俄烏戰爭的懶人包

 

俄羅斯入侵烏克蘭,好多人可能只係知道開拖,但係成個故事係點可能無乜人知,所以睇完呢篇文,或許可以幫到你更快去了解發生緊乜事。


俄烏係前段時間仲有少少降溫的情況下突然黎一個回馬槍,俄佬一野就直接入侵烏克蘭,兩下已經打到首都基輔,全部歐洲領導人都只係制裁俄羅斯,無一個國家出兵幫手,亦唔見得烏克蘭有幾多防衛力,基本上大局已定,只係時間問題,最新的戰況係俄羅斯已經係基輔打緊,而普京同意同烏克蘭總統澤倫斯基談判,不過其實都無乜好講,只係呢家係show mercy定係睇住黎食。


新世代的戰爭下同以前唔同,因為係科技帶領下,只要唔出動核武,還算幸運的係死亡人數唔會好似長津湖咁十萬計。以前無咁多坦克啊飛彈,就靠人數去取勝,人數多左又係會團扎係同一個地點,但大家都知現代係坦克啊飛彈射黎射去,你扎一個三千人軍營就好大機會成為一個目標,所以地面部隊會散開,死亡人數響20萬俄軍攻到去基輔下,希望唔好太慘烈就是不幸中之大幸,亦同样執筆之時希望大家都珍惜和平的時代。


俄羅斯打烏克蘭的原因,其實都係國際舞台上面大家博亦下的最壞的結果,亦即係no deal反枱。俄羅斯同烏克蘭有好多歷史淵源,本身烏克蘭就係前蘇聯分烈出黎,烏克蘭的人民大部份都識講烏克蘭話同俄羅斯話,而近俄羅斯的烏東地區頓內茨克、盧甘斯克,就更加偏向靠俄羅斯,所以作為香港人應該可以代入到呢個獨特歷史的情況入面。


其實俄羅斯打9烏克蘭都唔係第一次,係2014年俄羅斯都試過入侵克里米亞,當時烏克蘭係反對,西方國家都係制裁,不過克里米亞的議會同人民公投都顯示係大部份人想入俄,雖然所謂的公投下係咪一場公關show就不得而之,其實亦唔重要,重要的係俄羅斯有呢個能力吞下,所以誰大誰惡誰正確係永遠通用。


烏克蘭俄羅斯今次點解打起上黎,主要黎黎去去都係利益問題,而利益的刀鋒位,就係一條叫做北溪二號的天然氣管。


係網路上搵到呢幅圖,圖中可以清楚見到呢,其實俄羅斯作為歐洲最大的天然氣出口國,佢地一直都有北溪一號去西歐,以及經烏克蘭供應去歐洲各國,而每年俄羅斯比過路費烏克蘭2000億,所以烏克蘭當然視呢個天然氣管係大水喉一路啡住的奶媽。之不過俄羅斯就同德國起多左條北溪二號,係同一號拍住黎起,呢條二號係水底度行,容量係一號的兩倍,原先係2021年投產,但就一路搞到2022年都未開始住,但原意係如果投入左生產就會取替烏克蘭果邊的天然氣管的供應,變相烏克蘭2021年就會無左好大舊錢,咁聽落緊係唔制啦。


呢個經濟上的命脈就當然令到烏克蘭去反對,咁當然就去歐洲議會度嘈啦。呢個project呢就係俄羅斯同德國佬合作,所以德國就一定係讚成,因為俄羅斯直接供天然氣,德國成本平左又係龍頭位,之後再賣比其他國家,德國食頭啖湯緊係開心啦。西歐其他國家其實一係就無乜所謂一係就廢事同德國呢個大佬搞對抗,本來阻力都唔係好大,但偏偏法國作為兄弟就反對,因為法國好擔心如果投產之後俄羅斯就可以恃住close down左烏克蘭果邊的天然氣管坐大左個勢力,第時係國際舞台上就可以利用呢一點做籌碼練住德國個喉嚨,所以係呢個議題上法國同烏克蘭當然係一齊反對,作為塘邊鶴的美國亦樂意見到咪L坐大俄羅斯,慢慢扯左幾個大國入呢個畫面入面。


對於俄羅斯黎講,其實呢D野都係政治行頭利益佩送。如果試下代入普京,可能就會覺得喂我都益左你烏克蘭比錢養左你十年,本來大家都係前蘇聯的同一民族,應該撐我唔好係度搞搞震啦。再者我堂堂大國,去起條正所謂關你L事的氣管,論國力我要打鳩你烏克蘭都無難度,而且在商言商我有能力跳過中間人直接同客deal,都係我本事,關你L事咩,係普京眼中其實應該係覺得睇住黎食,所以一路同烏克蘭傾呢單野應該都唔係怕你,尤其戰鬥民族更加係比較硬,相信最多都係提供番少少經濟援助,但大方向要搞掂北溪二號係必要的,因為咁样普京就可以直接伸手去到西歐,令自己係國際舞台更加舉足輕重,背後係權力的遊戲嘛。


