從上海看香港的自處


之前讀左一篇文章係關於一個上海人在港生活而對香港的點評,隊長認為都幾有趣所以作出一些分享。


文中最深刻的有兩點,一就係香港的GDP要不是因為匯率的話,今年香港就會由北京上海之後,被深圳同廣州追過,不過係呢個基礎上,個內地的作者亦好客觀咁提出一個觀點,就係由2008年起,上海的人口為1600萬人,到今年為止,上海的人口已經係2400萬人或以上,相對香港係同期亦只係可能由680萬增至約700萬人,上海/北京等地有著人口紅利的因素而經濟實力大增。假使間如果你無乜概念上述講緊乜的話,咁即係額外上海的800萬人口,如果每人一年收入係10萬人仔咁講,呢800萬人就為上海提供左額外的8000億GDP,呢個數字以香港的2016年GDP來計,即約24891億黎講,約佔32%,即係換個角度如果香港想做番大個餅的話,其中一個可以做的就係不停引入人口,但對於只有彈丸之地的香港,以及呢家極排外的本土情緒,係咪一個方向呢?



而作為上海人的作者,其中一點佢講出黎的就係一種感覺。還記得小時候的佢,上海話係一種主要的語言,不過時至今日,上海話已經式微,基本上新的上海一代人都好少講上海話,亦即被普通話全面沖淡。似曾相識的,廣東話不停有被殺之聲,但香港仲係能夠保持得住,或許都係仲係因為我地的人口就算有每日250單程證黎香港,但廣東話仲係主要語言係因為無咁大塊外來人口入黎香港以得以保存。


要分享的係,香港上海成日作為一個比較,甚至而家上海早已經超越香港的同時,其實有好多野係暗地裡發生緊可以以上海為一個借鑑。正正因為上海沒有邊界的約束,外來人口不停的湧入令上海本土的人被溝淡,當然外來的人口上中下的經濟力都有,但問題還是到底乜野叫上海人呢個概念,開始淡化。對於我地係香港睇上海,有D人只會見到講普通話話自己住上海的就係上海人,而又有D就會話佢地係有上海戶口的就係上海人,但如果用我地香港的概念,剛剛提及的就應該叫新上海人,而本來的上海人,即應該識上海話,有上海自己的文化,或可以追蹤幾代的歷史的真上海人,正在快速咁被溝淡,呢一個趨勢,其實都可以好容易就套落香港。


香港值錢的地方,就係法制健全,有完善的國際金融網絡,軟實力非常高,但提供呢一堆軟件的香港人,即令香港可以優於其他地區的所謂專業人材,可能不到香港的10%人口,呢一堆人應該對於國家黎講係有價值的,不過如果再問落去的其餘90%人口,對於中國13億或以上的人口黎講,有無多三五百萬人其實根本亳不重要。當然而家唔係話搵軍隊黎屠城,只係從策略上,如果你有13億元身家,你會唔會重視果幾百萬的投資呢?


幾年前我分別寫過溝淡保衛香港資產戰呢兩篇文,當時有人唔太認同,但今時今日睇番今日的香港,國內的影響從生活從資產從商業環境從面粉全方位進入,呢個趨勢就算五年十年後再睇番都唔會變,所謂的香港或香港人,將會隨住時代巨輪的轉變而變成另一個年代人物的交替,而到底香港人係咪仲可以自己有一個認知叫香港人,定係十年後可能香港人其實同國內人已經淡化至不能分割,其中一項可以保存的就係我地的資產。如果連香港的資產都比人大量買光,往後的日子就會出現低收入的人將會被更排向社會的邊垂甚至回國內發展,反之你見到一直係香港人為主的社區,如太古城美孚黃埔等等的地方,也許將會被換成普通話為主的國度。


一間公司比人買起,就可以被新的老闆換血,而一個地方亦只係同一概念,上海已是例子,香港或許會緊隨其後,這是大勢,但能否在大勢中不被洗去,就係要意識大環境的變遷。





留言

  1. 隊長做乜咁感性?
    宜家d新樓開到成千萬一房,點睇?

    回覆刪除
    回覆
    1. 我係性感唔係感性
      無乜點睇, 呢家坐住貨睇下個市升幾耐

      刪除
  2. 隊長,謝謝你的分享,很有提醒。當意識到這個變遷時,有什麼可以做,而不被大勢洗去呢?

    回覆刪除
    回覆
    1. 大勢一定洗走好多野, 無發抵抗, 但自己有資產, 起碼仲可以係呢個地方扎根.

      刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力