交通限速與樓價

香港人的特點就係講求效率講求乜撚野都要快，所以好多時買樓的時候都會選擇同公司近D，方便番工，而亦由於香港的商業活動非常集中係香港同九龍一帶，因此港島區同九龍的樓價亦好受支持，始終番工快係好緊要。


睇番外國的經驗，其實好多人都住好遠，亦唔介意坐好耐的車番工，或者唔介意楂大半個鐘車番工，呢D野都見怪不怪。還記得我係美國的時間，好多人住New Jersey，番工就晨咁早坐火車或坐船到New York再轉subway，有時我都幾佩服D人，因為我果時住New Jersey的地方，由port authority坐巴士要成粒鐘，但楂車就半粒鐘去到New York，真係如果你叫我日日係咁坐巴士，真係叫我去死好過。


但點都好，唔同地方有唔同的文化，香港人就係要快，快，快，所以呢家D人買樓一般都要買市區，買遠D的話就一定會話”咁遠＂接受唔到。


隨著交通的發展，香港又有西鉄又有大欖隧道，屯門公路同大埔公路都係度擴闊中，香港以前真係堅遠的地方，其實呢家都方便左好多，就以元朗為例，我細細個入元朗要坐成兩個鐘頭咁劑，真係當時可以話元朗係鄉下，但呢家３號幹線同大欖已建成，港島楂車入元朗，快係上黎真係半粒鐘到達，以時間黎定距離，其實已經縮窄左好多，所以呢家好多後生仔女都願意搬入元朗，以距離換取更平的樓價。


所以我認為要舒緩香港的樓價，香港政府其中一點就係要改善交通的配套，以更有限的交通網絡，分流香港的人去買更偏遠的地方，有如如果東北發展區要發展，但係出九龍都要成個鐘，咁就真係屌閪啦。


今日呢個主題其實都同我有設身關係，因為雖然我覺得元朗可以接受，我亦住左兩年，但係元朗始終唔可以叫＂近＂。對於無楂車的人，坐巴士坐西鉄，快極由市區番入黎都要半個鐘至四十五分鐘，呢個時間對於無耐性的我係好難接受的，所以我選擇楂車出入，但係下下36蚊的大欖隧道，一日來回72蚊又真係堅唔講得笑。


對於交通上其實我有這麼一個睇法，老實講我認為全香港的交通限速都係好唔合理，我認為政府需要來一個一次性的限速評估。其實香港大部份的高速公路的限速都係比較保守，我唔係鼓吹大家超速，但係如果大部份人真係按個限速楂車，咁就真係仆街，果Ｄ限70限80的高速公路，其實行100都唔係危險的，已實在亦有好多人行100而又無將果D路變成交通黑點。更重要的係，其實一D連接偏遠地區的路線，我認為有必要提高限速。以美國為例，有D highway係限速80Miles/hour (=128Km/hour)，但香港最高的限速如入機場都係110km/hr，如果我地可以將限速提高，令東涌／元朗／大埔以北的地方都可以以更短的時間進入市區，相信會有更多人願意因為樓價更平而搬去稍為遠小小的地方居住。


而當然，我深信呢家西鉄線係以一個好高的安全系數去設定車速。係唔影響安全的情況下，如果香港的鉄路能夠再提高20%左右，即係你如果由尖仔入元朗坐西鉄係15-18分鐘內搞掂，我相信會有更多人願意搬入去元朗的。換句話說，如果香港能夠變成一個30分鐘的生活圈，即由市中心去香港大部份的地方都係30分鐘內到達，一定有一部份人願意進入較遠的地區而唔係迫晒係香港同九龍的。


有時候解決問題並非一味靠行政手段去搞鳩D人，可能有時換個角度去諗諗，會發現有其他方法去舒緩樓價的升幅都說不定，但奈何689只係識去打鳩香港的業主，有689在香港真係好可悲。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431