投資百花爭鳴

打開是但一本財經雜誌，成本野介紹你買的股票冧把，外幣，期貨，物業，基金的野，多到你買唔晒。如果你有個無聊的朋友，攞住同你講，你話買左A，佢就攞住第二頁同你講B，語氣疑似話唔買你就硬膠的時間，你然后話比佢聽B你都買左，佢又話都係買C好點，之后你又買左的時間，佢又話買D好，呢種無限Loop的狀態，總之就係話比你聽佢買的野就係比你好，句號。


咁其實係咪有某一種投資產品絕對完勝其他產品呢，客觀黎講可能係有，但當然都要計個風險同回報，之不過主觀黎講，隊長認為係沒有的。換句話說，對於每一個人黎講，無一種投資產品係都絕對岩你同我的，因為個difference在於大家對唔同的產品有唔同程度的認識，以及有唔同的風險承受程度，以及有唔同的投資金額。


舉個例，我有1000億的，我買好多債劵唔杆槓都好合理，因為一方面如果買股票就未必有咁多交易對手，而且好容易炒起個價自已抬高自已，而如果買物業的可能買左幾個太古城番黎，你多多時間都唔夠處理相關的管理問題，所以會額外產生更多的成本。故此，好明顯你有幾錢係手都係一個影響決定的因素，再明顯不過係你得十萬八萬，我叫你去買樓你都係得啖笑。


不過有時有好多高人會同你講到佢地識的野幾高深幾特別又幾咁易賺，例如有D人會炒小麥玉米，又有人炒期油，咩都好，總之講到佢地玩果D就係好勁好易賺錢，擺出一幅我識你唔識你就的模样，然后就話你買股票就係on9，你買樓又係on9，你做乜，也是on9。


當然，有時候，佢可能講得岩，因為佢係某一刻搵的錢真係多過你買的野，例如我有同事買國內創業板執左一千幻，咁佢當然可以也文也武啦，問題係咁佢買創業板你係咪又買先，你有無膽量同佢一样用盡身家訓身買入一隻流通量極低的創業板先，呢個問題就取決於你識同唔識。因為佢識（人），所以佢知自已做緊乜（那怕我覺得其實佢都唔係好知），但問題係我唔識，我又係咪要跟風買入去賺一個我唔知做緊乜的東西呢？


唔識，可能聽起黎係好好笑，不過其實做左幾十年人，唔識的野其實真係好多，無乜野值得被人笑。舉個例，我話比你聽做核彈頭有價有市，咁你識唔識做？唔識係咪白痴仔一名？又或者，我話比你聽做賣魚蛋雞蛋仔好好賺，咁你識小小去整，咁你又做唔做先？老實講我都會唔做，因為辛九虎嘛。咁唔通做雞蛋仔條友又笑九你硬膠嗎？


就正如每個人工作都唔同，呢個香港唔會100%人做地產，亦唔會100%人做金融，大家都會搵一D你識做而又做到的工作去做，相當於投資都一样，有人買樓，有人買債券，有人買股票等等，所有投資其實最重要的一點就係有正回報，而我唔賺成人買股，係因為普遍的人都係負回報，而就算正回報的都唔係賺好多，能夠以倍數離場又長勝的人，少之又少。而買樓的其中一個好處，就係以倍數離場的人係普遍多，贏面又大，回報同風險相對合理。至於你話有無其他產品比買樓好，有就一定有，問題係你識同唔識，以及就算你識，你岩唔岩玩都係先決條件。


投資最忌就係唔知自已做緊乜，因而輸錢收場。係坊間咁多投資產品，有人中意買股，有人中意買債，有人中意買樓，回報各有不同，入門亦各有不同，而你係無需要識晒呢個世界所有野，只需要有一種令你能夠有長期正回報，已經能獨步天下了。