因此,過去呢段時間俄烏兩國應該衍生出不少磨擦,反正斷人財路尤如殺人父母,所以係政治上各議題尤以烏東地區即頓內茨克、盧甘斯克就更加關係白熱化。其實經過克里米亞入左俄之後,頓內茨克、盧甘斯克呢兩個烏克蘭親俄地區,都想跟住入俄,並且爆發左頓巴斯戰爭,題外話當時馬航17號班機亦係近烏克蘭俄羅斯領空被擊落,但係俄羅斯否認指責。頓巴斯戰爭之後就係德國同法國的恊調下係白俄羅斯簽署左明斯克協議,大概就係話烏克蘭同意比頓內茨克、盧甘斯克呢兩個地區更大自由度之類的野啦咁,而呢個恊議又繼續成為左磨心同籌碼,俄羅斯就長期可以用呢度槓杆去放大唔妥烏克蘭的出氣位。


黎度呢度就總結一下個情況就係,俄羅斯同德國想搞好北溪二號,但係烏克蘭就唔L妥要搞冧你,咁美國同法國就幫烏克蘭,而烏克蘭就日漸隨住北溪二號係2022年左右的落成日之前變得更加白熱化,咁肯定兩國就好唔妥架啦。烏克蘭當然知道自己係下把位,如果係談判桌上傾唔掂,真係打起上黎邊度係俄佬對手呢? 再者俄羅斯又唔係未試過打烏克蘭,為左自保佢地都唔係傻,最合理就係加入北約,因為北約第五條寫明如果有成員國被入侵就所有成員國要作出反應,即係話要自動參戰,即係如果俄佬打烏克蘭本來係打一個小國,但烏克蘭入左北約就即係打成個西歐,俗D講即係睇住烏克蘭跟其他大佬有人照。


本來係自己的兄弟,跟住變成門口狗,一直都係俄佬養,而家仲走去學人跟大佬搵人照,咁即係擺明玩野,呢下普京緊係更加唔鋸。但係講到呢度又要講下北約,因為北約係二戰後1949年一堆西方大佬以英美法德為首的國家聯合起來,對抗以蘇聯為首的東歐國家的一個組織。大家如果抓住重點的話就睇到係英美法德VS前蘇聯的東歐國家,即係話一直北約的假想敵都係俄羅斯,所以你唔會見到俄羅斯加入北約,因為俄羅斯加入北約就會係思覺失調,而呢度亦睇到其實西方幾十年黎都係唔信唔妥俄羅斯。




北約其實開初都只係西歐國家為主,但隨住時代變遷,北約就一路向東移,好多係東歐的國家如波蘭啊捷克咁都相繼入左北約。睇地圖就最有趣,因為你除左中間的瑞士(傳統中立國)同埋奧地利,其實北約係1990年前同俄羅斯之間係有好多個國家,但去到2009年羅馬尼亞,保加利亞,立陶苑,拉脫維亞同埋愛沙利亞都入埋北約之後,北約成員國已經掂到俄羅斯邊境。如果你係普京的話,睇到咁样其實都會好唔妥,你當我假想敵又玩到黎我門口。不過接壤邊境果堆愛沙利亞立陶苑拉脫維亞本身都係Baltic (波羅的海)果邊,係唔係都係一片海,而陸地接壤都係有限度,所以都仲叫忍住,但係陸地上最最最關鍵的就會係白俄羅斯同埋烏克蘭。


作為國際玩家,其實不嬲養住一個buffer的國家係敵人之間係好有作用,起碼有乜事都隔一浸,唔會下下係自己門口出事,正如北韓都係呢個好例子。而烏克蘭同白俄本身都係同聲同氣,呢兩個細佬係自己門口擋一擋,本來都係好事,但呢家烏克蘭竟然作為前蘇聯的一份子,走去加入反前蘇聯的北約,對於普京黎講除左道義上唔通之外,戰略上就更加觸及底線,因為一無左烏克蘭,俄羅斯的邊境就會有個好大條線的缺口打開左,呢個點都係萬萬不能。





另一邊廂,相信好多香港人都未必知的,就係其實黑海係一個好錯綜複雜但好有趣的軍事之地。如果波蘿的海係俄羅斯去西歐北歐的航線,咁黑海就係俄羅斯進入地中海的另一個出口,又或者係西歐入黎的入口。而黑海入面有好幾個國家,但對於俄羅斯黎講最關鍵的就一定係烏克蘭同埋土耳其。烏克蘭同俄羅斯接壤的地方就係一個天然的海軍基地,岩岩好係克里米亞就有個入陸地入口,所以俄佬要占據克里米亞就可以保證俄羅斯的海軍同潛艇安全,戰略上極有作用。而同样,土耳其的伊斯坦堡又岩岩控制左成個黑海的出入,所以土耳其食住呢個出口就一路食左唔少油水。


