還九十后一個公道

而家社會上一直流傳一個潛偏見就係年青人一代不如一代，即八十后已經係廢野，九十后就更加係無乜值得欣賞，零零后就更加唔好有咩期望，慢慢新一代人接軌后，香港的優勢亦將會削減，亦即香港文化也會慢慢褪色同消失。


當然，好明顯大家都知用一代人去stereotype係一件好以偏概全的野，即如果你話八十后廢的話，well咁隊長都局住係廢，走唔甩。但問題係其實每一代人都有勁人有廢人，即如你見到吳亮聲吳克儉呢D質地都可以爬到做局長同立法會議員的時間，你又唔好講話八十前果D就一定係勁人，分別只係咁岩八十后九十后的人未擔正未坐正重任就比人label左姐。


點解突然間要還九十后一個公道，又或者九十后只係一個概念，但不得不承認係最近呢三幾年的青年人，唔計真係廢果堆唔知死左去邊果Ｄ計，有一部份係好有理想好勇於企出黎為自己的理想發言。發言呢一下，係后殖民時代的七十后八十后果堆人，其實比較內歛同有保留的，學黃秋生話頭，公民意識只係呢十年左右先培養出黎，七八十后的人除非是搞開政治，否則係比較薄弱是真的。


敢發言的令一個令隊長佩服的地方，係發言的內容的成熟程度亦相當有內涵，你不得不承認像黃之鋒的一個十幾歲男孩，也許你未必認同佢的言論，但佢講野的思路同內容，是相當出色同清晰。扶心自問，如果叫你要企係林鄭面前對質，你想想你身邊十多歲的年青人是否有能力可以做到呢？而面對黃之鋒的林鄭，亦其實輸了下來，輸的係因為面對一個你大可當係小朋友的對手，你本大可以打大人唔同小朋友計較的牌，或媽媽同仔仔的牌去接戰，以降低黃之鋒的內容說服力。奈何，也許大家心裡其實都明白，政府太多的不合理，林鄭亦百詞難辯之際，面對據理力爭的一個小朋友，也顯得朿手無策，這些事情如果係由長毛去做，大家覺得都理所當然，但今時今日的年青人如黃之鋒，也實在令人刮目相看。


其實走到今日，有時候我反而認為大家作為一個香港人，對於如果係政治冷感的屋企人，亦應該幫手實行家庭教育。像我屋企人為例，唔睇時事新聞的母親，只係見到一堆人成日衝擊立法會，像我的一位中學老師，也只係覺得好多人係度搞搞震，但大家卻沒有想過，我地的特首已經赤化，我地的官員局長，我地的議會已經赤法，我地的大律師公會已經有部份人赤法，我地的警察亦有部份人赤化，已整個城市更充斥住一D似是疑非的雜音，如什麼愛港聲音啊，有Ｄ阿毛走去港台示威啊，咩愛港力陳淨心的赤化人物同事情，如果你唔跟蹤時事，只掛著牌號你實在分唔清佢地做緊乜，但如果有一日有個叫「我愛香港」的組織掛著旗號要黎毀你家園時，你唔好怪無人幫你，因為你一直都無知地無視有呢D人的存在。


其實赤化本身係完全無問題，我亦唔否認我是中國人，之但係香港文化是中國其中一個更成熟更有優勢的文化，是值得被保護，保留，以及珍惜的。學張寶華話頭，如果中國果套係好的，你估我地香港人會反抗，會唔接受咩？問題係你用唔好的野，迫我地去將原有好的野放低，這才是問題的重點。而且，迫的過程更加係無所不用其極，官員就按"老細"提出意見，係立法會就靠保皇建制派議員合埋眼點頭，係民間就利用唔同的組織係混淆視聽，企出黎的就以警察執法滅聲，網上的就施以網絡攻擊，但只要係支持政府的東西就合法唔合法都無問題，但任何反對甚至只係想討論的聲音，小則公開遺責，中則網路攻擊，大則相信更好以拉人封鋪，所謂的公義早已經蕩然無存。


係呢一個抗爭過程中，上一代的人反對聲音很少，我們八十后的，有部份人會當作視而不見，但值得敬佩的係九十后有較多的一群人睇到並勇於為香港的優良傳統去作戰，這需要好大的勇氣同能力，亦係一個值得隊長敬佩的行為，所以如果你無做過乜去維護你在享有謹有的自由和公義的話，請還一個公道比九十后及年青的一代，因為在作戰的佢地係為你我所愛的香港作出無私的奉獻。