文章

顯示從 10月, 2014 起發佈的文章

欠缺選擇

認識隊長的讀者都知道其中一個隊長會做的操盤行為,就係大變細。當然大變細的意思又唔一定話係空間呎數變細,隊長針對會做的就係大銀碼的樓變平D的樓,如果可以的話就利用住遠D或追落后的樓去拉近個距離。 事緣今日有代理打黎,隊長一直掛高20%的自住盤,開始有人問價了。舊年年底至今年年初之時,隊長一心都諗住賣出自住樓,然后搬去另一層中價樓度自住。可惜中價樓已租出,起租三幾個月,所以如果賣自住樓的話,下一站住邊就係最大的問題。 當然眾所週知而家一買一賣成本好高,所以係幻想的空間入面,隊長係直接用我個非想理想的賣價去計數,而唯一令我賣樓的原因,亦就係因為一個超高價同埋一個可以再減債的機會。因此,今日就不斷做功課,搜集一下如果要買一層600幻左右的樓,有D乜野的選擇,特別係唔想因為賣樓而放棄較高質素的屋的情況下,起碼要買一間室內空間可以接近500-600呎的樓以拉近心理上住大番的心靈差距。 由於好一段時間無再考慮出擊,雖知個市升左一浸,又知呢家缺盤,不過之前注意力係放係最細價果堆樓度,而家去番D上車盤頂位或中價盤注碼的盤,在網上做左一輪功課的結論係,嘩屌,而家真係無樓賣!! 當然呢個世界有錢就一定有野比你買,不過有一個軟指標係好明顯可帶出市況的傾斜,就係網上放盤的數量。係以前唔同的時間,大屋苑都會有一定的網上自住放盤量比你睇下,當然有D屋苑會多D盤,有D少D,唔同時段有唔同數量係正常的,不過整體你搜索個別大屋苑的話,連已售的盤可作參考的,以前都會有好幾頁比你睇。而以家呢?好鬼恐怖,大屋苑連埋已售的盤,大部份我搵的都係得番10個自讓盤樓下,當然仲有D係假盤鬼盤或者已售盤。 隊長睇的屋苑,掃一下都有五六個,但個個都係同样情況,簡單D講可謂無野買。可能你話咁都唔代表打去代理度無盤姐?of course代理可能會多番幾個比你揀,不過呢一個網上咁L少放盤的情況,係隊長參與樓市呢幾年黎講,絕對係第一次,而呢一個feeling話比我聽,中下價樓的盤源唔只用少,甚至可能係用貨源歸邊黎形容,踏入左 20121026 ,未來一年大家有貨果D都係坐定定等收錢都似。 故此,隊長對於賣自住樓呢單野都相當有保留,畢竟賣完如果買唔番間咁上下的樓,咁就真係輸稅輸雜費輸裝修都輸死。是一動不如一靜定係點,睇黎都要等買家出價先可定奪。

