香港租樓故事：月租5萬的港女吸水大苯象 (2）
現實總係事與願違，呢位女子當你滿足左佢一樣野，自然就會有更多的需求，就好像經濟學101咁講，wants are unlimted，而結婚後就會有更多的想法，亦會造成落差。經過唔到一年的時間，甜蜜的關愛已經不復在，對於每時每刻都係計較同control freak的關係，M底的阿明亦開始明白到自己只係一隻cash cow，特別係由疫情之後香港無晒大陸條水，做保險的阿芬收入大減，到最後直情唔做野係屋企做少奶奶，經濟的壓力驅使阿芬更加大咬，而阿明背負住50000的租金同埋阿芬的苛索，日以繼夜不停工作都只係無底深淵咁漏錢，阿明都去到崩潰的邊緣。
就在這夜，臨到阿芬生日之際，阿芬再提出要helmes包包。經濟壓力壓死左的阿明，已經再無耐性去求和。「你覺得搵8萬租5萬的人，去養埋你的時間，仲有錢剩去買十九幾萬的包包咩？魚柳包菠蘿包就得，helmes喎，你都有兩個啦仲買？」阿明開始宣洩自己的怒氣。
「我生日啊！我嫁比你第一年的生日啊！」阿芬覺得自己不受重視，眼前呢個男人並沒有像之前一樣咁愛自己了。「唔係生日同結婚問題，係無L錢咁fing的問題啊！」阿明已經難掩自己心中的怒火，呢個老婆從無替佢著想。「你成日剩係要呢樣要果樣，有無諗過將來架，你知唔知我幾辛苦，你咁樣好難頂啊！」阿明連珠炮發。對於一向唯命事從的阿明咁講，阿芬第一次見識到阿明不受控制了，亦因為感到被侮辱「離婚！我要離婚啊！」阿芬都不能示弱，唔係阿明你惡就得，你識惡我識癲啊！
相信每個人身邊，總有一些情侶係一年分手或離婚一百幾十次，之但係對於阿明黎講，佢聽到阿芬咁講竟然有一種鬆一口氣的感覺。「你話架！」就係呢個時候阿明頭也不回痴左線咁直衝大門離開，留係間屋入面的阿芬就好傷心咁係度喊，亦開始打比佢的閨密。「我係全世界最慘架」阿芬一路喊一路講，「佢唔愛我啦佢以前唔會咁對我架」係電話中的朋友Ivy一直安慰佢。
閨密Ivy的存在，其實亦係故事的另一個關鍵線，咁Ivy係一個咩人呢？Ivy係一個i bank的中層TB，一直都對阿芬有好感，所以阿芬一出事就打比佢，因為佢道Ivy一定企係佢果邊。「係囉，買個袋之嘛，有咩問題喎」Ivy幫阿芬圍爐取暖。「如果你想要的，唔駛等生日，聽日我就去買黎送比你啦」Ivy二話不說就想係阿芬面前攞分。
事隔幾日，阿明繼續係公司賣命工作，但避免磨擦佢去左酒店短住，睇下咩環境。另一邊廂的阿芬，就好似已經係傷心欲絕中得到重生，走出了谷底。「不如星期六黎我度打牌囉」阿芬係Whatsapp同佢的閨密們提議。眾人見阿芬呢牌咁的情況，都伸出援手去以麻雀支持阿芬。
星期六下午，閨密全部都到晒阿芬的5萬元豪宅，大家都話嘩你呢度好Chill好正啊阿芬，令阿芬都心裡甜甜咁享受閨密的好話，而當中Ivy更加係全力搶分，因為一直等待阿芬Available，而家終於有機會了，亦全力施展佢幽默風趣的本色。
「喂我個包包呢?」阿芬一路打牌一路問Ivy。
「啦，呢個世界上呢，就無野係錢解決唔到的」Ivy係度吹個套路。
「咁即係點啊?」阿芬繼續問。
「即係呢，我而家只係需要時間去解決錢的問題就可以搞掂的了」Ivy鳩下鳩下咁答。
「啦，我知你要紅中架啦，比你食住先啦」Ivy好識做咁打隻紅中去當交利息先。
「YEAH!!! 大三元!!!」阿芬開心到中撚左六合彩頭獎咁大嗌。
就係呢個咁開心歡樂的時間，突然大門打開，原來阿明就係趁星期六的時候番來執野走人。本來上樓之前都係夾雜住複雜的心情，諗緊打開門見到阿芬一個人喊晒咁坐係度的樣子會點，而萬萬諗都諗唔到的係，自己累得像狗的人生，番到黎見到早幾日嗌離婚喊晒J的老婆，此時此刻竟然係開心大嗌咁打緊麻雀，尤如無事發生咁仲好似有少少贈興的感覺，而此時個氣氛突然好似Elsa出場咁完全凍結，眾人耳目交投，全場突然靜晒。由於阿明諗都無諗過個法面落差咁大，自己都有點可惜的感覺底之際，你老味你成班撚婆係度打麻雀慶功咁好似?
