華麗的俾面派對


一個華麗的晚宴,人山人海的晚上,每個人都衣香濱影,明顯的代表各大公司的男仕都穿上西裝,女的亦悉心打扮,而我郤反高潮,穿著短褲赴宴。


事實上本來是一個誠意的邀請,盛請難卻下眼見都有一班高手雲集,所以亦推卻本身的安排前來赴會。邀請並沒有著名dress code,故此我繼續自己一貫自我的打扮,以短褲示人,那怕過百人的晚宴裡我有點格格不入,但我並沒有感到尷尬,反而有一點窒息和反感。


老實說,係財務自由的道路上,一個副產品就係令自己可以做回自己,而做回自己亦表示我有我自己的一套,無需帶上假面具去應酬別人。在晚宴裡無數的某某公司的代表,某某公司的高層拿著酒杯走來走去,價值疑似由別人的盛裝打扮,又或是公司的title而定位,當然那一身穿著out of place的我,在晚宴裡就只有那一群一齊敬坐未席的粉絲團唔嫌棄而容納,就算有佳餚酒菜,有深度的內容對話,都難掩我對這種每人掛上poker face的晚宴的不安。


是日晚宴的主角不是我,我也對做主角沒什麼興趣,不過同時我也沒興趣做茄喱啡。講真你沒求於我,我沒求於你,就算遇上身家比我豐厚再多的人,又或是只是抱著來支持的心態,其實我認為大家一敍只為遇上岩傾的朋友,而呢個亦係本身我出席的原因。失望的卻是我以為只有十數人的晚宴,變成了過百人的俾面派對,本來這十幾人的一桌是主菜,卻只變成了一個百人晚宴的一碟前菜,也許是我個人太怪,不過我認為這是一個浪費時間的晚宴,那怕招呼再周到,食物再美味,美酒再香甜,我都不見得enjoy,因為我就是我,而我的確唔中意呢種比面派對。


席間我同小陽亦有一段對話,是我個人最近的一個体會,因為每次和朋友放工食飯,我發現了很多時我都可以以優閒裝上陣。話說令我意識到呢件事的,係一個舊同學的聚會,我在电梯大堂遇上了同學,著住優閒裝的我,剛從裝修現場過來,褲頭仲扣住一把拉呎,而朋友問我搞乜時,我先意識到一桌朋友入面,大部份都是放工的outlook,而我卻是在搞放租的裝修過來。也許係其他人眼裡,只靠衣裝我應該是不會受注目的一人,但相反我卻認為這是一個自由的象徵,只有你有能力著成咁,是一種比別人更自由的享受,亦是在財務自由道路上的回饋。


所以我並非唔尊重場合,但在沒有dress code的前題下,有人會選擇以包裝示人,但我會選擇做番自己,不過呢样野唔係人人可以做到,更加唔會人人認同。點都好,還是要多謝邀請,y亦多謝各高手係席間過料,事實亦是一個很包容及很細心的晚宴,但就怪我個人太怪,我還是喜歡一桌dinner,十人左右大家風花雪月,總比起大家用包裝遮蔽眼睛的晚宴好一點。


---------------------------------------------------------------------------------------------------------

追加:

我諗好多人都好似唔係好明點解我要寫呢篇野,而我重申一點係可能上面唔係好"出"。舉個例,我呢家約你食飯,話比你聽有十幾人會join,只係為左大家傾計share樓市的睇法,當係呢個blog的聚會,地點係某某酒樓。

當你黎到時,先發現原來隊長我大排延席,搞左成百人的晚宴,而人地卻盛裝出席咁,但你地就變左我粉絲團幫我造勢,令我面上貼金,當然你地私底下傾得開心係你地呢圍粉絲團的事,不過可以自己代入下呢種感覺吧。

oh by the way,我唔介意著成點,不過我介意有被騙出黎的感覺,就算請我食乜都係咁咁話,唯一的得著係見到一班高手同枱食飯而己。



留言

  1. 你寫得這篇, 即係仲介懷其他人點睇你, 而你又要急住話俾人知你財政自由去化解這不安。

    回覆刪除
    回覆
    1. 你咪傻,我係介意晒左我成晚時間但沒能享受啊傻豬。

      刪除
  2. 你真係可憐蟲....

    回覆刪除
  3. 當你做到連去寫這文章的想法都無的時候,你先係放得下

    回覆刪除
    回覆
    1. 當你做到連去寫這文章的想法都無的時候,我諗我會close個blog

      刪除
  4. 其實無需話人地poker face, 話人虛偽,話唔同你對話係大家互不相干,比拼家底地位等等。。

    就只不過一個社交飯聚已,尊重場合也要穿得合宜。其實成件事可以同收租完全無關。

    回覆刪除
  5. 話人虛偽,話唔同你對話係大家互不相干,比拼家底地位等等。。 <----- 你會唔會係福爾摩斯?
    就只不過一個社交飯聚已,尊重場合也要穿得合宜。<-- 你有無睇清楚先寫?
    其實成件事可以同收租完全無關。<--其實有關, 不過你唔明.

    回覆刪除
  6. 即係咩人邀請你食呢餐飯啊?連係咩性質既飯局又冇講,讀者好難理解。

    回覆刪除
    回覆
    1. 你咪當我請你食歺飯, 咁你expect係咩性質啊?
      有幾難理解?

      刪除
  7. 有冇hints ,等大家將來可防避,不過識到高手,將來可能明蝕暗賺,緣份呢樣野難說

    回覆刪除
    回覆
    1. 我本身唔想煩的人, 我見個invitation有12人,我會assume 12人, 唔會再問, 諗住大家成年人.
      但你點會估到一個12人的invitation 變成成百人先得ga?
      唯一可避咪不停咁煩, 問清楚囉.

      刪除
  8. proxxxxxy.hk 嗎?一班早出世既lucky idiot/怪獸家長反佔中,自以為好醒睇唔起80後,其實長遠係同香港掘墳墓,不過,香港仍然可以吸人好大6豬來住,樓市好難跌,早D移民,然後租樓比港豬係外國住(相對地)平樓,其實都係提早得到財務自由既方法。

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力