MY MPF

係好多唔同的報紙同新聞，大家都會見到話乜鳩野MPF係強迫金，乜撚野收費好貴，然後就得出一個結果係要反對MPF。其中我深信有一D指控如收費太貴係成立的，而積金局是咪退休政府樂園就唔係我要探討的問題。相反，我係想從其他的角度睇下MPF的好處。


眾所週知，香港的人口老化係無可避免，所以如果我地係無任何的退休保障的話，我深信會有好多人退休不久就會跌落綜緩網，特別係當年老多病的時候，錢會變得好緊要又好洗費好大，之前睇鏗鏘集都有講有人計錯數，一個大病打亂晒成個退休計劃，所以MPF的出現，某情度上都係幫社會分擔左一部份的壓力，防止到時一個後生仔要養幾個老人的負擔。


還記得我做保險公司的果段黑暗時間，有一句野我當時個阿頭講得好岩。佢話，或者你可以覺得MPF或基金呢D野點衰點衰，如果舊錢係你自己去炒賣，可能會回報勁好多，但不過你行出街去問下人，有幾多人你叫佢攞幾皮野出黎你睇佢攞唔攞到，可能你會突然發現有好一部份人真係攞唔到，所以MPF其實真係有佢的功能。


畢竟，或者睇緊呢篇文的你可能好有計劃，但係你的另一半，或身邊的朋友，可能好多人突然間叫佢攞十皮八皮，有一大部份人係攞唔到出黎的。MPF的出現，真係強迫金，強性迫你去儲錢，呢一part，我都係幾同意的。就以我自己為例，我咁多樓都好，但我儲錢真係好唔掂，我有錢就會唔知點解fing左去，所以我認為MPF雖然貴又好咩都好，但佢真係幫到我儲左一筆錢。


其實儲到已經好偉大，可以防止一D亂鳩洗錢的人到老時好快咁跌入綜緩網。不過，呢家個社會好在意儲左呢筆錢然後又點？有報紙話個阿更阿叔有三份MPF，一份賺12蚊，一份賠80蚊，另一份蝕360蚊，然後就話總括MPF都幫唔到佢。再重申，可能呢個阿伯無mpf ，佢退休時可能十皮野都無。不過算啦，第二個問題呢家報紙佬就話回報低，收費貴，好多人都蝕錢。


表演一下，小弟的MPF到今日為止有15%的正回報，唔係有咩咁威，但總叫做有錢賺先。不過我認為MPF的操盤方式可能係好多人無認真諗過，所以先會出黎係咁屌個政府。


其實簡單D講，由你開始做野到退休，你唔可以cash out，MPF係差唔多迫你做Warren Buffet，人人都要buy and hold。亦因為咁，好多人就其實無理佢，佑個錢係個基金戶口度滖錢，畢竟平均成本法係話，高的時候買少D，低的時候買多D，Right?


之但係呢样野又係保險果時個阿頭教落，錢的野有時係同人一样，坐得多都唔係咁好，郁下做下運動先最健康。其實MPF你芋程度上都可以諗下點样去操盤，好多時候你的基金公司會一年比幾次(我用AIA，一年四次）可比你去轉換基金，其實你好應該諗下點样好好運用呢個咁著數的事情。


我的操盤都算係幾簡單，買任何野其實都係靠低買高賣，咁你就會賺錢。我之前就係買香港股票基金，在上一次的21500中將成個portfilio轉去做保本基金Guaranteed portfolio，然後一路佑佢供，直至上三個月左右係一萬八千幾百點果日，我又轉晒成個portfilio去番晒港股基金，亦因為呢次改變由負回報變為正15%的回報，呢個亦係我最近的一個諗法。


背後的邏輯好簡單，你如同係玩歡樂金宵的歡樂咭，但更大的優勢係你估錯短線唔駛輸，只要你認為未來有一日個市會低於現價一定的水平，你就可以沽出，而當你認為未來一年有一日會比現價升一定的水平，你就買入，如是者每年做一兩次，你的MPF就好大機會跑贏你朋友的MPF 5-10%。


唔好睇少5-10%，你一年人做30-40年工，果個複息 of 5-10%一年，好和味。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431