通街高人

股市最近由52週低位20368點彈到而家的22458，接近一成的反彈，加上ADR同黑期都係升緊，所以如果而家話股災的影響已經漸遠，看來都有一定的把握。而市場最近亦不時仲有破頂的成交，當然有好多賣家都將叫價調整，但至少樓市有無崩盤呢件市都好明顯係無，所以大家有重貨在手的都無需太擔心。


觀察最近的市場氣氛其實都有幾點可以留意，第一就係二手樓成交價係偏弱得黎但成交宗數接近冷封，可以理解為一係完全無人接，一係就完全無一賣；第二就係一手樓偏細價的仍然有去貨能力，當然唔係下下一Q清，但叫做仲有人買；第三就係我認知的幾個屋苑，優質戶的成交價仲係偏強，但劣質戶的就算稍平都無人接；第四就係賣海外樓宇的情況都唔差，呢幾星期都有成交之餘，就算佢地訂金偏少，但只係見到零星撻訂，足見市底好強，只係D人係度觀望。


講番股市，其實去到呢個位隊長的股已經有微利，多得係低位時不停溝貨。之但係有样野好奇怪，有炒開股的朋友同我講話佢地的利潤係今次的中型股災已經蒸發完，叻D的就勉強話自已計埋咁多年收息仲叫做有賺，咁其實本身河水不氾井水都無問題，之但係竟然有人就話買樓的人就On9白痴低能等死之類芸芸，我唔知佢的心態係想攬炒，眼紅，定係精神病發，之不過我真係唔係好明，點解佢自己投資失利就係有萬種原因係正氣，而隊長買樓仲有錄有正回報就係on9，而隊長買股票就係不務正業同傻仔，那怕可能我地買同一隻股票，我入貨價都比佢平，但佢就係勁人我就係傻西，真係百思不得其解。


講到不務正業，又有高人嘗試塞錢入我袋，實在係相當之感謝。不過有時隊長真係有些疑惑，我明明係開中歺廳，點解成日有人入黎同我講做日本歺做西歺有幾好搵，而之后又有人話開歺廳就要有大志，咪撚成日只係諗住點样搵夠就算，仲要記住要做大個生意然后分折上市，然後再分折上市，只要你識玩，呢個世界級就係你的了。聽完講真，我覺得真係好有道理，但明明只做開中歺的我，係咪應該走去做埋日本菜呢？其實話說我都識煮出前一丁，都可以叫做識小小日本野，由頭學過做過，怕西咩，有志者鄧竟成啊嘛。


個波越吹越大，突然間諗原來呢個故事唔係只係同我講，原來高人仲要係我歺廳度叫我的客人去做日本歺，大家人人有錢搵，學足龍咁威咁，最近我都賺夠了，想比d錢人地賺下。其實有幾多人做日本歺都無所謂，學左d野大家分享完，有興趣咪去做囉，但點知原來講完，又滲番話學整日本野呢就唔同中歺一样，人人屋企有個廚房先得，最緊要你就係去日本有個勁的學校去教你，你如果有興趣呢就自己係屋企試下啦，不過如果真係唔識的，無問題，我仲有d好野益大家，就係你地唔好整日本野啦，我直接賣杯面比你地，一样咁好食。


其實去到呢度都算，點知呢d高人成日都會番黎我間歺廳度食飯，然后繼續係我的歺廳發表偉論，但到最后就係叫客人去買杯面。也許高人真係好高，不過老實講如果我做開核电廠，我同你講好撚易做，咪撚學人做埋d手作仔，要食就食大茶飯，一样係好易，點解？因為講就真係好撚易。講左九十幾萬次，每個人都有唔同的經驗同明唔明白的風險，我做開中歺，我識做，我搵到錢，我知下一步點行，而大眾都係中國人，一講就明。本身百花齊放無問題，你有你做我有我做，點解係要入黎踩低人扮清高呢，感覺會好d嗎? 真係唔撚明?