人民幣與加息
---------------------------------------------------------------------------------------------------------------------
人民幣自2015年8月起，改變左一路以黎的升值政策，主要原因好明顯係救經濟，特別係自習近平上場之後，中國連保7都好似好難，一路講的推內需都唔係好谷到經濟，出左咁多唔同招數，包括推高股市，放生樓市谷資產泡沬，全國大造高鉄之類的情況下，資金都只係落係某一小部份人入面，但實業的經營卻一直沒有改善，大把廠得唔到相關的資金，又或者經營條件係人仔升值下而倒閉，成個廣東省啊東莞就係咁而展開左漫長的中小型廠倒閉潮，故此係用盡發寶的情況下，中央都無辦法唔加入貨幣戰，讓人仔貶值做番出口救經濟。
其實係貨幣戰爭下，全球差唔多所有主要國家都係度不停QE以及低息去做低自己幣值去谷出口救經濟，呢個係Econ 101教的，而問題係如果全世界都以同一個速度做同一样野，咁大家就可能唔係好感受到個匯率的分別，就如而家中英美歐日全部都係玩緊呢样野，匯率因此相對都穏定之餘又叫做有多左資金去粉飾疲弱的經濟，令自己國家的人仲沉迷係仲有工作開工頂住生活的邊緣。之但係，係今時今日的情況下，有一样野係being接近constant的就係息口，因為自金融海嘯後不停減息到穏定之後，大部份國家都只係維持係同一水平，故此呢個遊戲可ignore左呢個息口去玩。
問題係大家一直都吹美國會加息，因為似係美國的經濟有走出谷底的勢頭，但其實大家都知美國個國債係大到根本佢自已都無法還，佢唔爆，亦唔會爆的原因就係大家都仲信美金，而唔信美金的話以貨幣黎講，你可以揀咩？歐元就食緊屎隨時冧，英磅日元又唔夠代表性，人仔又唔能夠自由兌換的同時，其實鬼佬都怕你亂造數，故此美元係目前黎講地位仍然穏如泰山，亦因此美國中意點印點玩，只要唔太過份大家都谷住陪佢癲埋一份。
好啦，但呢個貨幣戰爭的背後，其實有兩個字好重要，就係戰爭。故名思義，就係國家同國家用貨幣去打仗，亦即係話貨幣當中係有盟軍同敵人先有得打。當然以貨幣的根本性黎講就大家都存在競爭的原素，即我低水D就可以出口多D賺多D，所以為出口的話一定想自己平，唔理你係邊個。但眾所週知，美國為首的經濟体系一定會同歐盟英國同日本friend d，而中國就一定係同俄佬friend D，呢D野都唔駛畫公仔畫出腸，所以係貨幣戰黎講，特別係之前俄佬都比美國佬插左一刀，呢家中國一定唔會比你禁住黎打，以防你一下用貨幣KO佢經濟就玩完，故此如果你係中央的話，除左你自已本土經濟之外，仲要睇住美國佬係度搞乜，總之佢想搞乜你能夠搞亂佢，都係一件樂意見到的事。
好啦，因此當美國呢家成日預告話要完QE再踏入加息的情況下，其實某程度上都只係一個象徵式的動作去加息，因為始終你不停吹啊吹又繼續吹都唔加的情況下，投資者都會怕左你狼來了的情況。而且，加息代表債價會跌，跌的話債主就會受損失，而目前美債最大債主係邊位呢？無錯就係中國啦。所以中國當然都有理由同動機希望美國唔加息，之但係呢個都可能係其次，因為D錢都係國家，但最重要的就係搞亂你美國的部署，以免好似你自己搞咁多政策當其他人係死的唔識反應咁。
估計一下，美國加息的後果一定係會有資金回流美國或美元，因為會有人賭美國進入加息週期，推高息口回報之餘仲賺埋美元升值，呢件事有小小似之前有好多投資達人教狂買人仔做定期一样，一來賺息二來賺匯水，如果你諗下你７算果時買人仔跟住一路去到6.2 6.3果時，計埋息口隨時一年執十幾個% risk free的回報（但實情應該係要輸了），因此亦可以預期美元加息就會升值，亦即係話其他貨幣如人仔就會貶值。當然如果你係中國就都樂見呢個情況，因為你無啦啦可以減輕出口的壓力喎，美國佬想自殺唔通唔送佢一程咩，著實其實中央乜都唔做都其實可以受惠。
