿明亦開始明白到自己只係一隻cash cow,特別係由疫情之後香港無晒大陸條水,做保險的阿芬收入大減,到最後直情唔做野係屋企做少奶奶,經濟的壓力驅使阿芬更加大咬,而阿明背負住50000的租金同埋阿芬的苛索,日以繼夜不停工作都只係無底深淵咁漏錢,阿明都去到崩潰的邊緣。 就在這夜,臨到阿芬生日之際,阿芬再提出要helmes包包。經濟壓力壓死左的阿明,已經再無耐性去求和。「你覺得搵8萬租5萬的人,去養埋你的時間,仲有錢剩去買十九幾萬的包包咩?魚柳包菠蘿包就得,helmes喎,你都有兩個啦仲買?」阿明開始宣洩自己的怒氣。 「我生日啊!我嫁比你第一年的生日啊!」阿芬覺得自己不受重視,眼前呢個男人並沒有像之前一樣咁愛自己了。「唔係生日同結婚問題,係無L錢咁fing的問題啊!」阿明已經難掩自己心中的怒火,呢個老婆從無替佢著想。「你成日剩係要呢樣要果樣,有無諗過將來架,你知唔知我幾辛苦,你咁樣好難頂啊!」阿明連珠炮發。對於一向唯命事從的阿明咁講,阿芬第一次見識到阿明不受控制了,亦因為感到被侮辱「離婚!我要離婚啊!」阿芬都不能示弱,唔係阿明你惡就得,你識惡我識癲啊! 相信每個人身邊,總有一些情侶係一年分手或離婚一百幾十次,之但係對於阿明黎講,佢聽到阿芬咁講竟然有一種鬆一口氣的感覺。 「你話架!」就係呢個時候阿明頭也不回痴左線咁直衝大門離開,留係間屋入面的阿芬就好傷心咁係度喊,亦開始打比佢的閨密。「我係全世界最慘架」阿芬一路喊一路講,「佢唔愛我啦佢以前唔會咁對我架」係電話中的朋友Ivy一直安慰佢。 閨密Ivy的存在,其實亦係故事的另一個關鍵線,咁Ivy係一個咩人呢?Ivy係一個i bank的中層TB,一直都對阿芬有好感,所以阿芬一出事就打比佢,因為佢道Ivy一定企係佢果邊。「係囉,買個袋之嘛,有咩問題喎」Ivy幫阿芬圍爐取暖。「如果你想要的,唔駛等生日,聽日我就去買黎送比你啦」Ivy二話不說就想係阿芬面前攞分。 事隔幾日,阿明繼續係公司賣命工作,但避免磨擦佢去左酒店短住

E先生的連環幸運人生 [Patreon]

   今日要同大家分享的係我朋友E的人生故事,唔知大家信唔信命,但係由細識到大的E先生對於隊長來講,真心會覺得原來一個人幸福幸運起上來,要開開心心咁生活真係無難度。 先介紹一下,E先生今年大約40歲,本身屋企係有錢的,但係要細分的話佢應該係屬於初級富豪的家族。呢個分級的話,其實都係佢分享佢所認識的世界俾我知,先至大約可以同大家分享到。草草咁樣介紹一下,例如佢有個Uncle, 70幾歲,同佢老竇講,有隻好似天能入面嘅遊艇泊左係南法,有成隊crew長期Standby為佢服務,每個月計番就400萬港紙左右,即係一年4800幻,十年就4.8億,呢個uncle話佢七十幾歲,呢家疫情下近年都無用過隻艇,但係就算keep多十年,都叫做可以負擔到,可惜的係唔可以成日去玩咁。 冇錯,與我諗睇我個blog的人黎講應該成副身家有4.8億的都可能萬中無一,不過偏偏就係會人會計緊「負擔到」去keep一隻唔撚用的遊艇,吹咩? 當然佢屋企能夠同呢個uncle結交都有番咁上下啦,佢老豆以前游水黎香港,而家差唔多七十歲半退休狀態,當然之後就係一雙手成就左一個小傳奇咁,而家有間公司有幾十個物業咁,基本上錢就唔係咩大問題。曾經我問朋友E我話你屋企最值錢的野係咩呢?佢話你估下?當然估得就係tricky,但老友最後答係放得入夾萬的野,可能市值幾十億計算,有錢人的世界我不懂。 *********************   彩蛋  ******************** 本文章都有彩蛋,請加入 Patreon 解鎖 ***********************************************  睇完啦喎,幫幫手請係我 facebook  度 Comment / Like / Share 啦! https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ,求其比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,唔好慳果少少錢就賺唔多大錢啊。 所以請大家 subscribe 我的 Patreon ,睇埋隊長的買樓秘笈,當請我飲杯咖啡,又幫下你自己,令你可以縱橫樓市,以一個「百萬租金」投資者的心態去睇市

