男人愛股票，女人愛買樓

一睇呢個標題，相信好多人都即刻可能會話，我係男人但我都愛買樓，又或者我係女人，但我都愛股票，所以先旨聲明呢個題目唔係話男人就一定唔愛買樓，女人就一定唔愛股票，亦不apply係個別人仕身上，但講的只係一個普遍現象而已。


而要講呢样野，主要係因為近排我都係身邊唔同的人以及網上的題材，都見到類似的情形。不過我必需排除左有一班專業的投資者係以買股或買樓搵食的人，咁呢班人本身已經好熱愛自已的投資，所以同性別無乜關係。剩下落黎的，就係一班有份工無份工好，係度諗緊將來或生存緊的人，男性的都總是偏向股票，而女性都係中意樓多點，尤以果批唔太投資的人為甚。


顯而易見，其中一個主因有呢個分別就係現實同幻想的問題。對於大部份人黎講，買樓呢样野係一個好大的決定，分分鐘去到30-40歲黎講係人生中最大的一個決定，因為一講就幾十年，所以係承擔責任方面，一般男性都會覺得責任係自已度，那怕其實可能一人一半，不過心理上都會覺得幾十年的責任都係偏向自已，如果頭家有咩事都係男人去孭，所以份外覺得有壓力。而女性方面，又那怕都係會幫手供樓，亦可能諗住男方有咩事都會幫手供多D也好，不過心理上又有一批女仕會諗如果有咩野，屋企仲有個老公頂住，所以心理負擔係小Ｄ的。


所以財政上可能係50:50的比例，但其實心理上一來一回下，可能係遍向70:30甚至更多，因此男性亦偏向要深思熟慮睇下頂唔頂得住之餘，女性就覺得買樓計得掂就可以做係心理上是有不同的負擔程度，亦因此拉遠左兩性之間的買樓距離。


而基於男性會覺得買樓要較為輕鬆先可能敢孭個幾十年的供樓負任，一個又比較回歸兩性的因素就係現實同幻想。對於男性黎講你叫佢買樓，佢會計數先，睇下自已搵幾多，有幾多係手，然后計下即係借幾多成錢，供幾多十年，每個月還幾錢，自已頂不頂得住。而大部份人對於7,8,9成的借款都比較抗拒，因為一來計出黎的數字係每個月供得好金，所以想儲多點首期先買，而但係儲多點首期的時間，又會發現一講就又三年五年，呢D咁遠的野，講真真係死左都可能買唔到樓，不過手頭上又有幾十個，與期放係度，不如攞去買下股票睇下幫唔幫到手，呢個係一個現實的考慮，亦因此大部份男性都會先接觸股票，然后愛上股票，不過亦有好多要交好多學費，加上樓價又越來越升，離買樓越來越遠的男孩，就更加買不到樓，更加想從股票度賺番，如此這般咁輪迴。


相反女性講買樓，好一個因素就係年齡驅使要買樓。可能係母性的問題，一個女人開始諗建築一個家庭，首要就係一個家，而一個家入面，最好就係有個大廚房，有兩個廁所，有個大衣櫃，有梳裝枱，有個全身鏡，有個大鞋櫃，最好有成千呎，然后最好有白色有粉紅色咁，屌你老味好多時都唔會諗究竟買層咁的樓要幾錢，總之要幻想就繼續幻想，越幻想就越想拥有，越想拥有就越會吸收資訊，越吸收資訊就開始有小小咁多多concept，但個concept 可能係關於買樓的價錢同成本,亦可能只係令佢睇到某D樓令自已個幻想越吹越大。


不過有時你真係好吹他不狗漲，正正有時就係要靠幻想同夢想，有些女仕就會比agent推動到真係去買，又或者要女仕去推動個男方去討論買，到最后點样由股的錢變樓的錢，又原來就正正係一個女人心中的幻想，加上男方的誠意就將夢想成真。不過係未到果一點之時，當然有些女仕好厲害咁唔駛人幫手都自已搞掂層樓，所以好奇怪的係，身邊有樓的人，同齡計又真係女仔遍多。


可能呢個分析你唔認同，不過帶出黎有一點係好緊要，就係一真係要敢去幻想，無就同咸魚一样；而幻想完，有時真係唔好考慮咁多，反而可能先會成功。