財務自由路已死


之前有提及,今時今日的樓市,要玩一開二二開三,難度已經比以前高,但如果你的目標仲想玩到四變八,八變十六的話,以一般人的能力都可謂等於零,所以如果想以樓黎做財務自由的話,差唔多可以宣告條路已死,除非你的財務自由路只係楂兩三間屋逗多萬零兩萬蚊就夠數就另計。


一個正常香港人又玩得樓,講真如果D樓的被動收入無番剩收入30-50K一個月,都好難講話接近財務自由,而以呢個收入計,你即係都好起碼要有3層細樓+1層自住樓先叫做接近。不過當你有多於一層樓時,呢家的限制實在多到發癲,令到呢個買樓向上流的門檻設得極高。


其實入場的門檻就還是可以的,所以由零變一,你只遇到的限制只係有無10%首期,如果有的話你就可以用10%買400萬樓下的樓。不過一買的時候第一個關卡就好快會卡住你,而呢個就係壓力測試。因為唔理你借幾多成,壓測係你借第一層樓果下計60%,即係你如果借360萬的話,你的人工60%要大過或等於19656 (@5.15%),即你要有32760元先可以搞得掂第一層樓。有呢個人工唔係好難,不過如果你想再買多層果下就出事。


第二層樓計,你的壓測只會係人工的50%,當然仲要扣埋你本身果個mortgage,其實呢度咁講你無50K-60K,其實都好難可以講到買多一層細價樓。而與此同時,當你買多層樓係4M的話,首期30%就係120萬,不過仲有多個DSD比你嘆,即你要共129萬左右的基本費用。當然去到呢度都應該仲有人可以做到,不過相比起以前樓價低無壓測的時代,門檻已經高左好多。


問題係去到第三層樓或你要improve生活質素就出事,因為如果你買得到三層樓,段估一個正常人係目下市況,都用左你5-10年時間,而人生去到30出頭左右,都可能要大D的空間,而大D的空間即係要貴D的樓,咁呢下就大穫,因為你個DSD會好勁之餘,你個壓測我諗你無10萬銀都好難再上會借幾幾球番黎,而且第三層樓仲要只可以借50%,即你買一層8M樓要4M首期,無論儲錢同壓測,我都唔知一個正常打工仔5-10年點可以變出黎,當然你可以賣晒D樓由頭黎過,不過如果你賣晒D樓由頭黎過,又只會係受制於后面的壓測,以及無左被動收入的增長速度,到頭來都係花多左好多時間。


其實只係計三層樓,我都已經唔係好計得掂,當然好多香港的聰明仔會搵晒全家人一人一名去買,不過比你咁搞黎搞去,除非你係超級大家族之餘你屋人又成世唔會買樓,如果唔係你點到係諗多兩三層。再者隊長真係唔係好建議,係呢家個市度再以超高槓桿不停入市,因為呢家個市已經開始進入"無明顯升幅期",我唔係話聽日會跌,但只係值摶率低,你要自住我仲係建議去入,但如果你要一家四口一人一間9成呢家大舉入市,我覺得就無謂無啦啦成家人孭成千萬mortgage,呢家個市只係適合買黎自住或上車去keep住同個市的走勢而已。


點都好,所以呢家諗樓都有D煩,因為賣左又真係好難再買番上車,成本太高效益太低,不過持貨就仲係好爽,因為每一年的收金似乎都有明顯增長,供樓的壓力亦每年減輕。可惜的係,如果你睇我個Blog係諗住可以大展拳腳慢慢建造財務自由的帝國,我不得不告訴你呢條路已經不一样地難了,也許就算政府撤招,先會減低一半難度,不過對比起昔日的無枉管情況,要靠樓黎財務自由,似乎已經接近行唔通。



留言

  1. 咁點算? 我而家只係得番買reit可以幫手增加passive income...

    回覆刪除
  2. 又唔駛咁灰既, 唔只得樓一樣投資架嘛~~

    回覆刪除
  3. This is why this blogger have limited development. He doesn't know about oversea ppty such as UK & JPN, bonds & stocks investment. And even HK ppty, he doesn't know some financial institute provide mortgage without check TU for HK ppty.

    回覆刪除
    回覆
    1. I'm interested to know what kind of financial institution provides mortgage without TU check.

      刪除
  4. 追求財務自由有很多方法,物業投資是其中一種,但不是唯一一種。

    回覆刪除
  5. 自住樓限制多,可否轉戰非自住樓呢?如工廈等?求請教!~

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力