行動力係致富的分野


早前副隊長話想幫個朋友上車,睇中左一個我地都覺得唔錯的盤,於是就叫呢個朋友C叫佢食左佢。而朋友C其實都唔係第一次講買樓,由我記得呢個朋友C出現,到呢家亦都應該有一年,睇樓睇過一次,之后就無聲無息咁唔見左,但最近又重提舊事,而且今次仲好型咁話我地睇過就得,佢唔駛睇,只要計到話上會就會買。如是姐過左幾日個朋友C又話可能9成食唔起,話有D美容咭數分期未還清,可能要借少D時個首期又唔夠,於是就拖拖拉拉咁又無疾而終。


對於呢件事我的立場其實都好清晰,一方面朋友C唔係我朋友,叫做係副隊長的面我先幫下手,買到買唔到其實唔關我事。之不過我又覺得其實好無意思,買到賺左又唔會多謝,買到蝕左一間小狗我地,咁倒不如其實唔好搞就仲好,唔係一間好似佢搞左一輪唔得唔得咁我地再push下佢,第時佢就有位入話係被迫就無L謂。


但係對於呢件事我就覺得係一個人的行動力足以令成件事有幾廢,老實講由我地一件前第一次帶佢睇樓,果時如果佢係諗9成,首期只係35萬左右已經搞L掂,而且按揭又無大的壓測限制,不過佢果時就係唔知計乜計乜,到最后就睇完一次收皮。一年后的今日,同一大小的樓其實已經升左100萬左右,中間聽番佢成日反反覆覆,一時話買一時話唔買,買又唔見佢自已去搵下盤睇下樓,到呢家又話買的時間其實我都唔係好分到佢講真定流灘。


另一個重點係既然一年前已經諗過"可能"會買樓,咁點解唔會諗下了解下上會的要求同知識呢,特別係佢仲要銀行底,唔識咪問下同事有幾難?呢家一年后抽起條筋話買的時間,你老味你同我講有條美容分期頂住左?其實mean d都係咁話,我真係睇唔到果舊錢用左有咩效果,嘥埋D咁的錢再零分別,倒不如老老實實唔好搞亂個credit la。而且計唔掂條數,你可以話係佢人工頂住頂住過唔到壓測,但換個角度我只係睇到佢無試過去諗計呢條數,所以先會係1年后9成上會時要變成45萬成本,而發現自已有條credit card installment后變左可能借8成要80萬成本咁搞L亂自已囉。成件事只係可以睇到有成年時間但無做過計過一件事去幫自已準備,咁點會成功啊?


可能有人會即刻話,買樓唔一定等於成功喎,呢一點我絕對同意。不過隊長我想指出係背后的含意,因為隊長認為買樓唔係一個人生目標,但始終亦起碼係一件大事,理論上好大機會係大過你入邊間中學大學揀邊科黎讀,又或者都大過你做邊間公司,因為下下講緊幾百萬同30年的供款,呢個係一個人生決定。而換個角度,你讀大學揀邊科同搵咩工,你點都會做定一些功課同做準備吧,例如你都會上網搵下資料,或者去下個校園或公司附近睇下環境咁,咁點解有D人真係要諗買樓時係可以咁無準備呢?呢個可以話係性格就係咁,但同時隊長亦認為呢個性格就係人生致富的分野。


你可能又會話,要投資成功係要有眼光有膽色又有運等等,但隊長就認為以上的野係建基於行動力的,亦即係話你要肯做先有得講。打個比喻,你想食鮑魚,我請你食,你都要肯出席先得,而就算你要我送埋外賣比你仲要餵埋你,你都要肯張開個口同郁下個下巴咀嚼下先吞到ga大佬,如果係懶到餵埋你都唔識食,咁講埋都無用啦。同样,你想買樓,我搵到盤比你,你都要自已郁下做mortgage同睇下先得ga。


之前我已經講過一部卡通片的名句,就係有時好多大計諗到出黎係唔難,好多人都有好多idea,問題只係做到出黎果個先係勁。你永遠只係得個諗,乜L都唔做,咁係永遠無機會的。隊長眼見身邊好多人,係樓市上成日講呢样講果样,一時有話有興趣一時又話約下睇樓,到最后成日就放飛機打J唔見影,得把口講講講,永遠無行動,就係咁慢慢個距離就會拉遠。


唔係話咩,隊長好幾次買樓都好突然,話買就買,訓醒突然諗通要買,當日就買的亦累有前科。有時就係呢種話做就做的精神,先會買到層樓或做到你想做的野,拖拖拉拉猶豫不決,好難成事。








留言

  1. 此留言已被作者移除。

    回覆刪除
  2. 其實有心買就會注意自己財政同CREDIT 唔會亂咁用, 會儲起多D錢準備

    回覆刪除
  3. 我住緊公屋(300萬,$15k sal )
    如套現60出來買屯門元朗400萬盤 按9成
    可行嗎

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力