香港租樓故事：月租5萬的港女吸水大苯象 (1）

 

「我地離婚啦！」係一層租值5皮的Grand Yoho四房戶入面，阿芬聲嘶力竭咁向住阿明大嗌，可能因為只有佢兩個人住無觀眾唔夠dramatic，大嗌彷彿係要全元朗都知道佢地的關係走到終點。

回想結婚之前，甜蜜的阿明同阿芬一直計劃結婚後的住屋問題，阿明係一個big4的auditor，30出頭的佢月入8萬，不過由於正值上位期，對佢來講星期一至六都只可能係間屋每日幾粒鐘的時間下，佢對住屋無太大要求，只係需要近中環就好了。阿芬就係一個保險經紀，月入5万左右，屋企有少少錢住跑馬地，所以結婚佢就希望阿明買層樓係番跑馬地咁話。

當時仲未有林鄭未有新按揭計劃，睇左十幾間屋，阿芬心儀的樓，全部都係2千幻以上，對於阿明黎講，深信佢心入面會話「咪玩鳩我啦」。「平價果D好細啊，呢幾間住得下人的先至二千零萬，又近媽咪！」阿芬講出佢心水樓的諗法。「一係咁啦，我地一人出d錢啦，你有二三百萬架嘛，不過要寫我名架喎」阿芬一路捱住阿明小鳥依人咁嗲佢落撘。

「你同我加埋都買唔起啊真係，要買我屋企人真係賣樓都唔掂」阿明小心翼翼咁講，以免阿芬突然發難，腦裡面回想起之前佢生日無送到個hermes比佢係條街發癲的情況。「唔住得好d我d朋友會笑我架」阿芬繼續出招希望可以說服阿明，話之個現實係老爺奶奶訓街都唔關佢事。

「呢家我奮鬥期啊，一係我租個靚單位比你啦，搵個新樓有會所啦，好過你跑馬地呢頭d舊樓都無會所」阿明釋出折衷方案，之後就相約阿芬下星期去睇下樓啦。

約左代理去睇樓，當時適逢Grand Yoho交樓，又有西鉄，就去睇下。「你地幾多人住啊，新婚？」個agent問如膠似漆的阿明同阿芬，睇佢地咁sweet應該都係新婚。「恭喜晒啊，不如我地你地睇下唔同戶型先啦，攞個感覺，反正新交樓大把匙盤」代理攞左一堆匙就出發。

「啦呢間中層一房就岩晒你新婚架啦，四正實用，企企理理咁，又夠平喎.」代理係度hardsell-ing。「你睇小我啊？」代理冷不防突然一把不滿的女聲殺過來，無錯，就係阿芬一臉不悦望住四面牆咁衝口而出，按奈不住果種火滖的心情。望住呢個腿長長身材突出成個邦女郎咁樣的靚女，代理諗到無諗過一野就爆埋黎，就係佢仲Hang機之際，「不如我地睇大間小小啦，起碼都多間房先啦」阿明嘗試打完場，「okok」代理亦即時順勢下台，正所謂醒小小就唔駛比人屌。

阿明同阿芬係跑馬地睇樓時都係兩三房起，其實搵8皮野的佢，如果租樓的話選擇都比較多，之不過佢份工係基本上唔會反屋企咁劑，所以佢偏向簡單夠住就算，入黎之前都係諗住兩房都唔錯啦。「啦呢間就係兩房啦，好開揚.....」代理開門就介紹。阿明一馬當先入去轉個圈，行到入睡房都覺得唔錯，仲要高層開揚，心裡相當滿意，正打算同阿芬交流之際，竟發現阿芬無跟上來。心知不妙的佢拿拿臨死返出去門口，見到阿芬駐足不動企正係大門口，連門都無關，呢個時候阿明就醒目啦，跟官咁耐唔知官姓乜咩？「喂呢間咁細點住人啊！」佢提高語氣同代理講，壓低岩岩仲想話覺得呢間兩房都唔錯的歡樂，暗暗地都佩服自己机智過人，係職場上多年打滖的求生術大派用場，正所謂醒少少真係唔駛比老婆屌，呢下仲可以屌多代理一棍。

去到呢度個代理都覺得無癮，做單租遇著一對白咭情侶，一間唔租就隨時比人屌左幾雲無仇報，開始放低少少果種好客的熱情，心諗唔租就擺撚柒就。「呢間三房租30000」一開門講完呢句就佑鳩佢地睇，反正唔租都係混桔，廢事講多粒字口水都蝕埋。阿明同阿芬就行左個圈，阿芬塊面開始無咁燶，阿明就諗3皮野租層樓真係開始覺得唔L值，但為左取悅個老婆可以順利結婚，如果岩呢都要焗上。「如果你中意住大d，咁我地就租呢度啦，等我努力d搵錢去照顧你啦」阿明同阿芬情深款款咁講盡顯男性的霸氣，諗住可以贏到老婆的掌聲。

「呢間都見得下人，不過如果我同d朋友講話我租樓仲要租到去元朗先住得間三房仔，人地會笑我架」阿芬略帶委屈咁講，係旁邊聽到的代理都覺得毛管戙，心諗你點撚樣啊，係咪混吉啊屌你老味，玩野番屋企玩咪撚阻住做生意啦，呢層樓衰衰地都接近二千万你d朋友笑你？要派膠自己今晚上網慢慢派啦好無。

