40歲沒有樓的廢青你要嗎?

 

最近朋友A同我講左一段好情深的話說，一直爛漫不羈的佢，突然係呢段時間有所感觸，唔知係咪成個市況都比較負面的時間，有時靜下來佢會諗，自己都成40歲人，好似一事無成咁，連樓都無一層，成個廢青咁，仲會有人要嗎? （ps. 佢一直有拍拖，但complicated)。

首先我一句車埋去啦，我話當然我明你感覺，大家都係一齊長大，40歲出頭，感覺其實仲係20的心境，不過都要認清事實，廢青真係無L你份架啦，唔叫廢老已經係好HI比面你，收皮啦好無。的確，隊長自己亦明白到，其實十年時間真係好快過，自己一點都唔覺得自己長大多少的時間，儘管ID Card上印證住鉄一般事實的年紀，但心境真係仲係十八廿二。

回歸正題，40歲沒有樓有無人要呢單野，有兩個重點。一就係其實40歲係咪一條死線，定係隨機代入30歲又得，35歲又得，48歲都得，年齡係因為我地係80後先會被主觀帶住，不過要討論就姑且用40吧。另一個重點係，有無樓又係唔係緊要呢？亦即係無係咪有樓就有女，無樓就無女咁呢？

呢個時候一定有道德L跳出黎去品評話做乜咁現實啊？有樓巴L閉D啊？一層樓算得乜啊？愛情可以用錢衡量嗎? 係，我完全完全認同以上所有反方的論述的，可以了嗎，但煩請如果只係要求隊長答呢個世界有真愛的人，可以睇到呢度就好了，係的，有真愛的，唔係乜都用錢黎衡量的，全對，OK? [清走大量道德Ｌ先]

戴完頭盔，如果能夠開放少少咁試下去係現實中分析一下，一個40歲的男士，當佢有讀大學，23歲畢業，工作正常的話都17年左右，咁佢的經濟狀況如何工作如何呢？再次放開道德的枷鎖去探索，一年平均儲到10萬，17年都應該有170萬。如果一年儲到20萬，就應該有340萬了對吧。數字就係咁計，但要儲10萬的話可能平均月入3萬左右？如果要儲20萬的話，平均月入6萬左右？如果一個40歲的人，月入3萬同6萬大家又點睇呢？（唔該如果仲係想講要真愛啊理L得人搵幾錢的聲音先行L開，我寫文的時候都總係幻想到有呢D 濕鳩comment留言而唔係討論的正義撚）。

問題又出番黎啦，就係係唔係個個40歲都有呢百幾萬-300萬左右的錢呢？如果有的話，點解唔買樓呢？如果無的話，點解又無呢?係洗左，蝕左，定係無賺過呢個水平的錢呢? 40歲如果無樓的話，大概可以第一步分析的係有下列可能： 

1. 收入較低的人: 去到40歲都係20-30K水平，咪買唔到無諗過買樓。

2. 儲唔到錢的人：即係搵到但係好識洗識食識享受。

3. 創業生意人: 一講投資就好HI，搞呢搞路買下股票夾下生意創業的人。

4. 性格影響：買樓太大單野了，有錢但唔敢諗唔敢搞，然後就沒有然後了。

5. 有苦衷的：人生好多隠衷唔講得，可能成家人等佢一個照顧的。

7. 無需要的人：屋企住開公屋有名唔搞買樓？

8. 屋企大把錢的人: 屋企住山頂獨立屋啊買乜Ｌ樓姐 （不討論呢類人了）。

黎到呢度，如果你唔係道德Ｌ的話，其實應該明白細心分析，一個40歲的人同30歲的應該係不一样。因為大部份40歲的普通人，多多少少都應該進入左「可買樓」的族群，對比起30歲未買樓可能係未夠財力，但40歲的話按正常思維情況都可分析為應該買到，但點解唔買的局面。每個人都可能有唔同情況，之但係如果唔買樓係因為上述的其中任何原因，會否可以投射反映反呢個男士係咪係性格上，有D要女仕擔心同注意的地方呢？當然真愛係絕對大過一切的，無人話無樓就代表任何野，但之不過比如原來個男仔係好怕事的好細膽的買樓咁大責任佢唔想負的，咁呢個性格會唔會影響一段關係呢？甚至，會唔會可能個女仕本身都係強勢的，真係會覺得個男仔係「廢」的呢?

傳統擇偶，都希望另一半係有能力可以照顧到自己。20歲未定性唔知會點，30歲未發跡亦唔知個男仔會點，但40歲的人是否個人生都大約已經普出左road map，即佢係一個點样的人，大約就會係點样的人。除非遇到神奇機遇，否則這個男人也就應該係可以推論係點，唔會變。所以，40歲沒有樓，問題唔係話有錢無錢呢個咁低層次的位，樓唔係一切亦唔係唯一指標，當然有樓無樓亦可以幻化成最基本的面包條件，之不過重點係性格決定命運，你認為40歲沒有樓的「廢中」，仲有market嗎?

*********************  彩蛋 ********************

 

本文章都有彩蛋，請加入Patreon解鎖

*********************************************** 

睇完啦喎，幫幫手請係我facebook 度Comment / Like / Share啦！

https://www.facebook.com/CaptainHK80

*********************************************** 

隊長Blog價值:

如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。

所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。

仲等咩，拿拿臨去subscribe我Patreon啦。

***********************************************