被退休的CEO

呢幾日我老豆去左星加坡,參加佢以前個老闆個女的婚禮,順便當係去下旅行咁話,畢竟困左香港咁耐,都想出去行下,趁呢個機會就去星加坡順便見下佢D舊同事咁,亦叫做賣下個江湖人情比佢舊老闆咁。


講起呢個舊老闆,我老豆退休左四年,佢就退休左可能十年有多,但兩個人退休的情況都相當之唔同。我老豆就係做到真係退休年齡有突先退休,雖然都係辦公室政治下的退休,敵唔過大勢,都反正都係做突左幾年,都無乜得怨。然而,佢呢個星加坡老闆,其實本來就好似坐直昇機咁係果間公司,因緣際會之下,早少不停被基金公司收購買出買入咁,幫佢唔小心清空左高層而一躍成為CEO,但最後又因為被基金公司exit後被併入大公司,安撫左一年之後就被提早退休,退休之時應該係55歲左右,然後就一直沒有然後了,中間當然佢一直想東山再起,佢D靚都好怕佢因為佢都跳跳地,所以都有D被舊公司炒出黎的人跟佢玩左一輪,可惜到最後都係得啖笑。


其實老闆個故事一直都係隊長提醒自己的其中一個故事,還記得當年最後一次收購,我老豆仲叫我一齊聽佢地個電話conference,介紹一下新公司的情況,當時的CEO仲滿腔熱血,講到話買買賣賣咁多次,而家終於離開左基金公司,泊入一間真係做生意的實業,睇黎將會係一個好好的結合,產品上亦變得相當之強化。聽佢講完我同我老豆都覺得好似好promising咁,但回想返,其實件事係點真係牌面擺晒係度,只係當局者迷,CEO覺得自己好有料,又present到好似好有前境,但呢家睇番成個電話會入面的9成人都已經唔再係呢間公司入面,咁大家可想而知,其實根本個劇本早已寫好,只係你係故事入面的人物,你唔會想個故事係悲劇的結局而已,但主觀的期望係敵唔過客觀的因素,要收皮始終係要收皮,無奈的係連故事的主角都唔知自已開會其實係講緊遺言,大家都活係一個final fantasy的世界。


客觀的環境好簡單,其實基金收購對於員工反而係好事,因為基金大部份都唔諗住經營,當然佢地會想係公司入面榨出利潤同價值從而賣出好價,生活係基金公司支配下的員工,一定會感受到被迫追數同埋cut benefits的感覺,而且好似無乜前途一直比人捽爆廠咁又唔會話公司有咩大發展,因為基金一定唔會投入更多資源唔會比你買機器啊設廠咁,反正賣左就關人撚事,所以係基金下的員工可能會諗長遠真係要有識呢個行業發展的人去營運先有得搞。


不過事實係,當你以為由一個地獄跳出黎時,點都應該唔會再差,不過香港人應該明白原來真係永遠有更差的情況,但講番我老豆間公司就係咁,最終比一間大企業營運者收購,以為會投入更多資源,但實情係人地個諗法只係想整合資源,呢個亦係相當之合理到不得了的選擇。就算你再唔識一個企業,但同一個地方點解要兩個office? 同一個地區點解要兩個CEO? 當你明白呢個道理之時,就自然會明白透過整合資源理應係可以減低成本,就算生意額一樣但成本低左都係賺多左。


無奈的係,有兩個office,係親生仔搬去新仔,定係新仔搬去親生仔呢? 同樣,有兩個CEO,係要親生仔CEO定要新仔CEO呢?也許當中有D微調的地方可用新仔的資源,但不難明白肯定大部份野都係益親生仔先啦,呢個道理係隊長Blog下讀緊的你應該會明,我諗今日的CEO都會明,不過當下的人似乎無人明,唔知係無人想明,定係真係唔明,但總之當時似係無人感到會有殺埋身的風險,但結果係幾乎九成人無左,然後生意都跌左8成,問你死味。


去到今日,當我老豆出席CEO女兒的婚禮,表面上係一個禮數,一個江湖人情的宴會,然而望住CEO張相,當日的佢好多人都望而生畏,今日只係一個兩袖清風的阿叔,相信如果問佢內心一句,佢應該都係心有不甘咁退休,然而人生就係咁可悲,係最高位退下來,就再搵唔到下一家,然後就一直退休了。







留言

此網誌的熱門文章

DSE題三: 專精一事還是多元人生

大圍車位的潛力