馬沙拉蒂的故事

係名車滿地的香港，乜野Benz/BMW其實都普通到唔普通，對比起如果你係美國加拿大的地方，你會發現楂Benz/B<W真係有D把閉，但係香港呢個地方，難聽D講句呢家幾皮野都有部爛鬼Benz，所以要想突出身份的話，香港人就越來越中意楂下D特別的車，而近年最受歡迎的自不然就係Tesla同Masarati，呢兩部車各有原因同優點，但如果今日真係想講型，就真係Masarati，始終Tesla都衰D講句，可能會比人誤會你楂UBER。


而呢個故事的主人翁，隊長我唔記得自己有無提過，但佢係我的一個波友，呢位波友大約30歲左右，早年係果D外國回流的人仕，聽到呢度你可能會覺得勁，不過如果細心閱讀，原來佢係外國大學畢唔到業而番來香港的人，初時佢成日同人講番來係入左HKU，諗住咁都唔錯啦，點知原來只係求其係HKUSpace讀左個課程，去到呢度大家應該開始有小小明白呢個人的行為。


進入社會後，佢就入左一間保險公司工作做財務策劃，即大家應該熟悉的financial planner，第一二年的時候其實都無乜特別，你當佢都係搵三兩皮一個月吧，但去到第三年佢就有好多轉變，一方面佢就同女朋友結左婚，仲係因為女朋友有左BB而結婚，而佢的收入唔知點解突然係果年就好好，傳聞應該有大約岩岩一百萬左右，而佢的人生就當然越來越好，據說仲買左部全新的Benz約40-50萬咁，當然我相信如果佢唔靠屋企的話，應該都係要供先掂。而住屋方面因為有左，佢就嫌樓價太貴所以叫佢老婆同埋BB一齊住娘家咁样。


比較有趣的，是當佢擺酒的時間，諗住呢位百萬年薪的人仕又買車又醒，都應該係豪擺啦，而同估計的係無錯，佢真係係某九龍的五星級酒掂擺Lunch Buffet，咁都初時其實都無乜野Ge，但點知怪事就開始發生，去到擺酒當日，我真係無諗過完來佢真係好認真咁擺Lunch Buffet，我所指的係真係食Lunch果d buffet，係除左佢之外仲有好多街客的lunch buffet，只不過係話佢book左差唔多半個場，我當堂打個突，而佢的衣著竟然係就咁T-shirt牛仔褲果隻，認真呢個安排真係吹漲地型，但如果有人問佢係邊度擺酒，佢一样可以撻果個酒店的朵，只不過勢估唔到的係lunch buffet而已。


對於呢個人的行為我開始摸唔透，一個百萬年薪的人，自己買部新車，但係又屈係個老豆老母度住（唔係大，得實用600呎的三房左右，呢家計住７人），仲未買樓的時間，請飲就請酒店lunch buffet賺人情賺到盡，其實呢D係咪叫古寒人地但款待自己呢?事情當然未完結，踏入今年第四年，據說收入又多左了，於是今年就叻叻啦，買左間650萬左右的元朗新樓樓花，每月供萬零蚊左右，以及買入一架150萬的Masarati，呢位金融才俊的確係了不起，三十歲的佢，已經成為左身邊所有人羨慕的人生大赢家了，除左我。


Sorry，唔係計我同佢的問題，雖然我係朋友間都係比較低調的一員，但問題係如果我掌握的資訊係準確的話，作為保險財務策劃的佢，實際上完全只係一個無內容的financial planner，而究竟點样真係plan一個人生,相信佢真係毫無概念，而可悲的係竟然會有人比佢說服落撘，對於唔識plan的planner去做呢件事，我係覺得有點替佢羞恥的，因為這根本係同呃人無分別。


睇番佢個Case，以佢四年的工作累積的財富有幾多？老實講叻極我估都係一百幾十萬姐，以佢買元朗樓話之後要供萬零蚊計，佢個首期起碼要二三百粒，呢舊錢係邊度黎已經好神奇啦，之後Benz新車落地一年起碼無左20個，理論上都應該燒乾晒佢的儲蓄甚至都應該負數，可能係佢老豆老母泵水比佢買樓啦，而又唔係無車楂的佢，竟然要賣左個Benz買架masarati，呢個動作我係極唔明，除左係想被冠金融才俊呢個外號之外，實在完全無必要之時更加係無咁的條件。


以實的折舊黎講，呢150萬玩兩三年後應該得80萬左右，即係佢每年又無二三十個就肯肯定，每個月仲未計又要供樓又要供車又要供B，唔係話咩你有百零萬年薪都唔係好多係今時今日的香港。當然我計唔到數的係會唔會佢自己預期今年可能200出年可能300後年可能1000萬年薪啦，但就算係，我都覺得袋左落袋先會唔會其實合理D? 而呢家呢個狀態，我唔係話佢楂唔起一架masarati，即如果你搵20000一個月你養唔養得起一架車呢?當然養得起，只不過個比例係好唔健康好似會被陰乾之嘛。


認真，如果有三兩球你同我講攞去買隻收息股，每年代番20萬用呢20萬再補錢楂架Benz都唔知幾撚爽皮啦，但呢家玩到自己成身債仲谷行個洗費去自閹，咁的人sell你financial plan?唔好玩我啦。