跛腳政府的樓市

有網友問我點解最近兩星期無文章出,一方面大家都明白當下的政局好亂,后市可以因為唔同的事態發展而變幻莫測,而且每日的新聞疲勞轟炸,身心都好疲累,實在無太多心力可以堅持從前的文章數量,特別係樓市新聞其實亦沒有太多。 目前的政局下,其實一個好關鍵性的問題就係政府從頭到尾都無提供任何野去諗住收科,亦即解決問題上根本就無用任何可行又實在的方案去嘗試解決問題,林鄭不停重播人大決定不能改的前題下,學聯仔又要突破個box去同你傾,咁呢一個層面如果埋唔到deal,政府又有無其他野可以做呢? 目前黎講,林鄭的答覆係呢样又唔得果样又唔得,如果你上立法會咁講都算,但佔中已經二十幾日,你要傾就真係只係傾,學聯仔都已經讓步話廢除功能組別同叫政府交出時間表去重新做過一個有公民提名的方案,當然政府未必要take the deal,但係你交一份咩報告去做參考就想叫食幾十個催淚彈的市民番屋企,呢個嚴重低估市民智慧的目光先係最大的問題。 老實講如果林鄭行出黎傾的籌碼只係諗住用一份參考報告就會收到科,呢個一係就係代表無誠意,一係就代表班官係低能,又或者班官係以為市民係低能的,所以收唔到科係意料中事。問題係,林鄭又有無能力可以攞到籌碼去傾呢?我認為又係無的,因為佢又唔係梁振英,不能說了算就算,而中央同佢就更加隔多半重,名不正言不順,佢只係一隻棋子,根本做唔到D乜。 隊長認為,如果學譚志源講話要務實的話,或者其實第二輪的工作就直接同學聯仔以及市民去多方商討,落實一個1200人的代表係可以覆蓋更多民主成份組成的提委會,唔係一個只有建制無其他光譜的方案,如果政府能比學聯係呢一階段有實際性的參與工作的話,也許都係一個可以埋deal的事情,不過代價就係要得罪現有的1200提委同港區政恊,實際上又會有極大阻力,所以好大機會都係不停loop,然后一係就等警察血腥清場,一係就等容忍市民佔領半年一年兩年,大家鬥耐性。 而用番呢個政治形態黎講,好明顯CY政府已經無左實權,大部份野目前都係要上報中央,一國兩制係呢個時間都可以話蕩然無存。呢種氣候下,市民的反抗力亦會大增,政府想再推更多的政策只係寸步難行,特別係想係立法會再過更多的議案只會遇到無盡的阻撓。因此,如果政府想再大規模收地(如東北),或咩填海啊,改用途啊,搵地啊呢D野,都會面對社會的重重阻撓,唔好講你成唔成功攞到地,就比你去做,本來上下一心

佔中下的樓市

佔中事件由最癲果幾日,回到目下稍為平靜,有好多人當然會開始問對經濟,特別係樓市會唔會有影響? 從二手睇,好明顯呢一星期的黃金周本來應該會旺番,但受佔中影響我相信好多買家都係觀望態度,所以成交突然靜番落黎,而當中亦有少量成交係稍稍要業主落番價的,不過睇黎都仲係響之前的高位有承接。 一手方面就仍然大旺,星灣御共推220伙,發展商首輪的194伙,成功賣出191伙。柏傲山推132伙就賣出至少129伙,從呢兩個盤黎睇一手的中價以及大價樓都有非常強勁的承接,而呢一下其實都幾出手隊長意料之外,因我之前個人估計一二手都應該係觀望,但呢個咁強勢的承接足以證明呢家個市有幾咁旺。 佔中的影響,當然有部份的商戶以及自由行所關係的行業或交通等等,不過隊長認為所覆蓋的層面其實都唔係太深入,即當然有人會受到經濟創傷,不過香港底子厚,所以要影響承接力的話我相信係沒有,反而係信心問題先會係對樓市一個長遠的影響。 當然有無普選呢一刻都唔知,不過今次雨革行動除左激發左催淚彈傷左香港人的心以外,其實全球記者都幫香港做左一個超級巨型的marketing campaign。香港的學生亦顯示出極高的公民質素,係全球面前攞盡掌聲,而呢D掌聲相信比起香港貿發局去點样宣傳要黎得更有效,一個雨革的成果可能仲超過過去十年貿發局的努力,特別係有目共睹的全世界都會對中國的極權有介心,所以中長線黎講我相信西方踏入中國的門檻將會繼續以香港為首站甚至基地,亦即係話會繼續吸引西方人仕來港,故此無論從人口方面以及經濟活動方面,都應該會有更好的發展。 不過佔中一日未完一日都仲有小小隠憂,因為大家都未知會點清場收科。但係學股市的術語,當壞消息盡出之時,香港的樓市會點呢,相信都會繼續升。點都好,繼續關心事態發展,希望大家可以和平理性咁爭取到民主自由就好了。

佔中形勢分析 (4)