高手區003: Project SE [Patreon專享]

圖片
  最近收番隊長阿妹層樓番黎,佢睇住我玩呢個遊戲,終於忍唔住手叫我幫佢搞一搞佢間屋。講番個background,佢層樓樓價大約550萬左右,2018年最高峰租13500,但係經歷完呢幾年,個租客每年續租時都岩岩好天時地利人和企係租客果邊,所以慢慢變成11500再10500然後去到舊年8600蚊。去到呢D水位,真係太過份,所以把心一橫就...... *********************  彩蛋 ********************   請加入 Patreon 解鎖   ***********************************************  睇完啦喎,幫幫手請係我 facebook 度 Comment / Like / Share 啦! https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ,求其比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,唔好慳果少少錢就賺唔多大錢啊。 所以請大家 subscribe 我的 Patreon ,睇埋隊長的買樓秘笈,當請我飲杯咖啡,又幫下你自己,令你可以縱橫樓市,以一個「百萬租金」投資者的心態去睇市,其實相當超值。 仲等咩,拿拿臨去 subscribe 我 Patreon 啦。 *********************************************** 

財自信箱 -- 三層樓的生意人

 =============================================================== 隊長你好,  我你很多年的讀者,先多謝你的時間看信 我是一個八十後, 三十九歲, 自營一間小公司, 月入大概五六十萬, 自住租 34000一個月租 太太三十九歲, 中學教師, 月入七萬 現有資產: - 2015年買入旺角區單幢樓D室, 自己名按揭, 595萬買入, 現餘四百三十萬按揭, 家人現住 - 2015年買入旺角區單幢樓F室, 太太名按揭, 505萬買入, 現餘四百萬按揭, 打算放租16000 - 2016年買入鑽石山區單幢 500萬買入, 現餘四百萬按揭, 放租13000 - 沙田區車位, 上水區車位, 各約七十萬 - BITCOIN一枚 - CASH 550萬 - 股票250萬: 主要持倉1310香港寬頻, 939建行, 303 偉易達 - 另外有投資其他HOLD住五百萬CASH 目標: 希望可以五年財自 PLAN A: 槓桿高息股票, 303都有10%以上, 如果可以一千萬槓一倍, 有二百萬可以洗 PLAN B: 想買樓, 但係無人名再入 先多謝隊長意見 謝謝隊長 =============================================================== 你好,首先都想講講最近的讀者來信都好有實力,都要比番個叻叻你。 你呢個情況我先講Plan B,想買樓的話唔會無名,你只需要比你太太買左你層樓旺角D室,佢穏定收入食埋你層細價樓應該輕而易舉,你比多20萬稅左右就可以搞掂,之後你就用你自己收入買就OK。以你情況,我會assum你買自住樓先,咁買到1800萬都仲有得借我唔擔心,睇你要買幾錢樓因為你收入咁高時可能都想住到三房四房左右的野,1800萬都唔係話好威威但叫做你的目前情況下大約可接觸的野,都係可以考慮。但如果你唔係買自住,純粹玩儲樓,咁你就要諗你長線想點玩,你係想每夠一舊錢就買一層,集郵咁集定點?  主因係,如果你諗住玩集郵,咁個計劃又唔同,因為上面就係你太太食左你層樓free你個名,但如果係你玩集郵,就係應該你買左你太太層樓,free晒佢7萬額,佢買完你地回足氣再賣比你,近親轉讓連SSD都唔駛,所以你計下你收入,因為你可能食五至十間細都無問題,所以要睇你個appetite有幾大,你如果要每

加息|通脹|樓價?

