放租物業管理

其實每一年的租務都會遇到好多唔同的問題，新交一間屋比新租客，總會有唔同的家居問題出現，所以係某個層面黎講，如果話唔駛理層樓而想做到財務自由呢，呢件事係有小小唔係好完全講得通，不過隊長的租樓業務又真係多到爆，所以係呢個租樓路途上都真係累積左一定的經驗，亦唔知係咪咁，呢兩年竟然有親友主動要求將收租物業交比我打理，佢地扣除我的服務費只係收租金，將問題過晒比我，原來又係另一個玩法。


關於租樓同物業黎講其實可謂大大小小的野隊長都真係玩過下，細細地的日常野如冷氣機有問題，信箱鎖仔自已爆自己換，去到通渠爆水喉，十號風球窗邊漏水乜Ｑ都試過，基本上呢家小小的家居問題理論上都唔太難到我，不過今年的問題更加昇華到另一層次。


而玩漏水呢一下又係一個新的嘗試，由大廈渠漏水去投訢食環，搵管理公司同業主立案法團，以致十號風球因樹葉阻塞我間屋水渠全屋水浸，電制跳晒之餘，樓下又投訢我個單位，係管理公司同業主立案法團幾個parties之間遊走拉鋸又係另一個新的經驗。


幾年前無啦啦被迫入左業委會開始對物業管理同相關法例又更深認識，點样招標點样傾為大廈爭取更多，原本以為都係麻煩的事點知又原來係之後幫到我好多可以係其他物業同管理公司打交道。


之於之前又試過遇到租霸幫我老母去收樓，入申請土地審裁去，一路去到執達吏可謂又一個新的經驗，不過好話唔好聽今時今日隊長就算已經身經百戰，但都可以講係遇到麻煩野仍然係好L麻煩，事關如果你對法例同大廈管理有清晰的了解，你會發現係香港黎講要賴皮係絕對容易，當然找你麻煩的人係一定可以搵到野去煩你，但只要你唔怕煩，好多野係咁易拖你一年半載毫無難道。


其實隊長不嬲都奉行係負責任之道，有好多收租的業主成日都計到好盡，有時會諗呢度唔整果度唔整，慳得就慳，呢样野雖然隊長我明但同時因為物業數量問題，情願真係用錢解決好過拖黎拖去。有一样野唔係所有人都會認同就係好多人都成日會話收租樓，話之你幾殘直接租出去就得啦，咁老實講各人有各人計法，我亦唔否認有部份低回報的樓係根本好難去計得通條數去裝修再租出去，因為可能唔裝就租12000，裝修左就租13000咁計，真係唔值。之但係，隊長有隊長的計法，但唔計數字上，有一样野隊長認為一定要重新做好晒基本的水电廚廁工程就係，當你物業有一定數量時，就必需全部由頭做好，幻想一下你有100個物業，我可以講的係基本上如果你唔整好D野比人，你日日都應該會有人煩你呢样煩你果样，咁當然每個人對待煩都唔同，而隊長就認為自己時間都算寶貴，下下去處理零零散散的問題，倒不如一勞永逸咁拆晒佢整好D野比人算。


點都好，宣傳一下如果你係物業唔想管理，又只係肯定選擇長期收租(十年八年)唔想煩，不防可以PM或Send個Email比我講下你的物業location / 大細，或者隊長可以同你研究下點样可以做到雙嬴的局面，不過大前題係隊長其實唔太缺錢，所以合作的對象大家都要岩feel，夠爽快，少煩野，多賺錢先最緊要，有興趣的話我等你聯絡我啊亲。


Email: hkpower1981@yahoo.com.hk
Facebook: https://www.facebook.com/profile.php?id=100005213175349