佔中琴日突然180度急轉,本來已經差唔多要熄滅可收科的佔中,琴日竟然走黎一批黑社會掃場,亦有無數警察基本上係放棄執法的行為,老實講呢家佔中示威者已經腹背受敵。 琴日已經講明佔領地區太耐唔係一件好事,因為打民意戰你的確係阻左一班人的正常生活,係幾百萬人下一定有D人好唔妥你的佔中行為,人地係你地面前叫陣話你阻住佢地搵食,你都係理虧的。當然中間夾著果D黑社會掃場打人非禮的,我都唔識再講。 策略上個人再次強調要力挽狂難,就要think out of the box,你地如果佔呢D區域係咁唔討好,老實講應該盡早放棄避免進一步的拖低自己的民意。要知道有理想的學生去到變爛仔,只係時間的問題,故此有時要識進退,以及避免進一步比勢力人仕打擊,特別係人地睇住你黎食,有幾多人,放置乜野係中間,人地在暗你在明,得鋪死力我比你撐到一個月兩個月,最尾喊住話你已經盡左力咁失守,其實都係無爭取到什麼,只係滿足左你自己的偉大情緒,現實卻係於事無補。 我再重申,大家應該放棄所有的據點,但佔中呢兩個字可以不變,只係佔中的中環呢個字,你地唔好再搞影響其他人的野,反之就全力佔禮賓府。禮賓府都係中環,運動都係明確繼續。而且,咁样做有效的原因,係你將敵對的人仕,有可能百幾二百萬受影響的市民同政府,縮窄到幾百個,以至幾十個只係同禮賓府有關的人仕,特別當然就係CY。咁样做就可以將反對的民意平穏番落黎,以及集中人數,集中力量打一個CY,令政府其他人分化開始諗係咪放棄CY就搞掂,呢個先係關鍵。 換個角度,我比你呢家係政府,你如果都想收科可以點收先?唔好講理想咩真普選呢個無得自己話事的野,因為阿爺唔比,你香港政府最多只係諗香港政府可做到的野。咁如果係香港政府可做的範圍下係收唔到科,咁你即係迫政府搞你姐。而且整個政府的智囊都係諗緊你班佔中人仕係度反政府,政府係一個十二三萬人的大團体,以致你地係反社會秩序,所以呢度的無形力量可以係二三四百萬人。佔CY屋企就唔同,政府的人要諗就係呢家示威者脅持的只係CY一人,唔係幾百萬人,要令佢地分化覺得CY係負累,先有機會得勝。 再out of the box多D,其實葉劉係呢個時候表明有興趣2017做特首,我相信唔會係一個巧合,當中一定有一部份人支持之餘,仲有阿爺的祝福先會講得出黎。係CY呢家政治危機下見到葉劉咁講,心裡一定很不是味兒。要知道敵人的敵人,就係

佔中形勢分析 (3)

一個對話的要求,一個CY下台的要求,兩個打包的要求其實係成件事重要的下錯棋。 好明顯呢家政府都明白時間企係佢地果邊,拖下又拖下拖到11:30先話比你聽聽我地會對話但CY唔下台,咁就擺左你地上枱,現場人仕衝定唔衝呢?理性的人一定唔會衝,睇下你地講乜先,咁就死啦,個氣勢就玩完。 之前已提及好大機會香港人就係輸比自己,因為無人會想係條街度訓咁耐,而大家一冷靜下來回歸現實,有幾多人可以放低正常生活番工番學黎不停支持呢?人數一少的話據點就好易失守,今日一起身銅鑼灣已經比人輕鬆擊破,旺角人少左又比D五毛怪黎搞,如果失守埋就即係得番中環,政府個勢頭又上番黎,敗軍之勢一成,求和你比你落到台已經好俾面。 你話唔緊要,我地呢兩日捱到weekend又有增援,呢個可能係,特別係都唔知林鄭幾時先約你地傾呢個咁被動的舉動,估佢都會拖多小小時間等政府賺多D民意同時間。你可能會話民意企係你個邊喎?對唔住,如果你係話要真普選呢,民意係支持你的。但如果你話,要阻住大家搵食黎要真普選呢,第一日可能都有機會係企係你個邊,但現實就係現實,戰線一長左慢慢其他人的不滿情縮就會累積,當滿瀉之時佔中就會被左右夾擊,腹背受敵,即你又要對政府,又要對其他不滿市民,到最后好容易就會自行敗壞。 成件事最大問題就係大家得鋪理想同堅持,但著力點用錯晒地方,無策略地去迫政府就範。當然,無主辦單位亦係一個問題,所以就佑D學生不停亂佔領開新据點,要知道大家去開其他位如元朗柴灣太子深水埗開唔成,每一個小敗都對整体士氣有所打擊。而且,佔領呢D地區本身係一個小勝,但一拖下去就變成負累,因為你佔的地方的對手,唔單止係政府,仲有市民,所以由呢一點已經可以證明係錯,因為佔中選擇左無視其他市民的諗法,一拉長就迫社會其他人黎反佔中。 所以我之前已經提及佔中唔應該開新据點,而且只能集中火力搞CY,要佔就應該佔禮賓府,迫佢無得出無得入,要餓就餓CY唔係餓警察,等佢身邊的人以及市民覺得佢係負累而放棄佢。你平日走去一個無人的政总,其實都唔知對手係邊個,佔黎做乜?搔不著癢處就係呢隻。 可惜呢家敗軍之勢我仍為已經初成,除非呢兩日同林鄭傾完有咩特別野,不過講真你都預左林鄭最多都係奶媽式咁苦口婆心叫你地番去,解釋清楚多D政改係點做,講完其實都係算數ga la,大家心理有條線,有部份人都知要收手,跟本係做個show等你地可以有個

