天真嬌

今日講下同樓無關的野,主要係因為諗起我公司一堆的天真嬌,忍唔住要講下。


我公司的鬼佬大部份都係其實有紅褲子出身,大家做sales一路做上去,理應對於公司點样做野比較清楚。而當中有兩個鬼佬係咁多年的因緣際會下越升越高,某程度上都係好事,因為始終都係自己識落好耐,點都唔會話搵野黎搞鳩其他人果D。


不過由於近排公司有D變動,我做的野越黎越多(呢個亦係點解我出Blog少左咁撚多的主要原因),相比起以前,呢家做的野更煩瑣,更煩複。


係過程中,我睇到好多問題,一方面就係鬼佬果邊成日接完D野就隊過黎,完全又唔跟,又唔Keep個tracker,基本上佢地同outsource比我地無乜分別,但佢地明明係企係前面同人地deal,但又唔會理成個project點做,中間如果用唔同的野會唔會令到成件事好複雜,搞到呢家成日落黎就閪撚晒,一個project我地要做聯絡十幾班人,反過來如果我做的話可能搵3-5班stakeholders就搞掂晒,同佢地講又唔撚明,吹鳩漲。


咁都算,今日解釋番比其中最大粒個鬼聽話呢家做到仆街,當然佢又係唔知operation點做果D,成日就叫鳩我同邊個傾同邊個傾,又話搵呢個幫手又話搵果個幫手,好似講撚到係我on99食賓周咁撚样,真係唔知好嬲定好笑。當然大家唔知我公司情況(同個鬼佬唔知我地中國點做野一样),實際上所有野到最後只會落番落我個頭度,佢講搵邊個搵邊個果D只係要我晒時間重覆件事唔知幾多次,然後D人就會轉轉轉咁又係比番我,當然其實我都係有能力去射比人做果D人,之但係如果連我都射比人就真係無人做,遲早爆穫出事,到最後就又到人地搵番我閪過,局住我搞,堅閪。


所以係呢D時間我覺得呢班鬼真係好天真,係佢地腦入面總係覺得我地有無限的資源,有咩就搵阿邊個邊個搞掂。實際上,你地只係識吹下水,指完D人一輪東一輪西然後又覺得自己做左好多,班大鬼又覺得你做到野,我真係心諗你地一個二個真係痴痴呆呆坐埋一枱。


在我而言,我好想話比佢地聽佢地呢家做的野叫做counter-productive。我對我地團隊做野時好清晰,我盡量少開會,比個大晝佢地,再比條deadline佢,做完比我,我定時再update番成件事的progress,見佢地行冤枉路就拉番轉頭,多野做的原因其實係好撚簡單,就係佢地做埋D硬膠野。你得閒搵下呢個搵下果個,一样野做幾次,咁你多多時間都做唔完。多野做要搵個直接又快狠準的方法,有時間先再review,有時越多人就越煩,一件事講五六七次,剩係update比其他人都講你半日,個鬼佬仲話加多幾個其他function的人入黎幫手(唔係專做,係兼做),咁即係我又要由頭brief佢地,咪鳩玩我。


簡單D講,我做野係中意minimize個communication layers,又要minimize個stakeholders,反而咁样會黎得仲快,但呢D野D鬼佬睇唔到,有時搵完佢地真係自己捉蟲。其實直接D,我真係想講話叫佢地鬼佬果邊咪撚再跟,搞撚到亂閪晒,有咩直接搵我好過,起碼我唔駛幫佢地執手尾,成班天真嬌,唉。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431

留言

此網誌的熱門文章

被退休的CEO

DSE題三: 專精一事還是多元人生

大圍車位的潛力