不過問題係，如果你係中央你有牌出，你係咪又比美國自己係度舞高弄低息口同匯價，定係玩下野搞亂佢個節奏等佢都知道喂你有野搞都最好問下我中國好呢？仲要記住其實美國加息的話，整高左美元亦即係會減出口，係美國盤算國際地位的棋局下，係唔係自己經際都承受得起加息所帶黎的經濟風險呢？如果一旦一加息就黎個經際下滑，聯儲局將會承受全球的政治指責喎，而如果一加就減的話，更加令投資者失去信心，即大家都知經濟係其實好疲弱，到時金融市場將會出現大亂。
本來上述的野應該美國佬都盤算好，因為國際舞台下，主要貨幣的持份者如歐洲英國日元都係自己友no surprise，而中國亦好乖仔咁履行之前同美國佬的有序升值的方向，就算最近幾年都係持平，但睇黎主要交易對手都唔會玩野下，計好晒數就有得行。不過呢家中國就話之你的情況下突然貶值，亦即係如果預先造左美國加息的匯水調整，因此美國一加息隨時個匯水有倍增的威力，一旦overshoot左就可能出現上述所講的亂象。故此，如果我係耶倫的話，真係唔會輕舉妄動，無更多的經濟數據的支持下，如果突然加息就可能會令自己進退失據。
最大穫的係，其實呢家都唔知中國出完牌未，6.2去到6.45，呢個數字究竟係一個過程定係終點無人知，你未去到一個穏定的情況下，更加難去判定加息後的局面，即美國又出招中國又繼續出招之時，究竟會唔會有D野對沖左，又或者加速左，個局勢又會變得好微妙。而目前黎講，其實中國玩匯率真係令美國好被動，一間佢貶貶下又升番值，你吹咩？始終人仔係未自由兌換，中國中意點玩，日日係度玩野，你都吹他不漲。
所以係今日呢個人民幣出招的情況下，隊長始終認為加息的機會唔會好大，而幾時先加息？隊長認為應該係去到美國好境到可以絕對承受美元加息所帶黎同人仔角力的風險先會加，而呢個情況係幾時？相信無多兩三年都好難答你。當然，隊長唔係耶倫，帶番個頭盔，以上都只係純吹水，岩聽就信，唔岩聽就自行判斷吧。
----------------------------------------------------------------------------------------------------------------------
一、贸易
据中国海关统计，2014年，中美双边货物贸易总额5550亿美元，同比增长5.4%，占同期中国货物进出口总额12.9%。其中，中国对美国出口3960亿美元，同比增长6.4%，占同期中国货物出口总额16.9%；自美国进口1590亿美元，同比增长3.1%，占同期中国货物进口总额8.1%，中国对美货物贸易顺差2370亿美元，占同期中国货物贸易顺差的62%。
据美国商务部统计，2014年美国与中国双边货物进出口总额为5906.8亿美元，同比增长5.1%。其中，美国对中国出口1240.2亿美元，同比增长1.9%，占美国出口总额的7.6%，同比下降0.1个百分点；美国自中国进口4666.6亿美元，同比增长6%，占美国进口总额的19.9%，同比提升0.5个百分点。美方贸易逆差3426.3亿美元，同比增长7.5%。
中国是美国第二大贸易伙伴、第三大出口市场和第一大进口来源地。
http://us.mofcom.gov.cn/article/ztdy/201503/20150300911236.shtml
留言
發佈留言