人貴自知

我其實唔係好想將人分為上中下等人，但今日成日都係見到唔同的人，令到我對人的質素又產生左好多唔同的領會，亦不得不令我信服呢個世界，人係無形中有份等級的。


首先，我並非要寫一篇野出黎攻擊任何人，亦因為我呢個Blog的主題的原故，所以我特別要指出上中下等人同經濟能力，以及有無樓係手係毫無關係。所謂人貴自知，一個有錢人都可以係下等人，一個窮人都可以係上等人，問題係佢地抱住乜野的心態去對待呢個人生。


話說又回來，今朝一早其實我要番大陸去面試一個銷售工程司的空缺。番得大陸多的人都其實好明白，係大陸的商業大廈，無論幾高級都好，你入到電梯都有一陣味，特別係我公司都係係D二線頭的大廈，呢陣味總係揮之不去。而更衰的係，大陸人特別多呢件事總係係你撘電梯的時候出現，每一次入電梯，後面都會有一大堆人前推後撞咁跟住入黎，而其中會包括林林總總的。


係我入左電梯後，後面跟入黎有一個順風快遞的工作人員推住架車，孭住個背包，大汗Dup細汗咁衝入黎，老實講，架電梯陣味本來已經好難頂，但加埋佢身上果陣徐，我真係想死。不過，大家唔好誤會我歧視佢，其實我係架電梯度望住佢，幻想佢每日推住呢架車，孭住個同一個垃圾桶一样咁大的背包，每間公司去到都要簽單搵單，一日又唔係搵得多的時候，老實講，我佩服佢對人生的態度，特別係係咁的情況下，佢面上係仲可以帶住個笑容，對於人生，我係短短的一程電梯都感到佢係充滿住希望。


面試的時候，其中一個面試銷售工程師的人令我都有幾深的印象。佢個子唔高，样貎都幾係果D二線公司的样（大家自己幻想），係面試過程中，不停un腳都算，D對答真係可以用九唔撘八黎形容。一個大學畢業生，有銷售相關的經驗，我問佢有咩強項同弱項，佢答我佢強項係好有毅力，會堅持，唔會放棄。弱項就係佢覺得自己唔識同人溝通，轉數唔夠快，屌，老實講，你係咪玩野啊。都算啦，我同事再問佢你呢家的工作離職了係因為公司的原因，定係個人的原因呢？佢就話係個人的原因。咁我就追問，係咩原因呢？佢就答話佢覺得自己唔夠努力。我本來想問佢你知唔知廣東話”吹狗漲”點解，無奈我忍住度氣盡量快完成個interview，所以我直接跳到去最後一個問題，就係待遇佢要幾多。點知呢個時候先賴野，佢係度牛頭唔答馬咀又亂問野，一時又話佢自己唔理解我地公司，一時又問我地點样sell野，一時又問我地點出糧，一時又問我地sell野係內銷定外銷，一時又問我地一般點搵新客。啤<—-係我送比我同事同佢的，因為我同事真係比佢帶住遊花園係咁答。我忍唔住就stop佢地我話不如你直接講你之前公司係點出糧，佢就話底薪幾多幾多，然後就話咩提成係10%，又累進又乜乜柒柒。今次我醒啦，我直接stop佢，我話你唔好同我講你之前點計，我只係要一個數，你攞幾錢人民幣一個月，搞到呢到我就求其敷衍佢了事。講真，你讀咁多書，講野完全唔係一個有邏輯的channel上，有D野都係唔係我想講，人的質素有時就係局限左係咁就係咁。


到我離開的時間，又係撘電梯的中途，電梯門打開，三個office打扮的人走入黎。睇样，你覺得佢三個四四正正著恤衫，但問題係佢地三個一入黎就企係我側邊，然後三個人就有果種強烈的酸縮味湧入我個nose度，唉，我都算啦。點知佢三個仲要開口傾計，仆佢個街其中最近我果條友個口有一陣好似係未擦牙食左個mcdonald之後有種酸鳩縮縮的過期薯條味強姦我個nose，果短短一分鐘左右的電梯都係越過生死一刻跟你電單車之中峽路再相逢的感覺。痴撚線，比你做份文職，你個懶得去注重下個人衛生同儀容，人的質素真係又分高下。


可能你會話喂，果d係強國人姐，香港人就好好多啦，我本來都係咁諗，但實際上我又比現實摑左一大巴耳光。我過完福田口岸，上左巴士之後，一個又一個後面的人魚貫上車，嚇然我發現左一個facts，就係差唔多80%的人都係40-55歲左右的中年男人。而且，佢地都係大部份一人行動，長相同你係深水埗同長沙灣果D裝修工人差唔多样。佢地一個一個上車，我就內心冀求搵個斯文D的人坐係側邊，但奈何天意總係弄人，一個又一個好似影印機一样的中年男人慢慢就坐晒係我的前後左右。我當時的情形好難忘，因為前面係一個個頭油立立，有好多頭皮的人係度講電話，後面係一個頭先經過我已經聞到成身有陣未晾乾衣服果種縮味的長髲阿叔，而側邊就係一個可能件衫四五日無洗，滿面可能有兩日無剃so的so gun中年人，當然油立立的頭髮加埋果種瘦削同較黑的皮膚的配撘令你會感到坐係佢隔黎係好令人窒息。


呢一班中年人點解上大陸，我有這麼一個幻想。按佢地的長相，得罪講句係香港都唔係Ｄ咩大人物，甚至可能係比人睇唔起，又無老婆的一群。係香港搵唔到的自尊，就憑住一張三粒星的身份證北上，人的身份就感覺昇華了。係香港搵的錢，那怕只係一萬幾千，番到大陸搵個二線出黎的大陸姑娘，飲飲食食，開開心心，人生的自尊就重此拾回。


呢D人的心態，唔會將自己的問題正視，我認為連自己作為一個正常人，對自己的儀容，衛生，都唔會有多少要求的人，佢對其他野，都唔會點講究。人生，亦唔會有咩進步。推展呢個思維，佢地可能係香港永遠只能做基層，某一部份人更可能長期係綜緩，公屋的受惠者。進步的動力，早己失去，剩番落黎的，就係將自卑帶回大陸演變成自尊的生活。我深信我係以偏蓋全，但我亦深信有好一部份的香港人就係咁。無論佢地有錢，無錢也好，如果已經淪為一個失去動力生活的人，我深信佢對社會都無乜貢獻，下等人呢個我最唔想用的詞語，可能真的要用在好一部份人身上。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431