香港人的特點就係講求效率講求乜撚野都要快，所以好多時買樓的時候都會選擇同公司近D，方便番工，而亦由於香港的商業活動非常集中係香港同九龍一帶，因此港島區同九龍的樓價亦好受支持，始終番工快係好緊要。 睇番外國的經驗，其實好多人都住好遠，亦唔介意坐好耐的車番工，或者唔介意楂大半個鐘車番工，呢D野都見怪不怪。還記得我係美國的時間，好多人住New Jersey，番工就晨咁早坐火車或坐船到New York再轉subway，有時我都幾佩服D人，因為我果時住New Jersey的地方，由port authority坐巴士要成粒鐘，但楂車就半粒鐘去到New York，真係如果你叫我日日係咁坐巴士，真係叫我去死好過。 但點都好，唔同地方有唔同的文化，香港人就係要快，快，快，所以呢家D人買樓一般都要買市區，買遠D的話就一定會話”咁遠＂接受唔到。 隨著交通的發展，香港又有西鉄又有大欖隧道，屯門公路同大埔公路都係度擴闊中，香港以前真係堅遠的地方，其實呢家都方便左好多，就以元朗為例，我細細個入元朗要坐成兩個鐘頭咁劑，真係當時可以話元朗係鄉下，但呢家３號幹線同大欖已建成，港島楂車入元朗，快係上黎真係半粒鐘到達，以時間黎定距離，其實已經縮窄左好多，所以呢家好多後生仔女都願意搬入元朗，以距離換取更平的樓價。 所以我認為要舒緩香港的樓價，香港政府其中一點就係要改善交通的配套，以更有限的交通網絡，分流香港的人去買更偏遠的地方，有如如果東北發展區要發展，但係出九龍都要成個鐘，咁就真係屌閪啦。 今日呢個主題其實都同我有設身關係，因為雖然我覺得元朗可以接受，我亦住左兩年，但係元朗始終唔可以叫＂近＂。對於無楂車的人，坐巴士坐西鉄，快極由市區番入黎都要半個鐘至四十五分鐘，呢個時間對於無耐性的我係好難接受的，所以我選擇楂車出入，但係下下36蚊的大欖隧道，一日來回72蚊又真係堅唔講得笑。 對於交通上其實我有這麼一個睇法，老實講我認為全香港的交通限速都係好唔合理，我認為政府需要來一個一次性的限速評估。其實香港大部份的高速公路的限速都係比較保守，我唔係鼓吹大家超速，但係如果大部份人真係按個限速楂車，咁就真係仆街，果Ｄ限70限80的高速公路，其實行100都唔係危險的，已實在亦有好多人行100而又無將果D路變成交通黑點。更重要的係，其實一D連接偏遠地區的路線，我認為有必要提高限速。以美國為例，有D highway係限速80M

又一個禮拜係咁出差，做到人都癲，看來我個Blog同個市一样，都係靜過鬼。 呢段時間新盤就不停吹風不停開，但係報紙就寫到呢家好似冰河時期咁，日曰唔係話咩十大屋苑接近零成交，就係業主冧價賣樓，又或者就係代理行準備結業炒人，總之就係大吹冷風，相當配合政府出招。 不過，為左更貼近個market，我當然都不忘打去同D A準吹下水啦，當然有一部份A準都係牙痛咁聲，呢下係真，但係業主硬淨亦係事實。個別有業主等錢洗要平賣係有，但承接力又真係好鬼，有D地方冧到出血都好似無人接，有D就落少少就即成，真係好難估。 一手方面，發現左有好鬼多超長成交的樓花盤係度賣緊。呢D盤係咁易都二十至三十個月的成交，真係唔係好明咩人會買？收租我買間二手，20-30個月租都收番你二十至三十萬，駛鬼等咁耐咩？而果D咩回贈其實全部都係羊毛出自羊身上之嘛，如果扣減左呢堆野，其實我都同D A準講話呢家市場上的新盤都仲係無乜野值得買。 