   一如市場預期,聯儲局宣佈加息0.25,而且仲話會由加息三次到加息8次,好多人即刻擔心嘩,仆晒大街啦咁,香港樓仲唔大大穫?聽到的淡友係咪好Hi興奮先? 但加還加,市場好現實,以前吹加息個美股會當日即時散鳩晒,然後香港都西埋一份。但今次加息呢?杜指跌番後又彈番上高位收市,港股就繼續報復式上升,咁市場話你知乜野呢? 係經濟學101黎講,通脹最難控制的係咩?記住唔係通脹本身,而係通脹的預期!所以講加息係有兩個方向,即係加息本身的幅度去對沖通脹,以及「吹」加息的幅度去控制通脹預期。換言之,成件事重點唔在於你加幾多,因為呢個由加開始已成事實/歴史,亦唔在於個通脹係幾多,因為同樣係歴史數據所計成。重點只有一個,就係「吹加息」的假太空去咗打通脹預期,亦即係話鬥吹。 講完呢度,大家可以諗就係,吹加息同真加息係兩回事,即係你吹到加一百次息都得,但係咪真係加一百次就關人隱事。睇番現實,吹8次加息即係2厘,加足都係2厘,加唔足就即係可能1-2厘之間左右啦,咁2厘即係點呢 ...................................? *********************   彩蛋  ********************   請加入 Patreon 解鎖 ***********************************************  睇完啦喎,幫幫手請係我 facebook  度 Comment / Like / Share 啦! https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ,求其比你執到一兩個點子,都起碼慳你一萬幾千,如果你叻的話,隨時幾舊水一年就令你成世受惠,唔好慳果少少錢就賺唔多大錢啊。 所以請大家 subscribe 我的 Patreon ,睇埋隊長的買樓秘笈,當請我飲杯咖啡,又幫下你自己,令你可以縱橫樓市,以一個「百萬租金」投資者的心態去睇市,其實相當超值。 仲等咩,拿拿臨去 subscribe 我 Patreon 啦。 ***********************************************   

40歲沒有樓的廢青你要嗎?

  最近朋友A同我講左一段好情深的話說,一直爛漫不羈的佢,突然係呢段時間有所感觸,唔知係咪成個市況都比較負面的時間,有時靜下來佢會諗,自己都成40歲人,好似一事無成咁,連樓都無一層,成個廢青咁,仲會有人要嗎? (ps. 佢一直有拍拖,但complicated)。 首先我一句車埋去啦,我話當然我明你感覺,大家都係一齊長大,40歲出頭,感覺其實仲係20的心境,不過都要認清事實,廢青真係無L你份架啦,唔叫廢老已經係好HI比面你,收皮啦好無。的確,隊長自己亦明白到,其實十年時間真係好快過,自己一點都唔覺得自己長大多少的時間,儘管ID Card上印證住鉄一般事實的年紀,但心境真係仲係十八廿二。 回歸正題,40歲沒有樓有無人要呢單野,有兩個重點。一就係其實40歲係咪一條死線,定係隨機代入30歲又得,35歲又得,48歲都得,年齡係因為我地係80後先會被主觀帶住,不過要討論就姑且用40吧。另一個重點係,有無樓又係唔係緊要呢?亦即係無係咪有樓就有女,無樓就無女咁呢? 呢個時候一定有道德L跳出黎去品評話做乜咁現實啊?有樓巴L閉D啊?一層樓算得乜啊?愛情可以用錢衡量嗎? 係,我完全完全認同以上所有反方的論述的,可以了嗎,但煩請如果只係要求隊長答呢個世界有真愛的人,可以睇到呢度就好了,係的,有真愛的,唔係乜都用錢黎衡量的,全對,OK? [清走大量道德L先] 戴完頭盔,如果能夠開放少少咁試下去係現實中分析一下,一個40歲的男士,當佢有讀大學,23歲畢業,工作正常的話都17年左右,咁佢的經濟狀況如何工作如何呢?再次放開道德的枷鎖去探索,一年平均儲到10萬,17年都應該有170萬。如果一年儲到20萬,就應該有340萬了對吧。數字就係咁計,但要儲10萬的話可能平均月入3萬左右?如果要儲20萬的話,平均月入6萬左右?如果一個40歲的人,月入3萬同6萬大家又點睇呢?(唔該如果仲係想講要真愛啊理L得人搵幾錢的聲音先行L開,我寫文的時候都總係幻想到有呢D 濕鳩comment留言而唔係討論的正義撚)。 問題又出番黎啦,就係係唔係個個40歲都有呢百幾萬-300萬左右的錢呢?如果有的話,點解唔買樓呢?如果無的話,點解又無呢?係洗左,蝕左,定係無賺過呢個水平的錢呢? 40歲如果無樓的話,大概可以第一步分析的係有下列可能:  1. 收入較低的人: 去到40歲都係20-30K水平,咪買唔到無諗過買樓。 2. 儲唔到錢

