轉按之不快故事 (上)

最近銀行瘋狂減按息Plan搶客，又提高現金回賺，隊長見到有著數當然會有動機係轉按，而其中兩間屋一間已過左罰息，另一間就十一月中過罰息，時機準備成熟，當然就去搵一路用開的經絡按揭去搞下轉按啦。


隊長有兩個相熟的Mortgage人contact，但係匯豐果個一來收收地皮，二來我係匯豐轉出去，所以搵佢都無用。另一間係東亞的，但東亞個Plan成日都有D暇疵，例如之前佢個Mortgage Link係要做Fixed deposit，欠缺彈性，所以我隔左一輪又會搵經絡介紹，一來更新下市場最新資訊，二來又可以R多幾百蚊禮卷，三來又可以睇下有無新的Bank Mortgage人醒目的可以跟進我的轉按。


與之前唔同的係，今次我用經絡就用我個網個Banner條Link去填E-Form，呢個新的experience其實都唔錯，因為可以網上填晒佢又gen到個form出黎，而且可以網上簽埋名，都幾方便，填完我仲諗今次加分喎又方便左，但點知呢個只係一廂情願的諗法。


隔左一日之後就有位小姐打比我，佢話佢係經絡的代表，但佢又唔係直接做介紹果個人，佢打來的目的其實好似係想睇下我有無用開邊位同事跟咁。而由於我之前都用過好多次經絡，一直都有一位J小姐跟開，所以我咪話不如你派番比J小姐跟進啦。其實呢個call我覺得有小小無厘頭，如果佢份form有得寫明邊位同事跟咪又少個電話囉，不過可能佢想核實個客係咪堅先派case，唔知啦，但點都好隔左半日J小姐就聯絡我。


「隊生你好啊」電話響起，一把好熟悉的聲音就係電話度傳過來(隊長姓隊..... )。當然9up左幾句無謂野就問下而家個market做緊咩plan咩rate，咁J小姐話而家普遍都係P+1.38 to P+1.4，cash rebate就1%多少少咁。咁我就同佢講話呢排討論區好似有人話去到cash rebate 1.5%喎，J小姐話一定無可能，最多都可能係1.2% - 1.3%左近，咁之後我話是但啦睇下銀行點批先算，然後佢話佢會跟進我地就收線。以前的操作，J小姐作風都係有佢自己果套，基本上我都知佢打完呢個電話基本上就完事，而之後就係銀行會聯絡我，我亦對呢一Part係基本上無乜要求，但及後我send番討論區話有1.5%回贈果下係whatsapp比佢，換來的只係兩個籃剔，連打個笑笑icon答你都算，不過fine，我都唔期望要吹水，最緊要係批到轉按姐。


然後又隔左一日，仲係無人聯絡我，我就whatsapp　J小姐話完全無動靜，佢於是覆我話開完會先跟，到夜晚就有兩間Bank聯絡我，一間就係13號當晚就聯絡我的花旗，花旗的話果個人都正正常常，講完佢間Bank的offer佢就話Send份form比我，係Email內容亦提及佢間bank的offer，然後就叫我填好佢份form的1,2,3,4,9頁簽番去就可以了，有填過mortgage form的人都知，其實20-30頁野，以前的我print晒出黎逐個填，本身又浪費紙又浪費時間，Scan番又麻煩之餘，Send email出去佢地D死人Bank email又收得5mb，20頁通常都會爆email size又彈轉頭，你縮size佢又話唔清楚，搞搞搞搞搞搞搞搞搞搞搞搞埋D無謂野其實好L嘥時間，特別係我有幾十份文件要Send的話，你無啦啦彈番一兩個Email番來真係唔記得要補Send邊份比佢，所以呢D細心位係要讚，所以花旗呢part係ok的。


而令人不快的事開始係中銀，中銀條女係14號臨收工先打黎，咁佢當時都似係有禮貌咁去介紹佢呢家間Bank的offer。相比去花旗，呢位mortgage人顯得更友善，所以我就同佢講多小小我的期望，特別係因為我其中一隻Case之前做六成，呢家要做五成，想佢試下估價估多D，咁我就算呢隻借少左，心諗我另一隻又借得多番，都唔駛抬錢去做轉按咁苯柒嘛。佢聽到就話Ok佢會試，於是就收線， 然後佢whatsapp我佢咭片，之後就當然開始佢個long weekend。


