「房東，有賊要強行進入我們間屋啊」突然一個淩晨兩點的訊息進入我的手機。 剛好隊長仲未訓，見到咁大單野，腦裡面都即刻有好多個問號，特別係點解有人可以強行入屋？點樣入黎？點解你可以同佢對恃而又仲得閒發訊息比我？點解唔報警定係未報警？種種問號穿插隊長個腦，但前設大部份時間都知係伏，只係一個訊息好似好清晰講明有賊人強行入屋，都似係要即刻處理。 「咁而家個賊係邊，你們安全嗎，報左警未?」隊長嘗試了解下個情況係點，有幾急，定係要代為報警。 「唔知啊，我地而家係房間裡唔敢出去啊」個租客Y回覆。 「唔知?咁個賊人而家係邊?入左廳定係點? 」隊長繼續百思不得其解，即如果有條友入左你間屋個廳你都應該即報警啦，唔駛答唔知掛。 「唔知啊，我頭先去廁所，聽到大門有人按個密碼鎖的聲音，我就好驚跑番入房鎖門啦」租客Y繼續覆我。 「咁你有無係防盜眼睇下係咩人？點解唔頂住度門? 最近有無唔小心比左密碼人佢黎撞密碼啊?」隊長又一大堆問號係個腦度？ 「無啊，唔敢望啊，我即時跑番入房啦，而家岩岩報左警啦」租客Y回覆。 千萬個問號仍然出現，但...................... *********************  彩蛋 ********************   本文章都有彩蛋，請加入 Patreon 解鎖 ***********************************************  睇完啦喎，幫幫手請係我 facebook 度 Comment / Like / Share 啦！ https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。 所以請大家 subscribe 我的 Patreon ，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。 仲等咩，拿拿臨去 subscribe 我 Patreon 啦。 *****...

  心諗屌那媽最撚怕呢D，咁我心諗唉咪撚理啦，斷鎖匙好彩就用鉗可鉗番出黎，但係你第一日就搞呢D一間唔租我又係麻煩，唉唔好慳啦即call個鎖佬上去我先出發，曾經試過搞一次呢D開鎖都係250，搞好除苯有精唔駛你眼望我眼。 鎖佬比起我早到早搞掂，隊長我比埋錢佢都無機會見一面佢就走左，咁呢個租客就入晒去，隊長就繼續去間屋度會面，而當隊長打開度門之際，果種畫面真係好震撼。 本來我心諗，租比你同你個Friend兩個人姐吓嘩，但點解目測間屋有十個人係度? 係十個人，一間細價樓有十個人交樓係咩玩法。Any肥，介紹下先，個場景係有： 1. 租客A (廣洲女仔) 2. 租客A婆婆 3. 租客A爸爸 4. 租客A媽媽 5. 租客A舅父 6. 租客A舅母 7. 租客A舅父個仔 （8歲左右) 8. 租客A男朋友 9. 租客B 10. 租客B爸爸 11. 租客B媽媽 「嘩咁齊人啊」隊長打開門都盡量保持輸人唔輸陣的氣勢，但好快就知道將會敗陣。 「老闆你黎左啦」婆婆就比較熱情接過來，而租客A就龜縮左係大班親戚的後面。 「老闆你個鎖質量唔掂喎，一扭就斷」阿婆繼續進攻。 「我話無理由喎，我琴日先黎完，應該都好正常喎，你地果條鎖匙我比你之前我都試過架」隊長答。「咁你地駛唔駛再配番條匙啊而家咁，反正仲要比朋友B」。 「唔駛啊，我地仲有啊，係廣洲配好晒落黎，係唔知點解................... *********************   解鎖  ********************   請加入 Patreon 解鎖   ***********************************************  睇完啦喎，幫幫手請係我 facebook 度 Comment / Like / Share 啦！ https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。 所以請大家 subscribe 我的 Patreon ，睇埋...