佔中: 還阿伯一個清白 (終)

圖片
Video A: 阿伯顏射 https://www.facebook.com/video.php?v=701028756638494 Video B: 阿伯衝擊 https://www.youtube.com/watch?v=dfUTqQmF_vU&feature=youtu.be Video C: 阿伯保護警察 [2014/10/3 更新] https://www.youtube.com/watch?v=m9QmlKskLx8&feature=youtu.be [2014/10/3 更新] 由最新流出的Video C睇到, 阿伯當時係多次出黎阻止示威人群衝向警察防線的. 而相信有防暴警察都係認同呢一點, 因為係 2:37秒有警員再射向阿伯之時, 係Video A顏射阿伯條片中相信同一警員都有阻止同袍去射阿伯的. 所以如果阿伯之前係有不停衝擊的話, 相信未必無會人阻止佢顏射? 警力分析/關鍵次序: 大家睇以下三張圖的時候諗下個次序, 由最新的Video C可明顯睇到本身當時係有兩條圍欄, 但入面就比示威者清理左一條. 之后就睇到阿伯累次出黎阻止人群衝擊, 所以有圍欄數目黎睇由兩條變一條, 應該可視為第一個video. 而大家不防亦留意警察的人數, 防線同神情, 呢一刻都仲係一條防線, 神情比較正常的. 第二幅圖係VIDEO A阿伯比人顏射當刻, 圍欄係已經得番一條, 警察人數都同Video C差唔多, 果時阿伯仲係阻止人衝擊的. 第三幅圖係 VIDEO B 阿伯開始衝擊, 圍欄得番一條, 警察人數就由一排變四排. 果時阿伯由阻止人衝擊到呢家衝擊埋一份. 可能性結論: A: 阿伯思覺失調, 一時想衝, 一時阻住人衝 B: 阿伯見警察人多先衝, 后尾警察見示威者無料到, 所以散D人去休息, 並係呢個時間偷襲由衝擊完的阿伯變扮野幫警察的阿伯. C: 阿伯開始時都仲係幫警察, 見到D人拉走一條圍欄后, 都走出黎阻止D人衝擊, 及至被顏射后感覺受辱, 而示威者見狀亦支援阿伯, 阿伯亦忍唔住衝擊 , 所以群情洶湧下警察亦增援至四排人. 明顯的呢幾條片都交代得好清楚個先后次序係可能性C. 大家自行再判斷. --------------

佔中形勢分析 (2)