但點都好，樓市靜咩你話，其實又唔係完全事實。據我所知，細單位好多新盤都仍然係熱賣，如晉嶺呢個盤，個studio差唔多已經比人掃晒，不過傳媒唔講，又或經紀收埋收埋唔話比你知，但你仲會盲中中入去睇摶sell你大單位之嘛。而二手方面都係有咁的情況，以前一賣左一間就慌死人唔知咁上晒星島話邊間邊間又走左創新高，營造賣一間少一間等D人追貨的氣氛。呢家成交左，就收收埋埋唔報上去，真係隠秘到可能隔離位果個都唔知，等到過晒大訂肯定無其他人撩到撻訂先會低調地揚，你睇中原個網呢家幾少將果Ｄ簽左的契（未上地政）放上網就知，總之A準其實都係有心吹下淡風，等個別業主心軟就掟貨出黎，佢地就有生意做。 市靜其實仲有另一個原因，就係一手市場佣金勁高，呢家係咁易都2.5%，有D仲誇到6%佣，再加上發展商唔反價，而且仲同D高層打好關係，四大代理都好幫手，大部份客仔行入間鋪都會比人sell一轉新樓先，所以真係一手搶盡二手市場客源都係真的，最誇張真係要講下我住開的元朗，又寓88又尚悅又爾巒，呢家成個元朗區真係幾乎無人做二手，好彩我真係唔係急出貨，唔係就真係比個濕鳩政府玩撚死。 不過又講番政府，其實呢家真係一個LLL的情況，香港人要買樓果Ｄ仍然買唔到樓，投資者無得買野，業主又企晒係度，外地人又無得買，銀行生意又銳減，代理又無生意，買樓附帶的產業鏈如律司，裝修，傢私，搬運，電子消費產品之類的全部都有影響，就連政府自己的印花稅都無埋

Jump Start 係指，當一架車電池耗盡，那怕有油，但因電池無電無去打火撻著個Engine，所以需要一個外在的電源以Jump Start架車，只要電池一撻著，Engine啟動，架車就會可以利用燃燒的油來自我充電，並可以如常運作。 講番樓市，三月份本來應該有小陽春，但政府出個BSD，再搞細左個九成按至400萬樓下的樓，然後前幾日匯豐再帶頭加按息，成個市吹起一遍大淡風，一時間壞消息充斥樓市。講起加按息，其實我真係好討厭D低質素的傳媒以＂加息＂去報導呢件事。 首先，我地要搞清楚咩叫加息，咩叫加按息？ 加息的意思，係美國聯儲局運用open market operation去操作monetary policy，以賣Bonds的形式去抽走市場資金，令到monetary base減少，導致借貸成本增加，利率會會提升，而呢個就係加息的操作。我地今日講的息，你可以理解為P (Prime rate)，呢個P就會由open market operation而改變。 相反，今次匯豐同其他銀行加的息，係以Prime rate不變，但新批的樓按就會由之前的P-2.85%(實際2.15%)，改變為P-2.6 (實際為2.4%)，呢個改變上，P-rate無郁過，但係優惠利率就加左0.25%，呢個就係今時今日某傳媒同A準口中所謂的加息，實際上係同真正的加息係好大的唔同。 如果真係加息的話，呢個係可以代表美國以致全球經濟有根本上的改變，亦可以係一個趨勢，呢個先係最驚的。但相反，加按息只係短期內銀行反映佢自己的生意成本，你可以當佢係一次性，所以影響黎計，以今日就算新做都係2.4%的樓按下，講堅都仲係係歷史低位，我深信影響好有限，不過短期有業主比人鋤價就肯定有。 不過，小小提外話，琴日施永青話銀行加按息是咪政治任務，某程度上我都係有呢個懷疑。畢竟，今時今日香港從雷曼事件後，Ｄ銀行又唔賣得太多金融產品，好多都已經集中火力做樓按。還記得一月中的時侯，我記得仲有銀行代表話今年銀行會減按息黎爭取更多生意，減息潮一觸即發，但唔到兩個月呢家又話成本上升要加番按息，咪玩我啦，呢排政府動作多多，你話佢無係後面搞鬼我真係唔撚信。講真，政府呢Ｄ真係仆街，低息明明係幫上車客同市民，如果佢真係鳩痕搞個按息，呢D就又真真正正係官商勾結，真係倒不如開一個人頭稅，每人交身家的50%出黎但無人有能力買樓算。 所以我其實真係好撚唔妥呢

