洗不盡的錢

有朋友講笑咁話另一位朋友目前最大的問題係D錢多到唔知點洗，相信作為香港人的你一定聽過唔少呢D廢話式笑話，但回到現實打開自已的戶口同計每個月的數，卻剛好係諗緊每個月點用有限的錢去支付無限的帳單，繼而就諗下有無計搵多D錢同財務自由，浮沉係無數帳單的大海。D錢多到唔知點洗，這些機會好似真係不是我的。


不過，其實係香港的確有好多人係可以做到D錢多到唔知點洗，亦即係D人成日話有錢的人越有錢，無錢的人繼續無錢咁。呢件事其實絕對可以參考番財務自由的基本概念，即係：


被動收入 >= 經常性支出


對於大部份普通人，其實能夠做到 [被動收入 = 經常性支出] 已經感覺好遙遠甚至好了不起，所以未必可以想像到當你達到左財務自由后的果一種威力。試幻想一下如果你有10億身家咁講，假使間你唔做任何投資，你用呢10億慢慢洗，當然都好好洗，可能買間獨立屋，買幾架車，然后請幾個工人之類等等。但你會發現如果唔投資的話，每年以百萬計以至千萬計的開支，都其實有總會乾溏的一日。


但係有10億黎講，其實要營運呢個生活都唔係一件好難的事，假使間你攞晒10億去投資任何相對穏定的野，年回報係3%咁講，已經是每年有3000萬的回報，即月入250萬，要你每個月洗250萬我諗正常人唔特別去洗其實都幾難，而且剩番落黎的錢慢慢又會累積起黎，當你發現你乜春都唔做的時候，錢流入的速度快過你流出的速度，呢個就係點解一個有錢佬唔做傻事的話，理論上都係永垂不朽的原因。


以上的例子距離我地的人生可能等於地球同Kepler 452b星球（即地球2.0)咁撚遠，而回到現實唔好講10億，就算1億，或者1000幻，甚至100幻，都可能係一件遙不可及的事。所以好多時要投資的話，隊長腦裡面都有兩個問號，一個就係資產升值的回報，另一個就係息率的回報，兩者要好清晰才令隊長可以下正確的決定，以達致隊長的目標。


舉個例，假設你的目標係要有1000萬的幻資產，然后就以1000幻為基礎食息計，咁你要諗下你的投資或財富處於一個什麼样的狀態。好多時我好怕D人成日講到某一產品有10%或20%等等的息率年回報，但問題係原來對於某些人，佢係得過十萬八萬，你叫佢賺10%-20%的息回報，其實以金額黎講都係10000至20000，得啖笑。所以，隊長認為之前買樓好緊要，係因為買樓有槓杆，資產升值時可以贏更多，特別係上車客可以做到9成或8成的槓杆(按揭)，隊長相信早係一兩年前有聽隊長講上車的朋友，攞住30-40幻上車，呢家個個執100幻走，呢個成績未必係全世界所有投資的回報最高，但以唔駛太多技術的考慮下黎講，絕對係一個非常可觀的回報。


但隨著某部份人已經一開二二開四四開八之后，加上今時今日的按揭限制，一方面槓杆有限，另一方面潛在回報相對成本都風險都唔吸引之時，由無乜身家到左有番咁上下淨資產的人，而家就其實應該考慮下其他食息之選。如上面的目標所講，假設你已經達成你的淨資產目標，先唔好諗而家係以乜野方式持有，但攞住1000幻的錢去諗5厘息的東西，已經有50幻了．不過隊長貪心的係呢1000幻都希望有資產升值的可能，所以接下來就會向呢個方向發展，揀選低Beta的股在穏健中希望可以食價又食息，而且繼續以樓為主導，希望假以時日，能繼續累積財富，在財務自由的路上再向前走一步。