無得救

呢個世界，有一種人，特別係男人佔大多數，就係自以為是的男人。而呢一種人入面，係樓市就會出現兩極化，一就係好清楚自已做緊乜，有計有謀有自知之名，買到樓再仲有可能變變變幾層；另一種就係永遠都買唔到樓，或者係某情況下誤打唔誤撞被迫買樓，而后者通常都會先怨天怨地怨人地，總之問題永遠係人地度，唔會諗其實會唔會係自已的問題，呢D人其實最唔抵幫。


其實呢D自我中心自以為是的人係真係好多，多到可能99.99%的男人都可能係，不過當然有部份係強者啦。但以我所見，其實好多自以為是的人，都係唔聽人講，好多時自已活係自已世界，以自已的一套價值觀去定義世界的一切，包括樓價。而當中，有D人可能用數據，有D人可能只係用感覺，但無論識唔識都好，答案同結果都導致錯的決定，錯的決定又導致更多錯的決定，集中好多錯的決定慢慢就會令一個人輸掉人生，樓就係一個好的例子，平的時候唔買，或者懶鳩醒賣左佢租住等平，到最后就真係變樓奴，輸掉人生。


還記得有個女性朋友問我關於買樓的野，隊長係現實生活其實都熱心幫人，一般朋友黎講，你肯問我肯答，當然我唔係樓神，亦唔稱得上係話咩專家，但就以過來人黎講都叫做有成功經驗，所以都好願意分享同比意見。不過對於呢個女性朋友，係對答過程當中我都知係多餘，一來佢真係唔係好識，二來大家層次唔同，有時佢問A，我答佢A，引申至B，佢已經跟甩左。而且，佢番到去仲有個老公要交代，對於佢老公黎講，一個接近50歲的人，據她說搵到下錢（不過我其實唔覺,Well....唔同層次就係唔同層次)，佢老公只會覺得我係一個"細路仔"，咁試問一個自已做左50年人的人，會係買樓的議題上聽一個細路仔意見？得啖笑啦, right?


所以，意見我比，不過都係表面野就算，我話你真係有心想知想學的，就番去同你老公傾左先。不過，當然之后都係無乜聲氣啦，但好彩的佢地就係果D個女人想有個家就迫老公買果雙，有個自住樓咁，但係對於收租夢，退休有更大保障，Well，我見到的係越行越遠。但退后一步諗，你識的，就唔會係得一層自住樓啦咁大個人。所以，有時人真係好奇怪，做決定的時候，真係唔一定係睇你識唔識，只係靠自已的感覺同common sense黎行，有時人生就係得咁多，想再多D都無機會，當然如果你收夠籌就無所謂，但如果你"掹掹緊"的話，咁就真係一世。


有時望住我自已部份親戚我都覺得幾好笑，有幾位比較老粗D的長輩，成日係我面前粗聲豪語，好似個世界係大聲就得咁，成日做野完全唔聽人講，基本上active listening = 0。當然我做後輩好識做，反正一年都唔係見好多次，我亦無需要話比你知隊長有幾斤重。之但係睇佢地撇開長輩的身份，臨近退休一唔係就住公屋，一唔係就死慳死抵，一家人財政上都無乜保障，唉，都唔知講咩好。


有時人生就係好得意，唔識的話放低身段去問去學，或者自已花D時間去做下功課，等自已唔好好似個盲毛咁鳩撞，可能可以幫下自已唔駛行咁多冤枉路。就正如呢期收緊按揭，下下D人就話要攞四成，一間又話政府乜乜柒柒，老實講其實真係問下自已個心問題會唔會係自已度啦。香港地人人有書讀，你讀唔好的話人地做醫生律師，你做基層工作，你付出少回報低，冤咩人？如果你老闆欺壓你的，你有又轉唔走搵份好工，香港咁大咁多機會，你無能力走又關人咩事？你信政府幫你增加供應，但又唔睇多D財經新聞同關心下世界時事（或者睇下隊長個Blog :) )，咁你又唔識又蠧，關人咩事？到呢家咩收緊按揭，你又唔做下功課就係度屌，咁L懶又咁L蠧，唔該反省下啦。


老實講，有部份人真係無得救，而呢D人只係識將問題推向人地推向政府，其實只係一個Loser的行為。我覺得值得可憐的，就係真係有時盲目信你等你，因感情而盲L左咁覺得你好有主見好Man的人，呢D女仔輸左青春係一個loser度，就真係慘。


不過，有一種例外的，就係呢家岩岩畢業或仲讀緊書的新一代，因為以上的人係曾經有能力有機會但自已自廢武功。但90后左右的后生仔，隊長就認為很對不起，現時香港的將來，是沒有計劃你們的。要有樓的新一代，如果樓市唔調整，呢個QE的副作用，就係令你地的機會完全抺殺。