我的房屋政策

生活係今日的年代，我認為普邏大眾都已經比氾濫成災條文同政策綁死，所以我的房策就好簡單，一字寄之曰”簡”。以武學黎講，有時有Ｄ人中意化零為整，有Ｄ人化整為零，亦有劍宗同氣宗，有招勝無招，各形各色，各有好處 。打個比喻，就好似幾年前你買電話一样，又Nokia 又motorola又samsung又Sony Ericsson，幾萬個款幾萬個variaties，有時越多野反而越煩，然後突然Apple出部 iphone，簡簡單單的外型 + 一粒制，幾年下來掃低幾個手機巨頭。


所以，我認為社會無需要討論再搞乜置安心咩復建居屋，我地呢家要做的就只需要一個簡單的市場，呢個市場就係只有兩種樓: 公屋同私人樓。


公屋的部份，我認為政府唔應該再賣出任何公屋，因為話明係公屋，就係屬於公家的，亦即政府的。公屋的入息線，可以向上移，以讓更多的基層市民受惠。由於只係紙上談兵，所以我建議大約條線有由兩個大學畢業生的人工加埋的合理水平以下為公屋的線，亦即假設如果今日大學畢業生係12000元的話，兩個人加埋就24000，所有家庭收入24000以下的均符合入息要求，可申請公屋。主要的理據係，我唔認為受香港咁多年資助的香港大學生，仲需要係房屋政策上受到公屋的照顧。


那麼24000元以上的該如何呢？我認為政府要清楚解釋，政府的責任係make sure 無人訓街，而香港今時今日係的確無乜人訓街，24000元入息以上的，你可以選擇租樓，或可以選擇住遠D，24000元以9成上會，你肯儲錢200,000，兩三年一定會儲到，再買個元朗屯門大埔粉領上水的屋，係你的決定，政苦無乜要特別又唔知攞撻地番黎起塊居屋夾硬消耗資源去益你幾百個居屋戶。


可能講到呢度你會覺得有小小涼薄，但其實後面的操作先會真正平衡到個市場。首先，以前攞到塊住宅地，就要考慮起公屋／居屋／置安心／私人樓。呢家就簡單，戰場就只有兩個，一個叫公屋，一個叫私人樓，即假如如果之前十塊地有10000個單位，平均分配就得3333個單位，但呢家每個市場都可以分到5000個單位，或者起3333公屋，其餘6667個就係私人樓，供應量就會多左。


而新的機制下，我地要仲要做多兩样野: 


公屋方面：嚴禁濫用公屋基制，比如大學生就讀期間不可申請公屋，而亦設一條富戶容忍線，即如果你係入住後家族收入超越上限50%內，只需要交富戶市值租金就可以無需搬走，呢個亦係一個特別的政策，任何公屋富戶都要交4倍租金，但呢4倍租金是咁的，1倍就係政苦入袋，另外3倍就有D似置安心，你交夠24個月後就要離開公屋，不過為左鼓勵及幫助你進入私人市場，政苦就會一次過回贈24個月的3倍租金比你，即假如你比開1500蚊公屋租金，富戶就要比6000蚊，而24個月後就會一次過穫得4500 x 24 = 108,000比你，以幫助你向上流。當然你可以繼續選擇搞對抗唔搬出去，但係呢個回贈只會係做24個月，及後你比6000蚊租金將會係無得回贈，以提高誘因進入私人市場。


居屋方面：一次性要求全港居屋戶以今日地價再7折補地價（提供誘因），選擇不保地價者未來將需要全數補地價，其在持有居屋者按未補地價的部份開始繳交特別地稅（業主為60歲以上的就可以免地稅，但任何轉名，加名，以及遺產時必須補地價先）。目的係盡量一次性將居屋變成可流通，可出租的私人樓，但亦避免自住的老人因退休安老而擾民，流通量增加變相供應增加。


以上兩大措施為期兩年，等市場可以有足夠時間調節。


以收回來的補地價款項，可能將會有超過二千億，到時就如下列劃分：


1. 一次性的綜緩戶同生果金一律多派3個月，以資助弱勢社群老人安享晚年。
2.一次性的提供薪俸稅免稅額，每人二十萬(兩年計)
3. 一次性的再派錢，每年一萬蚊（兩年計）讓全香港市民可以分享地價的成果。
4. 餘額交比房恊或重新成立一機購，以私人模代收地以供房恊起公屋，增加收地速度的靈活性。


呢個係一個好草的idea，但係做到下面的人在兩年內可分享成果之餘，亦令公屋服務更多邊際的人，而私人樓亦可以因居屋流轉而增加供應，不過我明白idea係有，但要過度立法會係好Q難，所以好彩我無政治使命，所以我只係9up當秘芨，大家歡迎討論。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431