「痴撚線」阿明瞬間直衝房間，留下呢三個字以表佢對呢個畫面的不認同。
「嘩你老公癲架喎」朋友Ａ即時同阿芬講。
「嘩係囉嚇撚死人咩駛撚咁惡啊，你同佢離婚真係岩啦」朋友B即時踩多棍。
「係囉駛撚咁大聲咩，都唔知番黎做乜，仲一入門口就鬧人，阿芬你真係岩啊」Ivy即時補埋個尾彩。
「係啊，所以我平時受幾多氣幾冤枉你地而家知啦，你地係度都無面俾架佢」阿芬即時賺取所有支持。
此時雀局繼續，房間呢執野Pack野的聲音此起彼落。過了良久，一個無可避免的畫面再出現，就係阿明拖住一個大Gip行出大門的一剎那。此時阿明唔想講一句說話，直拉就向大門方向衝刺，然而就在短短的幾秒鏡，朋友AB都係度幫手開拖。
「係囉，都唔知D人點解咁無風度架，一黎就鬧鬧鬧」朋友A開始單打。
「你唔知架啦，我老公話啊D人心理變態啊就會係咁一入層就屌人架啦」朋友B繼續幫拖。
冷不妨有外人出招攻擊，阿明係呢一刻以一敵四，仲要係被兩個唔熟的人攻擊，阿明選擇奄春咁離開房間低頭敗走，向著大門直衝，同頭先講痴撚線果種霸氣形成最完美的對比。
由打開門的一刻，去到大門這短短10秒的時間，對於阿明來講就好似過咗好耐一樣。每一步佢都屏息靜氣，另一邊廂打麻雀嘅四個人到無再講嘢，但係眼光都望住阿明一路行去打開大門，再離開呢間屋。
當門關起的一剎，四條女都即刻放鬆返心情，開始又喺度大聲講嘢大聲笑。
「挑，我仲以為佢型到尾出來有咩動作，點知聲都無一粒就頭耷耷走然左去」朋友A大大聲咁話。
「係囉，我仲以為佢會過來掃枱，佢老味我呢鋪勁野黎架嘛，諗住佢過嚟掃撚咗就同佢博命㗎啦，點知乜都冇做，垃圾！」朋友B講完又賤賤格格咁大笑。
「挑，講咁多做乜撚嘢呀，佢走咗就一天都光晒」Ivy申多一腳！
「Let's party! Music!」阿芬興奮大嗌，似乎係比朋友所圍爐取暖的感覺激起左異常興奮嘅心情。
音樂響起，歡呼聲此起彼落，但大家又點知道，其實阿明仲喺𨋢口，佢哋呢一番對話，聽得一清二楚．本來佢就有一點心軟失落嘅心情，望住呢個吃力地租的50000元的單位，眼淚開始喺眼框凝聚，心腸亦決定鉄起上來，佢知道接落嚟佢一定要開始做嘢。
********************* 彩蛋 ********************
本文章都有彩蛋，請加入Patreon解鎖
***********************************************
睇完啦喎，幫幫手請係我facebook 度Comment
/ Like / Share啦！
https://www.facebook.com/CaptainHK80
***********************************************
隊長Blog價值:
如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。
所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。
仲等咩，拿拿臨去subscribe我Patreon啦。
***********************************************
留言
發佈留言