內地經濟與港樓價

人民銀行自今年3月以來第二次宣布減0.25%息，看來減息谷經濟的方向都幾明顯，加上可以令人仔內在價值貶值，變相繼續令美國難加息，可以預期間接對港樓都係有利。


話說回大陸，之前有同內地銀行的朋友傾談，其實經濟面向下已經成左形，呢家只係不停咁放新貨去頂住舊貸，以及開發新的三四線區域生意去做靚盤數，實際上好多企業都已經唔掂，無法還錢，尤其是之前企業貸款下下都8厘9厘10厘咁去，增速過快的經濟係突如其來的經濟轉向下，前景都幾灰燼。因此，阿爺係最近兩年都由保8去到保7.5，然后7都差D保唔到的時間又話唔再在意經濟增長數字，講真明眼人都知係結構性的低增值生產業下，人仔升值太多好易搞死個經濟，而經濟一轉勢，咁大個國家唔係咁易夾硬推番上去，所以一定要盡快救。


當然呢家內外夾擊的形勢都幾複雜，外就有早幾年美國迫中國人仔升值，匯率一路有序咁升，但可能已經升過左小小龍，馬上就令經濟出現警號所以要剎停，不過預著呢家又有貨幣戰爭，同埋人仔又再慢慢多一點國際化，係外匯市場上人仔上上落落都會有唔同的風險。不過當呢家經濟唔好，最直接當然係減下息推低個匯率幫出口。而內在方面，過去幾年經濟唔好，出口又減速，阿爺就話要谷內需。可惜內需唔係阿爺講下吹下就得，人民搵唔到錢就吹極都無用，不過之前又要禁住個傻左的炒樓風以防貸款質素惡化，尤其係地方債企業債好多都想爆想爆，所以一直都又限購又醒咁。


不過睇黎經濟下行風險已經太大，所以今年已經放寬晒Ｄ限購令，而且減息谷經濟，股市又癲Ｌ晒，好明顯就係中央行另一個方向，玩財富效應谷經濟谷內需。老實講呢段時間真係好多人賺左好多錢，唔好計香港人炒股，國內個pool先癲，我有大陸同事據說炒大陸創業板執左一千幻，呢家番工都無晒心機搏炒中。而我相信，呢排係大陸股市的大陸股民一定比香港搵到食的人的人數多好多，所以呢一轉又造就左唔少有錢大陸人。


其實近呢十年，大陸的房地產市場已經好誇張，不過財富效應下廣洲深圳已經有日光盤出現，即係一日比人搶Ｌ晒，再加上中央放鬆借貸成本又放限購，睇黎得到阿爺祝福的房地產將會重拾升勢。咁呢個升勢對我地港樓又有咩意義呢？首先，雖然香港都應該仲係中國的城市入面樓價最高的城市。不過，如果你唔睇平均呎價，但睇呢家係一線城市買層樓係乜野價錢，可能你又會有另一個睇法，因為而家其實係大陸買層似样小小的樓，都好易四五六球起跳，仲要係人仔。所以，好多早期買左樓果Ｄ，佢人工未必高過你香港人，但係層樓的價值同賺幅都好驚人，如果炒樓的就更加痴左線。


我又舉個例，我有北京同事十年八年前係北京買左兩層五環的樓，呢家佢係咁易都袋住成千幻的賺幅，不過佢仲係搵緊一萬蚊人仔人工。呢Ｄ案例比比皆是。退后一部諗，中國一二線城市有８０幾個，再數落去二三四線就更加多，每個城市的樓市的數量都未必同香港差太遠，但成個中國加埋上來呢個房地產大怪獸，我真係唔知用幾多萬億或更多去估計，而當中又造就左幾多有錢人。而記住呢班的概念係Ｄ錢係自已識走入自已個袋，而且買樓幾百萬都唔係錢，當你香港人係一萬一萬咁儲的時間，佢地Ｄ錢係財富效應下唔知點样就會無啦啦出現，當中都仲未講Ｄ唔見得光的錢係幾咁容易搵。


好啦，當你如果睇到一河之隔的深圳的樓市經濟係咁熾熱的時間，地緣效應下加上香港的相對優勢，段估你港樓無理由會平過深圳掛，就算係會有平，都應該唔會見到細價樓冧價崩盤到１００萬一間但係深圳買層樓要１０００萬一間咁掛？以大陸人咁識去搶野的行為，見到有水位仲唔過黎買Ｌ晒你Ｄ樓咩，有錢賺到時乜柒ＢＳＤ都死啦，所以好明顯港樓同內房係有一個水漲船高的關係，故此當你見到阿爺仲係度放水祝福內地樓價，內地股市又咁暢旺的同時，你相信香港樓市會跌的話，都應該係一件幾痴人說夢話的事。


不過痴人說夢話係真係有咁样的人，再痴的仲有人會話比你聽香港樓市唔會跌，但細價盤就會爆煲，呢Ｄ咁有趣的野，唔係痴線的人，又點會諗到？