年輕人該放眼世界

呢段時間真係可謂空中飛人，寫呢篇文的時候，我人其實係晌北京的酒店裡，完成左今日的工作才得閒寫下野．

 

Anyway，呢幾日有一件事其實係令我有點感覺的．話說琴日上機的時間，有條十八歲左右的大學生坐係我隔黎，佢上機的時候係同兩個疑似同學的人一齊，經過我隔黎就坐入去中間的．

呢個十八歲的小朋友，個子不高，頭髮無咩造型，著衫唔太講究，加上佢同佢果兩個朋友都係同一個style，簡單黎講佢應該叫做電車男吧．

坐係我側邊的佢一直都無乜異样，長期都係好專心咁睇緊佢自己的一本簡体字小說．其實佢一直無開口，我都唔知佢會唔會其實係強國學生．不過反正佢係乜，其實對我都無乜關係，所以我都唔係太為意．

對於時下咁富庶，物質要求的香港年青人，出外旅遊坐飛機，應該並非什麼特別事，所以之後簡單一段對話，就讓我感到有點驚訝．
 

事緣到派餐的時候，空姐到我這一排，一般都會先由最靠窗的果位乘客問先．由於最入面個乘客個样係超級強國，所以空姐就用普通話問：”仙生，禾門友炒支旦和支肉Joe”．入面個強國人就話要支肉Joe，跟住個空姐再問：”你要什麼型片果支呢？”　個強國人就答要咖啡．

重點終於到了，我相信個空姐同我都有共同的expectation，認為中間個電車男都係香港人同埋出個下阜，所以個空姐好慳時間就用廣東話問：”先生你呢?”

突如其來的一下令到中間個電車男打左個突，果一下你感覺到佢好懷疑點解個空姐唔用廣東話重覆個選擇一次，而只係問佢要乜．一時轉不過佢的電車男勉強係個口中唧出兩個字 – “隨便”．”隨便”呢兩個字對於我呢個frequent
traveler一聽就知呢條靚仔咩料子－

1. 應該係飛機處男（除非之前屋企人幫佢叫餐或之前飛機太短無上餐另計）
2. 普通話唔掂（個空姐咪又係香港人廣東話，唔難聽囉）
3. 經驗不足（唔識咪問下人你有咩比我揀囉，隨便即係咩姐？）

 

可能你會話我以片蓋全，但追開我個Blog的人都知我成日都係以片蓋全，所以我唔覺有咩問題．不過，其實個空姐有幫我double confirm呢個電車男是否真的如我所想，因為空姐係上完個餐比佢之後問: “你要d咩果汁飲品呢?”，根住條靚仔好開心好快咁答佢，可能係因為今次同上次唔同，有得二揀一嘛，Multiple Choice，是但揀一個實無死，於是佢答”果汁”，之後係點大家都知，個空姐又肯定要再問佢要橙汁，萍果汁定係蕃茄汁啦．

其實我並非要歧視任何人，特別係如果佢係因為家庭背景無法承擔所致．但係個問題係，普通話唔掂，又欠缺經驗，究竟我地下一代的人搞緊乜野？

呢家全球都講緊Globalization，地球村亦已經成晒型，全世界的人其實都係度互相競爭，如果新一代久缺語文能力，久缺國際視野，係商場上又如何表現自己，如何羸取更高的報酬呢？香港有能力的人有很多，但我相信90后呢個電車男都唔係唯一一個，但如果呢D人都係長期保持落後於人的能力，但又有要勝過於人的心態，中間剩下來的就係失望同埋冤氣，然後就將問題往外推到社會同政府了．

香港的成功，好需要靠我地不停去制造人才，我好希望我遇到的只能代表香港的一少數人，不然香港的經濟能力，將會比玩完．

請去like我的facebook:
http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431