   呢件事發生都可能係七八年前，果時有位廣州的女仔話黎睇樓，佢黎的時候仲話特別係廣州落黎，咁你講到咁有誠意，我當然都陪你癲下。但事實上，跳出傻西的問題先，通常隊長話呢D特別黎睇的都好有戒心，即係如果大家去英國買樓同人講特別係為左佢間屋而去英國的，都只係客氣說話，老實講你唔約定一百幾十間屋去睇，都對唔住自己啦，點會只係睇一間屋呢? Any肥，黎到睇樓當日，睇樓的唔止呢位女仔，仲有佢大約80歲的婆婆一齊黎。我心諗係咪你兩位住啊? 佢話唔係，婆婆係順便黎幫下手睇，住就係個女仔同佢朋友咁話。好啦，無所謂，而呢個女仔又好似好中意咁，唯獨是好concern點解無電器。 「雪櫃洗衣機會唔會有架，可否包埋微波爐啊?」租客女仔問。 「呢度岩岩簡單裝修完，電器你講的都可以包，全新的」隊長都打算買，當然樂意整好少少比人。 「老闆，我個孫唔識野架，你要關照下佢啊」個婆婆開始發功。 「好啦，無問題」隊長答。 「老闆，你平少少比佢啦，細路仔黎架JA」個婆婆繼續發功。 「你地想要幾錢啊」隊長問。 當時隊長開13000，還價無所謂，預左平少少，但都要有個蒲，始終要買番D電器都係錢。 「老闆，我個孫好中意，不如你7500租比佢啦」個婆婆開始用阿婆的老人家語氣半推半求半迫的感覺出招。 隊長無諗過開13000有人會夠膽當場還7500，仲要係個廣州女仔租但又推個80歲阿婆出黎玩老人家牌咁高章？隊長眼神略帶面色咁望住廣州女仔以示意好似唔係好對路，但廣州女仔不為所動，好似好置身事外咁，好撚瀟洒咁食花生睇我大戰佢阿婆。 「婆婆，7500就唔可能啦，我開13000你比口7500價我，我真係好難做啊，呢度衰極都過萬啦，點可能7500啊」隊長嘗試禮貌回應。 「咁就10000啦老闆，你好人事租比個孫啦，佢好細個架JA」阿婆婆繼續係果D對白，佢講唔悶我打番出黎都悶。 「婆婆，其實呢個質素呢，呢D價真係好難做比你啊」隊長我略為帶點難色咁繼續解釋。 「我地好中意啊老闆，你咁好人事你就平D比我地啦」個阿婆應該連續講左5-10次唔同用字但同样意思的對白，隊長欠缺創意，就算坐定比我諗返黎寫都諗唔起，但好記得當刻感覺係講黎講去都係三篤屁。經歷左好多次repeatedly的對白，隊長我放棄了，由於都算差唔多即刻起租，最終10800租左比佢地，收左10800訂金先，亦順便交低鎖匙比佢地。 由於應承左要買電器，佢地又下...

展開呢一個系列，隊長我希望大家能夠用平常心去對待我所還到的奇葩租客，因為的確係我面對每一個租客時都要用好大程度的EQ先可以控制到我自己，有時候真係好想成個滅火洞吞落喉嚨先咁可撳撚住自己的怒火，所以先旨聲明大家睇的話唔好太激動，我會盡我所能一個一個故事咁紀錄下來。 話說今日收到電話係咁打黎，隊長我一睇就知係煩果件，所以唔聽啦，我話你有咩就msg我啦，之後佢就msg我話間屋跳左保險制咁喎。 如是者睇下佢send來張相係跳左大制，佢話試過推上去都係跳落來。咁隊長我就話啦，試下逐個小制拉落來，拉完推番個大制上去，睇下邊一個小制拉完推到大制啦，咁之後佢就話試到了係插蘇制果個。 咁插蘇制黎講其實我就解釋番不外乎有三個可能性.............. *********************   解鎖  ********************   請加入 Patreon 解鎖   ***********************************************  睇完啦喎，幫幫手請係我 facebook  度 Comment / Like / Share 啦！ https://www.facebook.com/CaptainHK80 ***********************************************  隊長 Blog 價值 : 如果你係我呢個 Blog ，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。 所以請大家 subscribe 我的 Patreon ，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。 仲等咩，拿拿臨去 subscribe 我 Patreon 啦。 ***********************************************