2022財政預算案 - 隊長分析(上)

 

今日最吸引大家眼球的，走唔甩一定係財爺的財政預算案，而呢家疫情嚴重，相信大家都會有個期望就係會唔會派大粒D糖咁呢？廢話少講，隊長綜合左今日預算案比較重點的安排如下表：

	打工仔 沒有物業	打工仔 有物業	自僱人士 沒有物業	自僱人士 有物業	領取社會保障金額的合資格人士
電子消費券	HK$10,000	HK$10,000	HK$10,000	HK$10,000	HK$10,000
薪俸稅/利得稅減免	HK$10,000	HK$10,000	HK$10,000	HK$10,000	---
電費	HK$1,000	HK$1,000	HK$1,000	HK$1,000	HK$1,000
差餉每單位	--	HK$5,000	--	HK$5,000	--
商業登記	--	--	HK$2,500	HK$2,500	--
租金開支扣除免稅額	HK$100,000	--	HK$100,000	--	--
按揭保險	八成按揭貸款的樓價上限將由1000萬元提升至1200百萬元 首次置業人士可申請最高九成按揭貸款的樓價上限則會由現時800萬元提升至1000萬元
累進差餉制度	55.5萬元以下，即月租低於約4.5萬元單位，差餉率維持5%不變，若全年應課差餉租值55.5萬元以上至80萬元，首55.5萬元沿用5%計算，其後差餉率增至8%，全年逾80萬元，差餉率累進至最高12%

作為一個香港人，對電子消費券都唔係太陌生，而且個派消費券安排絕對係好過之錢派錢，所以政府繼續派一皮野，人人平等咁攞，呢一PART都算OJ的，但係而家好多行業比如飲食啊零售啊都大量失業，呢一皮野一來timing好緊要。當然大家緊係想派多少少比如兩皮啦，事實上呢家個期望只係失業的有得番下工都唔駛靠政府呢下，所以如果慷慨少少就仲好。

薪俸稅利得稅電費同差餉其實都無乜新意，甚至就係太無新意係呢個時間下就真係唔係咁好啦。而且減稅的話如果你做做下要交稅之後失業，都只係幫到一萬元但幫唔到失業，所以都只係叫正正常常無乜作為咁。

然後開始有D睇頭就係呢個租金開支減免扣稅額啦，呢10萬元計番即係最多大約可慳係17000左右啦，睇你交緊幾多稅。不過從政府個立場黎講就真係諗得幾盡，可以話係Killing Two stone with one bird啦，啊唔係.........屌...... ，不過點都好呢個安排呢，就會首先幫到無物業的租戶呢可以慳到17000，與此同時如果要攞到呢個租金回贈呢，就一定要個業主去打厘印先得，即係話好多之前唔打厘印的業主，就焗住要比印花稅即係全期租金的0.5%．雖然睇落唔多，但呢家缺水的政府都不失為一個收入。當然政府係呢件事上面係咪無支出呢?呢個就係精明的地方.....作為業主的你隨時真係被大力劫富濟貧.............

==============================================================

首先多謝大家支持，文章係未完的，如果想睇晒全文，歡迎你加入我的Patreon:

https://www.patreon.com/CaptainHK80

非常感激你的支持

==============================================================