逆向思維的升市部署


當好多人見到呢期盤源告急的時間,樓市是否準備爆邊迎接下一個升浪的時間,就會諗係咪時間買/再買樓,會唔會坐艇之類咁,呢個諗法點都離唔開一個"買"字,但隊長我腦裡面想反的就係諗緊個"賣"字。


低買高賣呢個概念我相信係人都有,之但係有幾多人真係係低的時候買,高的時候賣呢,就未必一定做到。當然你可以係高買更高賣一样賺到錢,又或者你可以再challenge更高賣之后會唔會要更更高買番咁,呢個係一個無止境的輪迴。但無人知邊一刻係最高最低,亦就算知亦未必比你食到最低同最高果一口價,所以如果你能夠係一定的時間內做到合理的低買高賣,都已經係一個半高手。


過去半年至一年,樓市一片愁雲慘霧中,大部份的人同分析員都睇淡樓市,但隊長仲係堅持叫人可以買入細價樓,當然係有能力的情況下隊長自己都食多左一間,而身邊的副隊長更係最低位(堅最低位)又食多一間,那是過去半年左右的事,當時並沒有人睇好樓市的。到現在,樓市似乎要進入再一次升軌時,又好多人心郁郁想買樓,但呢家也許係時候部署出貨或換貨。


記住,出貨唔代表睇淡樓市,呢样野我不停強調,因為操盤的情況下你會有跑快左或跑慢左的樓,亦會有資金的需要,個市升又好跌又好你都可以買可以賣,除非話呢家完全睇淡要全部出貨另計。但如果貨多的你,亦一直諗要換貨的話,你就會遇見一個隊長都考慮左好耐的問題,就係唔夠實在的買家。


半年前,一係就連買家都無,一係就西遊睇樓的買家但唔決定的充斥市場,你想出貨都唔知出比邊個,而且如果你想出,都可能要平小小走,果時係一個買家市,有錢有票的係佔盡天時。可惜,經過呢幾個月的洗禮,平盤全走的情況下,有盤呢家又佔番上風,呢家的形勢,唔計價錢黎講,係賣家市,你有盤就可以傾,唔難出貨。


係賣家市出貨有優勢就係我的成本低好多,成本包括我要吉左間屋幾耐黎等一個實客,以及我需要議價的空間。好明顯,你要我吉間我兩三個月黎賣樓,收少三個月租都算,比D Agent知你吉左三個月都賣唔出,一定比人挫到你老媽個B都爛的價先賣出,何必呢? 所以,隊長我中意企係有天時的情況下換碼。


可惜的係而家手頭上的盤大部份比SSD鎖死,能出的就等番一兩間,年底又有一間,出左唔同的屋我又會考慮等市靜小小先入番,呢個就係隊長的玩法。當然入番係入番個平D的野野黎套現,始終一買一賣成本高,一定要高2-3%賣,低2-3%賣先有水位,否則只係自己玩自己。






留言

  1. 回覆
    1. 換得貨一定有原因, 好好地一層樓就唔會換.

      刪除
  2. 唔係好明, 交易費用再加BSD 應該唔止5% , 高2-3%賣,低2-3%賣 點解有數圍? 除非有好多個人頭可以避左BSD

    回覆刪除
    回覆
    1. 買細價樓...香港人名, 只要DSD
      仲有你唔係真係諗住你換樓一蚊都唔用嘛?有費用係走唔甩的.

      刪除
    2. 你啱, 係DSD, 所以就係唔明, DSD 加埋交易費用, 我睇要樓價8-10%, 但只係高2-3%賣,低2-3%賣 點解有數圍?

      刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力