送狗迎豬

今日年三十，狗的尾巴馬上結束，首先預祝大家係豬年賺到豬籠入水，股樓暢旺，最緊要係身體健康。


回望狗年，唔知大家過得好嗎？對於隊長黎講，有點兒像是玩過山車一样，但起起跌跌實在唔係普通人能承受，隊長真係有時身心都唔係咁頂得緊，如果有人同你講話唔緊要啦，明天會更好呢D懶正面的野，有時發現都係無乜用，當你浸係當局，你就會知四面都是困局，走不出黎但又死唔去咁。不過諗深一層，其實個天都幾有趣，總是好似同你開玩笑咁，攞走你一D野，又會派番D野比你;但派D野比你咩，你又會輸番D出去，我記得唔知邊套戲講過，呢舊錢你攞左，袋得到天光先算，呢家隊長都深有体會。


不過正面D去諗，從財務安排上，是非常唔錯的。要賣的賣左，要換的換緊，過埋成交就可以再分享，如果無人撻頂的話，應該都叫做全線撈底成功，呢一下個timing唔錯。不過，比如工作的話，要殺埋黎的就殺埋黎，其他野都係咁，呢個世界好多野錢控制唔到，所以當財務又達到某一境界時，你會發現人生原來仲有好多野要珍惜，身體健康也許可能係第一位，如果唔係有錢無命享真係大X穫，學我的一位朋友話頭，賺遺產係一件極ON9的事，所以大家記住要好好保養自己，不過講到咁大家唔好亂諗野亂估野，總之珍惜自己，珍惜身邊的人和事。


今年隊長設定左一系列的目標比自己，其中一個今年重點的項目RK1昨晚剛剛開始了，這個項目的timing其實一直都好差，亦因為隊長之前的資金被綁死而一直無法有效得以開始，然而今年終於有鬆動的資金可以著手，希望7月可以完成。另一個目標係個別的非核心投資都希望今年在有正回報下套利套現，以補充現金流去支持第二階段的RK2項目。不過其實RK2應該一早進行，但係timing又係錯左，如果唔係就會完美達陣成功。


核心的項目仲包括年中Secret project的harvest，呢一Part如果順利就會可以定位更多的細節，而另一個Project就係同Partner的新合作，可能要開始有限度的重操故業，但有待跟進。後面的仲有兩單非核心的「官司」要跟進，不過好多文件要準備，但隊長我發現其實做按揭比銀行呢個經驗好有用，因為當你做過十次廿次之後，你人發現其實法律的野都係好似，D野好死，你一層一層要有文件藤掕瓜瓜掕藤咁去做，中間一斷就係會比人追文件，所以有有果種按揭查家宅的思為，都係好適用。


樓市方面，按過往預測都算大方向準確，狗年初時叫大家唔好入貨不買不賣，當然如果有高手賣完再買得番就真係無野講，但由十一月起隊長不停叫入貨，呢家都有正回報。其他隊長的預測真係豬一般唔準，所以隊長就唔再預測其他野，但豬年的樓市，應該會係新年後有更明顯的小陽春，但今年樓市未必會全面復甦，可能最叻都係去番狗年的高位，否則相信今年都可能只係有5-10%的升幅。


點都好，根據過往三年經驗，印象中隊長我設定的目標，只要是自己能控制的因素下，基本都有能力完美完成。隊長寫Blog的其中一個原因，就是自己睇番的時候記得自己講過乜Plan過乜承諾過乜，然後為自己的承諾兌現。雖然狗年是很miserable咁有高有低的過，期望朱年大家可以事事順境，開開心心，全部變晒一隻二隻小肥朱。