樓市Jump Start

Jump Start 係指，當一架車電池耗盡，那怕有油，但因電池無電無去打火撻著個Engine，所以需要一個外在的電源以Jump Start架車，只要電池一撻著，Engine啟動，架車就會可以利用燃燒的油來自我充電，並可以如常運作。


講番樓市，三月份本來應該有小陽春，但政府出個BSD，再搞細左個九成按至400萬樓下的樓，然後前幾日匯豐再帶頭加按息，成個市吹起一遍大淡風，一時間壞消息充斥樓市。講起加按息，其實我真係好討厭D低質素的傳媒以＂加息＂去報導呢件事。


首先，我地要搞清楚咩叫加息，咩叫加按息？


加息的意思，係美國聯儲局運用open market operation去操作monetary policy，以賣Bonds的形式去抽走市場資金，令到monetary base減少，導致借貸成本增加，利率會會提升，而呢個就係加息的操作。我地今日講的息，你可以理解為P (Prime rate)，呢個P就會由open market operation而改變。


相反，今次匯豐同其他銀行加的息，係以Prime rate不變，但新批的樓按就會由之前的P-2.85%(實際2.15%)，改變為P-2.6 (實際為2.4%)，呢個改變上，P-rate無郁過，但係優惠利率就加左0.25%，呢個就係今時今日某傳媒同A準口中所謂的加息，實際上係同真正的加息係好大的唔同。


如果真係加息的話，呢個係可以代表美國以致全球經濟有根本上的改變，亦可以係一個趨勢，呢個先係最驚的。但相反，加按息只係短期內銀行反映佢自己的生意成本，你可以當佢係一次性，所以影響黎計，以今日就算新做都係2.4%的樓按下，講堅都仲係係歷史低位，我深信影響好有限，不過短期有業主比人鋤價就肯定有。


不過，小小提外話，琴日施永青話銀行加按息是咪政治任務，某程度上我都係有呢個懷疑。畢竟，今時今日香港從雷曼事件後，Ｄ銀行又唔賣得太多金融產品，好多都已經集中火力做樓按。還記得一月中的時侯，我記得仲有銀行代表話今年銀行會減按息黎爭取更多生意，減息潮一觸即發，但唔到兩個月呢家又話成本上升要加番按息，咪玩我啦，呢排政府動作多多，你話佢無係後面搞鬼我真係唔撚信。講真，政府呢Ｄ真係仆街，低息明明係幫上車客同市民，如果佢真係鳩痕搞個按息，呢D就又真真正正係官商勾結，真係倒不如開一個人頭稅，每人交身家的50%出黎但無人有能力買樓算。


所以我其實真係好撚唔妥呢個政府，出埋D招都無撚經大腦，又矛盾，又無撚話會益下你D市民。政府呢家個目的好似只係想比上車客上車，其他人就雪凍晒，情形就好似一架死撚左火的車一样個樓市完全唔識郁。但問題係，逸峰一晚比人掃300個單位，就知個剛性需求幾撚勁。呢家每日累積的需求日日被壓縮，稍微有小小野如有細價新盤推出就爆晒出黎，我認為D人走番出黎買樓只係遲早的事。


唔難想象，雖然呢家樓市好靜，但呢個星期都有一堆細價樓又再度破頂，我睇住我一月賣左果間屋，到呢家又差左應該有20萬，真係嬲雞。向上升的動力我認為仍然存在，樓市jump start，等的只係一個消息，或者一個樓盤熱賣，總之就係某個位一click，電源接通，個樓市就會又番生自己再向前行。


舊年8月同12月我都學乖了，樓市靜一靜時，睇到大方向向上升，係買貨的好時機，而樓市勁癲火晒果時就係出貨的好機會。所以，如果要上車的你，真係堅建議你好好利用呢段業主肯同你議價的時段買樓，如果唔係下一浪（我認為可能兩三星期後）再爆升的時候，就唔好後悔自己點解當日無買了。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431