C政報告之5歲小朋友

今日一個5歲小朋友問我，話佢唔知信唔信689講話而家樓市供不應求已經接近尾聲，係咪將來佢大個時就可以有樓住，驚我地個689會呃鳩佢咁話。我聽完真係嚇一跳，呢家D 5歲小朋友真係質素好高，而且仲知咩叫呃鳩佢，咁隊長我就唯有講番個事實廢事話我水鳩佢。


我同呢個小朋友講，我問佢有無聽過咩叫朝三暮四?佢話無，如是者我就Google左條Link解釋比佢聽:


宋國時代，宋國有一個養猴子的老人，他在家中的院子裏養了許多猴子。日子一久，這個老人和猴子竟然能溝通講話了。
　　　　　
這個老人每天早晚都分別給每只猴子四顆栗子。幾年之後，老人的經濟越來越不充裕了，而猴子的數目卻越來越多，所以他就想把每天的栗子由八顆改為七顆，於是他就和猴子們商量說：“從今天開始，我每天早上給你們三顆粟子，晚上還是照常給你們四顆栗子，不知道你們同不同意？”
　　　　　
猴子們聽了，都認為早上怎麼少了一個？於是一個個就開始吱吱大叫，而且還到處跳來跳去，好像非常不願意似的。
　　　　　
老人一看到這個情形，連忙改口說：“那麼我早上給你們四顆，晚上再給你們三顆，這樣該可以了吧？”
　　　　　
猴子們聽了，以為早上的粟子已經由三個變成四個，跟以前一樣，就高興地在地上翻滾起來。


「小朋友，如果你咁都信689的話，咁你同一隻猴子又有乜分別呢？」隊長我語帶溫柔的答道。聽罷，5歲小朋友都好似仲係唔係好明。


「689推出任內第三份C政報告，重中之重的樓市就以推出一個新的階梯置於公屋同居屋中間，比綠表同排緊公屋的人仕以更高折扣咁購入建設中的公屋單位，聽完如果你信會拖低上車盤的話，我送你兩個字，碌Ｌ啦。」隊長我開始地盤工人上身咁如對住5歲小朋友朗朗上口答道 。


「從大方向睇，呢件事根本就係左手交右手，我比你做特首，以一年當你有10000個單位計，你中意做四個階梯又得，五個階梯又得，一千個階梯都得，不過殘酷又on9的現實係，你就只得10000個單位而已，開心黎都無用，根本得淡笑。」


「呢幾日其實都好多數字都證明係ON9，一方面就話公佈今年公屋落成量又減少，明年先會多番；另一方面出年賣咩大折扣公屋，先得果1000幾百間，呢家慳慳地話買居屋都引幾千人出黎入票，你果1000間算得乜?再者賣公屋比綠表客，等同於公屋換公屋，咁即係話新的公屋就比公屋富戶，舊公屋就比輪候冊，咁有咩幫到人上樓上車姐？；而居屋方面出年又係得果2000零個，呢度１千果度２千，推地又無咩新計仔，即係炒埋都唔夠一碟，你信係尾聲的話，咁你即係自已搵自已苯柒之嘛。」隊長講到hyper興起，已經忘記眼前只係一個5歲小朋友。


令我感意外的係，5歲小朋友聽完之后亦識得點頭似是明白我講乜咁，而接下來仲好應棍咁話「屌，連豬都諗唔到的野，點解我地的689會諗到黎搬龍門ga?」條5歲小朋友好嗅串咁話。「屌，我撚知咩，知我發左啦。不過作為業主的我地，都要多謝佢唔好搞咁多花臣，等我地可以繼續資產升值，向財務自由又向前一步嘛」隊長我都感恩689咁答到.


「仆街啦你，買L晒D樓的炒家」個5歲小朋友又爆粗發難，然后頭也不回咁轉身就走。隊長我比呢個突如其來的仆街都嚇遲左半秒，不過如果就咁比個5歲小朋友霸氣地鬧走，實在亦有點無地自容。「仆街啦屌」隊長我忍唔住向個5歲小朋友補番句飛，攞番個尾彩，心中在想呢家香港D 5歲小朋友,真係越來越高質，睇黎將來香港有希望了。