今日講下同樓無關的野，主要係因為諗起我公司一堆的天真嬌，忍唔住要講下。 我公司的鬼佬大部份都係其實有紅褲子出身，大家做sales一路做上去，理應對於公司點样做野比較清楚。而當中有兩個鬼佬係咁多年的因緣際會下越升越高，某程度上都係好事，因為始終都係自己識落好耐，點都唔會話搵野黎搞鳩其他人果D。 不過由於近排公司有D變動，我做的野越黎越多（呢個亦係點解我出Blog少左咁撚多的主要原因），相比起以前，呢家做的野更煩瑣，更煩複。 係過程中，我睇到好多問題，一方面就係鬼佬果邊成日接完D野就隊過黎，完全又唔跟，又唔Keep個tracker，基本上佢地同outsource比我地無乜分別，但佢地明明係企係前面同人地deal，但又唔會理成個project點做，中間如果用唔同的野會唔會令到成件事好複雜，搞到呢家成日落黎就閪撚晒，一個project我地要做聯絡十幾班人，反過來如果我做的話可能搵3-5班stakeholders就搞掂晒，同佢地講又唔撚明，吹鳩漲。 咁都算，今日解釋番比其中最大粒個鬼聽話呢家做到仆街，當然佢又係唔知operation點做果D，成日就叫鳩我同邊個傾同邊個傾，又話搵呢個幫手又話搵果個幫手，好似講撚到係我on99食賓周咁撚样，真係唔知好嬲定好笑。當然大家唔知我公司情況（同個鬼佬唔知我地中國點做野一样），實際上所有野到最後只會落番落我個頭度，佢講搵邊個搵邊個果D只係要我晒時間重覆件事唔知幾多次，然後D人就會轉轉轉咁又係比番我，當然其實我都係有能力去射比人做果Ｄ人，之但係如果連我都射比人就真係無人做，遲早爆穫出事，到最後就又到人地搵番我閪過，局住我搞，堅閪。 所以係呢D時間我覺得呢班鬼真係好天真，係佢地腦入面總係覺得我地有無限的資源，有咩就搵阿邊個邊個搞掂。實際上，你地只係識吹下水，指完D人一輪東一輪西然後又覺得自己做左好多，班大鬼又覺得你做到野，我真係心諗你地一個二個真係痴痴呆呆坐埋一枱。 在我而言，我好想話比佢地聽佢地呢家做的野叫做counter-productive。我對我地團隊做野時好清晰，我盡量少開會，比個大晝佢地，再比條deadline佢，做完比我，我定時再update番成件事的progress，見佢地行冤枉路就拉番轉頭，多野做的原因其實係好撚簡單，就係佢地做埋D硬膠野。你得閒搵下呢個搵下果個，一样野做幾次，咁你多多時間都做唔完。多野做要搵個直接又快狠準的方

