讀者來信: J小姐污糟樓租客交收

 ============================================================

隊長，您好！

我幾年前買樓後有感而發寫了一段文字給你，當年買完樓無幾耐得知親戚因生意不景，賣了太古城租樓住，還了按揭及債務，剩下一兩百萬旁人，仲覺得層樓拖累佢？！話以後都唔會買樓？！覺得佢幾十歲人都無好好利用層樓，被零售生意攪到樓都賣埋，同當時我剛剛買樓成強烈對比，你當時也有回覆我的。

今次係有事求教/求救，知道你貴人事忙，可能你唔會回覆我，但我還是想問問你意見，因為呢件事我已經晚晚瞓唔着😭，所以只好厚着面皮請教隊長。

其實件事好簡單，星期日我租客交番層樓比我，頭尾租咗14個月，好似住咗三五七年日久失收咁，非常唔開心，廚房枱面和升盤本來米白色，而家成個枱面升盤一撻撻漬，又黑又灰又黃咁，廁所淋浴位同牆位下半部分，又锈漬、又黑又霉又黃咁，梳化又係一撻，成間屋勁霉勁污糟，send相比幾間deep clean公司都話住到咁好恐怖，我知道還原係無可能，一間deep clean公司睇相後話廚房還可以，廁所提意我起磚重舖，另一間就話廁所還可以，廚房應該唔得，而双電磁爛咗一邊玻璃要成個換。

我已經收屋收匙換鎖但無簽文件有影相，我收樓後佢走咗我即刻換咗鎖胆，我仲未退按金既，我同佢講電磁爐我願意一半，deep clean $2800由佢承担，但租客話全部都只願意承担一半，因為咁樣來來回回幾日都未傾掂。

請問咁既情況，其實我係咪唔洗理佢，整完通知佢整咗幾錢，按金扣剩比番佢就算，會唔會有法律責任？

唔好意思，第一次遇到極品，還望隊長打救一下

感謝隊長！🙏

============================================================

好，先講法律，法律層面無人會理亦理唔到間屋的光潔程度係點，如果去到玩法律，咁就先講最基本果條就係佢退租比你，你有無收番層樓，呢個係第一個最基本果點，我地要先搞清楚。咁點為止交番，有少少灰色，當然physcally我理解你係已經收番間屋同鎖匙係咪？

但最好你地有一份退租同意書，而退租同意書最好講埋你地的基本物業資料，同埋退按金之類簽收之類，但呢個係無任何template的，即你點draft都得，所以你最理想應該係draft一份野比佢簽，理論上應該係draft埋你地同意左幾多錢做清潔的部份退幾錢按金咁先簽的，但呢一刻大家唔同意的話呢，其實最好睇下租客識唔識野， 唔識就最好只係draft一份純粹佢星期日退番層樓比你的退租同意書。

點解要有呢份野？ 因為......................

********************* 解鎖 ********************

 

請加入Patreon解鎖

 

*********************************************** 

睇完啦喎，幫幫手請係我facebook 度Comment / Like / Share啦！

https://www.facebook.com/CaptainHK80

*********************************************** 

隊長Blog價值:

如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。

所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。

仲等咩，拿拿臨去subscribe我Patreon啦。

***********************************************