自主人生的策略

老實說要自主人生，對於好多人黎講係一件好難的事。如果我地用結果倒算的話，假使間你65歲係一間公司退休，而你又無法重拾雄風做番你本行的野又有番果個榮譽同地位的話，咁我可以講呢個人生已經係無乜意思。當然更有一些工種係連榮譽同地位同錢財都無的，咁就更加係一個失敗的策略。


然而並非所有打工仔都係失敗的，假使間你做某某公司的CEO，唔知點解可以比你做到80歲，講真我又覺得係新的潮代下，80歲退下來，唔理係乜原因，也真的夠年齡了。拉遠一點講，點解要講80歲的原因係今時今日的60歲或65歲，其實同我地呢一代80後小時候所認知的65歲係完全兩回事。如果你能回想下20-30年前，你的親戚長輩的60-65歲果D樣，真係老得好誇張，所以當時定60-65歲退休係合理的。而呢家21世紀，其實好多人，包括我老闆，65歲真係唔顯老，問心如果身體健康正常的話，我估做到75都一定無問題，而呢個係人類社會進步，食物營養提高以及醫學昌明下的結果，所以真心認為唔計法律，80歲退休真係無乜問題,當然當時人意願就係另一個問題。


拉暈一生人黎講，當今時今日可以活到90歲，又以做自已喜歡的工作至80歲計，其實中間位即係40-45歲，呢條數隊長認為係好有意義。隊長認為人生的上半場(0-40/45歲)，係一個正常人無法有太多選擇的時期，你只可以跟住個社會走，讀書搵野做係基本規劃。但好多人最慘的係完全沒有計劃沒有財商，一下子就閃到40歲45歲，前面的方向只係望住自己10年20年前稍工的糧，低著頭咁向前行。有些人會感到不安，然後好多時話搵D野搞搵D野投資，但欠缺大方向大規劃大目標，賺到錢又好蝕錢又好，都只係揼石仔賺多兩個錢，對於成個人生沒甚幫助時，人就慢慢步向50/60，然後事情便差不多定局。


要自主人生，除非你有什麼奇幻偶遇或有超級父幹，但以一個正常香港人計，可謂分秒必爭，越早能明白財自係乜野，提昇財商，你先有機會發圍改變下半場。如果要細分的話，其實0-26歲隊長認為係一個BB時期，基本上做人係發生緊咩事，未來係點行都唔知，而就算你覺得你知都好，95%的人都係無法改變任何野，因為無論以收入同社會地位以及影響力都好低，所以上半場的上半段，基本上係無乜野可以做去自主人生。踏入27-40(45)歲，呢段時間係人生最關鍵的時間，一共有約13-18年，而呢段時間關鍵的原因係一個人究竟有無學習同埋解以及定立一個可持續的人生同財務自由計劃，以及持之以恒，並非九Up完就算，又或者行錯路等等。無人能保證一定成功，但財自係好大程度要時間去實踐，每個月聚沙成塔的效益，加上複息效應，理論上如果係有效的計劃的話，十年八載應該略有小成。


呢個27-40時段最大的挑戰，就係好多人拒絕了解或完全無任何人生計劃，又或者因為人生要結婚生仔而完全忽略計劃的重要性，始終呢段時間要用錢的地方好多，賺又賺得普通，再加上唔係人人都27先識醒，好話唔好聽你35先知要財自，甚至45先知，也許已經太遲。所以如果沒有計劃的話，好容易就會一直沒有計劃咁進入人生下半場，然後就更容易咁直衝向65。


點解咁講呢?好明顯如果一個家庭去到45/50先知咩叫財自，能做的野又有幾多呢？可能呢個時候的小朋友已經有兩個係高中，仲有三幾年入大學，以今時今日的社會，稍有能力的就會諗送出外國讀書，送兩件出國的話睇怕未5-10年的收入的最大開鎖就係呢兩個洗費，即一燒就燒左你的收入年齡至55左右，然後剩番10年時間望住65，仲搏？計岩條數賺埋呢10年捱埋兩個小朋友出身就退休啦。所以就算比你意識到有財自需要，係人生下半場的情況下，九十幾样野的錢要你負擔，你想飛都會有大大的限制，而且仲有個中年危機，真心講你50歲的人最怕係失業，想搵過份工難過登天，機會成本超高，因此90%的香港人都只會步向65退休。


講完一大輪，番番去最關鍵的就係其實得27-45歲，呢段時間如果你能夠用你的方法建立到20K / 30K / 40K或更多的被動收入，咁你慢慢進入下半場時已經有唔同的感覺同想法。因為隨時間生成的被動收入，將會令你可以計數去到某一個位就正式財自，而就係你財自的前後時間，呢個時間唔會係一個overnight就完成的stage，但你可能會進入一個怕咩比你炒尤的階段，心思就可以放係你自已建立的人生下半場的事業事情上面。一個免死金牌其實好重要，因為你唔怕無左份工的情況下，做好多野就可以放膽去做，甚至有本錢去做，只要你喜歡的話，甚至可以低成本又或無償去做，慢慢建立基礎，一年兩年三年後，慢慢成型了，喜歡做的事情就上軌道，又有被動收入支持人生，隨住時間過去，45好50好55好，你可以切換至你喜歡的事情，之後自主你的人生，因為你係你人生的老闆，你中意做到70又好80又好，無人可以理你，除左市場要收你擋除外。


隊長呢一下，踏入最重要的幾年，其實亦無乜特別野要做，只等時間過去，等樓市繼續給力，實力更上一層樓後便可以自主人生，呢個就係最關鍵十年需要做的野。然而係今時今日樓市已經成為專利的情況下，財自靠樓已經變得接近無可能，所以就算你呢一刻係上半場想進入財自的路，唯一樓最多能幫你的就只係解決自住需要，而被動收入的話，必需要搵新的出路才可以。