連續插的恆指谷底

圖片
  琴日出文,隊長話19000邊可以開始買貨,之後記得掉撚左個密碼去然後等坐,點知琴日一開市就一路向下沉,最後係無買到,順便睇下印度神童係咪咁堅揪? 不過出文之時,ADR升緊380點,黑期就升緊460點,唔知今日神童係咪預期到有咩大上大落,定係其實佢已經預計左呢兩日的跌幅,但今日隊長會入市。 好多人琴日都私聊隊長買乜好,老老實實,同其他KOL不一樣,我唔係要靠股票去達致財自,呢個只係其中一個短線的操作,所以有賺而又唔駛諗就最好,再者如果你問得我我又要答你孭責任的話,最好就緊係買盈富基金咁就完全跟大市行,唔駛一間彈又落後,跌又跌多過人果D衰野。而家呢個市,咩都有可能,打仗制裁又有關,科技股又可以打,銀行又隨時食蕉,一間升一升又唔知點解自閹就真係無趣,賺到賺左就收工走人算。 講起自閹,其實唔知點解香港好似成為左一個自閹之都咁。唔講政治立場,純粹而家個市況其實真係自己出政策去硬閹經濟,自己制造失業結業,然後再隊死個恆指咁,老實講隊長明白果種屍橫遍野,吋草不生的感覺,所以琴日同友人傾起之時都話呢排實有人跳樓燒炭,始終諗下幾容易就可能一個生意人無晒生意之後再可能輸股票然後仲可以確疹,遇上多重逆境的人應該會慢慢浮現,唔想講中,不過大家出街真係小心唔好靠牆行。 正面去睇,其實有時香港人的阿Q精神真係好可以攞出黎用下,幻想下其實你唔係最仆街果個,可能心底會舒服D,就好似波叔個仔又係一個慘到HIHI的例子。2017年想做酒店大亨狂買酒店,到中間鋪市都要加壓轉差,到呢家不停沽貨沽鋪沽商場都唔知搞唔搞掂,可謂掂乜衰乜,佢真係玩到可以吋草不生。睇埋佢2020年入隻松齡護老 (1989),以7.7億元入主松齡護老4.69億股股份,每股作價1.647元,琴日收市價係得番0.265,又輸5億幾,基本上今次疫情下你要Hi的野佢都Hi到,而且仲要應一應大大單,所以大家如果想搵個慘慘豬係令自己感覺良好一點,不妨諗下波仔點样敗晒幾百億身家好過?實情係佢地咁賣發,我唔知有幾厚,不過一定係元氣大重傷甚至要破產都未定。 股市見底未真係唔知,但隊長試為你19000左右入市點都有D野睇坐得舒服,問題只係睇下呢個政府點樣處理接下黎的疫情。不過學羅傑承話頭,政府真係不妨唔好搞咩接貴賓唔好開記者會,花半日小小時間出黎行下,就會發現其實香港的市況真係好差好差,經濟的苗頭越來越弱,如果真熄晒的時時候,要復甦就會舉步維艱了。