以隊長分析形勢黎講,今次佔中如果大家唔集中火力,好大機會就會係自己自然流失收場,情形就好似大家玩啤攞住2仔底死跟,你明知對方偷雞,不過佢死唔開牌,唔埋單,栽判係對方果面,到最后你只會無癮慢慢收皮。 所以我強調,時間並非企係民眾呢一邊,悶都悶死你,時間一長就會瀢敗,所以大家要必需變陣,攞到幾多就幾多,而最能夠爭取的就只有梁振英下台。 好多人會話唔L得,我一定要真普選,我呢家副牌嬴硬,我要嬴盡。岩,副牌你係嬴,但開個賭場比你你要嬴爆庄,最多同你打個,警察企係人地果邊,太理想化我都幾肯定,到最后可能乜都無,而且輸的唔係今次佔中的行動,仲會係香港幾廿年的學運,因為我諗唔到香港仲有乜野運動可以大到政府,以后就低著頭做人吧。 所以要玩,下一步就只係谷晒落去梁振英度,我建議由佔領中環/銅鑼灣/旺角,伸延至佔令禮賓府或梁振英出席的任何地方。總之梁生去邊,就跟住佢去邊,甚至令佢離唔開禮賓府,迫佢對話,咁先有效。呢家的佔領行動,好話唔好聽真係搔不著癢處,CY唔理,你又吹得佢漲咩? 大家請認清形勢,你可以攻勢我,但我只係按現狀趁個勢頭未走下坡時提出意見,但當戰意一下沉大家仲訓係條街度唔知等乜之時,想再扭轉乾坤就難矣。

佔中形勢分析

圖片
隊長我呢家支持梁振英下台袋住先,主要的目的,係因為我地要以快打慢,攞得幾多得幾多,特別係呢家無主辦單位的情況下,大家無策略去做,戰線一拉長,好大機會市民自己泄氣回家,敗軍之勢一成就好難再做下去。 就以目前黎講,中環金鐘當然係主場,其后亦開左旺角銅鑼灣兩個據點,亦有人在上水開始集結,仲有人討論搞埋金紫荊廣場同廣東道。講真,開一個據點其實不難,問題係你如何守得住個勢先係關鍵,人數上你要做多一個據點就要多一兩萬人,係呢家氣勢如虹下無問題,但係過多三幾日,叫你日日訓街,訓足一星期乜都無的話,軍心就會不穏。呢幾日到星期日我諗都唔會有問題,因為大家放假,之但係到下星期一二,如果仲係乜都攞唔到,又搞左一星期,一定會有人泄氣,泄氣就人數下降,到時為保中環人數,其他據點一定慢慢失守,敗軍之勢一成,民心或會轉向,受影響的市民的怨氣會升,想回復正常的市民亦會變得激進,部份爭取心無咁重的人亦會放棄, 阿爺同CY政府就唔會怕,而且輸左呢次就無得翻身,所以我地必需認清目標,盡快攞到D野支持住個活動的氣勢。 要攞到野,係強國國慶的前題下,習近平你叫佢做政改讓步呢種咁失天威的事情,我相信難度係99999級,我唔可以話無可能,不過呢個涉及中央的天威,加上習總強硬的作風,以及黨內的鬥爭,堅難。不過如果只係為呢次事件搵個替世鬼的話,起碼出師都有名,如果祭旗可解決事件,隨時仲可以攞分,呢個選項,應該相信比起中央讓步呢四個字容易。當然好理想的我地可以去爭取所有野,但問題係市民根本無代表可以去做談判,而且所要求的野可能要傾成一頭半個月都唔會完,講真有幾多人可以支持係條街一頭半個月,無的話傾傾下都無籌碼了,怕咩? 好啦,如果大家認為我地香港人可以佔領更多野黎迫宮,咁老實講都係果句啦,要CY下台相對容易,但要中央讓步都仲係難,市民如果咁搞,如果中央態度仍然強硬唔理,咁點先?拉到極點,一個可能廢左的香港,去傾政改,籌碼就係佑佢繼續廢?短線都有得傾ge,但長線就即係中央都無所謂啦,廢左的香港要唔要都擺啦,你估中央會唔會怕無左個汕頭級的市?所以我地唔可以係長時間用廢香港去傾,即係要短時間搞一搞攞到野就收工。 不過我個人認為今次政府學乖了,其實市民咁和平,咪開幾條線比市民係條街坐幾日囉,比你佔中十日八日,唔派人黎鎮壓,日日只係勸你番屋企,慢慢悶死你,到時好大機會又係敗軍之勢,到時得不償失,功虧一