到到星期一，亦無其他銀行再聯絡我，以前一般都有三四間，咁我都算了，而到收工時間都都無任何update，我就問一下關於估價的問題，中銀呢位小姐之後係我催完就覆番7.3M咁講先，但我對於呢個估價係有保留，因為成交需則無過佢，但係如果要試的話，我認為估到7.6-7.8M應該唔難，當然你可以話係我主觀願望，但至少我希望你比我感覺到你試過下先啦。但問題開始黎料的係，我話呢口價呢，我就要補錢去做呢個轉按，咁就唔係咁理想啦，而呢位中銀小姐佢就問番我呢家outstanding有幾錢，我話仲有4.2M左右，咁佢就話其實7.3M做6成都喎，唔駛抬錢喎。去到呢個位，我即刻知佢將我上星期五同佢講話六成做五成的野忘記得一干二淨啦，咁唔緊要你貴人事忙，我講多次話我要做五成，咁佢又話其實係出租先要做五成喎，當我好似第一日做Mortgage咁款，不過都算啦，我話我係出租，叫佢試下再估盡D，佢就話好啦再試。



好啦，又到第二日我終於有時間Scan晒D文件，咁我填完花旗份form再send埋，搞左成兩粒幾鐘執文件但全部齊料，我就開始著手搞一搞中銀個Mortgage form啦，睇一睇又係二三十頁野，佢又無講話填邊幾頁，我就知佢係唔夠細心ga la，咁我又whatsapp佢問下我應該有無話填邊幾頁就ok，佢覆我話1,2,3,14咁，咁我咪照填囉，但填填下我又發現有野唔對路啦，因為呢係花旗份form第四頁係要填晒我的其他mortgage情況，outstanding loan啊每月還款果D係乜，但中銀呢度呢，係未需要填到呢一版就完成？咁背後我又知原因啦，因為條女可能覺得我係上車客或者普通人得一兩個mortgage，所以佢估佢睇一睇文件咪可以自己對到條數囉，點會知我係有好幾隻cases的"普通人"呢? 咁但係點都好，佢唔駛我填我當然懶得填，準備好Scan埋我就又準備Send比佢啦。



而當你搞完兩粒幾三粒鐘文件後，其實真係一分鐘再花係唔等洗野的時間都嫌多，所以我問下佢佢公司個Email可以收幾多Mb野，佢答我10Mb，我心諗咁好有10Mb，因為之前我Send比citi係估佢用5Mb我分左9個Email去Send，咁佢有10Mb我咪5個搞掂囉，如是者我咪拿拿臨move d files去Email度Send啦，咁send晒5個果時我就whatsapp佢話Sent左啦叫佢check，但說時遲那時快，我Email就有4個新Email彈番入來，話我個Email size exceeded size limit，我即刻對住部電腦屌左一聲出黎，但我都盡忍我的怒火問佢，我話你10Mb唔得喎彈番黎，然後佢又覆我話佢公司一時時，可能係8Mb叫我再試下。


去到呢個位我心諗你真係當我好撚得閒同你係度玩send email咩，你做mortgage收case都唔係第一日啦，你唔知你個email size limit係咪好唔專業啊，我相信我唔會係第一個遇到呢D問題的客亦唔會係最後一個囉，不過你唔知就算啦，你老味你同我講叫8Mb又試下咁一間又彈番黎我又同你試5Mb啊? 我要Send幾多次你先肯收啊? 當然呢個某程度上係中銀的IT問題唔怪得佢，但你好唔好應該好似某Ｄ我之前做過mortgage的銀行過話5Mb咪5Mb囉我唔駛幫你試下嘩?


佢咁講完我老閪都唔比佢再點我啦，我又5mb 5mb咁Send過去，不過問題又煩鳩到我的係有兩份8Mb的野點搞啊? 我咪又局L住搵番份原件出黎又分兩叠scan過啦為左佢個Email，搞搞搞又搞多左我二十分鐘，終於Send撚完同佢講叫佢check同confirm收唔收到，佢就只係答我一OK。咁Ok即係點啊?OK收到，定Ok我會check?屌我已經要做其他人唔得閒陪佢癲所以我就唔再煩佢住，但同一件事，人地花旗個mortgage人係識答，「Ok收到9個Email」，清楚準確明白。另一方面，又講番如果讀者記得我講過我話9月賣左一層樓，其實係我Send去的statement係仲有顯示呢一條數，但我特登無send相關的文件去，而且我係最尾一個email度清楚說明呢一間屋已經賣走左，呢個係我做mortgage時盡量想清楚去做好件事的邏輯。