烏克蘭對於俄羅斯黎講,係軍事上絕對有舉足輕重的作用,因此如果你明白到無左烏克蘭的話俄羅斯的戰爭併障突然全部無晒的話,未來係軍事上的重新安排同花費,以及長遠的國防上都會亂晒大龍,因此呢家隨住烏克蘭阻住俄羅斯伸手去西歐,再搞到俄羅斯可能比北約伸到自己門口,加埋養左你咁多年咁反骨,而又因為北溪二號係2022年的投入死線同埋入北約的時機情況下,俄佬就借烏東的頓內茨克、盧甘斯克呢兩個地區發難,搵到個借口一路打到入基輔。


而北約的國家其實都明白,係談判桌上傾唔掂,亦無必要為烏克蘭而去開戰,因為大家都明烏克蘭本身就係俄羅斯的契細佬,如果攬佢就隨時世界大戰,但唔攬呢,就關人鬼事,所以個個都只係制裁就夠。不過,大家又有無留意俄佬駐軍左咁耐,都係等到中國搞完冬奧先開拖,所以係國際層面上,再一次好清晰咁呈現左邊個唔妥邊個,而邊個同邊個又係老友。


睇完呢篇,相信大家更加明白成件事的前世今生,而發展至今都睇到俄羅斯係睇住黎食,反而隊長有興趣睇的係,究竟普京會點样玩盤棋,因為充滿智慧的地方,可能到時係放生烏克蘭,留個殘餘的軀殼係側邊等西歐幫手執手尾,有個傀儡政權係度,似乎係會好過自己收黎自己管。所以純推論,隊長估計,普京打到基輔都仲同烏克蘭傾,就係想咁樣,等係國際層面都留一線,即係打完你你投降,撤兵但烏克蘭要同意點點點敢,睇黎呢個結局係普京想要的,至於係咪咁就大家悉目以待。


======================================================
喂,睇完啦喎,幫幫手請係我facebook 度Comment / Like / Share啦!
======================================================


寫左Blog 10年,各位讀者如果一路有睇開隊長的文,請盡量幫幫手
🙏🙏🙏Comment / Like / Share🙏🙏🙏🙏
.
特別係資深的讀者,情感勒索一下,幫幫手唔好慳你個CLS,等多D朋友可以睇到我的文章啦。
.
另外,以後隊長會有以下的出文安排啦
🔵 星期一:隊長每週公開分享
🟠 星期二:Patreon會員專屬文章 + Blogspot不定期分享
🟣 星期三:Patreon會員專屬聲音 + Blogspot不定期分享
🔵 星期四:隊長每週公開分享
🟠 星期五:Patreon會員專屬文章 + Blogspot不定期分享
🟣 星期六:Patreon會員專屬聲音 + Blogspot不定期分享
🟥 星期日:休息下
.
💡💡💡💡💡💡💡💡💡💡💡💡💡💡💡💡💡💡💡💡💡💡💡
.
Patreon追加猛料:
.
- 我的傻西租客: 十年收租生涯有無數笑料趣事,隊長公開搞笑系列等大家可以輕鬆恥笑😏😏😏
-「百萬收租」系列: 無錯,隊長將會分享最核心的百萬收租大法,等你窺探一下呢個隊長的收租王國。👍👍👍👍👍
咁多精彩內容,仲唔拿拿臨去Subscribe我個Patreon?
====================================



留言

  1. 👍🏻👍🏻👏🏻👏🏻

    回覆刪除
    回覆
    1. 謝謝,有興趣可睇埋:

      俄烏戰爭下國際經濟與香港樓市
      https://www.patreon.com/posts/63071466

      當大家睇原上篇懶人包之後,身處香港的你可能覺得同你無切身關係,咁少年你就太年輕了。從來世界經濟都係息息相關,尤其是金融市場同埋戰爭就緊加係高度關連,香港作為其中一個全球重要的金融中心點會無關係呢?

      先講下俄烏係的經濟,俄羅斯就係全球尤其是西歐的石油/天然氣以及重金屬出口國。另外俄烏兩個就係世界主要的小麥同埋玉米的主要出口國,而呢兩樣野就可以話係世界食物最重要的食材,即係好多面包啊餅啊都係有呢個成份。

      刪除
  2. Good posts and analysis, thanks for sharing!

    回覆刪除
    回覆
    1. 謝謝,有興趣可睇埋:

      俄烏戰爭下國際經濟與香港樓市
      https://www.patreon.com/posts/63071466

      當大家睇原上篇懶人包之後,身處香港的你可能覺得同你無切身關係,咁少年你就太年輕了。從來世界經濟都係息息相關,尤其是金融市場同埋戰爭就緊加係高度關連,香港作為其中一個全球重要的金融中心點會無關係呢?

      先講下俄烏係的經濟,俄羅斯就係全球尤其是西歐的石油/天然氣以及重金屬出口國。另外俄烏兩個就係世界主要的小麥同埋玉米的主要出口國,而呢兩樣野就可以話係世界食物最重要的食材,即係好多面包啊餅啊都係有呢個成份。

      刪除
  3. 謝謝您的高質分析,等我地可以更加了解兩者的前世今生,政治問題都有機會影響到日常生活

    回覆刪除
    回覆
    1. 起碼睇完會知點解要打......都係好事, 謝謝欣賞

      刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力