人工事業與樓價


早幾日分享左Kelly Service所編制的2015人工參考報告,好多網友即時留言發表自已意見,有網友認為比較貼近市況,亦有網友認為奸商仆街社會唔會益街坊,好多人都攞唔到呢D人工芸芸,因此隊長都認為人工與樓價呢個議題又值得再次探討。


事實上個人工參考報告係唔係準確根本無乜意議,因為就算同一個工種,同一公司又會有分年資,而唔同公司又會有分華資同外資,理論上都可以出現幾大的差別。之不過,成份報告最值得諗的就係,而家有好大一班香港人係搵緊相當唔錯的人工,就你不停咁向上下撞動份報告,唔難睇到搵三四萬月薪的職位大有人在,而搵到過百萬年薪的亦有一個相當的數目。以我地細過聽人講過百萬年薪係好L勁,但而家好彩D的人搵呢個數,唔係一件唔可能的事,問題只係話點解"你"唔係搵到呢個數而覺得好唔公平。


老實講,每次一講呢D議題,總有超級憤青(中青)衝出黎話老細有幾仆街,奸商有幾仆街,個社會有幾咁仆街,所以自已係被剝削壓榨的。對於打工仔被剝削壓榨,隊長認為係存在的,但又唔能夠講話係單方面問題。當然有仆街老闆駛多個錢都係牙痛咁聲,但點解你又要為呢種仆街老闆打工而唔去搵過第二份可發展自已能力的工呢?


回想隊長第一份工,間公司的流轉度極高,每三個月就有一班新人入黎舊人離去,我竟然做左三個月已成為年資最老果個人。睇見大老闆加人工,都係200-300蚊咁加,係一間金融公司入面實屬刻薄,而當大老闆的心腹秘書要離職時,係平時都唔會留人的傳統下,老闆嘗試加左200蚊比呢位秘書去留人,當然一聽到呢度比我係個秘書都走,而隊長我亦係好快就搵路走離開呢間仆街公司。都係果句,仆街老闆係有,但你自已識唔識走,走唔走到,先係關鍵。


隊長認為有能力的人,係香港識走位,衰極有個泡。但如果你無能力,咁認為呢個世界呢個香港呢個社會有幾仆街,亦只係得個鳩叫。可能你仲會話呢個社會仲係無比機會我,對我幾L唔公平,咁隊長又不禁反問你,如果你細個好L努力讀書,今日做個醫生律司搵十皮絕對唔難。當然你話咩話,我讀書係無咁醒喎?咁我又會問,咁你捱唔捱得啊?捱得?咁你如果去紮鉄都有2000-3000一日,一個月搵四五皮唔難喎?再唔係,做個地產保險經紀,肯追車夠厚面皮,肯搏肯捱,三四皮一定有,你努力的十皮八皮都仲得喎?咩話,唔做D無朋友的工作?咁你係職場上有無試過跳去一個比你發揮到的平台啊?咩話,你話無老細睇得起你?咁其實會唔會本身你的能力又唔係咁出眾呢?


退一步睇,如果你能力係得咁多,咁你搵的人工又係得咁多係在所難免。你如果只係一個清道夫,咁你無論上街投訴爭取幾多萬次最低工資,你的人工永遠都只係係社會的底層。我就未見過有清道夫有十皮一個月啦。如果有一天,清道夫係十皮一個月,我可以講你唔會見到麥當勞的職員仲係搵緊一萬幾千,而你的朋友番銀行的亦無可能係同你一样搵十皮,到時一碗牛腩河係200蚊亦不足為奇。記住你係咩能力的人,搵咩工種,你的收入就係咁多,理論上唔存在公司仆唔仆街,要變的就係你自已的能力同心態。


呢家香港社會,隊長見到的係好多人都搵緊三四萬起,如果你認為你身邊的人都無,咁我只可以話係你身邊的朋友唔夠正常而已。我舉個例你呢家行入匯豐同渣打,大部份人搵緊三四萬根本唔係咩新奇事,而且唔駛好老,三十出頭搵呢D數大有人在,而搵更多錢的亦有相當相當多的人。所以理論上,香港所謂的咩家庭收入中位數係有D低能甚至唔夠代表性。


因此,其實今時今日D人成日話細價樓會冧,話超出人工多少多少,我仲係好有保留。始終好多人一個人已經搵五六萬,又或者一pair人搵五六萬,買個400-500萬的樓其實唔會負擔唔黎。貴只係一個感覺,因為以前200-300萬的樓,而家升左一倍。但相反以前搵2-3萬的你,呢家去到4-5萬,又未必會覺得自已貴的感覺。而係整個價錢改變的過程中,最慘的係你人工都只係由1萬變2萬,跑輸大市。呢样野,無人幫到你,特別係智識型社會,你輸左比人,人地買左層樓去佔領左個資產,真係無乜野可以講。




留言

  1. 我就係年薪過百萬的一員, 而我只係一名普通的Assistant Manager
    係我間公司, 甚至我嗰行, 年薪過百萬係一件好普通既事
    超過7成同事都係

    回覆刪除
  2. 以而家香港黎講, 年薪百萬太普通啦, 年薪兩三球都大有人在, 以呢個中產人工都亦唔代表你可以過好好既生活, 因為而家錢已經呂再值錢。我今年30歲, 年薪過3M, 但想再提升生活質素, 係會有個好大既樽頸。

    回覆刪除
  3. 此留言已被作者移除。

    回覆刪除
  4. Starman 唔做老闆, 好難突破了。

    回覆刪除
    回覆
    1. 所以黎緊會出黎, 尋求突破, 跳出comfort zone

      刪除
  5. 香港真係多有錢人,30歲搵3球年薪真係so easy,是金融巨子?

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力