佔中形勢分析 (4)

佔中琴日突然180度急轉,本來已經差唔多要熄滅可收科的佔中,琴日竟然走黎一批黑社會掃場,亦有無數警察基本上係放棄執法的行為,老實講呢家佔中示威者已經腹背受敵。


琴日已經講明佔領地區太耐唔係一件好事，因為打民意戰你的確係阻左一班人的正常生活，係幾百萬人下一定有D人好唔妥你的佔中行為，人地係你地面前叫陣話你阻住佢地搵食，你都係理虧的。當然中間夾著果D黑社會掃場打人非禮的，我都唔識再講。


策略上個人再次強調要力挽狂難，就要think out of the box，你地如果佔呢D區域係咁唔討好，老實講應該盡早放棄避免進一步的拖低自己的民意。要知道有理想的學生去到變爛仔，只係時間的問題，故此有時要識進退，以及避免進一步比勢力人仕打擊，特別係人地睇住你黎食，有幾多人，放置乜野係中間，人地在暗你在明，得鋪死力我比你撐到一個月兩個月，最尾喊住話你已經盡左力咁失守，其實都係無爭取到什麼，只係滿足左你自己的偉大情緒，現實卻係於事無補。


我再重申，大家應該放棄所有的據點，但佔中呢兩個字可以不變，只係佔中的中環呢個字，你地唔好再搞影響其他人的野，反之就全力佔禮賓府。禮賓府都係中環，運動都係明確繼續。而且，咁样做有效的原因，係你將敵對的人仕，有可能百幾二百萬受影響的市民同政府，縮窄到幾百個，以至幾十個只係同禮賓府有關的人仕，特別當然就係CY。咁样做就可以將反對的民意平穏番落黎，以及集中人數，集中力量打一個CY，令政府其他人分化開始諗係咪放棄CY就搞掂，呢個先係關鍵。


換個角度，我比你呢家係政府，你如果都想收科可以點收先？唔好講理想咩真普選呢個無得自己話事的野，因為阿爺唔比，你香港政府最多只係諗香港政府可做到的野。咁如果係香港政府可做的範圍下係收唔到科，咁你即係迫政府搞你姐。而且整個政府的智囊都係諗緊你班佔中人仕係度反政府，政府係一個十二三萬人的大團体，以致你地係反社會秩序，所以呢度的無形力量可以係二三四百萬人。佔CY屋企就唔同，政府的人要諗就係呢家示威者脅持的只係CY一人，唔係幾百萬人，要令佢地分化覺得CY係負累，先有機會得勝。


再out of the box多D，其實葉劉係呢個時候表明有興趣2017做特首，我相信唔會係一個巧合，當中一定有一部份人支持之餘，仲有阿爺的祝福先會講得出黎。係CY呢家政治危機下見到葉劉咁講，心裡一定很不是味兒。要知道敵人的敵人，就係我地的朋友，如果呢家大家要求對話的唔係林鄭，而係葉劉，我相信大家又可以令CY同葉劉兩旗的人再分化，特別係比葉劉領一功，比位佢平息呢次佔中事件，到時CY同葉劉一定勢成水火，大家就可以坐山觀虎鬥。


大家可能會再諗話咁我地努力爭取的野咪乜都無？政治從來都係無得嬴盡，講法理你又係犯緊法黎佔，講民意呢家又開始下滑，講警察呢家人地都揀晒邊，講黑勢力你一間仲會比人打，所有野都不利的情況下再打落去，只會輸得一敗塗地。但今次事件就跑出左好多新盡的政治人物，如之峰同岑晧輝咁，呢一班學生仔到2016年就夠18歲可選入立法會，到時只要攞到足夠議席可以次次都反政府的時候，咁政府就不得不向民意低下頭，到時你地就根住個game rules去玩，造福香港市民吧。


一係佔CY屋企，一係搵葉劉傾，再搵個下台階，先係上策。