過去的星期日，差唔多全部都係同樓有關，訓到下午起身，之後就一家人總動員去睇細價樓，之後再去睇我妹上兩個月買左的單位，到最後連夜晚食完飯都收到一個朋友的信息話終於上車了，在此亦恭喜佢執到件荀貨，可以話係有人送錢比佢駛咁劑。 點都好，政府自從出招搞個Double Stamp Duty之後，呢家個市已經係靜過鬼，平時我會比人打爆的電話，都算係一個樓市的探熱針，呢期少左電話，是一件再明顯不過的事。 大市的焦點，當然仲係落係新盤上面，新盤最近打晒仗，一號西九龍又話呢家長實減價，連我老母呢個樓市的大好友本來想入市都終於嚇窒，話買細價盤都要等多個星期睇定D先。在我而言，長實呢個盤話減價，只係一個美麗的誤會，首先呢家先勿論市況，如果一個發展商推盤，如先叫價20000萬一呎，但去唔到貨，同區二手樓就賣10000蚊呎，為左去貨，發展商降到15000呎，咁係咪代表發展商睇唔好後市先？ 講真，任何一個盤，唔理市況，都有機會開錯價，開錯價之後相對調整，點解會變左係對後市睇唔好，呢個係一個傻傻地的立論。不過報紙傳媒寫野，最緊要有一個主旨，呢家市況靜，話長實減價去貨，睇唔好後市，一定有selling point，但在我而言，並不成立。 我並非硬好話個市一定唔會跌，但就算要跌，一來我仍然唔覺得會大跌，二來我亦唔覺得就算跌會同長實一號西九龍有關。但係，從我的觀點黎講，我的確係呢一刻要讚政府勁的地方係佢地成功＂雪凍＂樓市。主要原因都係將所有投資／炒家／外來需求全部收皮，留番D樓市小學雞係度等上車，呢D人又比個咁靜的市嚇窒，所以成交呢兩個星期係超少。哪怕就算個市要上，但成交唔mark個破頂價，始終就算業主死叫高價，只要無乜小學雞去追價，個市好難再大升。 亦因為個市已經無乜其他投資／外來需求，市面呢家充斥住一大堆細價新盤，如尚悅，寓88，逸峰，晉嶺等等，呢堆樓盤最大的共通點就係全部細碼到極。如我前面幾篇文所述，呢家細價盤最吃香，所以新盤狂推細價盤，所有代理幾乎全香港都係先幫手推呢堆新盤，簡接隊冧細全香港的二手市場。其實衰D講句，而家政府真係勁似官商勾結，因為只有發展商去到貨，二手業主呢家坐左係度，真係如果發展商去晒貨就跌，政府就真係連逃生門都關埋唔比你就，局你輸。 不過睇番呢家逸峰收票一千張黎計，以400萬樓下的單位最吃香，可以睇到上車的剛性要求仍然強勁，始終能夠200零萬買層樓，呢個機會可能真係可一不可

一直都想講下我係網絡遊戲的樓價得到的經驗，不過呢個禮拜真係忙到痴左線，去到今日先有機會坐低係個梳化度享受下寧願的思考，呢種感覺突然變得好狗奢侈。 講起網絡遊戲，我諗好多人或者會即刻想離開我個blog跳去睇其他野，如果你係咁諗的話，可能你就會錯過左一個真實而又有人實際參與的模擬樓市實驗。 我玩的網絡遊戲都係十年幾年前了，果時都算係第一代（或者第一個）同時在線的多人遊戲。係遊戲當中，玩家可以選擇做唔同的野，比如戰士，魔法師，弓箭手，以至工匠，栽縫，馴獸師….etc….每個職業都可以有搵錢的途徑，而我初時亦係老老實實咁玩，每日如果打下怪獸，一日賺幾千蚊遊戲幣都係一件幾吃力的事，事關有時一死左，又要買番D劍啊護甲啊咁，所以儲到的錢唔多。 而呢隻game最勁的地方係佢有一個好大的地圖，只要你搵到空地的話，就可以以定價係上面起樓，呢样野同香港今日的社會係好鬼似。我仲記得，係game入面起一間細屋要44K，大D的villa就120K，高樓就要450K…etc。其實由於我玩的時候已經係隻game開左兩三年，故此，個地圖已經係其實比人起樓起到滿晒，所以新的玩家要起樓，基本上係唔可能，因為好多老玩家已經一個人起左好多樓。故此，我地呢D新玩家就要同人地買樓先可以係隻game有自己的居所。 當然，隻game入面同現實一样，人地賣樓比你一定唔係用成本賣比你，我果時好記得我其實係好幸運地搵到塊空地，起左間44K的屋，之後玩左一個月，已經可以200k賣比人。