當你還未訓醒，我才開始做夢

呢段期間有好多朋友向我請教關於買樓的野，每個人都有唔同的故事，不過整体黎講都可以綜合出一個特徵，就係早幾年隊長已經苦口婆心講去買樓時，佢地最大的問題唔係話樓價貴睇淡，反而更大的問題係完全未訓醒意識到要買樓呢样野，所以自自然然就filtered out所有買樓的資訊，直至最近先有個別朋友訓醒，不過咁遲訓醒的代價就係過百萬的樓價成本。


對比起樓淡黎講，個人認為仲訓緊教的人所面對的傷害將會更大，因為係佢地的人生黎講可謂無乜將來，每日就是番工放工食飯去玩。當然佢地唔會意識到自己有咩問題，而隊長我當然亦唔可以話佢地有咩問題，不過作為一個香港人，到你三十歲后才突然登一聲諗話要買樓，但事先無任何準備下，唔可以話無法補救的太遲，但係情況已經變得相當被動，特別係過去五年樓市可能比起歷史任何一個時間都係不正常地上升，而如果要追番呢五年可能更要花上自己十年或更多的時間，人生就慢了長了辛苦了。


記得其中一位朋友A，於2010時我地兩個麻甩仔食飯，飲飽食醉后，佢有講佢的小生意大計，當然就係希望有兩盤小生意，能在將來可以幫佢多一條出路，畢竟佢學歷唔高，唯有係工作外再搞D野，以防佢公司有咩問題。那時候我的感覺係兩盤生意都太細，一個就靠人的時間，一個就已經係做爛市，隊長認為雖然本錢少但利潤亦有限，不過洗濕左個頭的佢亦只好繼續下去，而幾年下來講真我都有小小佩服佢，因為兩個生意都叫做仲生存緊，第一個就仲叫賺到份糧比個員工，而另一份就本生不死咁，但中間要維持呢兩檔野佢都要久唔久泵錢，到呢家先叫可以獨立營運，但本金就真係有排都未番到本。


記得當時隊長亦有同佢講，話投資收租其實都係一門幾穏陣的生意，而且佢（屋企人）的錢係足以應付生意之外再買樓，而時間上根本買樓唔會佔佢太多時間，倒不如試下出手同一時間做。那時的佢不感興趣，講了幾分鐘后，就轉了話題，那是我第一次認真同佢講買樓。到2012年底，我還記得那時我幫另一個朋友買了一間屋，亦係買之前嘗試叫佢一齊去睇樓，不過係出發之前佢就打黎放左我飛機（好似係去打波），那是我第二次認真叫佢買樓仲捉埋佢去，而后來買了樓的朋友今日已賺了100萬或以上了。


係呢幾年其實間唔中我都會傳播小小關於買樓的野比佢，可識係每次感到佢都心不在焉，所以無一次我會講超過30秒，然后就會自動轉話題，廢事悶親佢。所以咁多年黎佢最多都只係知我買樓，但對買樓的野，以及其實呢個社會呢個世界發生緊乜事，佢都唔在意。直至最近，佢好認真咁打黎話屋企人有閒錢想買樓，問我樓價同地區的問題，當然我都其實幾無所謂咁分享，之不過我又感到佢的老問題又出事，那種沒耐性的態度，這次由佢主動問我的對話，可能維持了兩分鐘關於買樓的，之后又跳左去飲飲食食的內容裡，相信事情又會被置諸腦后。


係短短的兩分鐘對話中，我提出左一個我認為幾重要的觀點，就係每個細節其實都可以量化成錢，即你如果呢样又亂黎果样又亂黎，好容以就幾皮幾皮咁買貴左，到最后就可能買貴十幾廿萬或更多，所以當然我唔可能短短兩分鐘講晒比你聽，但你想知可能要出黎慢慢講。不過正正可能係咁大穫，無耐性的佢就應該嚇怕了所以就不得不轉去玩的Topic。


呢位朋友A其實只係一個例子，身邊呢段時間突然醒覺講買樓，要買樓又或者剛買樓的人突然有許多，而隊長係思考的過程中，其實都幾感概點解佢地咁遲先訓醒。老實說唔係話你一定要睇好或者要買，但作為一個香港人，好大機會係無可避免下終有一日要買樓的情況下，竟然要人到三十出頭先開始講買樓，然后先發現可能自己的人工對比現時的樓價可能已經脫勾了，但相反原來早於幾年前的時候是有機會可以上車的話，純討論一個人個wake up call其實可能已經為一個人定下了limit。


事實上，經過QE下過去幾年的升幅，唔好講楂住幾層樓的，就算只係買一兩層樓的人都已經可輕鬆面對將來。當你還未訓醒的時候，隊長我其實才開始做夢，不過大家的夢可能不一样，因為未訓醒的人做的是白日夢，而訓醒的人做夢是夢想的夢，而唔同的夢的距離，本來可能只是三兩年的時間，但實際情況下，而家可能已拉闊成十年或更長的距離了。