「okok唔岩睇到岩」阿明安撫阿芬的情緒，租唔到樓事少，一間佢發癲事大，隨時搞到grand yoho一入伙就整單凶宅就無謂。「仲有無其他未睇啊」阿明向住代理講，心諗都一場黎到元朗，要睇就睇埋，唔係就去食飯。「仲有間特色單位....（不過）」代理欲言又止，講左出來又有d後悔，心諗呢兩條友都係混吉，行多轉隨時只係當帶睇示範單位時間都蝕埋，但想收番的時候講又收唔切，唯有照去。

「呢個連空中花園特色單位4房....」代理未講完，後面就突然有人打斷。「老公！」一把好撚興奮的女聲將成個死氣沉沉的租樓氣氛打破，無錯就係阿芬把死人聲。「嘩呢度好靚啊，你睇下出面景色幾好，仲望到深圳啊！」阿芬好似上撚左身咁講。「你唔係唔中意番大陸架咩？」阿明說。「你中意去揼骨啊嘛，你中意咪得囉」阿芬180度態度轉變。「嘩呢度又空中花園，又主人套廁，而且個廚房仲大到夠我焗蛋糕啊！」阿芬係撚咁講。「你識焗蛋糕架咩原來？」阿明滿心歡喜，以為開發左阿芬的隱藏技能。「唔識啊，我連炒菜都唔識啊，不過可以學架嘛，有廚房咪學囉」阿芬好雀躍咁滿屋週圍邊睇邊講。

「廢話少講，幾多錢呢度？」阿明細細聲問代理，因為佢心知不妙，望住呢D特色單位都知出晒事。「兄弟，呢度55000，見你條女咁痴線，如果睇岩，盡幫你傾，ok?」代理表示深感同情。平時好多人聽到代理話自己條女痴線，可能會有好大反應，之但係呢一刻的阿明，除左心底裡面真係有多少認同代理的判斷之外，佢仲有更大的問題要解決。

阿明心裡盤算，自己呢家搵8皮，租層樓55000唔係話唔得，但係有無必要呢？仲要兩條友住四房，真係學代理話頭好撚痴線。不過，如果兩個人一齊出錢都無話唔得，最多佢出大份d囉，話晒都係金融才俊嘛。於是阿明走去在主人房FF緊的阿芬，一手就係背後攬住阿芬。

「我地租呢度啦」阿芬好開心咁話，但呢一刻的佢係唔知道價錢，亦唔需要同無諗住知道價錢。

「老婆仔你中意就租啦，不過呢度都要55000，代理話會再幫手傾下價，但如果呢度我地租，一係就我夾大份你夾小小啦？」阿明嘗試遊說阿芬分擔下。

「夾？小小？」阿芬馬上轉身望住阿明。「乜你叫我入來租樓，係你諗住叫我夾架？」阿芬開始變聲。「唔係，不過......」阿明想講話本來諗住租兩房，咁佢比晒有乜所謂，但而家....。「你搞左成日，入來睇呢睇路問我中唔中意，呢家我中意你就叫我夾？」阿芬越講越火滖。「唔係唔係，不過你知我收入....」阿明嘗試解釋。「得，你唔好同我講」阿芬開始由怒變喊的聲線，隻手就開始搵紙巾，一場大龍鳯準備爆發。

為左避免造成比俄烏戰爭更大傷亡的阿明，佢出番去同代理傾傾。「咁啦我地睇岩，但租金方面幫幫手問下業主平D得唔得」阿明急得只想盡快搞掂叫代理幫幫手。而其實一直都聽到晒成個故事的代理亦好識做，畢竟一間吉屋係好應聲，當佢兩個白咭以為無人聽到對話時，實際上代理係大大碗花生係咁食。「得無問題，i know that feeling bro」代理用拳頭㪣一敵自己心口，示意呢單野就交比我。

經過一輪磋商，「業主話50000」代理覆番阿明同阿芬。呢個時候阿明都唔駛兩頭望，「我地租啦，收唔收cheque」阿明好快咁答覆。「多謝老公仔」阿芬即刻蹺住阿明隻手，好識做咁唧番個笑容出來。阿明係呢刻明白到，世界和平的代價真係好大，但慶幸避過左一場禍劫，亦希望從此王子同公主可以係Grand Yoho幸福快樂咁生活。

香港租樓故事：月租5萬的港女吸水大苯象 (2）

*********************  彩蛋 ********************

 

本文章都有彩蛋，請加入Patreon解鎖

 

*********************************************** 

睇完啦喎，幫幫手請係我facebook 度Comment / Like / Share啦！

https://www.facebook.com/CaptainHK80

*********************************************** 

隊長Blog價值:

如果你係我呢個Blog，求其比你執到一兩個點子，都起碼慳你一萬幾千，如果你叻的話，隨時幾舊水一年就令你成世受惠，唔好慳果少少錢就賺唔多大錢啊。

所以請大家subscribe我的Patreon，睇埋隊長的買樓秘笈，當請我飲杯咖啡，又幫下你自己，令你可以縱橫樓市，以一個「百萬租金」投資者的心態去睇市，其實相當超值。

仲等咩，拿拿臨去subscribe我Patreon啦。

***********************************************