不過，44K的樓始終係上車盤，好多人自自然然當然越玩得耐就越想起大屋，但無奈隻game收客就越來越多人，但係土地就永無增加，樓的升值能力係隻game入面一直都好強，亦令到好多新買家強烈不滿。 咁作為呢隻game的營運商，賺錢緊係第一啦，而當佢地見到咁多新玩家起唔到樓，要係game入面同其他人買樓咁鬼貴，如是者佢地就出左個政策，就係一個玩家如果超過五層樓就唔可以再起樓，如果起左的話，其他樓就會係一個星期內自動刪除，而如果賣左的話，再買樓入黎，都會自動刪除其他樓，呢個政策一出，好多玩家即時唔再賣樓，樓價即時又升，真係諗番都好鬼似而家香港的情況。 亦因為咁样，隻game的上車盤都變到大約300K左右（好睇近唔近城市，越近就越值錢），而由於仲有大量玩家買唔到樓，於是個營運商就決定推出另一個世界，擁有同样版面地圖的世界，等d玩家可以重新起樓。由出版圖果

最近政府狂出招打樓市，呢頭出完DSD，果頭減9成按至400萬樓下的樓，然後就再取消埋勾地表，似乎呢家個政府想係長實搞完埋雍澄軒單野之後出黎講，呢家個市係我話事！ 另一方面，政府係今次財政預算案中，擺明係有盈餘情況下cut中產（或有樓）人仕福利，而基層市民果D咩公屋，綜緩就出雙糧，明顯就係呢家打劫中產一方面唔比樓升，另一方面再減你D優惠，政策越來越傾斜。 但係你話要幫基層市民，順便攞選票，呢样野每個政客都會做，我都無乜怪你。不過，成件事的背後，個邏輯上香港就越來越染紅了。 首先，勾地表係市場的機制，政府推地出黎就係中央主導的機制，兩個計劃係意義上就已經唔同。不過，有人可能會話勾地表強制比地產商屈機，唔勾就無地供應，呢個我都明白。不過逐漸染紅的又點只一样野？ 所謂打擊樓市，呢家所有投資者都企晒係度，因為個仆街政府出招係除左炒家外，連投資的需求亦唔放過，二層房就要出DSD，你想買第二套樓難過登天，呢件事有兩個含義：第一就係香港一直鼓吹的向上流已經無乜可能。如果你賺多左錢想買樓，Sorry，香港政府會罰你稅，所以你賺的錢一係就放係銀行一係就洗左佢，總之就最好唔好買樓啦，咁你搵得多左錢都改善唔到生活，點搞？ 好啦，第二個idea就係共產的先兆，因為呢家香港政府保護的就係所謂的上車客。呢家睇黎係香港政府自己無供應，就同你班地產商，以及香港最大供應的香港有樓市民玩耐力戰，你賣樓就最好賣比D上車客，如果唔係就打稅，或賣唔出！咁如果係一個自由機制底下，香港樓市係應該用錢黎分配資源，即誰比到果個價錢就誰可以買果層樓。呢家就唔係，只要你本身有樓的，你比得起，我就抽稅，你再比得起，我就減你mortgage，總之要千方百計唔比你買，因為你已經有樓。咁呢下背後個邏輯係咩呢？無錯啦，就係人人都應該有樓囉，無樓的人就係最應該要有樓，有樓的人就要攞番D樓出黎供應比無樓的人，唔需要理你有無能力，唔需要理你之前附出過D乜，因為呢家上車係大撚晒，無樓族係大撚晒，政府亦係大撚晒，政府話要共你個產，將你的身家攞出黎同班未上車的人分，你就要比佢分，呢個唔係共產係咩？ 中產向上流呢件事，我可以睇到係CY的政府下，已經幻滅。香港有好多仲未上車的上車客，呢Ｄ上車客有無窮無盡的需求，點解？因為每年都有大學／副學士畢業生ga la，呢Ｄ人未搵工又好乜鳩都好，佢地都係未上車，只要佢地第一日番工就話買唔到樓，呢一堆人都係一種