租客錄2

煩膠的租客經常會出現，而且有時係令你真係唔知好嬲定好笑，係最近我又多了兩位煩租客。事緣有一朝早收到租客短訊話有大穫野叫我盡快覆Call，打番去的時候，佢就話琴晚報左警，因為有人嘗試入屋，並已經通過左個密碼鎖，只差開門，然后佢就要求我要幫佢換番把鎖。


去到呢個位，先講下我比呢間屋的鎖的構造先，間屋有鉄閘，但鉄閘我一方面同佢地講話我無換鎖，佢地可以自己搞，但為左我方便，唔駛一換租客就換鎖，所以我用左來自星星的鎖，一換密碼就OK，咁如果一個正常人都好難又同時搞得掂個鉄閘同星星鎖掛？而唯一咁叻可以搞少個鉄閘就係之前果幾任租客，不過果Ｄ全部我都有晒資料，出入又有CCTＶ，無理由咁苯柒番黎偷你果小小野搏拉之餘仲要識開星星鎖嘛。所以，係正常情況下，基本上都係應該安全，除非你遇著個麥七（識開鎖的小偷）。


咁就係以上的對白同我腦入面有的資料黎講，其實根本唔可以直接就conclude係乜野一回事，其實錢唔錢就好閒，不過問題係呢一戶人我已經試過洗左錢係解決唔到個問題，因為之前佢地死話個洗衣機壞左無水出，叫人黎睇入我數，點知維修條友話係佢地唔識用，根本無壞，又洗左我300蚊無屎痾，呢單野，我聽完又要我換鎖我就更加小心。


好啦，問多兩句，一方面我問佢地有無鎖鐵閘訓教，而且果個密碼通過后的情況（如把鎖係點样轉），佢地果一刻做緊乜，有無去頂住到門，有無聽到鉄閘聲，有無係個防盜眼睇下係咩人，呢上資料佢地一開波都無講，但就只有一個hidden agenda係叫我換鎖，我就谷住再三追問先肯逐样答。


首先，佢地話無人知有無鎖鉄閘，因為佢唔係最后番屋企果個人，咁我話你地習慣性有無鎖先，佢又唔撚答我，屌。關於開密碼鎖的時間，佢話只係佢室友岩岩去廁所時聽到個鎖，似是通過左密碼，所以佢室友大聲尖叫，因此可能嚇走左個賊。咁我話，你去廁所聽到，有無去頂門同望下個防盜眼（廁所門係大門隔黎），佢話室友太京衝左番入房，所以無，我真係吹漲，比我死人都頂住到門啦下嘩.......。咁我問佢開鎖的係點样開呢，係物理定係电子原理，即係有人搵野係到撩撩撩（物理），定係用密碼或电子匙解鎖 (电子)，佢話應該係电子原理咁。


然后就跳到去阿Sir黎到，佢就話阿Sir話呢D三星鎖好易比人破解，所以都建議佢地換鎖，因此佢地就不停loop兩句野，一就係佢地感到人生安全有危險，二就係要換鎖，都唔知係咪我之前的租客番黎偷野咁。


係呢度，我又要解釋一次個星星鎖的設定，一方面換左密碼係佢地面前，咁如果有人入到黎，一就係有Ｄ萬能的电子匙開到你間屋門，又或者就係佢地有人唔見左电子匙，但係，如果佢地話之前有人留左其他电子匙的話，其實早已失效，因為我已經重設過只有佢地果兩張先Work，所以理論上佢地的投訢係唔成立。而我同佢地講呢件事上面我有兩個建議，一就係唔該你地用番個鉄閘，因為我知佢地無用，所以用番的話其實已經加番一個物理的鎖頭。二就係叫佢地重設密碼同电子匙，以防佢地比人偷睇左密碼或者比朋友玩野set多左條匙佢地唔知咁。


我再三強調係今次事件上面換鎖係無用，原因係一來你有個鉄閘鎖你唔用，而如果你遇著一個麥七乜鎖都識開，咁你裝一千把鎖都係無用，因為佢都係識開之嘛。更大問題係你地又唔見唔到有賊，但個槍頭有咩就即刻搵我。咁佢地就當然又用女仔最煩膠的野話人生安全有危險，其實去到呢個位，我忍唔住都要串一句，咁你不如請保鏢。


當然作為業主我本來都想去管理處跟進下件事叫佢地睇下CCTV係果段時間有無人上過樓，畢竟係淩晨應該無乜人出入好易捉。但如是者過左四日，佢地又留短訊話佢地會采納我建議會重設密碼同电子匙咭，而且佢地會換埋個电子鎖的电池，以防萬一之餘，其中佢地想我報鎖番個电池的錢。其實個电池我知道係五月幾上手換過，一般起碼玩一年至年半，不過怕佢怕米貴，我話20蚊野我豪比你算。


至第五日，佢下午三點又打黎話佢地換完电，發現之前個电池爆晒汁，而換完後個鎖唔郁無反應，叫我過去睇睇，佢話佢地夜晚要出去，所以要我盡快去。我話，咁你地換电之前個鎖識唔識郁，佢話識，不過神神地會自轉，屌我個心即時出現兩個結論，一就係好撚大機會其實因為爆汁導致可能电子失靈，個鎖自轉佢地就以為有人入屋所以報警，二就係你老味我五日前同你講換密碼，你要到第四日先肯打開個鎖蓋重設，而其實任何一刻你打開個蓋都應該睇到爆汁，係咪發閪盲到最後一刻換埋电池先同我講又要我即黎。


我同佢講我話我呢家番緊工，要放工先黎到。咁佢問我幾點，我答佢七點左右到，佢話唔得，因為佢地要出去無人，我話咁你地要是但一個留一留，佢話唔得喎，一定要出去，而且個鎖唔郁的話鎖唔到一間中門大開又或者鎖唔番咁點算。咁我話，你見到爆汁，但換前又用到，換后反而用唔到，好大機會都係接觸不良而已，你有無試過搵野清潔下爆左的汁咁，又或者肯定下個电池係咪裝岩方向，佢今次好撚快咁答我話試過晒我講過的野先打黎，叫我一定要盡快到。


去到呢下我話其實你地有無睇清楚搞清楚架，我話其實由頭到尾你地都ON99咁，其實好大機會只係個鎖壞，你地就睇又唔睇下，走左去報警，報完警你又可以捱幾日連密碼都唔改，攤左四日后你話改完又可以唔發現爆汁，咁呢家爆汁前十分鐘個鎖仲識郁，呢家就無反應，你又要我即黎咁。佢聽到呢度又好似姨媽上身咁提高左八度聲線話，咁我地驚嘛，鬼知你ｄ野啊，咁驚就報警 ga la，你好似講到我玩咁。


其實，我又唔係話佢特登玩，不過個問題係你個人質素低啊嘛大姐，正正常常人，就算報完警又同我傾完，都起碼會即改密碼啦，你地就攤咁多日然后要我即黎，我話你呢家三點半咁劑，我七點黎，你又唔滿意，咁你想我點先？無理由話，你出去就得，我番工就唔得喎，（最大問題，其實係我心裡面知道，屌，99.99%都係你地又唔知搞乜柒on9野，我都係白行一趟而已。）你話比我聽你想我點啦不如？聽到呢度佢又知自己唔知想點，又講唔通，所以佢就話，咁我地再諗下先啦。


有時事實勝於雄辯，隔左十分鐘後，佢打黎話個鎖又郁番，而且一切正常了無再自轉。問題，就咁解決左。其實可能由頭到尾都只係爆汁問題，但對於一條on9的人 ，真係可以玩到好大搞到好煩的。