香港租樓故事：月租5萬的港女吸水大苯象 (3)
接落嚟要解決嘅問題，第一樣就係開始止蝕，第一樣嘢要只是就當然係退租嘅問題。退租對於阿明來講有兩個目標，一就係當然盡快要退，而呢一方面就要等阿芬盡快答應搬走嘅時間。另一方面，就係退租時候要攞返個按金止血都好。
「我就會搬返屋企了，你看看什麼時候可以搬走我就退租了」阿明發訊息俾阿芬，唔想有一絲傾談嘅機會。
那邊廂的阿芬，失去左阿明呢條水喉，佢亦明白到係要時候搵下一個依靠，但係突然之間要好急咁樣搵都唔係容易，頑固佢身邊而家有兩個選擇，一就係返屋企痴，二就係諗Ivy，不過正所謂why not both，所以兩邊佢都有個諗法。
「爸爸，我要離婚了」阿芬發訊息比佢爸爸，當然屋企人都會點樣都支持自己人。
講番阿芬屋企，其實都叫做中上產，有五六層樓收租，不過兩兄妹同埋阿爸阿媽咁，叫做唔係等錢開飯。然而，因為一直都未需要分身家，所以啲錢都未係正式過阿芬手，但係呢個時候阿芬都開始打響自己嘅算盤。
「爸爸，我冇人要了，如果我搬返嚟，肯定會比親戚朋友笑，我而家係一個俾人遺棄嘅老女人了....」阿芬喺電話中聲淚俱下，嘗試打感情牌打動爸爸。
「咁啦，阿女，你咁傷心都冇用，爸爸搵唔到個男人俾你，不過如果你開心嘅話，不如爸爸比一層樓你住住先啦。」爸爸愛女心切，聽到個女突然間咁樣，唯有都盡量保護，心目中就係諗比住間一房嘅收租樓叫阿芬搬過去。
「多謝爸爸，咁我揀得啦，我而家住緊嗰度都有四房，所以我知爸爸有一層翔龍灣三房，我少咗一間房啦，但係唔緊要啦爸爸我住住先，我幾時可以入去呢？」阿芬老實不客氣就自己揀咗佢老竇最大嗰間收租樓住。
事實上佢老竇真係唔係好想，不過對住個女已經咁樣嘅時間，焗住都係俾佢搬入去，好彩個租客都肯搬出來配合。而阿芬揀呢個三房，除咗係因為佢真係鍾意比較大嘅空間之外，仲有一個佢自己一直盤算嘅原因。
「Ivy，你之前咪話你租住緊嗰度返工好遠？我而家準備搬去翔龍灣啦，你有冇興趣搬過嚟同我一齊夾租啊？」阿芬一搞掂佢老豆果度就即刻搵Ivy開始諗佢嘅如意算盤。
「你想同我住咩？我當然開心啦，不過我仲有個工人喎」Ivy聽到自己女神竟然邀請自己入屋，當然求之不得，心諗呢獲仲唔近水樓台先得月？
「冇問題啦，仲好添，你個工人可以順便幫我哋執屋煮飯，咁啦，呢度三房，你俾返15000我啦，水電煤照除，你最好就下個月1號同我一齊搬入嚟啦」阿芬急不及待Close deal，正所謂姣婆遇着脂粉客，兩個一拍即合，成件事阿芬空手奪白刃而家做埋收租婆。
「我可以下個月盡快搬走，不過搬出嚟有條件，就係我依家去搵樓咁急，仲要我洗錢，我唔知會搵到咩樓，可能仲會好貴，但係為咗幫你慳，我依家都會去搵，所以如果你想我盡快搬的話，咁我幫你慳，你就要俾返五萬蚊我去補貼我搵樓，如果唔係我就慢慢搵，但係我就住多一個月，咁你都係要俾呢五萬蚊租金俾業主，即係你係唔係都要比，睇吓比邊個，我都想分手分得撇脫，所以我係想盡快搬走的。」阿芬嘗試心理戰，因為佢知道阿明怕煩，同埋幫佢分析完係唔係都俾錢，感覺上佢知道阿明係會揀俾錢佢盡快完咗件事，而且佢知道仲有10萬蚊按金係業主度，即係亞明點都仲有錢俾佢閹。
「好啦，咁我比50,000啦，我會同業主講退租，你搬好就出聲」阿明完全係俾阿芬完美金估晒佢嘅思路，的確佢係想嗱嗱臨完咗件事。
就係咁，阿芬好快就搬咗去翔龍灣同Ivy同居，先袋咗佢老公五皮，再每個月收15000，有工人使喚咁住係佢老豆層三房入面，喺短短一兩個禮拜已經諗掂晒基本嘅生活，都不得不佩服佢嘅行動力同埋轉數。
搬屋嘅事情告一段落，生活係翔龍灣嘅阿芬有Ivy呢個觀音兵的供奉下，生活都仍然係相當開心同輕鬆，平日就有工人照顧起居飲食， Ivy放工返嚟就會甜言蜜語盡量討好阿兼芬，完全好似冇事發生一樣，直到有一日收到.........
********************* 彩蛋 ********************
本文章都有彩蛋，請加入Patreon解鎖
***********************************************
睇完啦喎，幫幫手請係我facebook 度Comment / Like / Share啦！
https://www.facebook.com/CaptainHK80
***********************************************
隊長Blog價值:
如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。
所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。
仲等咩，拿拿臨去subscribe我Patreon啦。
***********************************************
留言
發佈留言