回穩


股市單日大跌2000點後收跌1400點,然后希臘撤換財長比出新的方案下,連續兩日回升分別900同500點,指數計追番果日恐慌性拋售的跌幅,情況似是穏定下來。直至星期六,希臘提出的方案都普遍應為似是談判的基礎,看來第三輪的援助將會獲批,但都要睇埋德國財長呢位大哥的意見,因為有德國報章吹風希臘方案未必能帶領希臘達成自已設定的目標,所以問題未必能解決,因此德國認為希臘應離開歐元區五年,待重整經濟後先返回歐元區。


其實上一篇文章有講希臘有機會被殺一警百,被踼出歐元區,主因都係德國作為大佬,出錢救弱國佢地出最多,其實亦即係話政治上佢地係要泵水比其他國家去維持一個歐洲,而其他國家知道自已成身屎的時間,當然樂得希臘可以得到援助,一方面自已的金融系統會更穩定,唔駛撇帳又唔駛估邊個係隠形炸彈。而另一個更重要的意思係,錢又自已又唔比得多,但出事又有人救,你出雞我出豉油就有個保險,慷他人之慨下當然樂得見到希臘被救,之但係之前政治形態上希臘好串玩公投,但係希臘亦好識Do,炒左個財長再比份方案出黎似層層,其他國家都見到有落台階就吹下風話OK,咁样德法兩個都點頭,看來都似是大勢所趨而已,人人好下台,這就是政治下的經濟。


故此,我相信今次事件應該可以先解決,除非德國又玩公投,因為德國民意係90%唔想幫的,但係無正式民意的表達下,相信德國都會係用嚴厲操詞下支持援助方案,相信至少希臘唔痴線的話又會頂多一兩年唔會再出事。不過,其實大家都心裡有數,加咩稅呢D野都係多如,班大帝唔做野又唔肯正式交稅,其實幫助意義不大。情形其實同美國都有點似,國債無止境增長,看似美國正氣D,其實佢咪又係全球最大債仔,重無諗過要還錢,只不過如果美國仆街相信全球無人會好過而已,呢個情況唔係希臘獨有,只係佢在政治同經濟上都無籌碼而比人拑制。


所以接下來睇黎股市都會波動咁向上回穩,一班人無啦啦輸左錢,亦有一班人無啦啦成功撈底贏錢,呢個就係股市,完全吹你唔漲。相對樓市其實就無咁多短期衝擊,呢個亦係點解隊長偏向樓市的原因。你可能會話我都認為股市好D,亦唔係輸好多,呢個係因為你真係咁岩咁好彩,但最近點算賽果的時候我都聽到以下故事:


1. 某國內同事最高峰賺1000幻,呢家賺得200幻,其實一浪打落黎輸800幻。
2. 某朋友玩100萬,最高峰賺120幻,呢家輸50幻。
3. 某朋友玩50萬,最高峰賺10幻,呢家倒輸20幻。
4. 某朋友玩100萬,最高峰打和,呢家倒輸20幻。


一個浪打落黎,都係幾十幾十咁輸,我見唔到有一個人贏錢,但唔代表無,只係果D人一定係贏大錢而我呢個level識唔到而已。普羅大眾來講,輸錢好像是一個慣事。


至於樓市,雖然聽到零星撻訂,但破頂同搶樓消息其實亦繼續上演,而且更重要一點係如果你認清各國大國面對咩問題做緊乜,你會發現其實好多時佢地都係局住印錢救市。記住我地呢一代處事同早十年二十年好唔同,你父母果代如果駛大左,係諗點样蕀緊褲頭死慳死抵去還債云云,而我地今時今日係所謂的叻仔聰明仔年底,無任何一個人會想自已慳住去救市,個個呢家都係用財技借錢印錢去支持經濟,咁样的大前題下,其實好多經濟体都會不斷出事,問題只係時間而已。但你唔駛京京,因為解決問題的方法都唔難,只需要學下希臘咁交出一個疑似可行的方案,就可以又開印錢機去救市,用更多的錢去解決無錢的問題。


呢個輪迴,其實美國玩左過百年,借更多的錢去還舊債,只要無人Call loan,呢件事可以玩到永遠,但問題只係借錢的速度有幾密,而金融海嘯后呢個借錢遊戲就加速左好多,亦正正係咁先制造緊一個更強的通漲,令遠在亞洲的我地承受另一個通漲風險。


買樓,你可以話資產升值,但係無約束的債務上升下,買樓其實都只係抗衡風險而已。認清形勢,先有可能令你係新一個冒起的超級通漲危機下得到舒緩。否則,唔做任何野的人,其實份糧比人日日夾走購買力,根本就係幫手解決金融危機而已。



https://hk.news.yahoo.com/歐元區質疑希臘改革承諾-財長會議休會-231300964.html



留言

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力